坤記糕品專家 (已結業)

雖然唔係成日黎深水埗，但係每次經過都要買黎食~~砵仔糕唔太甜，味道啱啱好=]芝麻糕一pae野咁，用個袋裝住賣相不太好．．但係食落好香芝麻味，仲要真係一層層的!很不錯=]紅豆糕真係好多紅豆，唔係太甜，又係好好味~~

上星期6 (dec 8, 07)晏晝,2位友人知道我下1場未夠鐘,於是繼續駕車往深水,帶我來巡視該區的出色食肆,好讓我下次來掃經過維x問我食唔食得落咖央...........我話唔得啦.........中午咁掃何文田法........頂唔順啦........於是帶我來買糕點同晚飯的友人分享1) 白糖糕x 2-鍾意佢無酸味,清甜,good2) 紅豆糕-唔知點解我無試到3) 芝麻糕-濃芝麻味,好軟身,呈1層層,有d似千層糕4) 砵仔糕-有米香,清甜,軟,如果個溏心範圍可以d就更理想5) 蝦米粉葛茶果-個皮好黏,好黏,同個餡比,個皮似乎厚d-都幾貴,$4.5/個,在元朗都$2.5/個咋6) 豆沙茶果-無食到

我認為，這裡最好食的，是芝麻糕。佢好食在，是真的將一層一層凝固了的芝麻糊做成的，芝麻是真才實料，不太甜，口感軟滑。不過有個缺點，最好買了就即吃，不然的話，便會變成糊糊的一攤軟糕狀，令人提不起胃口。阿姐是在一大底糕中隨意剷起一件，再秤幾重，至計幾錢。不過五蚊都已經是一大件的了。

果日買左件芝麻糕食~~本人好鐘意食芝麻既產品~特別係呢d糕點~~不過果日buy左件~~食落都唔係太好味~同埋佢\會散開~

今天吃了砵仔糕和芝麻糕，都好！芝麻糕，有點像固體芝麻糊。

4蚊一舊白糖糕其實唔係咁值薄又偏反而我鍾意大大舊總之要新鮮就得

今日傍晚返去探媽咪時,細妹話帶o左份禮物俾我!等佢走後打開o黎睇,原來係幾星期前食過o既坤記糕點!嘩!乜成盒瑞士卷咁大!仲勁重手添!打開蓋一睇,紅豆糕,馬蹄糕同芝麻糕各一大舊!我俾媽咪睇,媽咪都笑o左出o黎!D糕形狀不規則,但好好味!馬蹄糕好軟,好清甜!但我覺得太黏,太韌!可以硬淨返少少會好D!紅豆糕呈啡色,想必用o左片糖,成件糕佈滿豆,D豆亦好稔!好甜!口感好豐富!芝麻糕係我上勻第一次試食時最鍾意o既款式,糕身好稔!好甜!好黏!同馬蹄糕質感差唔多!有好香濃o既芝麻味!我覺得芝麻糕做成呢個質感絕對OK!仲記得細個時好鍾意食齋舖o既芝麻卷,o個陣時媽咪成日買俾我食,不過芝麻卷質感似粉皮,芝麻糕味道更濃更實在!三大舊糕盛惠$32,我覺得都幾貴!切返開一片片計要$3.5左右一件!我叫細妹下次唔好再去買,不過個口同內心都甜到漏!本來我可以一餐食晒,但又驚變哥斯拉,再加上唔係好捨得咁快食晒,所以每件切o左一半當晚餐,加多一大杯熱阿華田同零食又一餐!聽晚再食埋剩返o個半,宜家已開始回味緊添!至於砵仔糕,上次細妹買過俾我,但印象唔太突出,反而鍾意屋企對面o個間D砵仔糕多D!$5有兩件,平D嘛!唔知坤

到生產力開會前經過這帶處理點事情，見等陣間開會沒有三點三的著落，就在這裡打包幾款掛頭牌糕點，紅豆及白糖砵仔糕、芝麻糕及白糖糕來孝敬班會友。芝麻糕及紅豆砵仔糕仍是不錯的，接近十層的芝麻糕仍是香味四溢，而紅豆砵仔糕不太甜之餘米香濃濃，不愧是多年以來的知名糕點。會友們起初估計不外如是的糕點到後期大讚特讚，可恨手快者已截足先登，只能望而輕嘆。

上次吃白糖糕ok $4, 芝麻糕一般$6, 今次吃矷仔糕$4和紅豆糕$6, 矷仔糕較細件, 好處是少甜, 不黏口, 但紅豆淋到散, 好像醬一般, 難入口, 但有原粒紅豆。

今晚上課前行過, 買左缽仔糕食, 食落覺得不太甜, 紅豆都算多, 但沉晒落底, 又沒有豆香, 只係一般水準. 賣到四蚊件就唔多抵!

肥b去買電腦嘢,我叫佢買d糕比食,佢話都有少少人排隊,肥b買咗芝麻糕,砵仔糕,紅豆糕同白糖糕,芝麻糕都ok,幾香芝麻味,砵仔糕都係灣仔活道嗰當好食d,紅豆糕好硬,同我唔鐘意食紅豆,所以麻麻哋,反宜白糖糕ok,好清,唔太甜,又唔會好酸,最好味!

媽買了外賣糕品回來,有芝麻糕同馬蹄糕我認為出名的芝麻糕並不好食首先DEE芝麻糕一拎上手就散,令我食得好狼狽芝後我又覺得太粉,一PAT PAT,芝麻味不足平時酒樓都好食過佢以!馬蹄糕反而幾正,馬蹄多,而且好清甜,唔會散曬 所以話出名不一定好食!

豆沙茶果$4.5: 皮較厚及硬,個個同事食完後都無下次白糖糕$4: 出名後白糖糕勁縮水,都是普普通通,好多地方都食到更抵更大件的

之前見到食評.話呢度d紅豆糕好好味.食落口好蓉,於是尋日專燈慕名而去試下佢.因為本人食呢d糕鍾意淋d..尋日下晝2.3點去到.有好多人排緊隊.我看到d糕先知原來佢地唔係一早切定既.係你去買果陣d阿姐先係個盤度切出黎..紅豆糕($6):食落口真係好淋~好"蓉".有少少似紅豆沙~我鍾意呢d口感.不過如果鍾意有咬口既我諗佢會唔係咁好..芝麻糕($5):冇想像中咁好.一如食評所講唔夠芝麻味.不過由於佢食落口都係淋.所以我覺得都ok~鬆糕($4):呢個我覺得冇嘜特別.可能自己對鬆糕唔好.唔識食..至於d人話呢度d阿姐態度差.我諗係因為佢地忙.而且個個黎買幾蚊糕就走嫁喇.所以都唔會話做到好似d餐廳咁要俾d咩好服務你啦..

看到許多笑臉的食評, 今天山長水又遠的專登去買, 還買了很多回公司給同事品嚐, 點知..........完全失望! 是名聲累事? 還是根本就不好? 最出名的紅豆糕竟是最差, 完全是水太多, 稀得要死, 不香又無口感, 完全不知所謂!!! 砵仔糕又非常一般, 沒有豆香亦沒口感, 白糖糕就比較正常但亦沒驚喜,,總之就完全失望, 希望不會再有人像我一樣傻傻的慕名而去啦!!不過亦要一提的是, 服務方面亦不是太差, 賣給我的那位阿姐都OK啦, 可能我買得多掛, 我買了180元呀!!