塚田農場 (已結業)

用openrice 訂咗位，坐下時看親手寫的歡迎卡，都幾sweet. 服務員看到我們帶著二歲的bb，主動問我們要不要bb椅和兒童餐具，幾貼心。我們點了兩份午餐定食套餐，每份除了主食，都有前菜、沙律、烏冬或蕎麥麵、炸雞或燒三文魚，份量十足！炸雞肉鮮嫩，三文魚夠新鮮，飯都好好味！下次想來試試他們的美人鍋！

今日同同事一齊放12點難得嚟到沙田我哋一於喺沙田搵飯食！ 見到呢一間裝修樸素但係又充滿日本風味嘅餐廳！ 一間主要係食日本丼同埋美人鍋因為午餐比較抵食所以我哋就揀咗丼！ 快靚正！ 因為我哋買咗喜茶，但係店員就冇拒絕我哋入嚟，佢話幫我地雪藏喺雪櫃，當我地食完飯再拎返。佢哋都算有禮貌同埋細心！ 我好鍾意食牛油果所以我就揀咗牛油果火炙三文魚丼。 牛油果係比較貴嘅水果，都唔預佢比好多份量我哋，點知嚟到係鋪滿半碗飯，另外半碗飯就被三文魚鋪滿，分量來講呢都算多！ 所以食飯嗰陣時真係啖啖肉！ $98!!我諗晚飯時段會貴啲！ 然後呢個餐送咗一杯凍烏龍茶！ 食完飯好啱配來消滯！ 呢一個餐配麵豉湯，麵豉湯唔會好鹹，十分適中！ 不過留意番午餐都要+1嘅！

幫個friend買左支BB Cream，諗住盡快比佢有得用，於是約佢出黎比佢啦，咁當然冇理由比左佢就各自歸家去咁悶架，於是就一齊食埋野先返屋企啦，。咁係搵吓食什麼好的時間，突然見到有間餐廳好得意，門口有個地方係廚師預備食材的地方比我地睇到地佢點預備，感覺好衛生安全，非常好，於是我地就決定食呢間啦。當時都有D人等緊位，我地等左大概30分鐘左右就可以入坐了，都算快。我地見到個餐牌有個美人鍋，話美顏😍，我地即刻話一定要食，我地要靚呀，個鍋黎到，侍應生就教我應該食邊d先，邊D食後，好細心，我地試個湯底好正，好鮮甜，D雞好滑，好味道。跟住我地叫在 三文魚蟹肉沙律壽司卷，三文魚蟹肉好夾好正，跟住我叫左杯楓的美人仿雞尾酒，超好飲，同美人鍋好夾，今餐真係好好味。

下午茶時間不用等位，而且餐牌內容都頗吸引，便決定入去一試是日點選了2個下午茶餐 - 美人丼輕食1️⃣海老&枝豆粟米天婦羅丼2️⃣和風咖喱豚脊肉丼跟餐飲品選擇了薑味汽水薑味汽水竟然無氣，同埋唔夠凍如果走冰，後果難以想像海老&枝豆粟米天婦羅丼睇呢張相見唔到有海老，我認真啲睇餐牌先知海老等於櫻花蝦將丼飯分為四部分，上層分左中右介紹一下左 - 流心蛋 （炸粉未至出色，一夾起炸漿與蛋分離）中 - 貌似蝦的物體，原來是粟米仔，味道爽甜右 - 櫻花蝦加枝豆天婦羅，老實說吃不出是枝豆來的，我以為是普通野菜，至於櫻花蝦更加是吃不到任何蝦味下層為飯 - 沒有想像到飯竟然可以煮得如此飯粒分明，真的很難得飯是很出色的麵豉湯現料都頗多味道不會偏鹹而且海帶入口是嫩嫩的不是粗糙和風咖喱豚脊肉丼咖喱 - 一貫日式餐廳的咖喱風格，不會很辣豚脊肉 - 肉質厚薄適中，分為3小件上方便食用，有別於其他餐廳的炸豬扒長條風格但下午茶份量偏小，女士食用就應該剛剛好，相反男士享用就應該不夠，還要額外點其他菜式或小食才夠飽

