塚田農場 (已結業)

親民價錢食物優質日式餐廳之選❕去開新城市行街，無意中發現呢到都開左間塚田農場，之前係尖沙咀已經好想食，所以今次都決定入去食下。當中都有好多唔同款式既選擇，有別於傳統日式料理，見佢有打邊爐、定食同意粉飯壽司刺身既，而且都頗多人會選擇「美人鍋」，應該係招牌吧😆-由於都唔太餓，一行三人簡左4️⃣款主食2️⃣款甜品，各有各特式而每樣都好正，我諗最合乎小朋友或者小編呢個大細路黎講都會好鍾意#梳乎厘玉子燒，質感好嫩滑又好動L動L喎🤩雖然都係蛋，但完全對得住佢既價錢#野菌蠔肉咖哩錫紙燒，雖然蠔唔多，得4～5舊，但味道搭夠😋咖哩味好濃郁！#三文魚親子鹽昆布炒飯，口感好特別，呢個一定要趁熱食#三文魚牛油果美人卷，呢個係小編私心要叫，由於太喜愛三文魚😂不過不失，無特別驚喜。最後甜品#石鍋雪糕新地藍莓味#安納烤甜薯芭菲，個甜薯都幾特別，旁邊有小編至愛早餐脆脆🤣同埋整體來講其實都唔屬於好甜。不過都決定下次會再去試一試佢嘅美人鍋😋

本來约咗朋友來食呢間舖特色的『美人鍋』，但之後又趕住去赴第二個約會，唯有放棄『美人鍋』而揀咗以下食品，貪佢哋方便快捷，『美人鍋』就下次再來過。『帆立貝玉子壽司卷』『蟹肉三文魚籽框飯』『蒲燒鰻魚框飯』『沖繩大島鱿魚配豬肉炒麵』壽司卷上檯Total有4件，每人2件啱啱好，玉子代替咗壽司的紫菜表皮，帆立貝切成4小件喺面，顔值係有嘅，食落D帆立貝亦好鮮甜; 三文魚籽框飯和鰻魚框飯的的色色地一齊上檯，飯底似係糯米，煙煙韌韌，美味蟹肉同脆卜卜魚籽都好配搭，而鰻魚有3小件，好香口。至於豬肉炒麵就鐵板上，好有鑊氣咁，熱辣辣好味又飽肚，魷魚都好有質感。

❤️梳乎里玉子燒 明太子其貌不揚，但估你晤到個玉子燒好surprise 到我呀，有陣陣味霖嘅味道，好日本，係日本嘢先有嘅味道，玉子燒好鬆化，好有空氣感，超滑，咸咸甜甜，加埋有明太子係入面，成個鮮味昇華哂👍🏻必食！❤️南蠻炸雞南蠻炸雞每次都必點，一黎分量十足，二黎雞件好滑，好juicy ,係即叫即炸😍熱辣辣，重點係個他他醬，又多，又足料，白飯神偷🤗❤️沖繩大島鱿魚配豬肉炒麪完成係日本味炒麵，用鐵板上，熱辣辣，分量好多，我炒面有好多配料，有椰菜，有日本豚肉，有魷魚，非常豐富，必食之選！塚田農場 (沙田)沙田沙田正街18號新城市廣場1樓105號舖

沙田一向都有好多嘢食，今晚決定食日本嘢，於是就搵咗呢間餐廳食！三文魚親子鹽昆布炒飯，三文魚炒飯外面有一層蛋液，職員會係上菜時幫你淋上，飯炒得好乾身好香，用咗自家製嘅蔬菜醬油去炒，帶出風味，飯上面仲有啲魚子，撈埋一齊食好正！霧島植生產炸魚糕拼盤，有芝士，粟米同紫薯三種魚糕，我最鍾意芝士，因為係流心的！海老牛油果美人卷，用左米紙去包住唔同嘅蔬菜牛油果同蝦，口感好豐富好有層次，而且好開胃！焙茶餡蜜芭菲，有厥餅，焙茶雪糕，紅豆，白玉，蜜糖多士，好豐富,焙茶味道好濃

