夏麵館 (已搬遷) 新店位置

琴日同朋友睇完戲,見餐廳冇人排隊就入去試吓,因為之前睇雜誌時影D食物都幾吸引!點知入到去我地叫完野食後,發現張枱都搖得好犀利,我想話比大家知,張枱唔平衡嘅程度係輕輕一搖張枱,杯茶係唔滿都瀉出嚟!大家可以想像個畫面嗎?原本我同朋友諗住問吓個侍應可唔可以轉枱,(但如果轉唔到都無所謂嘅?)但個侍應個反應你真係估佢唔到囉!佢話"係呀!張枱隻腳整得唔好係咁o架喇!"之後佢企喺我地隔離張枱,搖吓張枱比我地睇,然後又講"嗱!你睇!張張枱都係咁嫁啦!整得唔好係咁嫁啦!都無辦法!"跟住就冇理我地走開左!講真呀!我地絕對唔係一個雞蛋挑骨頭嘅人,希望大家清楚呢點,如果唔過份,我地絕對唔會想令人難做,但當聽完個侍應講呢番說話,我朋友好嬲忍唔住追問佢,咁你即刻唔會幫我地解決?佢之後先死死氣好大聲同其他同事講左句,個客話張枱好搖喎!再隔左一陣,佢先搵D紙幫我地墊住張枱,整完仲要講句"咁樣得未呀?"D服務態度好到呀!真係哇哇聲囉!我份人好中肯囉!D食野唔係難食,但唔算係好食,好普通囉!價錢只係正常又唔係超抵食,因為D野食確實係細碟唔飽果隻囉!如果要食飽真係要叫好多,但喺個咁GRAND嘅商場入面,竟然有間咁嘅服務質素

我真的不明白呢間野有咩值得我去等．．．仲要係一等再等．．．唯一能給我的就是等字．．．我朋友住係九龍站的，知道ｅｌｅｍｅｎｔ開了２星期（我好似係１０月中去的），都估佢應該ｒｕｎ好了吧。都知要排隊入去，等半個鍾～ｏｋ～ｆｉｎｅ．．．入到去叫了個小籠包，排骨面，煨雞面．．．仲有一樣唔記得．．．冇需要記得．．．因為我都唔會再去幫襯。首先個包等左１５分鍾～都ｏｋ啦～～小籠包嘛．．．但真的不是好好吃。好普通。之後再等１５分鍾．．．咩都未來．．．開始有ｄ火．．．再等多１５分鐘，排骨面出場啦．．．一食ｄ排骨．．．頂凍ｇｅ。即刻叫人來：　「喂喂，ｄ野凍ｇｅ，我等左３０分鐘，你比ｄ凍野我食？」．．．之後個似經理既人冇反應地行開左．．．．．．之後先慢慢行返來，咁要唔要幫你換左佢．．．「你話呢」．．．講返味道～好淡．．．可能因為冇味精．．．但ｄ面又唔見得好食囉。我朋友個雞面足足由入門口等了４５分鐘先來．．．仲要係得幾粒碎雞絲．．．呆晒．．．神奇地．．．賣單好快．．．唯一可讚吧而家每次見到人排隊，都好想叫人：「唔好排呀，ｄ野難食又耐」既衝動．．．ｓｏｒｒｙ．．．我真係唔鍾意呢間野

試咗夏麵館, 要排大概15分鐘. d麵真係唔錯, 幾抵食. 試理個do re mi, 貴少少, 但d蟹粉又真係好好味

看完某食評家之評論後, 滿懷希望地去一試, 怎知不外如是, 比普通的更不如, 而服務更不堪, 漏單錯單都視作等閒, 全無愧意, 如此水準, 簡直是浪費時間去一試.

