塚田農場 (已結業)

＊呢一站沙田＊😌Bijin Shabu-shabu 美人涮鍋-澳洲牛肉(2人份量)(6/10)＊賣相非常吸引，落肉及菜好方便＊湯底鮮甜，濃郁雞白湯味道，唔會似味精味＊牛肉嫩滑，每一片入口有牛味，容易咬開＊蔬菜切得碎，所以放係鍋邊位較容易疊高，顯得好似好多，但一落鍋浸濕時份量係好好好少＊視角上牛肉份量似多，但牛肉超薄，所以加起來其實只有1人份量＊價錢都頗貴，整體黎講呢個涮鍋性價比低😋安格斯牛小排定食，追加牛柳粒100g(7.5/10)＊牛小排肥瘦均勻，及牛柳粒都有牛味＊自己控制燒幾熟，燒到7,8成熟，剛好，放入口易咬＊食落好juicy，唔會有乾嘅口感＊配上醬汁都唔錯，味道酸酸甜甜😑清酒(結)味噌燒鹿兒島天然豚里肌肉定食(2/10)＊超級超級唔推薦，好好好伏，性價比超超超低＊味噌豚里肌肉完全同平時街市買到嘅豬扒拎去煎一樣＊份量又少，豚里肌肉又超似薄切上枱，食落肚好似無食過嘅感覺＊配菜小食正常，豆腐偏滑，沙律菜及刺身新鮮

新城市廣場真係好多嘢食，搵吓Openrice 食評，見到有人介紹呢度有年糕薄餅，年糕係我至愛，混合薄餅又幾特別，決定揀呢間食。叫左唔多嘢食，食物又細細份幾精緻，啱晒又想食、又怕肥嘅我。按好味指數排列: 🍚美人框飯 - 蒲燒鰻魚框飯 $55框飯名字真係好特別，搵一搵資料，原來框飯係新潟嘅鄉土料理，係裝在小蒸籠裡面嘅炊飯。而呢度用左糯米去做，個人十分喜歡這種黏黏又軟糯嘅質感。值得讚嘅係佢嘅烹調方法，令本來應該有點硬嘅糯米飯煮得軟身，但卻又依然煙韌，配上肥美嘅鰻魚食，呢個真係好好味。不過留意份量，較適合細食女士享用。 🥗美人農場沙律 $88唔單只有沙律菜，仲有士多啤梨、三文魚、牛油果。menu特別注明沙律汁係甜酒x鹿兒島草莓嘅特製醬汁，果然係好唔同嘅沙律汁，有微微士多啤梨嘅甜酸味，仲有帶甜嘅酒香，與食材伴混進食，開胃之餘，亦令三文魚的鮮味更特出。🍕炙燒走地雞年糕薄餅 $98年糕同薄餅竟然出奇地夾，薄餅外圍會較香脆，但中間部份有薄餅混合年糕嘅煙韌，加上烤雞嘅肉味令整體味道入口更豐富；雞肉粒雖然經過烤焗，但仍然嫩滑，亦保留到小小肉汁，唔會亁硬，值得一試。 🌯三文魚牛油果美人卷 $42雖然呢個排最

呢度全部野食都又貴又細份 性價比超級低！成家人埋單成千幾蚊 都唔飽 睇個menu好似幾吸引 就諗住入去試下。點知伏到一個點！ Sushi roll, pizza, 炸物,邊爐 全部細份之餘 用料質素一般 打邊爐啲肉質豬肉片豬腩片係得啲肥 油到食唔落口！啲肥牛肉一啲雪花都無又好韌 個壽喜燒湯底咸到食唔落口 要係咁飲水。仲要收成$460 得幾塊肉下面鋪啲垃圾菜係底。其實做生意咁做架咩？唔怪之得 假日peak hour 全部餐廳都有人排得佢門口無人排。其次連杯水都要自己斟 叫極都無人理。基本服務都咁差 一定唔會有下次！

叫咗個蒲燒鰻魚框飯、三文魚框飯、海老天婦羅壽司卷、焙茶餡蜜芭菲，食完完全唔飽。嗰兩個框飯，兩啖食完，份量少得可憐。天婦羅壽司卷成$128。物無所值。個焙茶芭菲，賣相又唔靚，又唔好食。點解沙田呢間同APM嗰間差咁遠。總之唔會再去沙田呢間。

一到星期五, 同事少不免都會話不如去遠少少既地方食個lunch 呀, happy friday呀嘛。大家就柴娃娃咁去沙田食日本野, 呢間睇食評係都幾好, 不過個定價就高左D。我就安全牌, 叫左個和風列豬排定食(HKD$148), 外面都炸得好脆,肉質不錯。整體黎講, 係好食同抵食既。同事有幾個都叫左清酒(結)味噌燒鹿兒島天然豚里肌肉定食(HKD$188), 佢地覺得幾得意, 但係黎到個下大定既反應開始失靈, 因為個樣同相係差得幾遠, 肉質都好一般, 唔係好值呢個價。最後仲有個同事叫左個美人框飯御膳(HKD$188),有兩個飯選擇, 一款小食, 仲有個刺身沙律, 味噌湯。黎到個樣好好多, 真係覺得呢個先係值188既餐, 因為睇到係精緻, 又可以試到唔同既菜式, 我本身睇到諗住佢個飯都係得一半,點知係full , 仲要熱同好食架。呢個係值得叫黎食。