塚田農場塚田農場用料講究，大部分食材都係由日本直送，呢份堅持正正就係佢嘅特色🌀鰻魚忌廉芝士美人卷 $42以煙韌嘅米紙卷住切得極幼細的青瓜絲、生菜絲等，好考師傅嘅刀功！主角鰻魚同cream cheese，鰻魚嘅鮮香同忌廉芝士互相配合，仲有玉子帶出點點甜味，層次豐富😋🌀清酒味噌燒鹿兒島天然豚里肌肉 $168鹿兒島豚里肌肉口感爽滑，味噌香味濃郁，好有日本風味，連伴碟的漬物亦都講究，食落有陣陣柚子味㗎🌀焙茶餡蜜芭菲 $68食完主菜最開心就係食甜品，焙茶芭菲裡面仲有小丸子、果凍、紅豆、麵包粒同花花造型曲奇，感覺豐富

真係大鄉里，幫襯過呢間日本餐廳的Lunch，今次食晚飯先知道原來佢哋主要係食火鍋嘅，但係因為尋晚先同friend打完邊爐，於是就叫咗d非火鍋類型嘅野食。我哋兩個人叫咗5樣嘢，三文魚刺身、吞拿魚刺身、海老天婦羅壽司卷、三文魚蟹肉沙律壽司卷同埋沖繩大島魷魚配豬肉炒麵。完全冇諗過個炒麵會成為第一度上枱嘅菜式，個炒麵幾好食，最正係d魷魚，雖然已經切咗粒而且都係得幾粒，不過單憑呢幾粒野可以想像到條大島魷魚都應該幾大條，好有咬口。兩個壽司卷之中開頭仲以為個三文魚蟹肉沙律壽司卷會好食啲，點知結果相反地係個海老天婦羅壽司卷好味d。個海老天婦羅就真係炸得樣衰d，你睇吓幅相入面個蝦尾嘅粉厚成咁你就知啦，不過好彩食落又唔錯，壽司卷切件後細細件，食落都幾新鮮。三文魚蟹肉沙律中，蟹肉沙律嘅味度就蓋過晒三文魚，所以似就咁蟹肉壽司卷多d，不過佢個樣又真係幾靚嘅。刺身就普普通通啦，新鮮嘅，個吞拿魚刺身嘅質素又ok woo，無渣，收貨啦。最後想講呢間野嘅侍應好有禮貌(唔係必然架)，服務好好，值得一讚。

清酒配日本菜是一流沒想過配海鮮也是不錯經過沙田一間日本餐廳見到有個新活動叫「SEAFOOD LOVES SAKE」由餐廳設計多款清酒x海鮮的「神鮮配搭」每款清酒x海鮮美酒佳餚都配上最合適的清酒發揮不同海鮮食材的特色於是趁吃飯時間入去品嘗一下今天不太餓所以約三五知己品品酒$178包一杯清酒-甑島銀帶鯡茶葉天婦羅-締張鶴 純 純米吟釀天婦羅十分脆口新鮮炸出油份已經整乾曬天婦羅炸得乾身吃起來一點都不油膩配上清酒一流炸物配酒本來就一絕原來配清酒就更清醇餐廳還有別的組合配搭下次試試原來清酒都可以有咁多玩法以後飲清酒可以有更多選擇了📍 塚田農場 (沙田)沙田沙田正街18號新城市廣場1樓105號舖

話就全港好多地方都做緊一個叫做「SEAFOOD LOVES SAKE」嘅食海鮮配清酒活動，今日黎到沙田就簡左呢間塚田農場，特意參與呢個活動，一於試吓呢款飲食新潮流。活動下用$158就已包一杯清酒-野菌蠔肉咖喱錫紙燒用左咖哩配左落野菌同埋蠔，成份用錫紙包住再拎去燒，三樣味道混合一體，出奇地好味，咖哩味濃但唔會蓋過蠔肉嘅鮮味，非常出色。而口味上偏重，就正正因為咁，夾反一款清爽嘅清酒就會好夾！-松竹梅 白壁藏 澪 有氣清酒呢款有氣清酒夠曬爽，之前我未試過有氣嘅sake，怕會好苦好乸喉，今次一試，另我喜出望外，味道帶甘甜，一試之下超級鍾意！配埋味道較重嘅咖喱一齊食，充分發揮出酒同海鮮兩者嘅特色，整體感覺同味道都昇華到一個更豐富嘅層次！

