85
13
5
港鐵油麻地站 A1 出口, 步行約2分鐘 繼續閱讀
電話號碼
23861002
開飯介紹
餐廳供應不同國家優質牛肉,讓食客放在花崗岩石板加熱至心水熟度。除了常見的美國牛,亦有較為少見的1++韓牛肉眼、韓國豬腩片以供選擇。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
Visa Master AlipayHK 支付寶 現金 八達通 銀聯 Apple Pay Google Pay
座位數目
94
其他資料
支持防疫 詳細介紹
網上訂座
Wi-Fi
酒精飲品
電話訂座
加一服務費
當面支付
有關獎賞計劃
食評 (126)
等級4 2020-03-31
18657 瀏覽
餐廳岩岩開業果陣已經想黎,但因為人太多而擱置左,時隔半年終於搵到機會去試。book左星期五晚6點半,估唔到去到果陣已經有唔少食客。一入去就味到好香既燒肉味,真係令人食指大動!!我同友人都點左美國大理石牛配任食配菜set,牛肉分別點左200g同300g,另外加個小食。落完柯打之後,職員表示可以去自助區拎野食,餐飲除左汽水之外,仲有有氣水、茶包、咖啡、同埋自家製既涼茶(牌仔寫住為疫情而設,認真有心);沙律菜都一樽樽蓋好放係雪櫃,菜亦都夠新鮮。意粉同飯都由職員裝碗,唔駛擔心其他食客接觸過餐具而引起衞生問題;職員裝梗意粉果陣,即使距離50cm,我都聞到好香既蒜味,食落亦無令人失望,濃郁蒜味,不過比較油,意粉亦因長時間焗住而淋左少少。美國大理石牛200g $78先加入牛油,並將rosemary、蒜片放係牛扒底部,等大理石既熱力燒香rosemary,令其香氣滲入牛扒,之後再灑上少許黑椒同鹽調味,香氣十足既石燒牛就完成~~雖然價錢唔貴,牛扒又幾瘦,但其實幾有牛味,而且又唔韌,整體幾好。韓式清酒煮豬軟骨 $38一向都中意食豬軟骨,所以特登點左呢個小食試下,但都幾失望。軟骨位仍然好爽脆,白蘿蔔同甘筍更係後期加入,純蘿蔔味,唔推薦點呢款小食。飯後梗係食個甜品架啦,呢度有三款口味既雪糕---朱古力、海鹽、奶茶。雖然味道唔係咁岩自己心水,但都算可以過下口癮。 繼續閱讀
(以上食評乃用戶個人意見 , 並不代表OpenRice之觀點。)
To all the meat lovers out there, this is the place for you! Real Stone Grill is a Korean-style restaurant specializing in grilled meat with a great bang for your buckAfter going down a flight of stairs (where a queue will surely form during peak hours), you’ll see a machine by the doorway that can be used before leaving to remove the strong odour of meatFor the meat, the cut (e.g. top blade, sirloin), type (beef, pork, lamb. fish) and amount (200g-400g) can be chosen per your preference. The meat was served on a piping hot plate with different seasoning ingredients on top, so you can really flavor it to your liking. We enjoyed sprinkling the Himyalan pink salt for a subtle enhancement of the beefy tasteI was a bit dismayed that there was kimchi in the beef stone pot rice. But that wasn’t a huge problem, as I just picked it out before mixing up all the ingredients in the bowl, including marinated beef, mung bean sprouts, onions, carrot, corn and Chinese cabbage. We had seriously considered adding $18 per head (usually $30) for the salad bar, which includes rice, spaghetti, salad, soup, drinks AND ice cream, but were sadly super full already… 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-14
