壽司郎 (已結業)

試過兩次想食都太多人排唔到，今日等左個幾鐘終於食到！可惜三文魚壽司質素普通，有d唔新鮮，其他壽司都普通，同預期唔同，價錢亦唔算特別平個燒牛肉同埋鰻魚就唔錯！不過整體都不似預期，食一次就算了！

想食好耐一直都好多人，試過walk in話最少等1.5hrs，即刻打消想食既念頭，有日禁禁禁佢個app見到一星期後有位，得返2:45唔理啦照book照去真係值得一試既，無論岀品同素質都很好👍首先坐底後會問你有冇食過，冇食過會略略講下點order，點取食物，同元氣高速線差不多，用ipad點單，取餐處會有幾款今期推薦你可以order。佢地個醬料有3種有豉油(小小咸)有個配海鮮生野（我估係魚生用）有個好似柚子醋（似食沙律菜戈d）Wasabi 係要係回轉位拎，推薦加小小柚子醋好fresh必食系列，真係好推薦甜蝦軍艦 $12真係好好食好夾，同普通甜蝦唔同咁，因為我個人唔中意食甜蝦，唔中意個口感好滑潺潺，但依個好好食，好新鮮我同男朋友叫左3碟😂必食推薦 2 從業蟹軍艦$17好感好豐富好滿足食完又係食左3碟真係太好食蟹膏軍艦 $12依個軍艦同上面戈個相似，但係少左忽蟹肉變左青瓜，價錢平小小但都好食，2個我會揀食從業蟹軍艦芥末章魚軍艦 $12個芥末好堅，食到流曬眼淚，我唔中意食芥末章魚所以對佢冇評價，不特別可接受蔥花吞拿魚軍艦 $12男朋友食完話唔知自己食緊乜，佢個蔥味好勁，我覺得都好食特選吞拿魚腩

手機完全預約唔到，實在太多人食，唯有親身 walk-in 拎籌，然後落街行住等，有 youtube 直播個排號，差不多到籌號先上去，無咁悶，最後等左一個鐘先到我地仲有口罩袋畀我地，都唔錯綁壽司味道唔錯，cream cheese 果款軍艦壽司好正，好創新既款式，咸咸香香既味道三文魚就比較瘦 d , 一般咁。成日覺得蛋黃醬同芝士係最好既拍擋，加左佢地兩個既壽司都會變得美味左。呢個幾抵叫，用料都好足，驚喜在於 d 海鮮呀，蜆係無沙的呢個又係幾抵食，味道都正常呢個炸蝦卷好正，好脆無疏風，nice作為甜品控既我，壽司郎既甜品真係 CP 值好高！呢個抹茶卷幾正，抹茶 cream 幾有抹茶味，蛋卷位置稍為乾左少少，但都值回票價同紅豆又係好夾呢個 cheesecake 又係正，賣相都相當唔錯了，入口係香濃既，值得一試呢個！抹茶芭菲又係唔錯，出面大杯 d 既芭菲都講緊7,80蚊啦，呢度好抵了，雪糕都幾香奶味，下面有 d 粟米片，加埋一齊唔錯啦。呢個心太軟我就最失望了，因為佢完全唔流質感，入口熱熱地，但唔流質，唔似心太軟呀。兩個人食左 $388 都好抵食啦，飽到傻！一定有下次

壽司郎一個一講起大家就會聯想到一個字，等😣一年前喺香港開嘅時候已經好想食，一心諗住過多半年應該冇咁多人，事實證明一樣咁多人半年後開始book左，睇到啲位置長期性都爆曬，係間唔中朝頭早11點有位🤔，竟然一次偶然嘅機會可以食到有朋友唔得閒讓左個位俾我簡直覺得係天賜嘅禮物🎁，終於都可以試到果然冇令我哋失望，預返時間上去等位，入座後店員都細心問你有冇嚟過，教你啲東西放喺邊度又會比膠袋你放口罩，係依個肺炎嘅疫情當中，你見到佢仍然大排長龍，就知道啲人係幾咁想食，有趣嘅係佢哋會攞一啲推介壽司俾你睇，好似酒樓推介特價點心咁。但係你又會唔好意思咁試一個，所以佢哋嘅策略係成功嘅講返壽司刺身新鮮，款式都算OK，不過絕對唔推介大家食天婦羅烏冬，因為佢個天婦羅蝦係放埋喺個烏冬上，到嘅時候個蝦已經淋哂🤦‍♀️，個烏冬湯都唔係好熱不過攞烏冬嘅時候大家都要小心，因為熱食佢放喺最高嗰條路軌壽司大大件，入座食嘢時間係45分鐘，所以其實都要好快咁樣諗定要食啲乜，因為依個原因都會叫多咗🤣，因為諗住快啲叫快啲食完走，叫到一枱都係。夠鐘交枱嘅時候，佢會有一個提示話俾你聽你已經夠鐘，但係都唔係要即刻立即走，你都可以食埋你要食嘅嘢先依

