塚田農場 (已結業)

這三個月內已經是第六次去沙田塚田農場食晚飯了，每樣都非常好食，食材新鮮美味，食品精美，色香味全，美人刷刷窩，粟米塔，沙律， 日式 山賊燒炸雞 ，每樣實在太好味了，每次也回味無窮， 而且員工非常親切友善， 環境清潔乾淨， 這六次的經驗及我的朋友也非常喜歡這間餐廳 ， 六次的朋友也不相同，他們也覺得很值得一試，而且食後也非常覺得美味，會再去再去再去！ 他們也說食材新鮮美味特別精緻， 是用心去做好食物， 令人非常滿意 ，一定要親身體驗這些美味的食物！

見到Openrice訂位鍋物有半價, 就同朋友一齊去食。之前已經試過同集團, 喺apm美人鍋, 所以都幾高期望。一行二人被安排一張靠牆二人枱, 所以食火鍋成枱放滿嘅時候都少少迫。由於訂位嘅關係, 餐廳安排咗一張卡放喺枱面, 好窩心。二人前嘅美人鍋半價後$180 (正價$360真係唔抵食), 湯底濃郁, 蔬菜種類多, 但略嫌雞件太多骨。另外叫嘅鰻魚忌廉芝士美人卷亦好特別, 冇諗過鰻魚同芝士咁夾, 而且啖啖蔬菜感覺好fresh。

黎沙田食lunch見到呢一間餐廳好似唔錯就諗住試吓，店員會幫你度完體溫先可以入去，午餐黎講價錢都偏貴，所以我就冇叫套餐叫咗一個丼飯。灸燒三文魚牛油果丼飯因為兩樣都係我最鍾意食嘅嘢所以我就即刻揀咗呢個啦，我自己就將佢撈埋一齊食，都幾特別但係咪話都好好食，牛油果都算新鮮同埋份量都多☺️。

睇佢個menu其實真係會俾佢啲display吸引因為佢應該係唯一會咁擺盤嘅火鍋餐廳尼個樣真係好吸引㗎但係原來下面全部靠啲菜撑住而啲菜係又少又牙位，啲肉超級薄，全部都一陣風咁😂😂😂😂味道係唔差嘅，但真係要食飽嘅話，人均消費要$800-$1000先得但係願意洗咁多錢嘅話，點解要揀尼間😂贊一贊個display係靚同方便，可以將啲食物直接推落去個湯度但兩個人食咗六百幾，一個鍋同一個餐完全，係完全無飽嘅感覺😂😂😂

好耐冇去沙田 , 諗住試下新店 , 又中伏見餐牌上有標註新出品 , 就試下, 叫咗呢個炸豬扒定食 (連加一 $174) , 係完全唔值呢個價, 真係非常差塊豬扒冇味之餘仲鞋口到不得了, 應該本身食材都唔係好, 所以至會鞋到咁,  碗湯有陣怪味, 似消毒用品味, 好奇怪個飯碗好在我有習慣會望下, 爛的, 睇相都睇到, 真係一個唔小心整到咁點算呢? 我食完之後 , 職員收嘢時, 我有細聲同佢講個碗爛, 唔好意思都冇講句...

自從新城市既公關災難後，已經好少去新城市食野，有次跟屋企人食野，就打算試下未食過既餐廳。依間＜塚田農場＞位於地下好多餐廳果層。自己好鐘意食牛油果同三文魚。果日睇餐牌見佢既牛油果三文魚丼飯好似幾吸引咁，就走左入去食。結果真係勁後悔！牛油果同三文魚，基本上依個配搭只要材料新鮮，就一定唔會難食。我成世都未想像過一個牛油果三文魚丼飯竟然可以難食到咁首先以為佢會用日本米，始終都係打住日本餐廳既名堂…結果佢用既米係勁細碎、唔圓潤唔黏口唔飽滿，汁又勁少。三文魚同牛油果好似鋪得好滿，其實係切到紙勁薄，擺入口就無左。加上成個飯同材料基本上係無調味過，唔單止薄仲淡到無味…完全唔覺得自己食左野。其實整得咁無心機，不如唔好整屋企人嗌既甜品就好少少。佢係一大杯布丁加一球雪糕，嚴格黎講唔算芭菲。不過個布丁幾有奶香同抹茶香，QQ彈彈咁，都算好食。

