夏麵館 (已搬遷) 新店位置

終於試了這間勁多咸評的餐廳，感覺是：還可以!　那是星期六的下午四時多，食客不多，所以不用等位就有得坐。店的裝修講真幾夠style不錯的，位子就比較窄，我們坐卡位就好一點。四人食：　煙燻蛋-溏心充溢、口感細滑，是幾美味的一味，不過$22只得一隻蛋，似乎貴了點~　涼拌粉皮-真的就只是涼拌粉皮，一點其他食材如青瓜絲、雞絲都沒有，只是配以麻醬，以及另一款辣油肉醬，還可以。　擔擔麵-店方做不到我們加辣的要求；然而湯底有陣麻香，麵質又彈牙，質素都令人滿意了。　韭菜豬肉兩麵黃-特地一試兩麵黃，卻覺與炒麵無異，而且論鑊氣很多茶記都做得更好!一試算數~　小籠包-我很怪，比較喜歡厚身少少的小籠包，所以很滿意這裡的出品，而且肉汁的確鮮味抵讚!　紅油抄手-一如大部分食店，紅油不太辣，吃來很普通無特別。　擂沙湯丸-催了多次，等了至少15分鐘的甜品。由於是新鮮做起，芝麻餡料又熱又香，味道幾好的，是個滿意的句號。　這頓下午茶埋單$250，以食物味道與份量計，在elements內算是抵食。不過服務的確是個問題，由於食客太多營業時間又長，侍應的倦態相當明顯，反應與態度自然會差一點。還有另一個問題，就是夜晚時段超長的人龍

I'm not member, but I think everyone who have gone there can comment on it. Food actually is not cheap as quantity is smaller then normal. The main point is that the TABLE ASSIGNMENT SERVICE IS REALLY BAD, a lady table assigner assign 2 of us to a small wooden table then disappear, we have to stand beside the table to wait for waiter to clean up, when the table with sofa beside have seats and we request for change, a waiter siad it is already assigned to the next customer, I ask him how many pe

早排選了周三與朋友試這間餐廳，其實事先沒有check過食評，也不知道這麼多網友覺得不好，我們七點多到，拿位買電影票，約十分鐘後回來時已過了叫的號碼，但好在可以補位不用再排，侍應的招呼都不錯，問他們有什麼好吃的也沒有不耐煩，而且還主動幫我們剪麵。不過很可能是人多，我們後來要公筷等都要等比較久。我們點了一個排骨擔擔麵，一個蝦兵蟹將伴麵，一個小籠包和一個四嘉拷夫。高興見到排骨擔擔麵排骨分開上，因為最怕排骨被湯水弄濕，排骨炸得不錯，麵夠彈牙，湯底夠濃但不太辣。至於蝦兵蟹將伴麵即是蝦蟹拆肉伴乾麵，味道非常鮮美，吃得出是新鮮貨，而且醬汁有蟹羔，但要趁熱吃，因為冷掉會有點腥。至於小籠包，皮薄多汁，我覺得比起王家沙和鼎泰豐都好，四嘉考夫的醬汁也很惹味，要彈的是麵的分量較小，我們兩個女孩子叫四樣東西都是剛剛好。網友之前可能是店舖剛開業，員工未上手，錯亂一定會有，但我覺得現在的質素不差，我以後還會再幫襯。

星期六去elements行一行,見到夏麵館,太太話晌上海好出名,好好食,佢公幹時都娙常幫襯,晌香港見到,都想試試,七點去到排晒隊,走去行下商場,八點再去,重係排晒隊,肚餓要食飯,照排啦,排左廿分鐘左右有位,都係迫迫夾果種格局,不過裝修叫做唔錯.今晚左....(1) 煙燻魚($38) 魚身外皮脆,內有肉汁,算炸得幾好,不過味道頗淡,調味不足,應該叫炸魚,跟本就不是煙燻的造法.(2) 蟹粉小籠飽($48) 味道普通,冇乜蟹肉鮮味,皮比較厚,普普通通.(3) 清炒蝦仁($88) 味道ok,咸左小小.(4) 擔擔麵($38) 最差呢個,d麵稔pat pat ,冇厘口感,都唔及(黃埔中心詠藜園$17碗好食)如果鐘意食裝修,同埋唔再有迫迫0既氣氛,呢度係"唔錯"的選擇,間舖頭離開左發源地,變得非常之行貨,通街都食到0既味道,甚至乎更差.....唉!另外,唔知點解間舖咁多蚊滋,一路食,一路晌你d食物前面飛黎飛去,係咪請唔夠待應,請埋蚊滋仔幫手?重有埋單等好鬼耐,十幾分鐘,無端端泊多一個鐘頭車.

