47
1
1
港鐵油麻地站 A1 出口, 步行約2分鐘 繼續閱讀
電話號碼
23861002
開飯介紹
餐廳供應不同國家優質牛肉,讓食客放在花崗岩石板加熱至心水熟度。除了常見的美國牛,亦有較為少見的1++韓牛肉眼、韓國豬腩片以供選擇。 繼續閱讀
營業時間
今日營業
11:00 - 23:00
星期一至日
11:00 - 23:00
付款方式
Visa Master 現金
座位數目
94
其他資料
網上訂座
賞訂座積分
加一服務費
有關獎賞計劃
食評 (56)
等級4 2019-08-31
2009 瀏覽
我是蕭生的忠實粉絲,無意中看到他在節目中賣過一次堅石燒的廣告,真心想支持一下小店,地點又方便,旺角/油麻地平食石燒牛扒多開心!無論任何時候都要排隊等位,入座後發現石燒扒房地方很大,主推石燒多款外國優質肉。而且有平有貴,最平是美國大理石扒、其次是品質好的澳洲和牛西冷、美國頂級牛小排,當然最矜貴的是比較少吃到的 1++韓牛肉眼啦!《自助吧》坐下來先向店員下單自己心水食物,原來新張期間免費享用自助小食吧、任飲任食呢!九月開始加 $30 可以享用小食吧嘅飯、意粉、湯、沙律同凍熱飲品,價錢認真實惠。《美國大理石》唔同的肉扒分別可以選擇不同份量,200g、300g、400g,我的眼睛不能離開美國大理石,皆因價錢真係好親民:$78/200g,$108/300g,$138/400g。大胃王當然選擇了 400g,果然係好瘋狂。不久就聽到吱吱渣渣的石板上枱,熱力逼人皆因石板選用花崗岩石,密度高而且耐熱,我差不多吃完牛扒石板仍然是熱的。石燒牛脂香相當濃郁,油花入口即溶的幸福口感,美國大理石牛扒入口有獨特的牛肉香,口感結實。價錢平但依然很有質素,廚師預先燒熟大理石扒的表面,然後我們自己切開一口大小用石板燒至半熟,喜歡食多熟就燒多熟,個人口味完全可以控制得到。《厚切鰻魚石頭飯》如果朋友不吃牛也有多款韓式石頭飯,厚切鰻魚肥美甘香,石頭飯粒粒飽滿。《韓式炸雞》豬牛魚之外還有雞肉,惹味的韓式醬汁,炸雞外脆內軟又多汁。今晚真的吃得飽飽呢!離開前走到去味神器,按掣便會噴出有香氛的水霧,即時除去身上的油煙味,女士們可以清新優雅的繼續逛街了。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-29
1325 瀏覽
瓜爺一個短訊,Yoyo約係佢新餐廳食飯,看看時間許可,基本上冇問食乜,就應約。上次見過Yoyo就係蕭生的中環木槿花餐廳,專食韓牛,那次吃得非常高興,於是佢地嘅新餐廳,不用考慮,即去。當晚一行十幾人開party咁包左一個角落,非常熱鬧。人多好辦事,最好掃餐牌。基本上這裡有多種不同的扒類,人多勢眾,試哂所有係常識吧。這裡特色是以燒熱的花崗石為賣點,加上美國牛澳洲牛韓牛,不同的價錢,不同的品質,任你選擇。講一講,這裡的地方好cheerful ,色彩繽紛,而且非常多人,七點幾已經座無虛席,而且有非常長的人龍。多種不同種類的牛肉,有澳洲和牛西冷,有flat iron,有美國大理石,有韓國豬腩片,有美國頂級牛小排,更有蕭生嘅得意之作,韓牛肉眼。 你可以隨喜好叫唔同size的牛,200/300/400G,最平$78有交易。最正嘅係,只要加$30,就可以享用小食吧的飯,意粉,沙律和湯。今晚嘅湯係泡菜湯,蒜蓉牛油炒意粉,仲有獨立包裝的沙律,和自由飲,講真,平過金鳳同哥登煲。乜都唔講,一定要讚嘅係蒜蓉牛油炒意粉,好食到停唔到口。沙律配不同的醬汁,也是很容易令人吃得過量。如果你自己怕燒得唔好,仲可以搵人幫你燒。一定先講韓牛,那油香和韓牛最強的味道,吃下去我還以為自己在馬場洞,好食程度和中環木槿花餐廳有過之而無不及。豬腩片夠薄身,不會太厚也不太肥,係豬肉貴到不行的時間,吃到咁正嘅腩片,好好的享受,希望不用像上海的超級市場要同人分豬。Flat iron讓我想起在英國倫敦Henrietta street的Flat iron,質素直逼,價錢也親民。和牛西冷一定有自己的捧場客,我個人不太喜歡太大塊的肉感,西冷口感一流,當然冇韓牛咁搶眼。牛小排的感覺較細膩,冇西冷粗獷,女士應該喜歡多一點。最超值一定係呢個美國大理石,色香味俱全,食200g,加$30,你基本上可以飽到聽朝,呢個係必點!個人推薦吃韓牛,大理石和Flat Iron,各有所長。當然價錢唔睇,韓牛唔食對唔住自己。沒有蕭生的晚上,依然多話題,不過因為牛肉太靚,所以幾位朋友都帶了不少威士忌來,威士忌和牛,係另一個層次。特別送韓牛和牛小排,香港的煩悶都突然拋開。餐廳也不只有這些牛肉牛扒吃,還有不少韓式的菜式吃,食左幾種如壽司,炸雞和蛋卷都不俗, 如果有朋友不太喜歡鋸扒,都會適合,可以叫下呢d,仲有石頭鍋飯。呢度絕對適合一班人搞gathering,如果蕭生係到搞下活動,指點下迷津,我相信會比吃牛更吸引吧,應該好受歡迎。雖然木槿花八月尾會關門,如果繼續食韓牛,呢度自然係最好選擇,聽說瓜爺會再搞局,希望下次可會下蕭生。不過,今晚沒有蕭生,依舊盡興。PS唔怕食完好大味,因為呢度有個好幫手,食完記得玩下。堅石燒  旺角彌敦道565-567號銀座廣場LG樓 繼續閱讀
