外野手 (已結業)

早知睇了食評一定不來食了, 真是好差!!!出開來探朋友, 任叫任食,見沒咩人食,就想住一試,158位, 加一服務費, 見接待員幾好禮貌介紹, 就入去一試, 預了是水準平平, 說明限時2小時要結帳, 好在一路都有人加水, 食物來都好快, 點了刺身幾好味,都好大件,但是油金魚有骨, 熟食來說,一口帶子沒牛油味, 好乾直情似乾瑤柱, 吃完成晚口乾, 最衰是壽司, 嘩, 火燒和牛, 個味好怪好騷呀, 再吃花之戀人,d飯是濕, 一夾就散開, 個一刻已經打算, 結帳走人不會再來,就是此時有個戴紅色頭巾員工, 就走過來說我們食餘d壽司飯要計錢, 嘩!!!我心想有味怪點食, 她重要說如果只是想食魚生, 就叫刺身,叫我們不好再叫壽司, 我即時同她說, 我不會再叫野食了, 您結單了(她重是咁說我們不好叫壽司了,完全不聽見我說結帳), 她行開之後我再看下點食物單章,原來夾了一張小小張黃色卡, 寫了食餘野要罸錢, 反而食物就沒圖片介紹, 出來個樣好麻麻了, 最怕牛油炒魷魚鬆, 只是4件魷魚, 其他全部是配菜, 我結帳都想,嘩!!!食餘配菜不通都要計錢呢???180元食完一肚火, 重要比人教訓一餐\, 加恐嚇罸

我食左佢好耐..由佢開食到宜家..宜家冇左一鍋鍋既湯OR粥..又冇得打邊爐.D壽司幾令..味道唔錯,,不過加左價..都係生日去食最好..因為生日去有蛋糕同有野飲個雪糕..之前同朋友慶祝..好好玩..因為我地多人..又訂左位..佢俾左間ROOM我地^^好好玩..唱生日歌果陣又有一齊唱...服務好!!

都唔係第一次幫襯外野手, 但係D服務一次比一次差,上星期同幾個Friend 去食, 要茶冇茶, D姐姐仔叫又唔應, 行過就算望到你叫佢當睇你唔到, 嗌埋單等o左成幾個字先有人理！咁都算喇, 鬼叫自己貪就腳同埋以佢o地o既價錢算中低價咩.今日咁o岩有個同事生日, 諗住book位食晚飯啦！點知接電話個位姐姐態度其差, 想問一問食自助餐每位幾錢同係咪大小同價o者, 佢淨係嗡比你聽大人個價, 我再問小朋友價錢果陣, 佢竟然唔答, 跟手笠電話！有冇搞錯呀,咁o既服務態度,唔忿就咪撈囉！如果佢地唔改普服務就算D野幾抵都冇用!!我同我班同事都話以後唔會再幫襯！

網燒可樂骨定食$48~一點可樂味也沒有,又肥又膩又燶外野手拉麵定食$48~一般般,不過略咸

o係新蒲崗住+做野ge我,去過外野手食野n次～二十八日又同同事去食lunch，叫左個芝士汁雞排定食～第一啖食落ｄ汁，有d芝士味，但唔濃，食到最尾，汁有少少仲變左水．．．似茶餐廳水準．．．偷食同事ge刺身飯刺身不過不失，唔難食又唔鮮，好味過我個餐～不過平平地，四十幾蚊，唔可以要求太高～另一個同事ge網燒牛肉,牛肉好難咬開...味道都ok ge...平日去食lunch係一個ok ge選擇,但想食好味ge野唔會去~

24號和bf去食,比平時貴,差不多$200一位野食不錯的...當然稱不上超讚,但這價錢來說已很好上菜算快,也沒什麼漏單情況,份量都ok,款式都算多

一行十多人由七時坐到十一時，差不多每樣都點了。魚生壽司都頗新鮮(除了飯較硬)，小食都ok，但有些炸過了頭，沒有什麼漏單，加茶都加得密。每人百多元的日式放題，坐足三個鐘，只要不抱太高要求，這裡都可一食。

琴晚又再一次幫襯呢一間外野手(其實都真係唔記得左黎過幾多次.呢間日本任食放題唯一俾我既印象就係- 抵!!係架, 你地有無諗過當你地o係呢間鋪頭入面, 拎住果張寫住"刺身"既紙仔上面每一項都寫個3字or4字. 過一陣, 你地就會見到一盤平時o係"百佳/惠康/citysuper"賣緊二百幾蚊既刺身o係你面前. 當然, 同citysuper比就可能差少少, 但係我可以講佢絕對比"百佳"同"惠康"既好. 而且我就特別鍾意佢既"鮑魚"同埋"榮螺"刺身. 真係好好食. 唔單止咁, 佢仲有一o的特色既小食, 同埋壽司, 可以話照顧到唔同食量既客人需要. 不過始終未能夠做到完美既係....第一, 以前有任飲, 而家就無; 第二, 佢以前好似有做"一口牛肉", 而家無做. 希望佢地可以再改改個任食牌頭, 變為任飲任食啦~~不過無論點樣, 食過之後依然會推薦俾我o的朋友試. 外野手,抵!