朋友生日, 結果去elements一日遊食lunch的時候, 見大多食肆都ok貴. 唯有夏麵館比較合理, 雖然之前睇過食評都知似乎唔太好, 但好似中價的選擇只有呢間. 見門口都要等位, 所以就決定試下入到去坐低, 見到左右隔離都好大碗麵, 應該係ok ge, 無想像中咁差掛? 決定左叫一個豬腰蝦仁麵, 一個鍋貼同一杯豆漿. 然後叫waiter黎落單, 叫左佢, 佢望一望我地, 無反應, 叫多次, 都係無反應, 但佢係望到我地架wo?? 只不過佢望完我地又繼續執隔離檯, 下?? 請問呢d係咩服務態度? 到最後佢執完哂之後, 終於黑住面咁幫我地落單..好似我地阻住佢執檯咁@_@然後碗麵黎喇. 一望之下, 我同我朋友都話, 唔怪得呢度咁多個"喊"啦...見佢碗麵同d餸分開上, 分開上唔緊要, 但碟豬脹蝦仁係凍ge! 凍都唔緊要, 再望d蝦仁, 嘩...乜原來得蝦米咁細隻ge?? 細隻都唔係main point, 再望真d, 果d完全稱唔上係蝦仁, 極其量只可以話係蝦碎! 一間裝修咁靚ge食肆, 竟然出d蝦碎比客人食!?然後到$24, 總共3隻的鍋貼. 鍋貼不過不失, 只係我覺得$8一隻的鍋貼

自己一支公去食，叫o左個排骨擔擔麵。D麵口感不錯，食得出係人手拉，亦無太num，但個湯底真係好一般，碗野又唔熱，暖o既。D排骨更差，num pat pat，無香味。我坐低個陣係夜市o岩o岩開，但唔知點解一碗麵都係要等成五個字，奇怪。最差係D侍應。以下係我同其中一位肥仔哥哥的精彩對白：我：請問你地呢度最出名最好食係邊幾種麵？肥：下？唔係好明你問乜wor。我（見他這副嘴臉，火都黎埋）：有咩o甘難明？問你呢度乜野最好食呀！肥（瞄左我碗麵一眼）：咪擔擔麵lor（個lor字音拖得特長），好食架。我（心num，豈有此理）：甘除左擔擔麵呢？肥：基本上我地呢度咩都好食的。（唔理我反應，走開左）各位openrice的朋友：我真係好想寫封信去夏麵館總店，話比老細聼香港間舖幾甘不知所謂。寫好之後，我希望可以won番呢度的朋友一齊簽名，謝謝。

睇到關於呢度嘅惡評，心諗: "冇咁誇張ma ?"...今日跟太座行elements，順道一試，睇下係唔係咁差...人的確多，時值lunch time，門口企咗七八人，可以想像晚飯時人龍會更誇張...人咁多，再加上新開張，運作自不會太暢順，可以原諒...入到去，餐牌都唔使望，就叫個蝦爆鱔背煨麵，太座就叫爆魚麵...望一望張單，收咗三大洋茶錢一位，又唔係乜嘢靚茶，竟敢收茶錢，有點過份...太座嘅爆魚麵先嚟。試一口湯底，頗鮮，顏色亦頗清，算做合格；爆魚查實跡近類似平時食嘅燻魚，食落感覺太"清"，跟傳統濃油赤醬口味有所偏差，not my cup of tea；麵煙韌，食得出係人手拉嘅，太座亦不禁讚賞...自己叫嗰個又點呢? 河蝦份量太吝嗇，只得暸暸數隻，亦唔算做特別爽口，要扣分；鱔背反而份量足，麵經煨後變淰，麻麻哋。睇嚟下次有機會要試吓伴麵先...食物水準唔算真係太差嘅，服務就要改善一下，但相信等運作耐D，應該會好D ge...望勉之....

