堅石燒 (已結業)

平時食牛肉都係食日本和牛為主，今次就黎左呢間韓國餐廳，但唔係食韓牛，而係澳洲牛😝。餐廳座位好闊落，裝修帶點韓風，每人都有圍裙以防整烏糟件衫，好貼心。澳洲和牛西冷（$228/200g）上菜時外層已經係熟左嘅，而肉裡面就要靠自己在熱烘烘嘅石上燒啦😆，鐘意幾成全靠自己掌握。而牛本身唔算重牛味，不過唔會多根，另外再灑點粉紅色嘅喜瑪拉雅山鹽同黑椒，味道不錯。韓式厚鰻魚飯（$98）鰻魚真係幾厚肉又大舊，適合送飯。韓式雞球（$38）係用韓式辣醬製成，所以係辣辣地。不得不提新店開張可享用免費小食吧（原價$30）有飯、意粉 、沙律、湯同凍熱飲品，當中沙律菜十分新鮮，而且預先分好獨立盒，衛生又健康。最後仲可以去呢部除味機噴走啲味，解決平時食鐵板搞到自己成身油味嘅煩惱，好人性化。

堅石燒位於油麻地銀座廣場地下一層，都未行落樓梯已經聞到好香嘅燒肉味🤤🍖由於每台只有限時90分鐘⏱嘅用膳時間，雖則食得有d傖促，但起碼唔洗等咁耐丫嘛🤣「美國牛板翼300g🐮」肉質唔錯🤤油脂分佈得幾平均，不過就係多左少少筋位囉🤪！「美國大理石300g🐮」肉質比較韌🤔建議唔好燒得太耐🔥順帶一提，而家新鋪開張有優惠，沙律小食吧係免費架🤩！食左咁多肉，一定要食返多d菜🥬！最後要提一提大家，走之前可以用除臭機免費除臭，輕輕一按，香體露就會從四方八面噴出💨咁就唔怕行到邊臭到邊啦🙊不過最好都係著一件自己唔太鐘意嘅衫👕嚟食好d🤣！

最近係公司比個衰老細鬧，心情唔好更加要食好啲鼓勵下自己。 於是約埋朋友出黎傾下計, 講下時事, 天南地北, 個人都抒暢啲 我想食石燒, 見到呢度新開張, 裝修都幾企理，一於試下，可能時間早,唔使訂位都有位 。澳洲和牛西冷非常厚身，其實都夠兩個人食，因為我地點左一客飯。西冷肉味濃郁，雖然比較難切開，但熟得頗快，而且唔會乾或者韌。埋單走個陣去左玩呢部去味機，按下按鈕就會噴出清新既噴霧，唔會殘留成身燒烤味係身，真係好貼心。都几有創意。

讚：1. 價錢平2. 環境坐得寬落3. 任食既野算有心思，沙律係裝係個密封樽入面，每個客再自己拿咁，感覺幾乾淨彈：1. 油煙太勁！唔知係咪因為係地下？好似去咁多間，呢間最誇張，人又多，真係好似起霧咁2. 肉麻麻，唔係韌，但係乜味都無，唔蘸醬料真係乜野味都無

叫左個雜扒，$58加一。驚唔夠食所以加$12蚊食個自助吧。但估唔到係咁大份😂😂食到一半已經覺得好飽，所以食左個沙律同試下個湯☺️不過，今日係泡菜湯唔係雪濃湯，有少少可惜☹️總體來說，上菜速度都快。可能因為我係2點下午茶時段，人流都唔係好多。環境同服務態度都好好😳女士可以帶多件外套，因為食下食下有少少凍，好彩個店員都幫我調細個冷氣！🙏🏻

旅行🧳回港後的第一餐飯，我地去左据扒，環境唔錯，地方唔侷促，望下餐牌，見價錢都幾合理。撞正新開張，不用加錢就可仼食沙律小食飯面飲品小食吧，可謂相當優惠！不用錢但不馬虎，有意粉飯冷熱飲和湯等等。樽仔沙律🥗好新鮮🤩菜有爽甜感呢！芝士粟米旦卷28一客三件，ok大件，煎得不會過火，吃起來有些旦香，粟米🧀適中，不太流心，芝士味不掩雞旦原味。我把旦卷沾上韓式辣醬吃食味大增。澳洲和牛西冷200g 228在美國大理石上把扒煎到香噴噴，有Rose Mary及岩鹽和黑胡椒等調味，我把西冷扒煎得表面微脆，沒有多餘肥羔既半生熟五成扒，牛肉味頗濃郁，仍然保留肉汁，吃時啖啖肉，也鬆化，相當滿足。厚切鰻魚飯98鰻魚肉ok彈牙，質感細嫩，份量不多卻厚身，配上色彩繽紛的蔬菜絲，和飯粒來一次徹底撈起，彼此在石鍋中翻騰，吱吱作響，增添幾分玩味。食後感：高樓底，空氣流通，坐得舒適。鐵板上食物，能完全保存溫度，就不怕顧住傾計，晚餐涼了🤗

