壽司郎 (已結業)

今次已是第二次來這間新開壽司店，還記得第一次來的時候，人很多，等了很久才可進入，而今次因為在疫情之下，等候的時間少了。一如既往，環境衛生一樣整齊乾淨，每坐客人都保持一定距離，食得安心。由於不能盡錄的關係，就推介以下我覺得不錯的款式，每次來都是必叫的。招牌大吞拿魚腩 - 肥美可口青瓜小卷 - 清新爽口蟹柳天婦羅 - 脆口特大虎蝦天婦羅卷 - 材料豐富芝士蛋糕 - 口感一流唯一美中不足的是 款式不夠多吧希望在這疫情之下，這家店能堅持下去

終於到我去食壽司郎啦，真係又平又好味😋平價壽司店來講質素真係好好，拎左上枱嘅嘢冇一樣係伏，好味😋！📍最出名既大拖羅🐟🍣：質素當然唔及高級餐廳嗰啲，但$27真係收貨有賺！📍炸物🍤：熱辣辣、脆卜卜！📍茶碗蒸🍥：好多料，仲有粒帶子🦪⭐️最大推係⭐️甜品🍦🍨：雖然賣相不是好精美，但味道真係一百分💯！必叫抹茶芭菲🍵🧁！2個人唔睇價錢/顏色，食到勁飽先$500，真係平嘢都有好嘢👏🏻！

壽司郎嘅魔力太大，每次去到最少等一個鐘或以上，但今次我等左45分鐘，已經屬於短時間啦！雖然一個人食，好開心都能夠坐到卡位，呢啲就係正宗日本做法，就算你一個人都可以坐到卡位！第一時間叫咗三碟特選吞拿魚壽司,只係 $27，好平呀！以呢個價錢能夠食到特選呑拿魚壽司，簡直係人間極品！仲有季節限定魚翅茶碗蒸，好鮮甜呀！誠意推薦烤芝士蛋糕，好香濃呀！壽司郎無論咩壽司，配料新鮮！高質素！綠茶粉又好飲！甜品符合相片一樣！

日本人氣壽司店過江龍壽司郎！喺日本已經好多人知道呢間壽司店！出名壽司抵食！而且每月都會推出限定美食！每月都有唔同嘅驚喜！🤩🤩🤩🤩今次試咗佢嘅大吞拿魚！雪場蟹腳！仲有草蝦天婦囉！！依家香港仲有幾間分店！雖然唔知佢會喺香港開幾耐！但係有時間都會去食！

呢間日本過江龍 岀名平靚正我係台北見到 等兩個鐘 都一定要排隊食上年終於比我等到 黎左香港雖然要等兩個鐘 不過 食完之後 你一定覺得 呢個價錢 呢種質素 係值得嘅👍🏻 大拖羅 (8/10)相比中拖羅油脂比例多 入口即溶一食口陣陣呑拿魚油味 好肥美如果鐘意食肥美嘅 就一定要叫大拖羅唔鐘意油脂偏重嘅 就中拖羅松葉蟹腳 (8/10)食得岀有少少海水味 鮮甜岀面d蟹腳壽司 細隻又少肉呢度廿幾蚊 就大大隻 真係大滿足花之戀(7.5/10)因為我每次迴轉壽司 都係我最鍾意叫嘅貪佢大大舊三文魚之餘 配埋我最愛蛋黃醬 味道係好夾上面d魚子脆脆地 口感幾過癮當然呢度嘅花之戀 係三文魚多過飯唔洗食飯就飽嘅感覺 值得一讚👍🏻 赤蝦 (9/10)試左佢三款甜蝦 赤蝦 熟蝦 甜蝦我一定會推介你揀赤蝦 其他兩款你可以skip呢度嘅赤蝦 暫時同級數迴轉壽司之中最大隻 亦都係鮮甜 又幾爽口而其他兩款蝦壽司 就比較平平無奇灸燒原條鰻魚 (6/10)原本滿心歡喜 以為係有醬汁燒嘅見到呢個乾爭爭 白雪雪嘅鰻魚 賣相已經失望左食落口 多骨 肉質偏淋 唔係新鮮嗰隻 更加失望以上係我試完 覺得最值得試嘅壽司當然 仲有其他款式嘅

雖然呢間壽司店都已經開左幾個月，但walk-in 嘅客人都唔少，排到去樓梯位。好彩我朋友2個月前用sushiro app訂左位，我地先唔洗等咁耐就入到去啦。餐廳潔淨闊落，座位舒適。服務員態度親切有禮，會蹲下用同一視線招待客人，非常好客尊重客人。👍🏻壽司款式多，材料新鮮，價錢合理。跟元x相比，sushiro 樣樣優勝，難怪咁多人要等咁耐先食到都繼續等。🤫每次惠顧sushiro都會有一個印仔，草夠3個印仔就有得換公仔一個。而今次我夠印仔可以換一個😊