朋友生日專登入咗沙田食飯，佢話想食刺身，即刻揀咗呢間塚田農場。貪佢有好多一份份嘅套餐，選擇都幾多🙂而且成個感覺都係好日系，食落都好好味😋疫情前朋友話想同我去鹿兒島，但最終因為疫情去唔成，所以佢特登叫左鹿兒島特色嘅鰹魚他他sashimi. 完全一啲都唔腥，勁新鮮，係即日空運過嚟香港🇭🇰 而且份量好多，兩個人食啱啱好。個餐包埋一杯清酒去襯刺身，揀左菊水辛口 本釀造生詰。朋友比較識飲酒，所以主要都係佢話事😬 不過都幾易入口。

男友講咗好耐想試塚田嘅火鍋，無計嘅佢門口啲蔬菜真係睇落太新鮮太吸引，今晚早少少去到唔駛排隊就去試下喇～叫咗佢嘅美人鍋套餐，真正嘅美人鍋係骨膠原雞湯，要比套餐價再加$78，我地第一次試就叫咗美人蕃茄鍋。一上枱已經擺到好靚，有少量嘅雞肉同煙肉，仲有幾粒肉丸，其餘全部都係菜🤣🤣🤣完全足夠補充一日應食嘅菜量，而且全部都好新鮮，底層嘅娃娃菜索滿蕃茄汁更覺鮮味。套餐除咗鍋物仲有一個卷物同壽司，兩者都係三揀一既，卷物我地揀咗海老牛油果，牛油果幾實淨唔會一咬就變晒蓉；壽司我地揀咗三文魚蟹肉，啲蟹肉幾鮮甜，比卷物juicy d跟餐仲有兩杯飲品，橙汁係果汁先生水準，烏龍茶無糖用黎配呢個健康火鍋就最正～

.行開沙田見到呢間主打日式丼飯、便當、火鍋就黎試下。1️⃣清酒(結)味噌燒鹿兒島天然豚里肌肉定食HKD168配凍烏龍茶2️⃣美人框飯御膳 HKD158配蒲燒鰻魚框飯、三文魚框飯、天婦羅、熱咖啡.味道 ★ ★ ☆ ☆ ☆每個定食都配沙律🥗一客，沙律菜都新鮮既另外跟餐都有前菜刺身，我地有三文魚、劍魚(我估)，凍豆腐，食落麻麻地，冇咩特別。燒鹿兒島天然豚里肌肉份量比我想像中少，不過係同平時食既豚肉唔同既，如果係鹽燒會更好味，依家只係普通燒，有豚肉味道既。味噌湯同平時飲嘅有啲唔同，味道帶點甘。蒲燒鰻魚框飯、三文魚框飯係below average，我唔知d飯係咪特別整到咁淋，爛飯咁？食落似糯米飯既質感，愈食愈唔想食。三文魚好細舊同煎過龍，好硬，不過比左好多三文魚籽，新鮮幾好食既。鰻魚都好少，但味道正常。天婦羅有紅椒、黃椒、蝦、冬菇、蕃薯、南瓜，炸得ok既。整體我覺得一般，清酒(結)味噌燒鹿兒島天然豚里肌肉定食好過美人框飯御膳。飲品方便，佢既凍飲可以走冰，呢個👍🏼。熱咖啡好飲(估唔到)，奶係分開上，而且係暖的，呢樣好甜心，不過唔洗再加已經好飲👍🏼.環境 ★ ★ ★ ☆ ☆舒適，枱與枱之間唔會太近，有梳化座

沙田新城市一直有吾少食店，之前去了塚田農場食野。我點了藤安釀造鹽麴大蒜燒鹿兒島天然豚里肌肉牛肉時雨煮框飯未試過鹽麴天然豚里肌肉，想一試，肉質嫩滑，完全吾朝和硬身，好味道。我本身鍾意食餸多過飯，這個牛肉時雨煮框飯啱曬我。細細碗框飯，不但賣相精緻，而且份量剛好。這個飯係有味飯，特別好味，再配上牛肉一齊食，雙重口感。甜品也好吸引，最後點了安納烤甜薯芭菲。烤甜薯好甜，凍的雪糕和熱甜薯，一冷一熱，再加上脆脆，多重口感，這個甜品下次要再點。

