塚田農場 (已結業)

美人涮鍋 $290🔸今日所有鍋物半價（原價$580）🔸和牛壽喜燒🔸在特製鍋中舖滿嚴選和牛，肉片下加配新鮮蔬菜。🔸和牛軟嫩，片片大塊，配上壽喜歡，湯甜肉甜，絕配。#美人卷盛合 🔸三種美人卷物。🔸海老牛油果美人卷、三文魚牛油果美人卷及鰻魚忌廉芝士美人卷。🔸用的米紙包住不同的海鮮及蔬菜並配上不同的醬汁，味道非常獨特。🔸最愛三文魚牛油果美人卷配凱薩沙律醬，沙律醬配上清淡的三文魚及蔬菜，絕配。#日式山賊燒炸雞（$78）🔸炸得香脆。🔸雞味濃郁。🔸雞肉滑嫩。.益大家🤤========================.😋味道：8/10🙃回頭：8/10💰消費：$300（每人）

最近一直很好西，謝謝塚田農場的邀請，很有愛的餐廳一坐下就看見一張紀念卡🥰這裏的裝修很舒適，我最怕很嘈吵又擠逼的餐廳。這裏出名的是「美人鍋」大家一定要試試，雖然我不吃牛，但是我還是偷吃了一塊和牛，很鮮甜而且口感特別滑溜的😛再來就是豚肉，都是超有肉汁的說。第二推介就是這個燒雞，😍第一口吃下去，是我最喜歡的醉雞耶～而且酒帶出雞的鮮味，超贊的👍👍👍最後就是點了一個我一打開餐牌就禁不住好奇的甜品，它是，紅豆，水果，紫番薯的混合體，好像在吃甜腸粉一樣😁很特別的說。總括來說，值得你們一試的餐廳😋喜歡吃火鍋的朋友不要錯過喔～#塚田農場 #日本餐廳 #火鍋 #美人鍋 #美人涮鍋 #朴葉味噌燒走地雞 #美人卷 #山賊燒炸雞

很喜歡塚田農場的美人鍋因為有好濃既雞湯味，原來係用左雞骨熬製8小時以上今次黎見到有套餐$438 包美人卷，鍋物，美人壽司及飲品，有幾款指定既可以揀如果要食美人鍋就加$78一舊骨膠源既啫喱雞湯呀慢慢煮溶同熱雞件，已經係熟，不過要放入湯煮番熱食都有半隻雞嫁湯底好黏，濃郁既雞湯滿滿既骨膠源呢～～～飲左頭啖湯，補充一下呀另外仲有蔬菜盤及雞肉免冶蔬菜盤色彩豐富，有青瓜片，粟米🌽芯，金菇、生菜、菜心、豆腐、秋葵呢舊油揚中間包住大蔥，又有另一個食法，咁樣食又幾香免冶雞肉製作成雞肉太，有辣同唔辣味其實辣味只係加左小小七味粉，不用擔心會過辣鰻魚忌廉芝士三文魚小卷壽司卷上還有金萡😲三文魚子粒粒金黃，鮮味👍🏻美人卷透明既水晶皮包住三文魚、牛油果、芝士同生菜好似越南春卷咁，仲可以點蔴醬另外再叫既粟米塔一上枱好吸睛呀😍 有一球雲尼拿雪糕，撈埋炸粟米🌽食又幾夾而且粟米特別彈牙，唔通係因為炸左？

原本打算食既餐廳去到門口先知星期二係休息所以係新城市兜左幾個圈發現呢間好震憾因為有個鍋係成盤肉仲有晚市指定美人鍋可享半價優惠就諗都唔諗入左去首先叫左個Bijin Shabu-shabu 美人涮鍋有壽喜燒及原味揀亦有唔同既牛肉同豬肉配搭因為本人比較鐘意濃味 所以壽喜燒湯底就最岩!上到黎先發現 佢唔但止得肉其實仲有菜做配搭豬同牛既切片做到好簿放落去可以快熟d肉質亦較為爽口加上壽喜燒既調味 濃得黎亦唔會蓋過牛肉同豬肉既味道非常推薦另外再加多左個鳥冬2人分量其實已經算差不多 不過剩食鍋好似有啲唔夠喉所以叫多左帶子玉子壽司佢既size比較精緻一啖可以放入口 岩哂我呢d食野成日食到亂七八糟既人一咬落去 帶子味好重 不過有陣清新既味道 非常推薦呢間店舖服務亦非常好下次一定會再去!

