外野手 (已結業)

已經愛上這間日式放題了，由觀塘吃到這裏，無他，因為這裡感覺上大點，服務好點﹗本身諗住唔 book 位，因為上次 book 20:30，去到都有位﹗不過心諗 book 0左無蝕，所以 book 0左 20:00﹗服務員姐姐仲話用 cash 俾唔駛加一，正﹗去到真的人山人海，不過 book 0左位，所以唔駛等﹗一去到已經 order 刺身，開頭上菜有點慢，可能真係人多﹗等了十分鐘，終於有得食啦﹗三文魚刺身依舊又大又厚又肥﹗北寄貝刺身好美味﹗八爪魚刺身好爽﹗其他燒物都好正，不能盡錄﹗埋單每人 $168，下次一定會再來吃﹗

這間日式放題已到過不下十次。水準都可保持，尤其係刺身，夠厚及新鮮。我對刺身尤其重視，但每次到來，都可保持份量、厚度和新鮮度，難得。天婦羅脆粉不太厚，可以；但近來啲蝦細隻咗，肉又實，仲要用竹簽來支撐，退步咗。炸物及燒物都可保持以往的水準，牛脷夠唸和入味；而其餘的份量就少咗哦，要叫多幾次啦。壽司及手卷，我個人就唔係咁好，不過我見選擇仍多，見隔離枱都份量十足。甜品反而多咗布丁，味道唔錯。紅豆涼粉，一直係餐後的必食，保持；豆夠唸和不太甜。其他飲品，啤酒或汽水，價錢唔貴，尚可。不過以前試過包埋汽水的，可能成本關係吧!!最後係依家的日式年糕，唔滑又周不時有魚腥味，咬口亦唔知似誰，痳痳。反之，從前的芝士日式年糕，面頭輕微燒吓，內裏軟滑又有芝士味，己無法回味。得閒可多啲向收銀姐姐反映吓啦，希望可改進。

星期四跟朋友談起想食宵夜自助餐.最後竟然變了訂枱吃日本放題.星期五準時七點到達,首先店員介紹如何劃食物,立刻點選刺身.刺身有三文魚,北寄貝,甜蝦,鮑魚片,油甘魚,蟹子魷魚,池魚他他,立魚,珍珠帶子,榮螺和八爪魚.最好味是三文魚和甜鮮,真是很鮮甜壽司推介火燒三文魚,加了芒果汁好開胃.赤貝壽司也好鮮甜熟食首推芝士蕃茄餃子.茄汁酸酸咪咪好好食.還有,可樂骨好像豬頸肉,煮得夠入味,幾好味道.辣汁煮螺一般.對我來說太辣了.土佐豆腐唔算滑也炸得唔夠熱.綠茶冷麵太大碗了,唔會煮得太淋且夠凍.只是汁太多,多到似湯.汁燒魷魚筒唔算太乾,又唔會太韌.雜煙肉焗雜菌焗得太乾,麻麻地.芝士魚餅入口軟綿綿好像在吃綿花糖.只是略嫌芝士夠不夠.炸物中最好味是青椒,唔會好乾又燒得夠脆.雞軟骨和椒鹽魷魚鬚也是粉多肉少.腎片燒得好香口.燒雞翼醃得唔夠入味.燒粟米的粟米好鮮甜,唔會燒得過火好乾,炸餃子太乾唔好食,殞石蝦球名字特別食味唔特別.咖喱薯餅咖喱味算多.打邊爐的湯底的豬骨湯底越滾越鹹,羊肉中的羊氈味太重,蝦幾新鮮還會跳來跳去,最好味是m3澳洲牛肉,肉味濃.只是那個湯越滾越鹹,最後放棄了.甜品紅豆涼粉,紅豆幾淋,只是略甜

環境︰★★☆☆☆舖頭的位比較密雜，枱同櫈都好細張。有次拎住好多野都要搭枱。食物︰★★★★☆午市我叫左個「三文魚飯」竟然變左「三文魚扒飯」，真係意料之外。夜市有「任食」，見到刺身都好大好豐富。熟食都好有水準。價錢︰★★★★☆午市平均消費都係HKD45-80不等。晚市平均消費HKD100-150不等。

最近佢新推出優惠，冇刺身放題，$106+10%，雖然佢叫冇刺身，但我地6個人去到都送左2碟三文魚刺身比我地過足口癮！天婦羅、串燒、壽司仍舊好味，熱食仲改左菜單，以前冇既辣酒煮花螺(好辣)、芝士魚餅(好似咸棉花糖，好味好得意)、7味魷魚(一般)等等新款式，都好有新鮮感！以$120食到咁多刺身以外既菜式，真係好抵。希望佢日後都可以keep住有呢個2個劃分價，可以令唔食刺身既人都可以幫趁日本菜放題