486 瀏覽
限聚令逐漸放寬,夜晚六點之後可以堂食,已經急不及待要安排一餐大魚大肉, 所以就選了去交通很就腳的堅石燒。晚上七點三到達,已經要排隊。前面有十張檯等緊,最後等了差不多三十分鐘才能入座。一進去,已經見到他們的爆谷機,很有心思呢!我們被安排坐在卡位,這裏衛生做得很好。位與位中間安裝了捲簾分隔,不用擔心隔離檯會有飛沫傳染。我點了美國頂級牛小排,$198有200g,女仔嚟講其實夠食。這裡主打韓牛韓豬,其實選這個有點犯規。不過看到餐牌上的照片很吸引,所以還是點了這個,幸好食物來到之後沒有失望!肉是很鮮,很juicy的,吃下去也不韌。我問侍應,應該全部防曬落去燒,定慢慢一塊一塊放落去好?佢答到模棱兩可,放曬落去又得,慢慢又得。咁我打算慢慢食,一塊塊燒。最後趕唔切響塊石頭唔夠熱之前燒曬D肉,要等朋友個豬肉嚟到之後就順手放上佢舊石度煎返熱D肉。這裏+$18可以響用salad bar,無限任添汽水,老火湯和意粉等。特別一提是這裏有個爆谷機,小心爆谷吃上癮唔記得自己正餐是來這裏吃烤肉。呢期個promotion係做緊兩個人送一客小食,我們點了泡菜餃子。老火湯很足料,唔係茶餐廳例湯貨色。另外這裏的沙律是一樽樽放好在雪櫃裡面,很衛生。飯後唔好唔記得響雪糕櫃拎雪糕,有玄米茶同沖繩海鹽兩種味呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-13
0 瀏覽
最近餐廳做緊韓豬節。宣傳單張都已經放滿四周。今日特意來支持蕭生的食店。就算有疫情都選擇堂食支持。我來的時候職員會講明限時90分鐘,所以最好等齊人才入場。還好食店門口大量座椅。還有一個位可以充電。冷氣都可以。所以等朋友期間都唔算太辛苦。我和朋友進場後,職員就解釋有咩食和如果要任食飯或沙律就要加錢等等⋯老實講十個十個都應該會加錢。因為真係唔太貴,任飲汽水其實已經夠晒數今日點咗兩款肉。一款牛肉、一款豬肉牛肉都幾正常和好食。對得住個價錢。這款牛肉唔算太貴。都算抵食。會有食完想再食的衝動。本來想點令一款比這個更抵的牛肉,點知食店話無貨,真係估唔到會這樣。其他牛肉又太貴。未試過唔敢點呀。那在無選擇之下就點了豬肉。此中韓豬節點都唔會太差瓜這個等了很久才到。可能因為要全熟才上桌,需要多點時間。但我可以講我以後都唔會要。其實我一直都覺得這些食扒嘅地方。食豬已經好唔抵。但無奈因為無曬想點的牛才試一次。這塊豬一點都沒有口感。只係一大塊肉又鞋又老。好惡怖⋯⋯我哋兩個人都食唔曬。唔要都唔覺得可惜⋯這個都要介紹一下。因為都真係幾好食。有四款醬可以配搭。我一個人都食咗四個。這個只是普通沙律。但那些菜真係好新鮮。所以食肉前和食肉後都感到很舒服。但都有個缺點,就係要用碟拿出來才可以慢慢食。因為根本無法搞拌。這裡還有雪糕任食。那些雪糕是香港製造、香港品牌。現在兩人光顧會有兩隻豬仔脾送。這個豬仔脾之前很多人都話好好食,所以我都勁期待。但最後我係食唔曬,因為我怕辣⋯⋯好辣好辣㗎⋯⋯這間食店服務好、環境都好。但食物質素真係要改善下... 繼續閱讀
(以上食評乃用戶個人意見 , 並不代表OpenRice之觀點。)
💛琴日專登出旺角試呢間蕭生開既堅石燒🥩睇返價錢原來一啲都唔貴喎最平一人$100左右已經可以係晚市食得好好餐廳環境都好韓式 真係似食緊韓燒咁拍拖黎都幾正👍🏻-揀咗美國大理石牛300g($108)&石燒巨型雞扒300g($78)另外加多$18就可以任食沙律、爆谷、雪糕、意粉仲有抗疫湯水同埋汽水任飲感覺好似返咗屋企咁😍-但誠實啲講 大理石牛質感比較一般食嘅時候筋位較多 都有少少咬唔開😣我覺得煎到全熟時會比五成/七成容易咬開同埋呢個價錢唔會對佢有咩太大要求啦🤔值得一提係牛肉味幾濃用嚟送佢個蒜香牛油意粉都唔錯👍🏻但如果對肉質比較有追求 可以試吓叫返貴少少嘅款-石燒巨型雞扒 同樣都係300g望落去多過牛好多咁 重要係有兩塊😍本身雞扒上碟時已經係全熟 食落應該冇乜調味最好係配鹽、胡椒粉同煎香左嘅蒜片食-整體上性價比都幾高 佢啲沙律菜、意粉都幾好食依家仲有限定優惠兩個人過嚟食就送一份香草焗豬仔脾食落去一啲都唔馬虎 啲肉好腍 仲好重香草味 啖啖肉超正 想食其他小食都可以轉 (優惠去到30/9咋! )好味評分😋:4/5🌟🌟抵食指數🤑:5🌟/5 🌟🌟餐廳環境 🤪: 5/5🌟🌟價錢💰:美國大理石牛300g $108 石燒巨型雞扒300g $78 自助沙律汽水吧+$18地址📍:堅石燒 旺角彌敦道565-567號銀座廣場LG樓 繼續閱讀
(以上食評乃用戶個人意見 , 並不代表OpenRice之觀點。)