外野手 (已結業)

１３８蚊任食～我食過好多次～質素次次都好好最喜歡是海老天婦羅任食海老天婦羅真係好抵整得又好味生日果陣去仲送成台任飲飲品tim～不過千祈唔好要佢送的壽司生日蛋糕唔好食之餘~ 食完你都食唔落佢其他野啦~平時就10蚊3杯野飲~ 都好大杯

剛轉工的朋友工作有點壓力，約我食飯傾吓計發吓牢騷。要找個地方邊食邊傾，突然諗起呢度。百零蚊既任食日本野，質素一定唔會高得去邊。不過只求邊食邊傾，又有多種食物選擇，這都是一個可取的地方。我們每樣只要細細碟，務求試多幾款東西。刺身、軟殼蟹、清湯牛肉鍋、雞軟骨、牛脷、八爪魚丸等等。整體來講算不錯，刺身大部份幾鮮甜，牛脷夠淋夠入味，雞軟骨也有口感。服務是比較差的一環，侍應收杯碟沒有先問客人，明明未吃完的雞軟骨都收起了，還有朋友的那杯利賓納仔仔也是一樣，絕對要扣分。不經不覺都吃了兩小時，雖然人多，仍沒有趕客的動作，這點還是要讚一讚。

好少食呢的buffet，因為我唔算大食，所以覺得buffet唔抵，呢次係有人請先去。食物都算新鮮，至少第二日都冇特別野發生，因為我個腸胃好敏感。不過個北寄貝有沙，食一隻有，再試第二隻，重有！好似大多數港人咁，食buffet都係為食而食，最多都係熱下，真係冇太大既興趣！

早幾日同朋友去外野手食, d 野食同服務都ok但係我地食完, 走個陣去廁所入到去見到有班廚師之類既人痞係個尿兜隔離煲煙咩胃口都無晒

i've been there for several times already. the sashimi are very fresh. they serve quicky. lots of choices. Tempura shrimp is very good also. very reasonable price!

雖然我未去過食.不過,路過兩次見到呢間鋪頭處理凍食的情況,真係唔敢入去了.大約早上十點去圖書館前路過,見到把北寄貝(個袋出面用黑筆寫住)擺入個竹簍,然後隨便放在門口(當時未開鋪),個商場雖然有冷氣,但好明顯一定唔夠雪櫃咁夠凍,見到咁的情形真係沒有意慾去試了

睇過食評已知唔差，去到好彩有位，可能係閒日啦，我地坐低無耐就點晒d刺身、壽司、串燒、炸物、飲品等等，老公就去toilet。其間d飲品到先點知個waitress好唔少心咁打爛o左，搞到成地玻璃同汽水，佢地仲猛咁say sorry....冇整到我隻腳就算數啦。老公返到o黎d野食都到o左d：刺身：款式幾多，又唔限你叫幾多款幾多件~三文魚最好味，北寄貝、甜蝦果d ok啦~壽司：舊飯唔會太大，鰻魚最好味，仲有其他特或d o既e.g.炸蝦卷炸物：我自己好欣嘗呀！因為好多樣都好味，炸蠔、雞翼、蝦丸....尤其軟殼蟹，真係好正~天婦羅：淨係食過蝦，但已經好正~唔會太油。仲有其他野鍋物就麻麻地啦，八爪魚同螺肉小食都好味~我地都唔知叫o左幾多round，淨係刺身都食唔少，總括係幾抵食同幾好食，我由7點3入座冇限我食，我慢慢食睇埋神鵰先走~期待下次再去....^^

確實係三文魚最好食但係服務就真係唔得, 有個粥同魚真係難食到乜咁, 我地都有衣食, 淨係食剩少少, 都算係咁啦, 叫佢啲人收左佢, 我地都未出聲話好難食, 佢就話我地食剩左喎, 下次覺得有問題就唔好叫喇, 嘩~~~~ 火都黎埋......跟住仲有好多好多小動作及小問題, 不能盡錄AND 野食真係一般, 咁嘅價錢, 出旺角食好過, 仲正~~~

前排有朋友生日~一行十人黎慶祝~因為假日關係~所以都FULL哂~好一早BOOK左位姐~生日有壽司蛋糕送~味道一般~不過好過冇~而且WAITRESS們都好NICE~幫我地影相~TICK紙仔點菜~刺身新鮮~壽司飯細細件~唔會話撐飽你~三文魚最好食~其他就一般~百幾蚊黎講淨食三文都抵~特別要讚既係份量岩岩好!~寫幾多真係俾幾多你!~唔會唔夠食~又唔會浪費~上菜效率快~熱食真係岩岩整起既!~可能有時會等得耐少少~不過即嗌即煮喎~算係咁啦!!~推介蝦天父羅~超正!~有飲品送~蜂蜜綠茶~烏龍茶~金桔綠茶~汽水..ETC啤酒要另嗌~不過都幾平!!~有甜品~推介紅豆餅~唔太甜~記得趁熱食!!~OVERAL以咁既價錢有咁好質素真係值得一試!~

今次係第二次去食放題,平時有時都會去食散叫,但今次去已經加左價,要$148一位.今次覺得無第一次去食咁好,不過食物上得幾快,可能o尋晚唔算多人啦!不過如果佢加左價,我覺得應該包埋飲品就仲好喇!P.S. 但o尋晚食完,有兩個fd返去都有疴啡啡!另外兩個就無事!

外野手真係好食同抵食，我同女朋友專登出新蒲崗食。食物唔錯，好好美。刺身好正好新鮮，炸物好新鮮可脆，其他都好ok。生日去有壽司蛋糕食，算係幾特別。環境麻麻地，好多人食，分開幾間舖員工有時太忙。可能係星期日，有時限，8點要完但係7點本就叫Last Order。好彩個芝麻雪糕好好食，乜都補返。

我同屋企人都經常去食，但我o地都冇試過肚屙喎，最鍾意係佢o地d刺身好多種類，天婦羅又係好好味，即叫即炸所以好脆，但係試過佢o地d串燒就覺得唔好食，燒到d肉好乾同埋醃得唔好味，肉質有d霉，但整體都叫抵食o既，淨係食刺身已經值回票價啦(相比起美麗華商場o個間todai，外野手真係好食同抵食好多)；不過另一樣美中不足之處係地方好細，如果d舖位全部打通哂就好喇！

我每次去都係食放題,百幾蚊任食唔算貴~刺身幾新鮮,三文魚肥美、蝦鮮甜。熱食亦不俗~生日去時,會有野送~唯一唔滿意係地方太細。

見到網評都寫得唔錯咪去試o下囉...不過我地3個人食完冇幾耐都好肚痛,去左over 2次!!一去到見到間野好細間,睇落好cheap...入到去環境好迫&好嘈,食物款式都ok多啦..d魚生都幾新鮮,炸蝦最好味(好大條)...整體黎講:食物幾好(都算抵),服務ok啦,環境麻麻(唔係咁舒服)...但都好多人食...最大問題係食完挍肚痛囉...唉~

我個日去到新浦廣場, 諗住食下日本野。於是上去外野手見到佢個放題價錢都好合理，就想上去試試。 我一個人入到去，見到好多位咁就諗住座定定叫野食。個侍應問我食乜, 我就話食放題。佢就同櫃台講下，就走埋來叫我話無晒位。但如果散叫就可以??!!@@... 係咪一個人唔食得放題先! 咁我就好無奈咁就走左。我覺得佢地好差，你外面寫明話有放題,入到去又有好多空位，咁點可以唔俾食呢?咁系咪放題係咪要好多人先可以食先。