夏麵館 (已搬遷) 新店位置

以為APM的Shabu Shabu個甜湯底差、侍應態度差、自助蔬菜吧設計差，谷到一肚氣？原來未算，呢間「夏麵館」的食物和服務，簡直令人噴火！攞籌等位無所謂，翡翠拉麵都要啦。之但係裡面的侍應原來個個都係傻。一坐低，睇完餐牌，當然是落單，但居然有很多不是傳菜的「侍應」，係「唔落得單」的。《U Magazine》話這間麵店馳名黃魚煨麵，我們四個人叫了兩碗，講明係「兩碗」，再來一碗蝦鱔麵和一碗獅子頭麵。但單據一遞上來，已經少了一碗黃魚麵，蝦鱔煨麵又落錯單，落了一碗唔知咩麵。我們提個侍應錯了，叫他改，他搞了一大輪，先話：「但碗麵出左咯喎。」「但我們唔係叫那碗麵個喎。」「但碗麵山左咯喎。」阿哥，而家係你落錯單，唔係我嗌錯麵名，咁你碗麵出左，關我咩事？你落錯十碗麵，我都唔要架啦。他們的「侍應」全部都無腦，而且做生意的概念好有問題，茶就不斷斟，明明我杯茶都滿到瀉了，都照斟，一個二個全部圍著個落單的電腦，個個都一嚿飯，一副茫然表情對住你！如果你的食物好食，你服務差些、侍應豬些，都算。但個所謂「招牌」黃魚煨麵，麵條稔到似漿糊，同《U Magazine》影出來那張相，差九條街！到我和朋友A朋友B食完，朋友C

10月20日放學後與朋友特地去Elements一趟, 因想看看現在的九龍站的新變化!晚上6時50分開始排隊等入夏麵館吃晚飯, 等到7時30分便進入了!那天order了擔擔麵, 小籠包, 紅袖炒手, 鱔糊拉麵, 還有一樣, 但忘記了! 擔擔麵來了, 但覺得份量不夠, 如以HKD38.00來計, 真的不足呢? 但小籠包及紅袖炒手則幾好, 因夠熱及皮簿! 原先不是order鱔糊拉麵的, 但因waitor稱煨麵暫停, 所以才吃鱔糊拉麵, 但一般呢? 我與朋友都說翡翠拉麵小籠包還好呢?還有, 哪裡還有蒼蠅飛來飛去呢? 可能是坐近走火通道! 那天上菜不是很快, 且看到有其他客催促菜還未到添!

放工同女友試下Element既新餐廳，見openrice食友評價唔錯，就揀左呢度。果日雖然係平日，但係都好多人，要等成大半個鐘先有得食，我地兜完個商場返黎o岩o岩好。點左鱔麵，小籠包同埋糖醋小排，鱔麵同小籠包等左好耐至到，完全係一般貨色。糖醋小排催左幾次都漏，D 服務員好似好無經驗咁，問完又問，食o西D野都未黎，結果我地等唔到啦，拿拿淋埋單走。可能好多人同我一樣睇左openrice揀左呢度，所以先咁多人，總之真係食到一肚氣，一定唔會再黎!

因為要同老外同事"呼吸墮連男"去米國工幹關系，所以有一段日子無寫食評，如果openrice開設一個外地餐廳食評區，我肯定會係常客。講番"夏麵館"，10月20日同家人趁高興去Elements行街，都係得個行字，D鋪頭多數賣中價至高價貨，連食店都一致，價錢偏貴，但味道就ummmm . . .當日中午12點去到Elements，已經見到"夏麵館"大排長龍，細妹話睇雜誌呢間店口卑唔錯，但太長龍啦，轉去Sala Thai Cuisine (請search Sala Thai Cuisine 睇我的食評)，直至差唔多下午5點，條龍都無短過，係八嘅驅使下，就决定排隊，排咗半個鐘就有位。餐牌選擇都算多，但. . . 我地點菜後. . . 啲嗒. . 啲嗒. . 啲嗒. . 啲嗒. . . 一分鐘一分鐘咁過去，碗芹菜牛肉麵終於係50分鐘後先黎，等待、期望、失望，碗麵淡而無道，聲稱人手拉麵，但無彈性，家人點嘅"老上海炒麵"、"獅子頭麵"、"酸辣湯"等亦未見出色。食上海麵，唯一麵家比它出色得多！值得一贊係伙記服務殷勤，不停為你加茶，也許是安撫民心吧。

排隊很耐，好吃耐都唔緊要，但係又唔好食，排隊位置就在食客枱 邊，所以知道很多食客反應，其中一枱 要(吹)促伙計三四次都無野食，到我自己食我叫排骨犇 犇 麵，來到唔熱暖的....唉！小籠包ok唔特別，獅子頭煨麵重差，完全唔係煨麵同湯麵無分別，差、差、差。三樣野價錢又唔平，千万唔好去試。