昨天朋友話好想去外野手度食，就順應她意思去果度啦。呢度有好多款刺身選擇，又任食，感覺都幾好，不過頭一輪點的刺身色澤很暗啞，三文魚也很乾，一夾可以斷開幾節！其他熟食都黎得好快，服務員也好禮貌和不停斟茶，算幾好。

近3年都係外野手fans，由新蒲崗食到落觀塘，以前$148都覺得抵食，而且發現觀塘好食過新蒲崗，之後都keep住去觀塘食。直至中秋節0個日，因為特別原因而要走去新蒲崗食飯。最後選左外野手，開始時男友都問我，既然加左價咁唔抵，點解仲要去？算啦，本住節日流流，放縱一次既心態，豪一次又點話呢!可能因為0個日做節，冇乜人食日本菜既關係，店內好少人亦都好易book到位仲唔駛限時。坐低叫菜，發現菜單設計唔同左，連食物都有轉，我鍾意呢樣新意，起碼唔會食來食去都係0個幾樣!叫左一向食開既食物，發現刺身、天婦羅、同前菜質素都好左，尤其係蝦天婦羅同螺肉，可能係轉左師傅同食品商，所以好味左!原本仲想食新式壽司，但因為太飽而冇食。2個人好滿足，埋單$350，大家都不約而同地認為新蒲崗可以番兜，打敗觀塘分店重振聲威啦p.s記得坐房仔，冇油煙味亦都唔太迫

今次係第三次去食,book左6:30,但都已經有好人食緊,我地一行五人,座房仔,幾張台,所以都好闊落,座得好舒服,就因為係星期六就$158一位加一飲品5蚊杯..四位以上如果有剪書既贈卷,會送一板海膽,不過薄到好似張紙咁,無乜味..呢個價錢其實唔算貴,因為有好多野食^^,刺身原本有十一種,三文魚,油甘魚,立魚,甜蝦,八爪魚,鮮鮑魚,池魚他他,蟹子魷魚,榮螺,珍珠帶子,不過而家少左北寄貝,得返十種..所有刺身都勁新鮮,同埋無論你幾點黎都會不斷供應,唔會好似其他店咁食食下又無呢樣無個樣,呢層你絕對可以放心,我十點走都仲有人等緊位..其餘既仲有好多種壽司,今次我食左幾次花之戀,好正,因為平時出不面食都幾廿蚊得三粒仲要細細粒,係呢度食值回票價啦..海老天婦羅即係(蝦)炸到脆而不油,可以一試..同埋可以介紹下呢到既秋刀魚,其他地方食係無春既,但呢到條條都有大大舊春,不過好高危鐘意食既要適可而止勒^^今次食既牛肋骨好正,好林,好入味,不過有時會好快無,叫就叫多d勒..炸餃子勁香,南瓜薯餅甜甜地幾可口..帶子一口燒好香,用鐵盆仔上好熱辣辣..湯拉面d湯好濃好正..七味軟殼蟹成舊隊哂落口好味道..蒜蓉炒

刺身:三文魚,甜蝦,八爪魚, 鮑魚,池魚他他,蟹子魷魚,榮螺,迷你帶子,有d未溶雪...........仲試左:七味雞軟骨: 硬!硬!汁燒牛舌,好loan炸蠔:正!南瓜薯餅:好油!秋刀魚: 真係好好食炸軟殼蟹:都幾好食帶子一口燒:同和民一樣不過唔熱燒雞腎: 唔錯!燒牛肋骨:好好好咸#_#燒魷魚筒:好好食.醬油好味可樂骨: 好好難食竹筒飯: 好好難食....腥架!涼粉做總結價錢稍貴encore會keep你d單唔比咁多份你環境比較迫及惡劣

今次又去食,d野食都好ok,d刺身都係咁好味,好多選擇..但座位就唔洗講啦,一個字(((迫)))...同埋價錢就不斷係咁升囉,之前平日$138而家平日就要$148,之前假日就$148而家就要$158,加一...而家去酒店既金田食都係$178,仲要有羊扒,乜都有..座位仲舒服多多聲很添,..如果價錢再係咁貴落去,你去埋我個份咯..

七月一號同啊爸啊媽黎左呢間外野手到食,呢間野一定要訂台,你求其行上去唔洗指意有得食,佢係有幾個鋪位,一間鋪仔有幾張台,如果你真係想傾下計既就唔好選擇呢到,因為呢到好嘈,d台都排得好密麻麻..重點,所有刺身都好新鮮,呢到刺身有十一種,好多選擇.我隻隻食暈哂..刺身就有,三文魚,油甘魚,立魚,甜蝦,八爪魚,北寄貝,鮮鮑魚,池魚他他,蟹子魷魚,榮螺,迷你帶子,所有刺身都係厚切,值得一讚,不過唔鐘意食薑既人千萬唔好叫池魚他他因為撈左好多薑>_<''其他食物方面,七味雞軟骨,好香好脆..鹽燒雞翼,燒得好香皮好脆,不過,可能大隻得滯有血水..汁燒牛舌,好焾但甜左d..炸生蠔,炸粉比較厚..南瓜薯餅好正,炸餃子係勁香同好脆而不油..秋刀魚加少許檸檬汁,人間極品..炸軟殼蟹好甜成舊食哂..蒜蓉炒雜菜,好香有金菇同椰菜帶子一口燒,用鐵盤仔上好得意,熱辣辣..不過都有少許食物唔係好得,d燒雞腎就好un如果有假牙真係咬到牙都甩..燒牛肋骨就好暨咸,燒到過哂火,燒魷魚筒都好un..可以試下d湯拉面,豬骨湯好濃,不過係無料拉面囉..其實仲有好多燒物但你往往都試唔哂因為都飽哂咯..同埋呢到有好多壽

剛剛吃完加價主要係飲品由十蚊三杯變成五蚊杯d 魚生仍然ok 天婦羅仍然好味特別係多左好多壽司款色愈來愈多人去食請訂位今日去到差d無位