近排心情鬱悶，不過人係要食飯，心情唔好更加要食好啲鼓勵下自己。 於是約埋朋友出黎傾下計, 講下時事, 天南地北, 個人都抒暢啲 我想食石燒, 見到呢度新開張, 裝修都幾企理，一於試下，可能時間早, 唔使訂位都有位 點左呢個美國牛小排, 肉質幾嫩，好juicy 我鍾意食生啲，石燒好處就係可以自己掌握熟嘅程度 朋友唔食牛, 呢度都有選擇, 韓國濟洲豬腩片，五層肥瘦相間明顯, 係靚嘅 好多油, 怕油嘅小心, 鍾意油嘅甘香就可以一試, $88, 都幾抵 呢度另一賣點係加$30有白飯、意粉、湯、飲品同埋沙律任食, 不過我地最後都冇揀, 反而叫左兩個小食 酒煮豬軟骨入味, 夠淋  個韓式餃子竟然幾好食 同經理傾計, 話遲啲會做埋午巿套餐, 呢度食物質素應該都幾抵食

終於可以放大假，假期前就同同事來試試新野，其實呢類熱石/鐵板烤肉就唔係第一間，但我地都係第一次食餐廳位於銀座廣場，落地牢就見到，呢度面積都幾大，座位甚多，裝潢風格有少少韓式風味，播嘅都係新嘅kpop，啱聽我地揀左呢邊嘅位置，感覺上冇咁大煙。枱面上有黑椒、海鹽、圍裙，餐具、紙巾則放喺櫃桶。menu方面一目了然，主打嘅石燒肉品有6款，分別有:美國頂級牛小排、1++韓牛肉眼、美國大理石、美國牛板翼、澳洲和牛西冷同韓國豬腩片。肉類分3個size，分別係200/300/400g，按個人喜好選擇分量，價錢當然有分別。最平嘅美國大理石200g都只係78蚊另外仲有5款韓式飯同7款小食。每位加30蚊就可以任食飯/意粉/沙律/湯/飲品。呢度上菜效率都幾高，等候期間可以去拎沙律食住先。熱石上枱後，客人可以自行將扒分成小塊，然後喺上面燒，利用熱石高溫熱石溫度約可以維持15至20分鐘，一開頭會大煙少少，燒燒下就ok。如果覺得唔夠熱，可以請店員更換。澳洲和牛西冷非常厚身，200g其實都夠兩個人食，因為我地點左一客飯。西冷肉味濃郁，雖然比較難切開，但熟得頗快而且唔會乾或者韌。韓式牛肉石鍋飯都幾足料，除咗牛肉，仲有大

同事前排介紹我嚟食呢間地牢燒肉店，話平靚正之餘地點又就腳。 同老婆行開附近，就試下係咪真係甘正。呢到係半自助形式，先落order揀好想食咩肉同份量，之後就可以出去小食吧到拎飯、意粉、沙律、湯同飲品，如果鐘意重口味，仲有胡麻汁、石頭飯醬、燒烤汁同和風沙律汁拎架！我們習慣食燒肉原汁原味，淨係落鹽同黑胡椒咋，呢到有圍裙提供幾細心下，唔怕整到衫污糟哂。呢份係細份美國頂級牛小扒，油花平均分佈，對比起大理石比較薄身，軟腍美味。美國大理石絕對係我杯茶，厚切割既方式食落啖啖肉好juicy，肉味香濃，食完好有飽肚感。埋單走個陣去左玩呢部去味機，按下按鈕就會噴出清新既噴霧，唔會殘留成身燒烤味係身，真係好貼心。

每張枱餐廳會提供鹽、黑椒以及圍裙。另外客人可以到自助區拿到更多不同醬料，例如燒烤汁、胡麻汁等等。美國大理石: 一咬下去滑嫩的肉汁滿滿，非常juicy！ 而且牛肉吃起來香氣濃烈，風味十足。澳洲和牛西冷非常推薦！脂肪分佈平均，肉與油香平衡，牛味香濃，只需少許的鹽便能夠引出香濃肉味。肉質很Juicy之外，口感都非常好～始終都是燒烤店，所以可以見到店裡面有一部好像電話亭的去味機，可以減少身上的燒烤味，覺得店家很貼心！