(以上食評乃用戶個人意見 , 並不代表OpenRice之觀點。)
今日去完油麻地見客,順便食埋晚飯再歸家。途經銀座,見到個店舖名“堅石燒”,係食韓牛+美國牛石燒的。我未食過,所以一試。落地庫全層都係堅石燒,地方好大。座位亦都舒適。望望餐牌,韓牛有一款,美國牛有3款,澳洲西冷一款,還有一款韓豬腩肉。另一面餐牌,是石頭鍋飯發小食。原本叫任何一款食物,加$30就可以任飲汽水,檸茶,咖啡或茶,沙律,湯,飯及蒜香意粉。但由於“堅石燒”是新張期內。所以免費就可以了。美國牛板翼~$128有200g牛板翼,廚師先煎熟大概一成,再蓋上蓋子,待職員連同石燒送上時。再把牛板翼放在石燒上燒到自己喜歡的熟度。但因為我第一次燒。忘記把牛板翼反轉,變成過熟,有點兒靭。但味道香口及牛味香濃。下次再幫襯就要留意了。美國頂級小牛排~$188有200g牛小排200g,大概有10片左右。肥瘦分佈均勻, 附有蒜片,葱及牛油。職員送上熱石。把小牛排放在熱石上面,加上蒜片及葱,差不多熟的時候,就塗上牛油,黑椒及海鹽。牛肉味香,肉質軟綿綿。韓國豬腩肉~$98有200g肥瘦分部均勻,豬油在石燒上將油份迫了出來,勁香,肉汁仍然保留。再叫了韓式燒餅,一碟有6件。切成三角形,有紅蘿蔔,葱,蛋。食落煙靭。熱石板就是這樣的.  繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-23
1075 瀏覽
一直都好想食下用石板整熱牛扒既食法,今日就約埋朋友去就腳既堅石燒除左人氣滿滿!仲有陣陣石板煎出嚟既牛肉香味!呢度位置多同闊落,人多人少都坐得落!最正免費自助沙律,湯,飯同飲品!包食得飽!食完仲可以飲多兩杯野傾下計!呢度唔只牛肉種類選擇多,經濟到唔駛100 蚊都有得食,最正係用上喜馬拉雅山既粉紅色岩鹽,同埋即磨既黑椒! 真係有誠意!而且仲有4款醬汁選擇,可以用喺沙律,牛肉,推介燒汁,用嚟點牛肉,更添惹味!等緊牛扒嚟既時間,當然要食返d沙律熱熱身,加返少少麻醬就最好不過,沙律菜食落爽口,都幾新鮮,再整多杯任飲既朱古力暖暖胃!我叫既美國大理石400g熱辣辣送到,坐喺度都會感受到熱石既高温同傳來陣陣既牛肉香味!切開牛肉入面,基本上都是鮮紅色,豐富的肉汁都流晒出嚟!想食幾生幾熟都是由自己控制,加少少海鹽同胡椒,鮮甜既牛肉味都出晒嚟!其實400g既牛肉真係幾大份,不過朋友又想食下石鍋飯,就叫左個韓式雞肉石鍋飯try try! 辣辣地加上香脆既飯焦又幾惹味!同行既朋友叫左份頂級牛小排,同熱石分開上,賣相明顯比我既大理石牛肉更好! 果然係一分錢一分貨,呢個牛小排質素真係更好! 比起我既牛扒更嫩滑,雪花分佈更均勻,而且切薄左,會更快熟,要小心掌握時間!!稍為放在熱石一陣,肉汁已經自己滲晒出嚟! 聽住熱石上既'炸炸' 聲,肉汁變成牛肉既輕煙直撲入鼻! 就算接近全熟都仍然係嫩滑! 我就覺得5成熟會更好食! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-21
1011 瀏覽
最近新興石燒餐廳,將肉類放上石板上烤熟,可以自行決定肉類生熟程度,之前見好友去過旺角其中一間吃過,似乎不錯,今晚決定跟老公去試一試先。地點近油麻地地鐵站附近,位置非常方便!餐廳主打石板烤肉,有各種不同的肉類,份量選擇,最便宜$78 已經有200g 美國大理石牛排,其他還有一些石鍋飯,小食作選擇,而由於現在新開張期間,只要選擇一款主食就可以免費享用小食吧飯,意粉,沙律,湯,飲品等等,非常優惠!美國頂級牛小排 - 300g牛小排色澤粉嫩,店家有提供牛油,燒時令牛肉多了一份香氣,入口鮮嫩有肉味,而且燒得比較熟一點也不會太靱,不錯喔!美國大理石 - 300g牛排非常厚身,切開肉汁四溢,肉質鮮美有咬口,肉味香濃。小食吧沙律菜用一個個小瓶裝好放在雪櫃裡,方便食客拿取,食客可以跟據自己喜好添加不同口味醬汁。大醬湯味道比較清淡,但加了大量蔬果,所以感覺健康一點。蒜香意粉蒜味香濃突出,軟硬度適中。臨離開前店員提醒店家引進了一部辟味機,令客人可以消除身上的烤肉油煙味,非常特別又創新。 繼續閱讀
(以上食評乃用戶個人意見 , 並不代表OpenRice之觀點。)