近來涼涼地，都想打邊爐, 在新城市一期找到了塚田農場。餐廳在一期地下，好易找。美人涮鍋-和牛(原味)🔸️沙律好醜樣。正常，不算新鮮。🔸️美人涮鍋中間是骨膠原湯底，四周圍著和牛，不過只有薄薄一層，下面是菜， 但不 新鮮。每一塊也如紙薄。幾百元 一個餐 也沒有 出名的 蔬菜拼盤， 有點失望。 據聞蔬菜很好吃。🔸️烏冬很滑很好吃，令人很想追加多一份。🔸️黑薩摩雞沒想像中好吃。 比較鞋，難咬開。🔸️甜品🔸️烏龍茶餐牌寫二人用，我覺得一人也吃得完😅。影相不錯，但質量未達標。

塚田農場來自日本宮崎縣 食材主健康新鮮「黑蕯摩」走地雞肉由日本自家農場空運來港 雞料理係必食 採用日本肉質鮮嫩朴葉味噌燒走地雞朴葉味噌燒係我第一次見的日本料理方式 好獨特鷄肉燒後帶朴葉清香 帆立貝玉子壽司卷 $78壽司卷小巧 鮮甜帆立貝切碎放面呢款係用蛋皮作為外皮代替紫菜係size太細 diet就剛好蟹肉梳乎厘玉子燒日式炒蛋帶甜味道 加上蟹肉 味道鮮甜柔嫩濕潤 不過過熟蛋裏面唔夠滑 最近塚田農場入圍Yahoo! 熱搜餐廳大賞，可購買7折塚田農場現金劵。-帆立貝玉子壽司卷 $78山椒鰻魚炒飯蟹肉梳乎厘玉子燒朴葉味噌燒走地雞鄉土燒三文魚 -塚田農場沙田沙田正街18號新城市廣場1樓105號舖

我哋2個人第一次嚟呢間餐廳食野，見佢出面寫半價就諗住試下。點知佢嘅美人鍋一嚟我哋真係o咗嘴，上面有薄薄嘅幾片牛肉，配埋啲菜，加啲雞湯，2個人食完都係唔飽，埋單三百幾。牛肉質素一般，我哋揀咗靚啲嘅牛肉但感覺同平時食開個啲無太大分別。價錢唔係一個問題，最緊要食得滿足。但又唔好食，又唔飽，呢個價錢我覺得絕對唔值。好食嘅野比幾貴都無所謂，但唔好食嘅比幾百蚊都嫌多。總結嚟講，就係性價比一般，overrated. 下次唔會再嚟食。

🍴 <塚田農場 Tsukada Nojo>🍽 照燒雞&免治雞肉碎丼💰88- 很一般，相信這間餐廳有其他更加出色的丼飯😕- 雖然飯很多，但餸很少🤢- 照燒雞太鹹，炒蛋很乾身，醬料也不多- 唯一比較好食的是肉碎，不會太乾身- 不過始終餸好少，所以食下食下得返白飯😩- 另附沙律，飲品和麵豉湯- 麵豉湯好細碗，不過好好飲😍.🌟食物質素：5/10🌟性價比：6/10🌟餐廳環境：8/10🌟服務態度：5/10 （因為食物上得*很*慢）———————————————塚田農場沙田沙田正街18號新城市廣場1樓105號舖尖沙咀廣東道3-27號海港城海運大廈2樓OTE 202號舖

今晚學校家長晚會，女兒放學後，仲有一小時空檔才夠鐘，我出沙田與她會合，一齊食嘢，正當煩惱食甚麼之際，沿途看到塚田農場四個大字，即刻打開Openrice apps看看。反正未試過，就去呢間試試吧！ 黃昏五點仍處於下午茶時段，我叫了玉子鰻魚定食(玉子嫩，鰻魚也很肥美，很好味)。亞女叫了牛油果三文魚定食(不確定正式叫法)，一整排牛油果，三文魚也不少，問她好吃嗎？她說很好味。兩款下午茶定食都有麵豉湯、餐飲跟上。 食飽後再慢慢行番去學校出席家長晚會，埋單$180幾，以下午茶嚟講未必很抵食，但、以我們習慣早食晚餐的人嚟講，這變相是晚餐價錢，就真係抵食兼好食。