~三文魚親子鹽昆布炒飯($93)🍚原先喺出面望到啲蔬菜勁靚🥦，所以有啲想打邊爐🍲，但得自己一個人最後都係叫返個飯嚟食就算😌。呢個係以鐵板形式上嘅🔥，側邊嘅蛋應該係上菜嗰陣先啱啱打落去🥚，所以撈落d飯到都仲夠嫩滑😚。而炒飯加咗三文魚同埋鹽昆布本身已經好夠味😝，鹹鹹地嘅鮮香加埋三文魚子口感更加豐富😙。飯得冇平時一般炒飯咁乾身🍚，但係因為係鐵板上所以底層會有微微驚飯焦好香😋。~沖繩唐揚魷魚配七味沙律醬($58)🐙通常見到唐揚都會諗起雞🐔，今次見到有魷魚就試吓啦😝。分量對於我一個人來講有啲多😙，不過點埋個沙律醬食落去會冇咁滯口😌，所以我都食得晒🙈。覺得如果可以再炸耐啲就會更脆口咁更惹味啦🔥。~咖啡($48)☕️呢度咖啡嘅奶同糖即係交俾你自己落💁🏻‍♀️，咁就可以根據自己口味慢慢調配啦🤪，唔使成個港女咁又多奶又少甜又少冰咁👸。~ 安納烤甜薯芭菲($58)🍨食飯點可以唔食甜品呢😎，完全比Menu吸引左諗都冇諗就叫呢個😚。果然完全冇令我失望😜，芭菲凍冰冰加上熱辣辣嘅甜薯口感好特別🤩，仲可以加埋出面嘅粟米片一齊食🥣。而且個番薯太甜喇掛😍，勁好食囉完全拍得起印尼番薯🍠，所以最後我勁飽都食晒成個番薯😌。

同朋友係沙田行完街，想食下日本野，就黎到呢間餐廳。雖然佢地主打美人鍋，不過友人與我戰鬥力不高，而且餐廳餸菜款式種類多，於是試左三種款式。三文魚蟹肉沙律壽司卷($78)用料豐富，口感清新，一d都唔膩炙燒走地雞年糕pizza ($98)燒雞的香氣，加上煙癮的日式年糕口感，放在香脆的pizza上，三種不同的質感難得的配合蟹肉三文魚籽框飯($45)三文魚框飯($45)雖然份量並不多，但小碗內的糯米飯配上佈滿了表面的三文魚，足夠醫飽肚仔

同朋友一齊搵野食，見到佢咁多人like就試下佢，可能因為無食佢d鍋淨係散叫，所以食唔中佢好食既野，散叫除左個美人卷正常d同壽司卷比較好反小小之外，其他都末到難食既，不過真係唔太好食。走地雞年糕薄餅-$98 (1.5/5)分量又細，雞粒得好少，又油，唔係太食到有年糕，仲要冇乜味，食緊蔥油餅咁。優點係佢夠熱。念住唐揚魷魚-$58 (1/5)唔會伏，點知，我接近淨係食到炸粉，以為得小量係咁，問完友人佢地同我有同樣感受。優點： 個沙律醬幾好食。牛油果蟹肉沙律盤-$78（2.5/5）佢算好小小，始終沙律點都唔會難食，蟹肉份量小，我都明78蚊唔好奇望佢比幾多你。所以佢都合格既。優點： 擺盤幾好睇。蒲燒鰻魚框飯-$45（2/5）末食過糯米飯底既鰻魚飯，勁奇怪，同鰻魚又唔夾。優點：細細份幾可愛。海老天婦羅壽司卷-$128(3/5)成餐飯最正常係佢，食落就係炸蝦壽司卷，完。三文魚親子鹽昆布炒飯-$93(2.5/5) 佢其實唔太食到三文魚味，淨係咸味炒飯。沖繩大島魷魚配豬肉炒麵-$93(2/5) 唔係講笑d魷魚咬一分鐘都末咬完，勁韌！豬肉片得3塊仔，佢都唔算勁油既，普通炒麵。鰻魚忌廉芝士美人卷-$42（3