哇，個商場唔算好多人行，但呢間同王家沙就好多人等位。好在附近都好多凳同埋舖頭，可以比等位既人消磨下時間。由於我同阿暖都食左tea,好飽下。所以只係叫左一個片兒麵和一籠小籠包。兩個都好好食。碗麵其實係有豬肉同竹筍，湯底清得黎好有味，麵既質感亦不錯，份量都好大。小籠包又係做得好好，肉汁好甜，皮不太厚，但亦容易夾起。餐牌上的選擇不算很多，大部份的標價都是相宜的，只是小菜類訂價高了一點。我本來是想吃飯的，但發現只有一個炒年糕類和一個淨菜飯類，那時才醒起這裡叫夏麵館，所以主打是吃麵，其他的，自然選擇不多罷。埋單連加一連茶錢$75，算ok啦。

吃過此店數次了, 服務差, 漏單的情況沒發生在我身上。我到此店必吃蝦爆鱔背煨麵, 味道一流,我首次吃的時候,幾乎連湯都喝光。若要試兩面黃, 推介黃肉絲那款, 只需$48, 脆的和稔的麵條mix 得很好。小籠包也不錯, 味鮮多汁, 比美台灣鼎泰豐。在這個場以這價錢吃一頓又好又飽的, 這裡是不二之選。

昨天去睇傢俬,一行幾個鐘, 腳都軟曬,到九龍站方便乘車返元朗,來到圓方是第一次,順便晚飯和打個圈,這裹有不少看似高級既餐廳和飯店,六點幾,見到最多人排隊是夏麵館,差不多有三十人,但等咗二十分鐘就有位,都算幾快, 我們兩大一小,佢只收２個茶位,我地order咗1)招牌黃魚煨麵..一上枱時聞到醒醒地,但原來個湯入口好鮮甜, 個湯係奶白色,黃魚又好滑,個煨麵夠淋滑,直得推介.2)葱油拌麵..葱油夠香,麵帶煙靱,好有口感,不過少Ｄ油會好Ｄ.因為食完有Ｄ"溜"3)排骨擔擔麵..湯底夠香夠麻,排骨外脆內夠juicy,相當不錯.4)小籠飽...皮簿肉鮮,熱辣辣,仔仔爭住食.這裹食物真的好有水準,而且價錢部合理.服務OK啦,唔覺特別差,由落單到食物上台只係十多分鐘,唯一問題就是真係有"蚊滋"飛來飛去...走既時候依然有幾十人在排隊.

今次"微服私房"到近期OR劣評最多的夏麵館試食。此前在上海生活半載時已經光顧過上海一分店，吃過一些小菜和獅子頭麵，覺得麵湯是其出色之處。在counter取了飛，見仲要等9張，以為要好耐，於是去了逛一會，怎知道回來已經過了好多張。門口接待小姐再給我們另一張飛說很快便可以到。過了一會，她突然走出來禮貌地向我們解釋下一張是4人台，覺得我們5人不夠坐，所以suggest我們等下一張卡位。我們當然無問題，再等多一會她便過來說有張卡位快埋單並先收了我們張飛。所以未入去已經覺得服務不是那麼差。我們各自點了一碗麵加一些小食。我自己點了爆魚麵。魚麵湯很鮮甜，爆魚爆得剛剛好且魚骨不算多，麵條彈牙，感覺得到是人手拉。即使喝了幾口麵湯亦不覺得口渴，証明沒有味精。在上海時曾到過另一出名的麵家滄浪亭享用爆魚麵，如果忽略價錢，現在吃到的爆魚麵也差不多了。小食點了涼伴雞絲粉皮﹑小籠包﹑茄子。粉皮一般貨色，小籠包在香港來講已經算好，至少不會連湯也沒有。不過我認為可以更好，因為我是跟上海嘉定南翔縣那邊的正宗小籠比較(不是豫園那間叫南翔的"連鎖式遊客店")。茄子則味道剛好，是令人開胃的小吃。甜品點了擂沙湯圓和酒釀丸子，兩樣

回應P:真相或者我可解答, 因以前我曾在該飲食集團工作過. 該公司在香港開設了或購入很多頗俱口碑的餐廳, 如太平山餐廳, Jimmy’s Kitchen, Rei Sushi等. 夏麵館亦是該集團最新開設的. 所以可以說是和上海夏麵館沒有直接關係. 但他們從上海買了在香港開設夏麵館的版權, 開業前亦曾專誠派師傅到上海學藝.至於食物質素, 是跟上海夏麵館真的有很大差異, 還是因應不同市場而作出了某些調整就不得而知了. 亦仍未試過夏麵館, 所以無意籍此雪中送炭或落井下石, 故對各項質素暫時不願置評.