要不是美人牛肉鍋有半價優惠，實在捨不得吃。店員先端來一個鍋，待鍋中布甸似的白色東西煮融了後，店員便加進醬油攪拌。我嘗不到湯底有什麼獨特的味道，加上後來湯底愈煮愈鹹，更覺得只有醬油味。美人鍋，以養顏為名，還以為湯底會比較清或較滋潤。醬油味、而且愈煮愈黑的湯底，與日本「美人」的形象大相徑庭。「美人」之名，恐怕只是以開初布甸狀、號稱含豐富骨膠原的湯底作噱頭。配料的質素倒是不錯，蔬菜和肉類的比例剛好。其中有2隻蛋，蛋是涼的。敲破打進碗中，發現原來是溫泉蛋。在香港實在很難遇到温泉蛋～2人只吃美人鍋是夠飽的，卻不夠喉，於是再叫了一個明太子梳乎厘奄利。不過吃到一半便太飽，不想再吃了。

塜田農場假日 下午茶時段唔洗等位 可以直入 安排左四人卡位，提供左兩張bb椅⚠️食物：⭕️芝麻汁鯛魚刺身井 $78配麵豉湯鯛魚新鮮，以下午茶黎講，份量幾足，⭕️照燒雞x免治雞肉碎井 $78配麵豉湯肉碎質感好岩小朋友食，兩個小朋友分都食唔曬。 ⚠️環境：✅小童餐具 （餐具幾可愛，有杯、碗，碟）服務員有主動過黎加水，幾好笑容途中要求加醬料，都冇話黑面⚠️價錢：兩大兩小 tea 可接受 下次黎，想試美人鍋🍵 Total$172

上星期晚上去哩間餐廳食飯，叫咗個二人套餐，包美人卷，鍋物，壽司。成餐覺得平平無奇，食唔飽，又貴，又唔係特別好食三文魚美人卷三文魚臭嘅唔新鮮，卷入面嘅菜發黑，食落去好乾身，勁難食。美人鍋雞湯入面有頭髮，啲菜盤都好似放咗喺出面好耐，啲蘿蔔有啲乾乾哋，啲菜有少少霉，個竹筒裝住雞滑有酸味。一間餐廳嘅主打菜可以做到咁，不如執咗佢好過。帆立貝壽司正常，唔係難食，亦唔係好食。買單500幾蚊食啲咁嘅嘢，我寧願食放題好過，塚田農場啲來貨，應該同放題嗰啲差無幾，食水深。

叫咗個兩人美人鍋套餐（$598要加一），包括卷物、刺生、美人煱（有幾種蔬菜和三件雞件）、一碗飯、甜品。份量不算多，美人鍋雞湯都不錯，好濃雞湯味，如果多一件雞就好啦！建議二人餐應該有兩碗飯，卷物外皮比較乾，刺生一般。服務方面，有待改善。職員會幫客人放材料落火鍋，但serve 我們的職員可能感到不適，有點咳嗽，但沒有戴口罩⋯⋯ 建議餐廳可以留意一下，提供口罩給不適的員工。不過，甜品反而有點驚喜，用冷凍石碗放綠茶雪糕和芝士蛋糕，好味。

同老公一齊撐枱腳，揀左間日本都有嘅過江龍餐廳一坐低見到隔離枱個美人鍋好似好好味，但我地得兩個人食唔到咁多。所以決定散嗌左啲幾樣野食。第一樣就係呢款海鮮丼沙律，菜同魚生都好新鮮。呢個小食紫菜吞拿魚都唔錯，最得意就係佢冇飯嘅呢個主菜走地雞生薑燒真係好好食醬汁味道適中。另叫咗半熟，雞肉好嫩滑。呢個鰻魚炒飯，飯粒粒分明，加上鰻魚整得幾好食，老公食左三細碗飲品都幾好飲，第二杯仲半價。等下次約多幾個朋友試下個美人鍋先。

Lunch & Tea Menu美人丼輕食 $88- 和風咖喱炸豚脊肉丼- 味噌湯- Ginger Ale味噌湯材料豐富, 有金菇, 海帶等材料, 味道不錯。和風咖喱炸豚脊肉丼, 咖喱甜中帶辛辣, 飯粒飽滿, 粒粒分明。豚脊肉薄切, 炸得外表有點焦乾, 肉質尚可, 不太乾, 唯只有三片, 十分矜貴。另配有大阪燒汁調配的醬汁, 酸味味, 頗醒胃。Ginger Ale 味道不太薑, 易入口。美人甜卷 - 時令水果, 白玉, 紅豆 $48美人甜卷只有4小粒, 以白玉為中心, 面頭蓋上士多啤梨, 底下有紅豆蓉。整體味淡, 即使底下沾有甜醬, 亦不覺甜。喜歡白玉黏糯口感的人會很喜歡, 否則只屬一般。題外話:和風咖喱炸豚脊肉丼有$108和$88輕食版, 根據餐牌, 輕食版沒有味噌湯和沙律, 而且$88加一後不夠$100, 不能於商場儲積分, 固特意把餐牌翻到美人丼那頁, 指定要$108那款。吃完整個餐後, 始發現尚欠沙律。一問之下, 店員稱落單落了$88輕食版, 而且輕食版原來也有味噌湯, 飯的份量較$108少。頓時感到無奈, 因滿足不到消費目標之餘, main menu大部份的食物只能於晚市供應