講咗咁耐都冇食，呢排得閒就同朋友一齊去食呢間好出名嘅壽司郎🤩好彩排咗一個鐘就入到去，啲嘢食送上嚟好快，而且啲壽司都好新鮮，種類又多，價錢又平，一定會繼續嚟食💕

聽聞要訂位兩個月，開門前到walk-in 等吓位希望可以第一輪入座。到達時間11:05am ，前面排咗約三十人，第一輪可以入座，用膳一小時。入座坐二人卡位，自助用iPad 之類點食物。價錢唔貴，握壽司、軍艦、卷物由$12至$27,湯、茶碗蒸、麵類、和食、小食由$19至$32,抵食。至於味道，個人覺得勝於其他連鎖壽司店。特別推介：炙燒牛壽司、醬烤特選大吞拿魚腩、芝士蛋糕、茶碗蒸。

一直想去食壽司郎，但係要用手機預約已經去到兩個月之後，所以就決定碰吓運氣去排晏晝星期日朝早比想像中小人好多，未夠12點就到達，要等20張枱，但等左10分鐘到就入得驚喜！呢款係大拖羅～ 入口好軟滑，有入口即溶嘅感覺不過中心位就當然係冇咁靚啦，都係帶點韌韌的口感。不過呢個價錢（大概$27）來講，我已經收貨啦～呢款就係中拖～ 食落去同大拖羅差唔多，但就相對冇咁油～呢款係日本國產牛肉壽司好似係期間限定～ 牛味重又夠滑，好食呢款係蟹肉蟹膏壽司蟹肉一般，蟹膏夠鮮甜，不過有點搶味，但我都好中意另外有嗌左款熱食：豬骨湯拉麵 有驚喜！塊豬肉好有豬香味，肥瘦幾均稱～ 拉麵都夠彈牙～ 餐廳仲有供應幾款甜品，不過唔記得影相。芝士蛋糕好好食，必點！抹茶雪糕杯都唔錯

終於有機會食到過江龍壽司郎咁多人排隊都唔係冇原因事關佢品質真係好高價錢又唔係貴比起元氣真係好食勁多佢係可以上app book位但嗰期會排到好後所以嗰日都係膽粗粗去排下如果見好多人都諗住走由於限制令嘅關係，明顯少咗好多人排隊嗰日我哋晏晝六點去到，等左15分鐘就可以入去未食之前都會覺得佢嘅價錢係偏貴但係食咗之後完全覺得佢食物嘅品質係完全對得住佢嘅價錢有突完全跟足晒日本嗰套，用iPad點單試咗好多期間限定嘅壽司另外佢嘅天婦羅令我喜出望外冇諗過一間以壽司為主題嘅迴轉壽司餐廳嘅天婦羅係做得咁好食再叫咗個溫泉蛋伴烏冬整體上亦都幾好食亦都有唔少嘅甜品下次可以一試如果預算唔多的話可以打打底先再去食上次經驗兩個人先食咗$216食完都夠飽

心心念念終於試到傳說中排隊排到傻既sushiro 😍 我哋星期六夜晚9點半到 都要等半個多鐘先坐低。一坐低我地就狂點野食 因為佢10點半就last order。不過上菜速度好快👍🏻 以呢個價錢黎講 食物水準都好 服務態度可以 但人手不足 👌🏻點左14碟 唔駛300埋單🤭 壽司味道OK 有我最愛嘅海鰻👅 可無限加綠茶 (綠茶粉唔差)

⭐️ 壽司郎~佐敦⭐️之前人流太多所以一直都冇去😰而家終於有機會去朝聖啦！(開心)😍其實我係朝早11點去到，係新政策底下都完全唔使排隊🤩食完之後覺得壽司郎真係一間平價嘅迴轉壽司🍣同朋友食咗好多碟，人均消費都係百幾蚊🤤好抵食！大胃王嚟到都完全唔使擔心話食到好貴🤪如果唔使排隊嘅話，係都幾值得試下😋食完大概12點幾已經見到出邊勁多人排緊隊😥✍🏻留意番壽司郎係根據碟嘅顏色去分價錢：紅色碟$12 銀色碟$17 金色碟$22 黑色碟$27⭕️因為實在食咗太多款壽司，所以我喺呢度淨係介紹最值得推介要食嘅壽司俾大家😆毫無疑問，最值得推介嘅就係火炙壽司系列😍火炙三文魚再加一片檸檬係上面嗰款壽司係最好味😆係有令我「哇」一聲嘅壽司🍣茶碗蒸都唔錯👍🏻❌最唔推介嘅係北寄貝壽司好冇鮮味，咬落好韌😫 帶子壽司都好腥😨特選中吞拿魚腩係無根嘅，但係味道有啲奇怪，感覺唔係咁新鮮😔而我自己覺得蟹膏壽司都唔係好啱我胃口😅有啲苦澀，但係我朋友好鍾意🙃所以都係要視乎返大家嘅口味！其他冇講到嘅都係味道普通，冇話特別好味要介紹😗💡總括而言，壽司郎係一間可以食到平價迴轉壽司嘅地方🤩服務又好☺️只不過如果要排好耐隊嘅話，我就係唔會嚟啦😆所以大家