自己曾在開飯網評此間麵館,見到很多不佳評語,甚至劣評,剛好到附近工作,再去光顧,比之前略有進步,但為何這麽多劣評?看真點,絕大部份劣評都是由非會員或只得一兩個評論者去判斷,似有不忠實及其目的的評論,無論如何,應對任何店作出最公正的評語.

我亦到過夏麵館用膳,感覺亦屬一般,而它標榜的全國最佳食府,我對此亦存疑問,因最近到過上海,亦親身到過夏麵館,感覺上海的食物質素跟香港有頗大差異,於是查詢一下,該負責人表示香港跟上海的夏麵館完全無關,究竟真相誰屬?

我地的第一天就黎左新開既Element喇!!!唔知食咩好,因為冇mud source!~本身諗住食千兩架,不過太多人喇..而且男朋友仔又肚餓...呀,應該係我肚餓先係!-.-排左20分鐘左右就有位!我地叫左個排骨麵...個麵唔錯,唔係用機造..用手拉既...同埋原來個湯底係冇味精..唔怪得知咁清...好健康呢....仲有個雞絲煨麵...好大個麵比起排骨果個~都唔錯,幾多料!叫埋小籠包,都幾熱,又有肉汁...唔錯呀都!仲加埋兩杯豆漿,唔係太甜,岩岩好呢!!!不過呢度既service就差左d,d野食黎得內,而且埋單都要等幾耐!我地仲見到隔離枱野都未黎就走左人...

圓方開咁耐都末去過，咁路過佐敦，走上去睇睇。地方好大但食肆好散，要食咁係咁易。雖然食肆唔少但以Cafe、西餐較多，價錢貴所以大部份冇乜生意，中午時份竟然一個客都無。間間都唔full，唯獨呢間要排隊，咁就要食喇。食肉絲伴麵($38)、紅油抄手($28)同脆皮咸雞($38)。伴麵好大碗，用正宗拉麵，一絛過無剪開，要同人share都幾難。紅油抄手唔辣，皮薄餡靚最正。脆皮咸雞就相對失色，皮唔脆好彩都有D雞味。總括而言食得過，咁多人排隊，都無乜錯。唔明點解咁多人彈.

聽講香港分店所有師傅都需要上去上海學藝咁我估d o野食唔會差得去邊啦結果都唔算太差只係比上海差得遠啫 有少少失望添我地一行四人叫左好多o野食：夏麵館小籠包上湯小棠菜鱔糊煨麵蔥油開洋煨麵麻醬腰片醬爆豬肝燻魚蝦兵蟹將煨麵各樣o野o既味道都算唔錯不過豬肝、小棠菜同小籠包比較普通鱔糊同埋開洋麵o既料比較少一個鱔糊麵幾十蚊但得幾條仔鱔開洋麵d 蝦米都係得少少幾粒燻魚d 味道都唔錯但始終唔及上海o個d香得黎d肉仲係好嫩滑好在麻醬腰片o既水準都算保持到本來我最期待o既係蝦兵蟹將煨麵o里道菜o係上海叫做Do Re Mi 其實即係蟹黃、蟹粉伴蝦仁但今次最失望都係o里道菜雖然佢o既價錢只係上海o既差唔多一半但上海o個d 料係o里度o既三倍香港o個d 真係好淡真係好失望o里度有少少相睇http://eat-together.blogspot.com/2007/11/xia-mian-guan.html

因為趕時間睇戲, 又想食少少野. 就去夏麵館食碗麵. 叫左菜肉雲吞同埋一碗紅油辣豬肉麵.紅油辣豬肉麵, 麵同餸係分開上碟的. 但係碟豬肉, 有百分之六十以上都係肥豬肉. 而且係肉粒, 唔係絞肉. 如果該菜餚係用肥豬肉做, 建議在菜牌中寫明. 因為廣東人好多都唔食咁肥. 只有辣味, 唔掂!菜肉雲吞一夾就散, 亦好敗筆. 個湯冇味, 連d雲吞都冇味, 唉~服務更係有問題. 可能圓方冇乜經濟一d既食肆, 夏麵館全日都有人排隊. d侍應唔專業. 滴濕我朋友件外套竟然只有乾紙巾, 濕毛巾都冇一條.所以一次就夠啦!