雖然一田整嘅搞到無左個food court,但其實沙田新城市廣場不嬲都幾多野食嘅，成日都想試呢間嘅魚生飯，但就覺得貴🤦🏻‍♀️🤦🏻‍♀️🤦🏻‍♀️，最後揀左teatime 先嚟試下😂😂😂今次就揀左個牛油果炙燒三文魚輕食丼，個魚生飯有半個牛油果🥑嘅份量👍🏻👍🏻👍🏻但個牛油果未熟透所以有少少硬🤧，不過個火炙三文魚加番分！肥瘦適中，唔會有筋🤤🤤🤤，而個味噌湯都好夠熱夠濃🤤🤤🤤🤤

平日自己好少煲湯飲，但係偏偏又好鍾意飲湯，經過沙田見到呢間用雞湯淆製嘅美人鍋湯底，即刻好想入去試吓。果然不失所望，非常好味！個雞湯底一上到枱，係啫喱狀嘅，感覺好有趣，店員將湯底加熱，啫喱狀慢慢在我面前變為水狀嘅湯底。水滾之後，店員會叫我先試吓個湯底，然後再問我要唔要幫我將啲雞同材料放落去鍋裏面。由於我係第一次嚟食，所以就麻煩店員幫我炮製。店員好用心咁將個啲材料，擺到好精美，仲提醒我哋水滾之後過多5分鐘就可以食。總括嚟講，打邊爐飲到啲咁正嘅湯底，簡直一流。

成日經過沙田都見到呢間野今次終於把握機會見到星期二鍋物特價50%off初嚐😋養顏鍋我同朋友本身望住個menu係美人鍋同美人涮鍋兩者之間糾結左好耐因為真係乜都想試下！最後係隔離檯嗌左個美人涮鍋之後比佢超澎湃既肉吸引左（果然係食肉獸無誤美人涮鍋(和牛&豬)💰520半價一上黎真係好澎湃係肉啊～但望真d下面都好多菜下均衡飲食啊嘛湯底我地要左原味湯底湯底好濃厚，膠質感出色，飲完會有種個口痴住既感覺本身個店員拎左兩隻醬比我地點肉食，分別係飛魚汁同麻醬但我個人覺得因為湯底夠味所以我最後都無點過果兩個醬汁😂😂腐皮蔥卷&豆腐💰40我同朋友都鍾意食蔥，你地明白的（食蔥聰明啊嘛😂😂😂不得不講蔥味濃郁 加埋個腐皮好夾啊佢地豆腐就正常水準，滑溜溜 健康之選海老牛油果🥑美人卷💰48作為一個超級🥑會長其實只要有🥑d野我都會話好食入面有蛋、蝦、牛油果、各類蔬菜🥬但老老實實講句 本身d菜都清甜個醬就一般般啦 越南米卷d醬出色d😂不過算係咁啦 個米紙卷就咁食都已經好好味啦雜炊💰35我同朋友其實都算食得多既人😂所以最後都加多左飯黎做ending食完曬d肉之後我地將飯放落個湯到煮吸曬雞湯同肉汁d精華最後到差唔多收乾打埋個雞蛋

今日天氣又熱又曬，上午同朋友係沙田打完波後好攰勁肚餓，就急急腳去新城市廣場嘆冷氣覓食。放假運動完想食好ｄ，本人鍾意日本料理，最後揀了「塚田農場」。首先見到menu，原來餐廳主打美人窩、新鮮嘅農作物同雞，見格離枱既美人窩set好大份量，不過打完波又唔想食咁多，就叫我既至愛燒豚肉餐，menu美人丼御膳既「灸燒豚肉丼set」。其實個set裡包括有前菜沙律、小食凍豆腐、炸雞、仲有蕎麥麵，份量十足！一個set食到好多嘢。　凍豆腐配上日式芝麻醬，美味健康。炸雞夠大件，加埋醬汁食好夾。灸燒豚肉丼有好多塊豚肉，連埋燒汁撈飯一齊食，好滿足！等我下次幫襯試下個美人窩先得！

有晚見唔係好多人，去左新城市食野，地下好多間成日都好少食，同女朋友去搵下，入門口俾個女sales話全單8折諗住試下，叫左火鍋餐，以為有埋甜品，要加錢，叫左兩杯野，明明同女侍應講清楚飲咩，點知送黎男仔勁串，串到好似我地做錯錦，最後都肯換，但唔知會唔會加野！最後完全食唔飽，埋單折左都4百幾，之後同女朋友即刻去食番米線頂肚，正中貴格又唔飽，呢間永遠都唔會再食！*純粹自己意見，試唔試由你決定！最重要貴都仲態度差先笑！！！！*