🍣朝聖系列X平民高質壽司🤭▫️餐廳：壽司郎 Sushiro▫️地點：全香港有3間分店📍佐敦彌敦道348號彌敦坊UG樓（港鐵佐敦站 B1 出口, 步行約3分鐘）▫️營業時間：星期一至日11:00 - 23:00▫️價錢：$60+—美味：🍣🍣🍣🍣環境：🍣🍣🍣 🍣（超多人，walk in 預120分鐘📍最好早D 同apps拎位）價錢：🍣🍣🍣+0.5🍣—👧🏻👦🏻最鐘意食壽司🍣香港唔同既日本餐廳都會食🤗之前都去日本🇯🇵食咗幾次sushiro🤓都係等半個鐘左右🤣香港既高質平價壽司唔太多，為咗食，等幾個鐘都冇所謂🤣不過👧🏻👦🏻今次淨係等咗1分鐘，因為一個月前用apps拎定位💕介紹過日本sushiro,今次介紹多次香港sushiro🤗～📍蟹柳沙律醬（$12-2件）好抵食🤣🤓👦🏻至愛‼️‼️依到既蟹柳好大件，仲好新鮮🤓👦🏻叫咗6件🌚美味：🍣🍣🍣🍣—📍赤蝦（$12-1件）超級肥美🤓好少有咁大條而且咁新鮮🦐仲好滑🤓👦🏻既至愛again‼️美味：🦐🦐🦐🦐—📍炙燒羅勒三文魚/炙燒芝士三文魚（$12-2件）兩款三文魚都好好食，同上面既芝士/配料好夾🤩平時係其他壽司店都要$9+一件🤨🤨依到好抵食美味：🍣🍣🍣+0.5🍣～📍三文魚三

早左一個月用Apps預約🥰終於都食到傳說中嘅壽司郎可以喺迴轉壽司帶自己拎，或者用iPad落order，佢就會用運輸帶送過嚟，又快捷又方便！烏冬、茶碗蒸、壽司、甜品，款式都多，味道唔錯！希望佢開多啲分店，唔使食藍店壽司🍣

🥢來自日本超人氣壽司店 (文末附有免等位方法）🥢香港一共有兩間分店，之後荔枝角會開多一間第三分，佐敦店開了半年左右一直人氣爆燈，我們今次星期五 17:35 拿飛，然後去行街，等位期間可以在壽司郎個facebook 有條youtube link ,入去可以睇直播號碼睇叫號，當時顯示還有二百幾個號碼，個mon 寫住約等待時間185 分鐘，但最後入座時間是21:25 ,足足等待了3小時50分鐘🥢差不多到號了，去到門口等待，當時都非常多客人等候，跟日本不一樣的是門口女帶位員工會同其他同事大聲傾計，例如明天唔好遲到，或明天不遲到只射波（礦工）事宜，不想企門口位置你頂我個位吧，等等嬉皮笑臉高談闊論，全部等位的客人都聽到清楚，所以感覺有欠專業🥢坐低後店員會講解落單是用ipad 點，食物輸送帶上的都可以攞，芥辣的位置和茶杯的位置，場內的店員反而很細心地講解，是完全不同的服務🥢四款不同的顏色壽司碟價錢分別是黑色碟$27, 金色碟$22,銀色碟$17,紅色碟$12 🥢原條海鰻 $27原條上的鰻魚口感柔軟，味道幾鮮🥢特選大吞拿魚腩 $27必食之選，油分幾充足，以這個價錢算是抵

早在2個月前已經用apps book定枱，到左之後大約5分鐘已經可以坐底食野，有派小袋俾客人袋口罩，坐位算多，之前試過walkin排隊，約1小時左右，迴旋枱上擺滿壽司睇落都好新鮮，而壽司價錢分4種，$12，$17，$22同$27，超級抵食，先叫左個吞拿魚中腩，非常肥厚，油脂較多，絕對高級享受，之後叫左2碟天婦羅，蟹柳好好味，炸得乾身唔厚粉，可樂餅都好食，有流心，點餐食物非常快，效率很高，同日本本土店比較分別不大，一樣新鮮好味

壽司郎香港第一間分店坐落係佐敦。12月尾用手機app book左兩個月後既位😂終於比我等到啦雖然香港受疫情影響，但壽司郎都係禁多人禁受歡迎！門口有消毒酒精，同埋入座有好多sofa卡位, 如果係迴轉前面既就每兩個位有個板隔開，所以我同朋友食得好安心😊用餐時間眼左1個鐘紅色碟$12 銀色$17 黑色$27茶碗蒸$19 好有驚喜好濃味，蛋好滑，入面仲好足料有菇同帶子海漫好大條，比舊飯大2-3倍，見到碟野已經好滿足最後仲叫左甜品，奶茶味類似焦糖燉蛋😆好好味，一定要叫黎試下，上面層焦糖好脆加埋蛋糕食好有趣既口感兩人食～$300 17碟，比元x壽司抵好多！

