坤記糕品專家 (已結業)

路經呢頭，記得有間糕品店頗有名氣的。要了一件白糖糕，並不是平時切好用保鮮紙包著一件三角形的，而是一個大圓餅般，即叫即切。不過我想說：老闆，你切得好細舊！算！味道要緊，試試係唔係名符其實。的確少了其他白糖糕的酸味，亦無甜到溜既情況出現，味道係同其他的有d分別。質感幾鬆軟，中心既地方有少少硬。整體黎講唔錯，行開呢頭既可以一試。

難得行經附近一帶，約完維記就來買件馳名白糖糕試下，細細件4蚊的確有點兒貴，口感無咩特別，但真係一點酸都無，不過試過便算了!

芝麻糕一如往常好味有芝麻香又唔會太甜可惜白色既砵仔糕就差d唔彈牙勝在豆份量都算係咁

山長水遠由灣仔到那裡…試了白糖榚及芝麻榚味道不及隨便一檔普通街邊檔的質素, 如果只為這店去的, 真係想燒左佢間鋪, 完完全全唔掂! 浪費我的時間及金錢, 大家不要再上當了, 不值得一試!

小時候..總喜愛在那殘舊屋村街市士多買那些切成一個個三角形的白糖糕喜歡白白的外表....總覺得那是很有益的東西(實在太白痴了...)還有.....那酸酸的味道...對丫．我竟然喜歡那甜中帶點酸的感覺....常弄不清楚到底那是它原來的味道..還是變壞了的味道..哈哈長大了...才知道...有技巧的師傅能做出沒有酸味....只有香甜的白糖糕..偶然經過此處..一試...確實美味..有煙煙韌韌的口感....還有清清甜甜的味道....不消兩口就攻陷了...只是...為甚麼胃部卻沒有甚麼感覺??哈哈...

由公和到地鐵站,必然經過坤記,既然如此順路,大人日前又講過鐘意呢度d芝麻糕,點會唔買d返歸呢??先來一斤芝麻糕,見到阿姐以一個一般用黎做生果盒既透明膠盒載糕,心諗有進步bor,總比以前直接入膠袋來得企理;經過我家大人用其數十年經驗所知,呢一斤糕相當足秤,並無呃秤之嫌。芝麻糕用上相當多芝麻製成,顏色深黑,同坊間半透明菲林筒貨色,不能相提並論;口感軟滑及有芝麻香,甜度唔會太淡或太甜,自己試左幾層,其餘全歸大人胃中。另外見到臨近端午節至有既蒝荽餅,又買多幾個試試,只係一拎上手覺得感覺硬硬,同以往在小祇園買開既軟軟感覺唔同,單以手感黎講已經輸餂了;味道方面唔可所準,雪左幾日至食,點到會打折扣。服務方面一向唔會有太高期望,木口木面已經係平常事,話說今次想再買半斤紅豆糕,見到佢有一盤未切紅豆糕上面有一小件貨尾,問下阿姐可唔可以切底新糕而唔要呢件貨尾,阿姐話:切出黎都係一樣啦! Fine!!咁你唔好切,我都唔買呢半斤紅豆糕添。

今日買咗一件芝麻糕同一個砵仔糕做tea，砵仔糕味道頗淡，唔太甜，但ok好味，芝麻糕就有少少失準，之前都食過好好味，唔知係咪今日天氣熱，所以有少少酸味，同埋too濕....唔好味！

剛經過維記食完麵後,巧合遇到坤記老闆娘,感覺很好人,還說在佛誕有特別糕點出,馬上走去試試.味道清甜,不錯,可以一試.

5.19 食lunch前路過咁出名就試下啦砵仔糕幾彈牙、暖暖地唔太甜。我唔鍾意食d好粉o既砵仔糕但$4一舊就唔太值喇，咁多人都係因為"就腳"je(o係正地鐵站出口)

買了芝麻糕及白糖糕回家吃及孝敬母親大人.白糖糕清甜及沒酸味,有難度! 但芝麻糕好似無上此買言這樣香,但也是上上之選!較外面買的貴,但一分錢一分貨,無計!

今日同男朋友經過,雖然食得好飽,但一場o黎到又未試過,都買個白糖砵仔糕試啦.個砵仔糕唔係好多紅豆,味道一般,好多地方都整得好食過呢度,沒什麼特別.見到其他人買芝麻糕,賣相不錯,下次可以試~

路過此地,又未搵到地方食晏,見咁多人買,自己就買個砵仔糕頂住肚...買左個啡色有豆砵仔糕,紅豆ok多...不過唔算特別好食,凍凍的,食落比較粉,唔夠滑,都唔算煙韌,紅豆缺乏紅豆香,只是勝在唔係咁甜...其實之前經過鴻發見到砵仔糕五蛟六個,雖然細個d,但感覺上比呢度抵,只係因為怕自己一個人食唔哂而冇買...

之前食過一次，印象都唔錯。今日經開呢度，又買些少食o下。買咗個啡色無豆砵仔糕。味道真係唔係咁特出，同細個時食的有少少唔同。食唔番以前d味道。一個咁普通ge砵仔糕都要賣成幾蚊雞，真好賺！

今早有機會試下午買不到的鬆糕, 見阿姐在一大盆鬆糕上切了不規則一小件, 有點三尖八角, size 像一件美心蛋糕, 見阿姐沒有秤重量, 便問她多少錢, 第一次問她, 她好像聽不到, 沒有出聲, 當時只有我一個顧客, 問第二次, 她才黑面不耐煩望著件糕說：4 蚊. 咁既服務態度???試了一口鬆糕, 很甜, 帶點酸味, 有點異味, 未吃過這么難吃的鬆糕, 但大部份網友也說此店鬆糕好吃, 實在有點大惑不解??? 是否今天的鬆糕壞了??? 但吃時還有點暖的???總括兩次買糕經驗, 糕品水準參差, 但早上和下午的阿姐對客態度也實在太差, 消費者實在犯不著要這么受氣, 故以後也不會再光顧了.

終於有機會試下好評如潮的紅荳糕& 芝麻糕, 以為是一件件, 但阿姐係一大盆紅荳糕內搯一舊秤下就俾我, 便問她是否6蚊, 她點頭, 芝麻糕比較四正D, 但食完紅荳糕之後食芝麻糕, 己經有點溶, 膠袋也沾了黑色, 但兩者都香滑味濃, 好好食奧^^ 好飽奧!鬆糕賣完了, 希望下次有機會試, 但阿姐十問九唔答, 答你語氣又差到極, 論價錢也不便宜, 是否可以包裝好一點, 禮貎好一點呢??