呢間外野手都食過超過十次水準穩定....記得男朋友第一次帶我黎食食得好開心,因為覺得好抵,果陣應該係$128加一刺身都新鮮,壽司都好多款式不過而家越黎越貴啦好似$158加一冇左之前抵食既感覺不過食物質素都冇差到既....但都冇好到囉!刺身樣樣都唔錯,尤其甜蝦但就冇赤貝...和牛壽司、雞軟骨男朋友好鍾意我就最鍾意食佢既明太子壽司不過次次叫兩碟黎一碟,叫三碟佢都只係黎一碟而花之戀就麻麻..可能係佢d沙律醬太少有一次同朋友黎慶祝生日佢送左個蛋糕..其實已食到好飽不過個蛋糕幾得意..好似炸蛋糕咁,有脆脆口感但食少少就好同埋呢度冷氣好勁要去食一定要帶多件外套!總括黎講我都會再去食不過價錢貴左就唔食咁密lu

之前食過幾次官塘o個間,今次黎新蒲崗呢間試下,星期日o既8點黎到,等左大約15分鐘就有位,呢度比官塘好坐,冇咁逼,而且商場toilet亦比官塘好好多~~!入返正題....魚生好新鮮,三文魚,甜蝦,細帶子,呢三款我最鐘意,天婦羅即叫即炸,熱辣辣,正~熱食都唔錯,可樂骨,燒牛舌,呢兩個好得~~成晚食左好多野,唯一係個炒雜菜唔好食,唔知點解苦苦地,可能炒燶左~~~$168加一,呢個價錢都算抵~~有機會會再黎~~!!

上年食過, 好似$128加一任食, 星期一去到, 佢話假期前夕, 要$168加一, 我同女朋友兩人夾埋收$370, 呢個價入去之前已經預左, 但女朋友話未食過, 於時就決定入去食夠本我地兩個都唔係好大食之人, 冇預期一定可以回本。對於一年前己經幫襯過幾次O既我來講, 只係希望食物比之前新鮮, 同埋多D款式...一埋位, 見到菜牌冇多到食物, 反而雪米磁冇得任食, 已經唔係咁高興。到點幾道刺身之後, 發覺佢根本毫無進步, 女朋友都認同立魚唔新鮮, 北寄貝, 三文魚普通, 我就更加覺得佢D帶子有異味...食到一半, 女朋友話想試下壽司, 咁我見到菜牌上有和牛壽司, 就叫一個試下咩味啦。三個字過去, 其他食物都到齊, 唯獨和牛壽司冇出現, 咁我唯有催下佢, 並且再叫多碟啦。好了, 佢地終於肯俾碟和牛壽司我試, 我食過之後覺得味道幾好, 係唔係真係日本和牛已經唔重要, 於時又好期待第二碟O既來臨。如是者過左四個字左右, 我又再催下佢啦, 點知個侍應同我講話冇晒和牛, 真係有少少懷疑佢係咪有心限制每抬叫O既高價食物總結$370呢個價錢足夠去另一間非放題店食餐好, 無必要去一個偏避地方試食如此普通

今日係國慶日,我同男友都唔選擇出去同人迫睇煙花,而去左佢好朋友極力推介既呢一間餐廳"外野手"度dinner.第一次去,今日都好爆場,可能係公眾假期既關係.因為今次我掛住食&睇電視,所以都唔記得左幫d食物影相.但大至上既食物種類都好多.Eg.刺生,壽司,手卷,天婦羅,炸物,小食,拉麵,沙律,甜品等...Overall黎講,呢間餐廳d食物質數真係唔錯,而環境都算乾淨&衛生,無出現漏單情況,服務態度我都好滿意.因為我男友食壽司時整散左舊飯,碌左落地.個侍應都好快手攞左個地拖清潔左.另外,亦都好醒目咁經常為我地加茶,唔洗人叫.雖然位置響新蒲崗,但係價錢都acceptable.晚市既任食時段(2 hrs)6:30-11:00pm,星期一至四就$158一位, 五六日&假期就$168一位,另加一服務費.呢度確實係食日本任食放題既不二之選,相信我地下次都會選擇再去.

８個人尼食慶生日(6日後正日)點知道生日優惠只可5日前後....其實我地8個人尼就唔好咁斤斤計較啦!!係咁食 都幾多野食但係明明點菜紙寫到好清楚份量,刺身1份=2塊但佢根本就冇根住我地落ge量比我地我地寫2份甜蝦佢比十幾隻我地...天婦羅呀 壽司呀都好味~新出左d火焰三文魚&牛壽司不過叫左之後十世都唔尼, 等到第3round先尼真係...過份左d冇左以前個牛肉鍋真係好失望不過個牛舌同埋個燒粟米好正!!!168加1 飲品甜品另計差唔多200蚊個人貴左好多!!!將來都會再食但少d食喇 ~