係日本聽過未食過，係香港不知不覺已經開到第三間既分店。環境唔多講，得吧枱同卡位揀。兩個人都可以坐卡位。算係唔錯。依家係春祭，可以揀多少少特色野。最正既當然係中拖羅，厚切俾你。不過第三次黎食，今次既中拖羅厚就真係好夠厚，但魚味少咗好多。反而長旗吞拿魚，入口即溶又有魚味，呢個推介。帶子唔算食過最甜最鮮，不過夠creamy 同有鮮甜味，算係有誠意。蒽味吞拿魚，識食一定要試下。油甘魚，有少少失望，因為有啲筋。見好多人都嗌呢個，幾開心，好似條鯊魚咁。魷魚不過不失。都算係幾creamy 呢個炸蝦炸得唔錯。外脆內熱。好明顯係新鮮炸起。最後食個烏冬作結。烏冬不過不失，不過個關東煮好好食。靈魂所在。

食迴轉壽司想平又想高質，就緊係要去食壽司郎啦。曾經天真咁以為兩三點去應該冇咩人等，好快就食得啦。點知去到要等差唔多60張枱，真係倒抽左幾下涼氣。不過真係好想食，就點都有耐性等到有得食為止。等左一個鐘有多, 終於到我地有得入座。一入到去就對住個Mon係咁按，肚餓到我地真係差唔多每款都叫一客先。由左到右介紹一下先。左上的北寄貝握壽司肉質又厚又脆，味道鮮甜。之後到北寄貝握壽司，都係12蚊就食到，真係好抵食。覺得最抵就係蝦三味握壽司，17蚊就食到三款新鮮的蝦壽司，真係排咁耐都覺得抵返晒。中間左面的海螺握壽司，質感爽脆鮮甜。之後係新品鮮鮑片壽司，中間有一層紫蘇葉，為整體加上新鮮香氣。鮑片亦非一般的仿鮑片，咬落去爽脆有海水的鮮味。就係呢個鮮鮑片壽司，下次都一定要食先得。左下係壽喜燒牛排壽司，油味香濃，加上壽司係必點之選。炙燒鹽味三文魚又肥滑，炙燒後魚油更加香甜，入口香氣一直長留。仲叫好多壽司同小食，不過 掛住食唔記得影，睇黎又有理口下次再黎幫襯啦。

香港人真係勁！要至少一個月前book位，有啲人話要成兩個月前book!佢哋開11:00，我就book 11:30，11:20去到已經見到人山人海，真係無位坐又無位企。告知要等20-30分鐘，其實唔知點解真係多人到一開門已經full啦！見到有人明明book咗位但嚟到無報到，原來無排緊入坐，等咗一陣話book 咗11:00但點解仲未叫佢？當職員解釋佢無報到未排緊隊，個客大吵大鬧話下一張枱一定要到佢。但太多人啦，佢點嘈都好，都係要重新排隊。最後，我都等到差唔多12:30至有枱，其實我唔明點解咁耐老實講，呢個價錢嚟講，壽司真係無得投訴，但未叫做好好食，係叫平，真係可以狂食都係幾百蚊一個人！但質素係好一般，如果响日本食，真係平好多，根本就係平價壽司，但日本就好食好多，仲唔洗排隊，又坐得舒服！所以响香港我試一次就夠啦！

壽司郎開左咁耐都仲係勁多人排隊，唔係用app預約嘅話真係要排超耐，雖然預約都要差唔多個幾月之後先有得食，但都建議大家最好預約左先好去，可以慳返好多時間😎係香港食壽司唔算好平，但壽司郎真係幾抵食，價錢唔貴之餘質素仲要係幾高，唔怪得知開左咁耐都仲咁多人排隊🧐**********<長鰭呑拿魚握壽司> $12<特選中呑拿魚腩握壽司> $17<特選大呑拿魚腩握壽司> $22一次過試曬三款呑拿魚壽司睇下有咩分別，食落都真係有啲唔同嘅，特選大呑拿魚腩果然係油脂最重，都算幾肥美，中呑拿魚腩就正正常常，而長鰭呑拿魚肉色係偏白，食落又唔會話無油份好乾喎，都可以接受，相比下抵食好多🤣**********<蝦3味握壽司> $17依碟真係超抵食，有齊赤蝦、甜蝦同埋熟蝦，就咁單叫一件赤蝦都要$12，依家$17就有曬三件蝦3味啦🤩赤蝦嘅性價比真係好高，隻蝦係勁大隻，size係隻熟蝦嘅兩倍，而且肉質好爽口好新鮮，真係超級推薦！🤤**********<魷魚握壽司> $12魷魚壽司就唔算特別出色，佢嘅口感係偏膠身個種，而唔係爽口質地，所以好唔