昨日5/7收工行過旺角彌敦道近登打士街方向見到有間新餐廳開左,橫掂諗住開餐,就行落去試試。現在時間是19:00,估唔到大熱天時30幾度,居然有人肯係樓梯等位,仲要有約30人😅。犀利,不過我1位應該好快及好容易有位。餐廳叫:堅石燒,個名好特別,唔知同Oscar嗰間堅信號有沒有關係。雖然有30幾人等位,但我等1位只是等了5分鐘就有位😍。雖然要搭枱,不過望一望餐牌扒餐價錢,其實仲平過花園餐廳及金鳳餐廳,茶餐廳價錢就預左要搭枱。入座時被安排坐在去味神器旁之長枱,一坐下侍應就講解餐廳落單流程及新張期間自助吧任飲任食。之後由於抱住試一試嘅諗法就先叫一份美國大理石200克$78最平之選。心諗如果係劣食都是蝕$78,不怕。落餐後就前往自助吧攞湯,意粉,沙律,雀巢檸檬茶😍。落單後等了約10分鐘左右就上扒,美國大理石一落枱就聞到好香肉味。侍應落餐時教我食幾多就切幾多,如果食得慢就逐件切,因為如果牛扒切片後較薄身好快會變成全熟。不過侍應臨走前同我講枱面上有碟,如果食唔切可以先將牛扒放在碟上,估唔到茶記價錢都有服務提供🤣。一切開件美國大理石,估唔到肉質鮮嫩多汁,有牛肉味無雪味,還有最緊要唔似花園,金鳳第尾咁用

近排心情鬱悶，不過人係要食飯，心情唔好更加要食好啲鼓勵下自己。於是約埋朋友出黎傾下計, 講下時事, 天南地北, 個人都抒暢啲我想食石燒, 見到呢度新開張, 裝修都幾企理，一於試下，可能時間早, 唔使訂位都有位點左呢個美國牛小排, 肉質幾嫩，好juicy我鍾意食生啲，石燒好處就係可以自己掌握熟嘅程度朋友唔食牛, 呢度都有選擇, 韓國濟洲豬腩片，五層肥瘦相間明顯, 係靚嘅好多油, 怕油嘅小心, 鍾意油嘅甘香就可以一試, $88, 都幾抵呢度另一賣點係加$30有白飯、意粉、湯、飲品同埋沙律任食, 不過我地最後都冇揀, 反而叫左兩個小食酒煮豬軟骨入味, 夠淋個韓式餃子竟然幾好食同經理傾計, 話遲啲會做埋午巿套餐, 呢度食物質素應該都幾抵食

同樣質素，女人街有間牛極平好多。食物一般，但地方大，又冇乜人幫襯。可能好快執。好多特別玩意如除味機，幾有趣。但冇多餘錢又想食石燒，尤其希望食牛就唔好去，最底消費太高

朋友介紹在旺角開了一間新石燒牛扒餐廳,地方闊落,環境舒適,還有去味神器,免費任飲任食沙律自助吧,這是超正。昨日30/6我和老婆大人一同前往晚餐,晚餐時段很多人等位,整條樓梯都佈滿人群。好在我習慣食飯會book枱,黎到餐廳等左5分鐘就有得入座。經過店員介紹後,我們點了美國頂級牛小排300克,美國牛板翼300克,落單後就前往免費自助吧取羅宋湯,牛油意粉,雀巢檸檬茶,沙律(記得要加和風沙律汁)。落單大約8分鐘左右,牛扒來臨。我老婆平時由於要上班,所以好少煮飯食,佢見到牛扒來了就同我講由她替我烹調,現在親手煎牛扒比我食。總結而言:美國頂級牛小排肉質鮮嫩,美國牛板翼牛味濃。整體而言:是近期開了那麼多間石燒牛扒店中性價比最高之一,當之無愧

之前係韓國食過石板燒肉，當時仲諗點解甘特別但香港無人開呢？！偶然見到呢間新開係地牢既堅石燒，所以即刻捉埋老公去食因為新開張既關係，所有飯、意粉、沙律、湯同涷熱飲品係免費架！正常要俾$30先食到架，我們2個人甘就慳返$60～勁抵食啊老公叫左200g $228澳洲和牛西冷，肉汁豐富兼且肉味濃郁，texture幾好，軟腍得嚟又帶有少少嚼勁，好好味👍🏻唔太鍾意食牛既我揀左細份既韓國豬腩片，油花同腩肉相間，香口美味，配飯食一流！