1, 環境-冇新意,又人迫2. 食物- 難食,冇心思做點心, 例如,鍋貼個皮有1.5 -2 cm 厚度,肉又吾好食, 公仔點心都好味過佢. 還有, 食物選擇又少. 湯面普通. 未去到難食. 但吾明白有什麼咁出名,連神仙都要去佢果度食(畫中個肥神仙)3. 服務- 叫左個排骨面, 要35分鐘先到. 聽到其他食客都不停查問食物幾時到. 加上... 等位要等好耐. 完全吾值得.總之...呢間野, 比大部分上海餐館差. 為什麼要排隊去浪費金錢同時間在一間連基本服務,食物水準都未合格的餐館呢?

去圓方行街都預鰦 要等好耐位食飯，但冇預到等到位食飯都要等到自己黑哂面先上菜俾你食．係出面等位食飯期間已經諗好食乜，一坐低已經叫№ 食，點知等到他人遲過我鰟 鱓 有得食都未輪到我，卒之叫鰦 個姐姐埋鈬 問，佢二話不說第一句問我食過鱓 乜，我即刻忍唔住問番佢你覺得我有咩食過，鱓 筷子碗乾乾淨淨，我諗除鰦 風之外就乜都冇食過囉，真係想即時起身走．但由於已經9點幾，唔想再係出面再等過個位先忍住唔發作．跟住鰟 位姐姐先放鰦 張落鰦 order既紙係我䒷 面，仲要等多成10分鐘先有得食，除鰦 碟雞，其他都普普通通，以後都唔會再去，亦都奉勸大家唔好去，除非各位可以捱得餓．如果我去之前睇過呢度食評，我打死都唔會幫襯佢，又唔係真係咁平，食物水準一般．服務評分可以用負分我一定俾負100分佢(最低係負100分)．

人人都話這樣不好那樣不好但ヌ要排隊等食，不知可解？但本人食過這裒的食物多迥五六次ノ水準保持非常之一定好一定再去‧排骨正

完全同意各位所講，Ｄ侍應真係唔係出嚟撈上兩個星期去ELEMENTS行，間間restaurants都係人,最後反正都係等,就等呢間算喇。有位，坐係出菜位隔離...簡直大開眼界Ｄ嘢食出咗嚟，Ｄ侍應係唔會立即送去你張枱就算佢冇嘢做都唔會自動自覺去做佢應做嘅嘢，寧願抹出菜位枱面我地親眼睇住有兩窩嘢出咗10分鐘都冇人願意去送Ｄ人寧願送之後出嘅noodles，死都唔掂果兩窩嘢最後兩個侍應要bargain毛至一人一窩送出去乜都凍晒喇當然各位所講嘅奇遇都有發生係我同隔離枱嘅人客身上喇其實refill水個女仔算係咁，起碼算勤力--- 除咗會係你個背脊正上方refill熱茶...

I lived above Elements, and i eat at this noodle shop for at least 4 times. Lunch and dinner.I have to say food are good, a little long time waiting, service is slow but so busy so understnad. I don't understand why sometime they give ticket waiting but sometime line up. I like line up better, give ticket too noisy like go to market, no. no. and people no polight. will go again

擔擔麵湯底非常好味Good try

我同埋阿爸和阿媽到衰夏麵館食。我地落咗單之後，D侍應根本係冇麗貌，而且又聾，又kai kai地，漏咗單。真係O哂嘴和憤怒!D嘢食又唔好食!好鬼想嘔!而且D侍應好無笑容!P.S一間茶餐廳仲好食過他!!!!!!

早兩日去行圓方，入左呢間。唔，真係等到抆，首先等人落單都等左成個字，呢樣算，等野食黎先精彩，四五個字先黎左碟赤豆拉糕，唔使煮既食物都等咁耐，要煮的味聽朝先黎﹖你話慢工出細貨都算，又唔係喎，個拉糕韌到呢，擺入口似食緊香口膠，可以吹波既；鱔糊麵就味道正常，份量唔正常，收成五十銀得六七條鱔條，筍就大把。食鱔之嘛，又唔係東星...環境都有少少Dirty，杯上面有上手食剩的油跡，唔想知係乜野黎。