我哋四位女士同一位幼兒食晚餐。唔好睇相，以為好大份，最後我哋叫左好多份先飽，埋單差唔多$1400…….😢😢最後覺得最值係飲品，味道ok，份量正常。明太子pizza 可以一試，因為佢唔係平時Pizza嗰種餅底，係年糕餅底，煙煙韌韌，有啲似飯焦，但缺點都係太細份，好似迷你Pizza甘。卷物一般。炒飯唔錯。仲有個咖喱蠔、炒麵已經忘了影相。唯一值得讚揚的是，服務不錯。我哋用唔到電話落單，服務員EE都好盡力幫我哋解決，而且可能知道我哋有一個小朋友同行，所以安排咗梳化卡位比我地，唔單止闊落，位置亦都好安全，即使小朋友離開座位，都唔使擔心走廊太陜窄而生意外。

今日喺呢間餐廳買咗兩個外賣午市套餐，一開始已經將另一位客人嘅order比錯咗我。Check都唔check吓見到我企喺度就直接隊個餐俾我。OK. 諗住返屋企慢慢食啦，一打開個袋發現其中一個餐冇比到前菜（留意番，餐牌上係有個豆腐前菜的）都算啦起碼你啲嘢食應該要食得落口啊一夾落去個三文魚度，嘩，硬過石頭。乾柴到飛起，未食過咁難食嘅三文魚。好似隔夜咁，仲要腥腥地。真係學校canteen嗰啲都好食過佢🤮呢個餐本身要$178🙄然後另一個餐嗌咗豚肉飯未見過豚肉可以係咁劣質，肥豬肉佔咗塊肉嘅八成。碗飯更加離譜，濕立立嘅，屋企煮飯都唔會煮到咁。咁就收我$98🤮依家準備煮多個麵食去彌補我心靈嘅創傷

被門口的職員努力砌蔬菜盤而吸引原來主打是美人火鍋首先先點了一些卷物三文魚牛油果美人卷42用和風米紙卷包着分量十足的三文魚和牛油果米紙煙韌 內有爽脆的椰菜絲口感不錯帆立貝玉子壽司卷外層有蛋捲包裹 然後再放上帆立貝非常精緻 帆立貝新鮮鮮甜美人鍋湯底充滿骨膠原成份 呈現出奶白色雞湯由幼雞和走地雞的雞骨熬製而成 更能帶出肉片和蔬菜的鮮味 蔬菜拼盤非常豐富 加上新鮮雞件和肉丸並附上芫荽醬芝麻醬韭菜醬各有不同 有和風和中式的感覺

今天到沙田新城市廣場，發生餐廳評分較高，所以懷着期待的心情用餐。但係最終只有失望收場。作為中高價位的餐廳食物品質未能符合其價錢Order 咗有兩碗細飯嘅套餐，兩個都沒有驚喜，照燒雞和三文魚飯，兩個的味道都非常普通，雞肉並不嫩滑同時調味不足。熟三文魚肉質乾身，三文魚味並不突出。沙律和炸雞只是不過不失。 整體用餐體驗令人失望，同價位的餐廳有更好選擇，食材和味道都配不上餐廳定價。感覺餐廳可以有更多的改善空間。

沙田新城市廣場一樓差不多有齊各式各樣食店，真係花多眼亂，我同朋友都不約而同決定食日本嘢，揀了一間日本料理，名叫「塜田農場」，當係補償去不到日本旅行之苦。店內座位夠多，職員服務態度友善又有禮。三文魚牛油果美人卷外層晶瑩剔透薄薄㗎米紙卷皮，內有三文魚、芝士、牛油果、沙律菜，配埋千島沙律醬，開胃又醒神。和風泰式海鮮咖哩沾烏冬烏冬、咖哩，獨立分碟、分碗上。咖哩內藏鮮甜蝦、蜆肉，咖哩唔辣，烏冬夠彈牙，秋葵夠嫩易咬。蒲焼鳗魚框飯鰻魚唔腥，夠新鮮，框飯係用了糯米，因為係糯米，易飽又易滯胃，所以份量唔可以太多，醬汁好嘢味，唔會太鹹，加埋芝蔴，又香囗又好食。炙燒走地鷄年糕薄餅雞肉夠嫩滑，餅底薄，年糕夠煙韌，食落香脆，口感一流👍