一個人在沙田做完野見小小餓走去新城市搵食經過見到仲有lunch set同tea set環境幾好又唔多人 啱我想靜靜地坐下店員們幾有禮貌同笑容嗌左個牛油果半熟三文魚丼嗌完好快 唔洗十分鐘就黎到啱哂我 好肚餓賣相幾靚 面鼓湯熱辣辣 幾好飲略嫌有一半牛油果唔夠熟 但味道不錯$78 set黎講係交到功課的

2年前慶祝朋友生日，食過位於尖沙咀的塚田，佢既美人鍋令人回味，所以今晚就同友人一齊去左沙田果間再食下。這間分店跟尖沙咀不同的地方，就是門口位置已經見到開房式廚房入面放著美人鍋的火鍋配料，顏色奪目，吸引不少行過的途人停留。餐牌太多款式可以選擇，最後還是點了一個套餐。Bijin Combo ($598)，呢個美人鍋餐都幾抵，除左有鍋物之外，仲有美人卷、刺身、烏冬同埋甜品，另外加錢仲有飲品呢!三文魚牛油果美人卷，呢款美人卷其實外面就像越南米卷的外皮，內裡除了有三文魚刺身，還有牛油果、cream cheese同埋蔬菜，幾fresh!三色刺身盛合，包括有吞拿魚、帶子同埋三文魚，這幾款都好新鮮!美人鍋，點了原味的美人鍋，個鍋上的時候是一舊好似啫喱狀的湯底，煮滚口店員會先盛一小碗湯給你試試，然後再會把火鍋配料放入鍋內，淨係睇個樣都覺得好味!個湯非常鮮甜，好好飲。火鍋配料包括有雞、雞丸、菜、蘿蔔、魚腐等。這些配料都好吸收湯的味道，非常惹味!立魚($168)，估唔到立魚打邊爐原來都好好食架!店員介紹我們食是日推介的海鮮，平時立魚刺身就食得多，打邊爐就真係第一次，熟食仍然食到立魚獨有得味道，而且又冇骨!芒

今日行過見到涮涮鍋有半價優惠，諗都無諗就入左去試下我選擇左原味嘅湯底加上和牛同豬腩肉，滿滿腩肉同和牛真係好吸引肉底下有菜，唔會淨係得肉咁寡，又感覺健康啲湯簡左原味，店員話叫飛魚湯，清清甜甜都不錯，佢有2款汁醬，一款麻醬配肉一向不錯，另一款倒出尼好似水咁，店員話叫出汁，雖然唔知咩黎，但加上蒽花配肉一流Daddy都話好味另外加左條𩶘魚，上枱都嘩左一聲，師父放得好靚，條魚好鮮甜，好好味加埋烏冬呀、飲野呀$600幾埋單，好滿足！

有日出開沙田閒逛，見呢間塚田農場好似幾出名，就趁傍晚人唔多時入去用餐！佢最出名就係美人鍋，經過長時間烹調令骨膠原滲入火鍋配料入面，配料方面有豬肉丸、金菇、腐皮、蔬菜等等，放入鍋慢慢煮熟，食落去每一啖都係骨膠原，好滋潤，唔怪得叫美人鍋！為左唔好浪費咁好既湯底，就落重本少少，加左個A5和牛，簡直就如千里馬遇伯樂，絕配！！食到肚滿腸肥，不過都仲有少少quota留返俾個甜品，抹茶雪糕好濃既抹茶味，仲有ｄ朱古力點綴，無得輸！

今次算係左黎呢度食午餐，叫咗一個牛油果三文魚飯。的的確確只有牛油果同輕輕火灼過三文魚，自己要加豉油同wasabi，簡單得黎亦好好味。唯獨價錢有少少貴，飯都唔係好多，肚餓會唔夠飽。