同朋友講左好耐想去外野手試試, 久聞其名. 有晚去開觀塘耍樂, 當然外野手係不二之選. 但那一晚觀塘店已full booking, 睇落得好少位, 侍應話最好book左先黎, 所以過門而不入. 如是者, 朋友中有位硬頸之人: 今晚非外野手不食! 結果由觀塘飛的去新蒲崗.經過一番波折, 黎到當然要大吃大喝, 盡興而歸刺生: 三文魚、甜蝦、八爪魚、北寄貝等等, 都非常新鮮兼大件炸物: 海姥(蝦)天婦羅、蕃薯天婦羅、茄子天婦羅、炸雞軟骨、吉列生蠔等等, 即叫即炸, 還熱辣辣, 推介之選, 均非常美味鐵板燒: 牛油帶子、板燒雞扒、雞肉串燒、鹽燒鯖魚等等, 屬一般貨識, 唔值得再encore壽司: 有多項選擇, 但最好不要有太大期望基本上一至五$158, 六日$168連加一都under$200, 有咁既質素已好好. 個人較推介刺生同炸物, 屬必encore之選. 美中不足的是冇任飲, 不過+$5就有汽水, 還是化算. 環境方面可能較嘈, 有電視娛樂, 適合邊食邊吹水既人; 服務方面都ok, 冇漏單情況, 亦主動推介菜式給我們. 會再去

最愛食呢度o既三文魚飯整碟都鋪滿三文魚, 真係好滿足咖哩牛肉飯o既咖哩好夠, 第一次叫咖哩飯, 怕唔夠汁, 所以要求侍應多汁, (我個人喜歡多汁)一黎度好似湯飯一樣, 好開心, 第二次都唔需要再叫多汁又食過烏冬, 烏冬煙"un"都好味生日時, 曾食過自助餐, 聽聞以前有任食雪糕, 任飲但已經冇左lu不過book枱時, 講明有人生日, 會有一件小蛋糕呢~唔係食得好多野, 食自助餐都係多d人食開心d~

第三次來食, 覺得價錢和食物都不太差午餐叫左(三文魚魚生飯+可樂網燒骨烏冬)三文魚魚生飯送燉蛋+麵鼓湯+野飲烏冬送兩件鰻魚壽司+野飲佢d烏冬大大條,幾好味可樂骨第一次叫味道都唔錯而且份量都幾多下一個人都食唔晒魚生飯D三文魚都算OK不過我撈得太多Wasabi搞得D飯好辣唔食得D人千企唔好撈咁多啦新蒲崗來計環境都算好服務態度 - OK到餐時間 - 都唔係等左好耐~OK

昨天是老公生日,我們在外野手訂了檯,坐低後,侍應生解釋完收費及點菜的事後,便問我們是否有人生日,叫老公比她看了一下身份證的日期,飯後便送上雪糕旦糕了,有驚喜.(在場全場爆滿,也有幾位生日人士在此慶祝,在此吹蜡燭呢~)留意是分時兩個時段,記得訂檯,walk in很難有位~成人 158 / 168 , 小童 98,另加一,不包飲品,但~一般飲品才5元一杯,抵比啦~韓國啤酒20元3罐,日本啤酒10元1罐,熱Saki好似係25元一支.第一轉叫了好多刺身,因為,我與老公也愛吃刺身的,三文魚幾新鮮,幾好食~如果您們也是刺身迷~吃刺身都足以回本的了~炸海老天婦羅,吃完一轉再叫了一轉~蝦又新鮮,又幾大隻,可惜的是個脆漿,比較像中菜炸生蠔的漿,不過~都幾多食~笨笨的叫了4個手卷,拖羅手卷及海膽手卷,需然D料很少,但~以這個價錢有呢D比您食,仲想點??不過~不建議吃,因為,吃完後太頂肚了.燒雞翼原本是叫比個女吃的,可是太干,個女都唔吼~總括而言,外野手的日式放題比較適合"當天生日"人士去,除了刺身,"部份"壽司,海老天婦羅好吃外,其它的只是一般,不過~"它"的好處是價錢平,上碟快,真的任點任食,(只要您個

14.5.2008 星期三晚上的生日飯,梗係肥豬陪我過啦~~之前大家晌度諗哩餐生日飯去邊度食的時候,不約而同都諗起不如去"yo手"...點解叫做"yo手"呢?? 你睇下佢個logo就知道架啦~~~!! hahaha我地都係第一次去食,唔知去邊間分店好,最後選了新蒲崗,因肥豬話都成年都無去過新蒲崗(之前佢公司晌度)。book左7點半,我地7點10先去到,哈...侍應好好,問我地係咪第一次食,跟住就好詳細咁講解係點樣點法。原來刺身係double咁上,即係你寫1,佢就俾2;你寫2,佢就俾4,如此類推...好,明白晒!! 開始~~!!我地一開始都好規矩,睇清楚有咩岩食,食幾多先至落手點~~食左咩就唔講啦,可以揀一d重點黎講下:1.個人認為炸物係咁多款食物中食準最高的,尤其係個o個南瓜薯餅,真係好好味呀!!所以食到最後即使我已經飽到嘔,我都要叫多次哩個薯餅!2.刺身新鮮,而且份量亦ok,唔會話薄到張紙咁,絕不欺場架! 個珍珠帶子好得意,細細粒,幾好味! 壽司亦可~3.燒牛肋骨串有點乾同韌,可以唔洗食; 一口燒帶子亦麻麻,唔夠香,唔夠味道;炸軟殼蟹的炸粉太厚了;夢之竹(即係蔥拖羅+蟹籽)個督拖羅真