$300+兩位打邊爐有咩好食 ?可能可以普普通通任食火鍋,但其實你又食得幾多?平時打邊爐好油膩 ,完全唔健康 !而家就唔同啦 ,呢度嘅美人鍋就主打又健康又好味 ! 骨膠原湯底上檯係咁㗎!滿滿嘅膠質 首先一定要飲一啖佢嘅湯 ,好濃嘅雞味 !佢哋有個專題放美人蔬菜嘅地方 上到嚟就係咁嘅,啲食材非常新鮮 ,係會食到蔬菜嘅甜味㗎 !除咗蔬菜夠新鮮夠甜之外 ,佢嘅計劃都好特別 ,芝麻味係特別好食 ,好滑好嫩 !另外兩位仲有半隻雞 ,唔使打咁耐 ,落鍋滾起就食得 。我自己鍾意一啖湯頭一啖雞咁食呢度坐得好舒服 , 自己再嗌咗杯黑糖梅酒,仲有叫咗啤酒 !佢嘅黑糖梅酒真係幾好飲 ,黑糖唔會遮咗梅味,仲帶出個梅香味 !

一路以為呢間餐廳只有打邊爐，原來午餐都有丼食。佢稱呢d餐做美人丼，價錢由$88-$98。比起打邊爐易入手好多。我選擇左醃吞拿魚丼。上菜見到咁靚既吞拿魚已經流晒口水！不過我忍住，先飲左碗麵豉湯。之後開始食醃吞拿魚丼，份量黎講，大食朋友覺得細左d，我就剛好。吞拿魚厚薄適中，雖然醃左，但唔會搶左d吞拿魚味！Wasabi係最估唔到，以為佢係平時食開冇乜感覺嗰種，我撈左d飯黎食。但原來都幾勁，即刻流晒眼水。建議大家就住黎食。最後，呢個餐仲有杯飲品可以選擇綠茶、咖啡或橙汁。下次黎既話想試下呢度既打邊爐～

本來想係套餐，晚餐有個二人前嘅美人鍋餐，諗諗吓好似散叫抵啲最後就散叫。叫咗一個美人鍋半份，追加左一份和牛一個烏冬同一個飯，一個海老卷，跟住叫咗個粟米塔同芝士白汁焗菜。個雞湯底真係好好味不過只有菜係冇肉既，追加嘅話一般般冇乜牛味$280唔算抵。粟米塔嚟到我哋嚇親因為有個雪糕係面以為甜品，最後有店員跟你詳細解釋味道呢系咸嘅，試咗都覺得好得意，不過好漏兩個人食唔晒。米卷好味，焗菜都好味好濃芝士味但係又唔漏，係細碟咗啲。

👭塚田農場 (沙田)👭1⃣松陵和牛鮮五彩野菜沙律 $108牛肉係生既而且份量都唔少，食落好濃郁既牛味😍配上酸甜既醬汁及新鮮既野菜，係一道好開胃既沙律😋2⃣美人鍋(半量) $178美人鍋係餐廳既主打菜式，38得2個人，所以就叫半量試下。其實呢個鍋既肉份量唔多，只有2塊雞同肉丸，肉丸分為七味粉同芝麻味。反而菜量十分豐富，岩哂要keep住食keep住靚既美人們😋而且湯底既骨膠原十分豐富，店員一拎湯底上枱時，湯底既狀態係啫喱狀既，難怪被稱為美人鍋💖睇黎食完皮膚都會變靚靚，38都忍唔住飲多左幾啖湯😂3⃣帆立貝玉子壽司卷 $78呢個壽司卷飯外型好小巧可愛😍，帆立貝食落都幾甜，同一般用紫菜包壽司既做法唔同，呢款係用上玉子作為外皮，整體會變得更甜😋4⃣三文魚牛油果美人卷 $48鍾意食牛油果既38點會放過每一次可以叫牛油果既機會😈三文魚同牛油果配搭得岩岩好😋而且仲包住啲菜係個卷入面，整體好fresh，沾啲醬食更加滋味🥰5⃣鰻魚炒飯 山椒風味 $98上呢道炒飯時，店員有好細心咁叫我地小心熱，因為佢係用左熱辣辣既鐵板做碟架！食落飯粒粒分明，口感偏硬，個底仲有啲飯焦焦，十足十日式既煲仔飯，