🤤圍圈涮涮鍋🥩—🐂塚田農場一直都以美人鍋做生招牌，最近連涮涮鍋都做埋，仲要有壽喜燒。—💋美人涮鍋（2人用）壽喜燒有幾款肉配搭，今次揀左和牛加豬腩肉（💲520）以滿滿的肉片圍成一圈，肉片底下墊著厚厚的蔬菜，輕輕一撥就能將肉片跟蔬菜一起下鍋煮，看著油脂分布均勻的肉片慢慢被煮熟的過程，真的是很療癒啊！搭配醋一起沾著吃非常清甜，可以吃得出蔬菜的原味和肉質的鮮美，喜歡重口味的也可以沾著香濃的芝麻醬一起入口。吃完鍋若還有肚子的話，可以點烏冬，用剩下的湯汁煮，為這一餐完美劃下句點！—

新城市廣場，真係多選擇，呢日Lunch time 揾食，花多眼亂，睇咗一輪，呢間好似唔錯，價錢合理，所以，就決定試下。又唔錯噃！中規中矩，環境舒適，服務員態度都幾好，整體滿意。

興祝生日 食生日飯 揀左我鍾意嘅火鍋Friend話呢度出名美人湯鍋 今次叫左膠原雞 美人鍋 個湯底好得意 好似大大個布甸咁一邊熱一邊溶就變左我地嘅湯底呢個鍋幾健康 比較多菜 岩哂食得健康嘅朋友 我就鍾意肉🤣 今餐有鍾意食菜嘅朋友 就唔叫太多肉個set 有幾件雞 有啲壽司卷另外點左件鐵板薑雞 同 玉子燒全部都幾好味 staff 服務都好環境 坐得舒服但份量相對較少 性價比唔夠高 不過佢地食材應該較係高質嘅 總括黎講好幾好味 但每人都食左$250-300

今日試左佢個美人鍋雖然唔知食左係米真係會變靚但佢下面依個啫喱狀嘅湯底佢話全部都係骨膠原黎一開火就見住佢慢慢溶哂 好治癒呀佢個set啲食物都係比較健康全部都係菜 唯一一樣肉類就係一塊雞胸肉岩哂啲想減肥但又想打邊爐既少女們但如果你係一個食肉獸 依個set應該會令你失望啦

星期五晚約六時，趁時間尚早，便去塚田農場踫踫運氣。因為一直想試，但每次都大批顧客輪候，今次見不用輪候，便趕快一試。鰻魚忌廉芝士美人卷- 一客只有四件，份量真的有點少。鰻魚卷以米紙包著鰻魚、忌廉芝士、芒果及生菜絲，感覺清新怡人。刺身3色盛合-有三文魚、呑拿魚及帶子，刺身新鮮味鮮。黃金骨膠原雞湯- 我們選了原味的美人鍋，雞湯呈啫哩狀，雞味香濃。店員會把免治雞肉推入熱湯內煮。隨餐附塚田雞塊4件，雞肉滑，味香肉嫰。餐點會放在小木架上上桌，蔬菜瓜果都爽甜新鮮。梳乎厘玉子燒（粟米，芝士）就像一座黃金山。把玉子破開，芝士和粟米隨之流出來。半流心的芝士混和玉子同吃，美味無窮。美人仿雞尾酒- 紫紅漸變，酸酸甜甜的雜莓味特飲，是沒有酒精類的解渴飲品。石鍋雪糕新地（芒果）- 雪糕放在小石鍋內無易融掉，又好看，雪糕還多有一件芝士蛋糕，芝味濃郁，香滑細膩，讓人回味無窮。餐廳侍應慇勤有禮，只是餐廳散點食品有點小貴，追加的雞件$138（只有4件），建議叫套餐，如果有Aeon信用卡埋單有9折優惠，大家謹記留意。

舊同事相聚揀左沙田新開嘅塚田農場以前係日本試過一次記得啲雞好好味但果陣就係亂指亂點野食嘅今次一行三人6點半左右到，唔洗等位門口姐姐話限時90分鐘點左燒枝豆作為前菜味道ok 份量較少再點左美人鍋 升級版套餐 加配 串串 套餐有壽司🍣前菜 份量較少 好細件個湯一定要係加菜之前飲 好鮮甜佢加湯係加美人鍋嘅原湯 唔係普通野 可以飲多啖加完之後係兩碼子嘅事 差太遠雞件都好好食 只有5-6件 份量好少因為唔夠飽 加左個雞炒飯 好味 但比較油呢度份量都較少食量少嘅女生先夠食可以請職員幫手放食材賣相會靚啲