今日嚟到塚田農場食午餐，本身諗住食午餐定食，但見到隔離枱食個火鍋好正咁，2個人share翻同午餐定食價錢都唔係差太遠，於是就叫啦。個鍋嘅肉可以揀牛/豬/牛+豬，我哋就揀咗牛加豬，有兩個麵，兩杯飲品牛肉加豬肉，中間係壽喜燒湯底兩個烏冬橙汁蘋果汁牛肉同豬肉都幾好食豬肉肥瘦適中，唔會太鞋牛肉只叫左最普通個隻，有得比貴啲食靚啲，我哋食最普通呢隻都ok，幾有牛味，唔會好鞋個壽喜燒湯都唔錯，睇落好淡但食落ok肉下面有好多菜墊住，我哋都有食晒，淥菜好索到個湯，好濃味唯一問題係佢咁樣擺啲肉，肉突出嚟個邊會滴晒啲血水係枱面，食完發現成枱血水

姊妹2人到沙田Shopping, Shopping後順便搵食，見到呢間店名好有日本feel~ 今次係7點前攞位，所以都好快有位，用餐時間係90分鐘～三文魚親子鹽昆布炒飯：用鐵盤上，上菜時會係旁邊加隻生蛋，用鐵盤嘅熱力整熟，因為有蛋嘅關係，食起嚟都好乾身，粒粒分明～仲有大量三文魚同三文魚子，增加咗味道嘅層次感，但味道略嫌偏鹹咗少少。海老牛油果美人卷：用米紙卷包住入面嘅海老同牛油果，仲有甜甜地嘅玉子、蟹柳同生菜，食起來好爽口，口感唔錯，夏天食嘅話都幾開胃～鰻魚忌廉芝士美人卷：估唔到鰻魚同忌廉咁夾，仲包住原條鰻魚，味道配搭得啱啱好～三文魚牛油果美人卷，滿口都係三文魚，呢款都有忌廉芝士包住係入面，食落好豐富～值得一提嘅係每款美人卷都配咗唔同嘅醬汁，真係好有新鮮感！梳乎厘玉子燒鰻魚：作為呢度嘅推介菜，當然要試試！面頭嘅玉子都幾厚身，雖然望落Overcook咗啲，但食起上嚟鹹甜鹹甜咁，配埋裡面嘅饅魚粒，好食！感覺其他餐廳食唔到呢隻味道～

已經有段時間冇外出食日本野，今次相約朋友去左沙田塚田農場食飯。Order左照燒雞&免治雞肉碎丼、清酒(結)味噌燒銀鱈魚定食，甜品有綠茶&焙茶雪糕。照燒雞扒燒得恰到好處，表層金黃香脆，雞肉就好嫩滑，免治雞肉好入味，成個丼飯都好有雞嘅感覺味道。銀鳕魚定食有豆腐做前菜，好滑，點埋芝麻醬食好好味，仲有三文魚腩刺身，同樣出色好新鮮，主菜銀鱈魚魚油足，煎嘅時間拿揑得剛剛好，魚肉極滑，配上沙徫醬回味無窮。綠茶&焙茶雪糕好有日式風味，味濃但不過甜，正！

每次行過呢間餐廳都以為剩係得打邊爐🍲食，原來唔係架，都有好多熟食選擇，今日就同friend叫左D熟食試下手勢😺*雙拼年糕薄餅(炙燒走地雞＆海苔明太子）$88*薄餅兩個人share食岩岩好，叫左雙拼冇咁悶，海苔就有好多喇，但明太子就唔見好多🤣薄餅薄底超香脆👍🏻*三文魚親子鹽昆布炒飯 $93*侍應上菜時先會將蛋淋落去鐵盤上，鐵盤夠熱可以即場煮熟隻蛋，令到成個賣相好吸引想即刻食😛*三文魚牛油果美人卷 $42*卷既Size唔算大，但口感豐富，食三文魚好少會有咁多配料一齊食，卷內有芝士、菜絲、牛油果、三文魚，再配上沙律醬，一次過滿足幾個願望😋*梳乎厘玉子燒- 鹿兒島紫菜 $78*一上枱就聞到好香好香既蛋味😛，食落又唔會好濟，係略嫌入面既紫菜咸左DD

沙田新城市廣場底層有好多唔同食肆，朋友想食日本菜，於是揀左塚田農場，餐廳都幾大，座位數目多，坐得幾舒服。 ▪️火灸三文魚壽司卷🍣卷物有8件，賣相精緻，面頭鋪住片炙燒三文魚，燒得好香！卷物內包住蟹柳、玉子同牛油果，口感軟淋淋▪️三文魚親子鹽昆布炒飯🍚鐵板上，要小心辣到手，鍾意食飯焦嘅朋友可以攤耐少少，就會有脆卜卜嘅炒飯食！炒飯幾惹味，都幾多粒三文魚碎，仲有好多魚子可以撈埋一齊食！圍邊炒蛋要快d食，唔係就邊老蛋，會燶哂㗎喇～▪️焙茶餡蜜芭菲🍦焙茶雪糕茶味都幾濃，但略嫌過甜蓋過茶味。仲有厥餅、小丸子、涼粉，都幾豐富！