一試難忘既排隊名店壽司郎開業至今已一段時間但一直人流不絕每次經過不論任何時候都因為長長的人龍而卻步幸好上星期我選擇在平日下午茶時段抱着碰運氣的心態才發覺人龍較平時少近一半1小時後終於到我們的號碼!!!一坐低店員便馬上遞上紙袋供我們收藏口罩同時消毒雙手，十分體貼！我們馬上點期待已久的吞拿魚壽司🍣吞拿魚新鮮彈牙肉質爽甜並提供各個不同的部位令人讚不絕口除了一般的壽司我們亦點了蝦三味🦐一碟便可享用不同的烹調方式十分抵吃!其他各款壽司價錢相宜表現不錯總結而言.價錢價錢偏低但物超所值!必定會一試再試!

荔枝角分店開左啦 不過我係未開第三間分店之前去佐敦分店食 星期五去食 1645拎飛 1910入得 都算係正常食飯時間順帶一提 拎咗飛之後 唔洗好傻咁企喺度等 有條link可以睇叫到幾多號 過左30分鐘內都會安排補飛💕必食推介💕🥢赤蝦 $12/件大塊厚身 超鮮甜彈牙 性價比超高 係食完會令人滿足既一款壽司🥢極上鰻魚 $22/件厚身軟冧有肥膏 入口好香油脂 但有不明顯細骨🥢茶碗蒸 $19質地滑溜 帶鮮味 超足料 除左冬菇 蟹柳 名門卷 仲有帆立貝 鮮蝦 煙韌銀杏 口感豐富— — — — — — — — — — — — — ⁣🤩值得一試🤩🥢松葉蟹軍艦 $17/兩件蟹膏蟹肉相輔相成 蟹膏味濃 蟹肉鮮甜帶絲絲口感🥢壽喜燒牛扒 $12/兩件肥牛薄切 醬汁濃郁 好似平時牛肉飯嘅牛肉 但偏油膩— — — — — — — — — — — — — ⁣🔸中規中矩🔸🥢特選大吞拿魚腩 $27/件抱超大期望 但係食完有少少失望 雖然厚切帶油香 但質地較硬 無其他人講到入口即溶嘅感覺🥢炙燒羅勒三文魚 $12/兩件入口清新 帶檸檬香 經炙燒後帶油脂香🥢巴斯克烤芝士蛋糕 $27入口軟滑 味道帶酸有檸檬香 同面頭好甜既c

由於我之前去日本食過壽司郎 覺得好好食🤭而家嚟咗香港開分店 咁緊梗係要去試吓啦係閒日夜晚都等左三個鐘walk in 飛去食雖然係等好耐但係都值得嘅因為想玩佢部送餐機我個人好鍾意食油甘魚壽司好新鮮 夠肥美 唔會話好細舊刺身芝士火炙三文魚好好食 點餐叫送到黎都係熱嘅但唔可以食好多唔係會好流同埋我最鍾意食茶碗蒸蛋夠滑 個味道啱啱好唔會話好咸真係超好食！！！仲有吞拿魚都好好食 17/27最好食😋而且個炸雞真係勁好食超脆超多油爆出黎😏而甜品就係芝士蛋糕🍰好食千層蛋糕都唔會好甜 層層分別真係好正總體不錯 雖然質素冇日本咁好😂

雖然話有限時，但都等左我2個鐘，就知有幾多人啦。真係等到我腳仔都軟，而佢個app係廢嘅，你冇得即時拎飛，都起碼俾人睇而家排到幾多號啊，等人可以預時間，唔洗成個傻仔咁企係度等嘛。但係埋到檯就咩都抵番晒啦，個蝦3味，我差啲就一人啪左3碟啦。海螺啊個啲亦都唔腥，舊飯亦唔會死實。天婦羅亦係新鮮整嘅，味道同賣相都唔錯。最有日本味既就係個抹茶蕨餅芭菲，啲水水地嘅cream加埋啲煙煙韌韌既蕨餅！媽！係日本嘅感覺啊🤤

這間來自日本的連鎖壽司店，已光顧多次，價廉物美，值得一試。它家的$12壽司，選擇種類繁多，刺身新鮮，特別推薦北海道池魚及油甘魚壽司。每次來總會點上茶碗蒸，嫩滑的蛋配上新鮮的元貝、蝦、蟹柳、蓮子，讚👍🏻 它家的梅酒也是值得一試，濃濃的梅子味道，清新易入口。如預算許可，亦可一試他的大吞拿魚魚腩壽司及炙燒北海道帶子壽司，味道鮮甜。甜品方面，抹茶紅豆厥餅芭菲也是不錯的選擇。要來一嘗這間過江龍壽司，便要作好排上1小時的心理準備，若想預約，最好要早一至兩個月來預約啊！❣️