塚田農場 (已結業)

沙田一向都有好多嘢食，今晚決定食日本嘢，於是就搵咗呢間餐廳食！三文魚親子鹽昆布炒飯，三文魚炒飯外面有一層蛋液，職員會係上菜時幫你淋上，飯炒得好乾身好香，用咗自家製嘅蔬菜醬油去炒，帶出風味，飯上面仲有啲魚子，撈埋一齊食好正！霧島植生產炸魚糕拼盤，有芝士，粟米同紫薯三種魚糕，我最鍾意芝士，因為係流心的！海老牛油果美人卷，用左米紙去包住唔同嘅蔬菜牛油果同蝦，口感好豐富好有層次，而且好開胃！焙茶餡蜜芭菲，有厥餅，焙茶雪糕，紅豆，白玉，蜜糖多士，好豐富,焙茶味道好濃