星期六晚走咗去新開Element度行下, 行完我就決定去夏麵館食麵, 雖然人多但我唔介意排隊等, 因為好想食碗熱騰騰嘅湯麵, 終於等咗45分鐘有位。先叫了一個鱔湯麵,雞煨麵, 粉皮, 小籠包, 煨茄子。等咗十五分鐘, 隔離位遲過我們入坐同order鱔麵到了, 我當時唸冇問題我有時間等。五分鐘過後有個短髮女經理同我講粉皮賣完冇, 不如比個餐牌你叫過第二樣, ok不過女經理走咗後再冇比個餐牌過我啦! 咁我就求其叫個海埑蘿蔔, 個服務生幫我印番張單改過。又十分鐘個海埑蘿蔔到了, 跟住個服務生同我講雞煨麵賣晒, 於是我又改叫豚肉煨麵, 個服務生又幫我改單, 跟隨看見個服務生送鱔湯麵, 我仲以前有得食, 點知行過送去第二枱, 跟住豚肉煨麵到啦, 但服務生又同我講鱔湯麵賣晒!!! 咩話?! 鱔湯麵賣晒!!! 我嘅容忍度有限, 我開始發火, 而發生以下對話:服務生:鱔湯麵賣晒(sorry 都冇)我:隔離位遲過我們落單鱔麵到咗仲食完啦! 你同我講賣晒!服務生:………(冇回答, 仲拎轉面走咗…….費事同我講嘅態度!)跟住有個四眼肥仔, 但唔似經理同我講:服務生:有咩問題! (又係冇sorry)我:你話

尋日特登去element行下街，經過夏麵館，諗住食個lunch，可惜遇上態度奇差既女部長對待，以後都唔會再去。1)首先要排隊，離譜，好似時光倒流，返去以前要掛隊既年代，要排左成半個鐘有多，已經開始好唔耐煩，只好一路排，一路望住人地食2)我地叫5樣野，有3樣話冇，問個女部長，佢話黃魚冇，咁都算，但佢之後又再解釋，話唔係冇既，係制作中，冇咪冇law，唔駛咁多原因，星期日都明知好生意，中午已經冇，果刻真係想問佢，條魚話制作中係咪即係仲養緊。3)有個短髮女服務生，負責門口的，可能比客人鬧得多，全程黑口黑面，執完檯又好大力推d，真係比佢嚇親。4)最後，食品真係好一般，請我都唔會再去了

今日同女朋友去左elements行街街，女友話聽閒e 間野好食，所以決定去一試，以下是感想﹕1. e 間野等位係排隊唔係派飛仔，我同女友on 居居咁企係度等，e方面應該要改善。2. 總共叫左4樣野食，第一味餸好快到，之後2味再等左20min 先到，都唔知點解要搞咁耐。3. 第1咪餸食排骨，都幾好味4. 之後食小籠包，e 個小籠包真係好唔掂，原完唔熱，食落口，莫講話d餡，連入面d湯都唔係熱的，完全唔好食，好失望，超失望。我明明見佢\櫥房入面d 小籠包一籠籠咁不定蒸，好明顯係好多人叫啦，應該不停咁整，好新鮮先係。唔知係咪大多人叫，所以未蒸熱就攞出黎。5. 之後食鱔糊面，e 個都幾好味啦，不過隻碗超大，但d面就超少。6. 差唔多食完面，個待應先走過黎話我地大半個鐘頭前叫的一味前菜<咸雞>己經沽清；都唔知有無搞錯，落單時又唔講無，大半個鐘過去，人地都差唔多食完先黎同人講，真係好差。7. 食得唔夠飽，仲加叫左一個什麼雞煨面，e 味先至係最差，個面一上，我仲以為睇錯，點解會係剩面﹗﹗再睇真d，原來入面得幾粒細小雞粒，每粒只有大約1cm x 1cm 面積﹗嘩，真係超級離譜，條氣好唔順

九龍站一向都是靜到不得了嘅地方,印象中揾間食店都幾難,相識中有位揸巴士嘅朋友話附近有兩個巴士總站,但食飯真係唔方便,本身呢兩個站都冇茶水站,只到九龍站一間好細小嘅快餐店吃,我也試過但幾難吃.時至今天九龍站上有個叫圓方嘅大型商場,入內見到間麵館大排長龍,知道呢間係上海出名夏麵館,就同太太囡囡試吓,那時是五點鐘左右,七點鐘又約左人吃交際飯,所以食少少嘢打底先.上海春卷$20........幾脆口ok夏麵館小籠飽$24....皮好薄但唔會穿,皮內有幾多汁,係我近期最滿意嘅小籠飽擔擔麵$38........麵身又長又爽口,恰到好處,個湯底非常好味,但一碗麵最緊要嘅地方做唔到,就係唔夠熱,扣分.每位叫$3茶錢,應冲一壺茶放係枱至啱,不過見班待應騰來騰去仍能不段加茶,ＯＫ收貨環境不錯,衹是枱與座椅高度距離略窄,出入有Ｄ不便

今日去Elements "夏麵館" 食Lunch, 服務水準極度差勁!!! 環境差：見坐近門口卡位的客人猛被門外等位的客人望住黎食,登佢地慘！！至於我和朋友兩個人被安排坐最近廚房口及Exit出口的位置，我朋友背向在Exit門口，感覺不太好，因為不斷有ｄ廚師阿叔，洗碗阿姐捧住ｄ碗碗碟碟，不停係廚房門口出出入入，最離譜係有個阿叔從Exit推入個好大的綠色垃圾車入廚房，佢一推入黎，簡直差d便碰倒我朋友個背脊，點解一間食館可以在客人坐滿，咁唔適當的時間作出咁樣的安排!員工服務水準勁差：員工唔醒目~ 倒茶次數唔夠密, 明明見有幾個waiter 無所事事行黎行去, 但唔會有人時刻留意/察覺客人須唔須要加茶!冇咩禮貌~ 負責上菜的阿巫, 見佢全程黑口黑面好悔氣, "澎"一聲咁放低d食物便走咗去.　（第二ｄ食館阿姐上菜時都好敬業樂業咁好禮貌講聲”多謝”至走啦！原先叫四樣野，担担麵，小龍飽，抄麵及海埑蘿蔔．頭三樣黎完食晒兼清埋枱之後，個前菜海埑蘿蔔反而影都冇．我地特登坐係度等，唔催佢地，佢地真係可以一路眼望望而冇waiter走埋黎問過我地ｄ野到晒未．到我地叫番個waiter幫我地跟單時，見佢嗚吓嗚吓咁，

今日放假，特別走去圓方行下同去試下夏麵館好唔好食，去到夏麵館，見到一條長龍排隊，一心諗住走去問下個短髮女經理有冇籌派架？真估唔到佢態度傲漫咁答：「籌派唔到咁多，客人覺得排隊公平d」，而家大部份餐廳都派籌，客人拎完籌仲可以四圍行下去等，要客人一定要企係度等就真係對客人唔公平。排隊期間，望到入面有好多檯都冇人坐，但好耐都冇人帶我地入去坐。前前後後的客人都等到好嬲，好多人都因此而走左。所以都唔係等左好耐。我地二個人，叫左一碗麵同四個小食，d麵質地唔錯，但係最基本的小籠包就冇翡翠咁好食。服務生們很年輕，見人手完全唔夠，做得好辛苦，但有幾個女孩子都仲有笑容，比起個女經理，態度好好多。整體感覺，食物認真一般，價錢亦唔叫好平，又要排隊等，我就寧願去翡翠，呢間麵館，我就真係唔會再去。

等左成個鐘頭先入到去，但係其實係唔夠waiters執枱，見到入面有成5張枱走左，10分鐘都無人清理。八點半己開始唔派籌，那個派籌姐姐仲好串咁話，有成手上有成100個number未叫，其實有好多客都攞左籌行左去.........一面食，一面聽到隔離枱跟我一樣彈！

去了Element 食野. 可能放假關係, 差不多9點各間食肆依然人龍處處. 千揀萬揀就去了夏麵館, 排了廿分鐘才有位.環境就好迫好多人, 台擺得幾密. 好地坐卡位就好闊落, 但就被外邊排隧既人望住來食. 由於只是有圍欄沒有玻璃, 所以有點唔自然.小籠包: 皮夠薄幾好味.咸雞: 咸咸地幾好味, 不過就"鞋"少少.紅油抄手: 唔太辣, 味普通.擔擔麵: 花生醬味唔夠, 但麵拉得幾好.炸醬麵: 麵質好, 但炸醬就好普通.擂沙湯丸: 好軟好好味.在Element商場內, 應該係最抵食又幾好味既一間食肆, 不過如果食飯時間真係有排等位了

上星期等個半鐘先入到,最後好失望。基本上冇服務,侍應反應慢唔理你,女經理態度仲惡劣,上菜唔係錯就係最後冇，當晚我仲見到起碼有四客人有微言,有個客人仲大聲爆粗鬧侍應,就算要埋單都起碼要等15分鐘以上,估唔到一間有名氣既食店質素原來係咁。

d野又真係唔差幾好架, 無味精果然唔同d~不過d服務態度係超級差!叫又唔應, 問又咩都唔知..連經理都係咁既態度!完全不知所謂...