國金軒

營業中

休息中

比較起另一邊的利苑，總喜歡來這邊吃飯多一點。又來跟一眾食友吃午膳，本來去樓下吃「混合」泰菜，一位難求，立即轉陣，上來飲茶。6個人坐10人檯，當然是十分舒適寬敞。只是隨便的要了幾個點心，滋味雞及生炒糯米飯。這裡的點心，廿幾蚊到幾十蚊左右，質數普遍不錯。帶子燒賣大大粒，帶子爽口彈牙，燒賣都美味；菠菜餃的皮做得煙韌不硬，肉餡幾鬆，也不錯；山竹牛肉做得幾鬆，不過吃這味，還是喜歡大大舊的老式做法；春卷幼身，皮多餡少，還是傳統的「一開二」好一點；滋味雞用煲仔上，上面放一串青胡椒，「混合」之至。用上質數不錯的材料，雞件嫩滑，用上蜜糖去焗，帶點甜，也不錯；生炒糯米飯做成蛋包飯的樣子，吃落味道也不差，淡淡也充滿臘味的香味。唯飯身相當腍，徒具「生炒」之名。侍應人手足夠，招呼不錯。埋單每位一百六十，不便宜，但在國金二期，坐得舒舒服服飲茶，有景睇，食物還不差，都要番差不多價錢。

Food was okay but service wasn't too good. some looked annoyed when asked questions! if they charge this much they should hire people with better attitude. I will defintely go somewhere else.

30/05老闆同一同事為我慶祝生日,我的好同事花了很多腦汁,給了我多個選擇...法國菜的XX餐廳,美國菜XX餐廳,日本菜XX餐廳,最後我選了這店!一座下...美麗的維港景色清晰可見,有時空氣不大好,不遠的景物也看不到!懶懶的,點了商務午餐3位.食物水準也不錯(叉燒包可做得更好).味味真材實料,尤其有一個蟹黃豆腐...啖啖蟹黃同蟹肉,絕無稀場.老火湯係青紅蘿白煲豬展,味美香濃.香煎銀雪魚無煎過火,香口又唔會乾.魚湯魚腐浸娃娃菜,清清淡淡.又用魚湯浸住,不錯呢!但那個乾炒海鮮河粉就唔夠料勒(得幾粒蝦同魷魚)!仲用土魷炒...韌得老闆也吃不了.點品係楊枝金露布甸,這個味道很好,滑滑的,西柚肉很多.另一個是麻蓉糯米糍,一般般吧!這裡最吸引的地方是無敵維港景色,安排到座位在窗邊更好!

今日阿SIR請食飯!!一行十人﹐在國金軒飲茶-- 原來我已經很久沒有飲茶了!!剛坐下﹐點的菜就來了--出名的蜜汁叉燒﹐肉稔﹐好味:不知什麼金錢雞-- 入面有芋頭蓉(代雞)和鵝肝﹐我不覺得特別好味。 接著有一連串點心--好好味叉燒包﹐皮薄餡靚!! 什麼什麼餃﹐入面有蠶豆和不知什麼﹐幾好味。 黑狗(蝦餃) -- 沒有吃﹐不能吃﹐應該是酸的(吃不到的葡萄。。。)。 素餃-- 以為是潮州粉果﹐但又沒有花生﹐幾好味﹐推介之作。 本來想叫腸粉﹐但原來weekdays沒有的﹐只有周末才有(失望)。接著有特式小菜--甜酸龍脷柳-- 底是炸龍脷來的﹐非常好味(我們都搶那個底的)。 露筍鴨丸-- 特別﹐但不是我的口味。 什麼什麼豆腐-- 每件入面都有一些豆腐加蟹肉釀的東東﹐汁是全蟹肉+蟹膏。沒有吃﹐不能吃﹐酸的。 五穀炒飯-- 十級推介﹐很香﹐很好味。So far so good﹐還是最傳統的點心和小菜好味-- 炒飯真是極力推介!!!好﹐率之吃完鹹點﹐我們叫了很多甜點-- 國金軒的甜品突出之處是不會太甜(與金葉庭剛剛相反。。。金的甜得濃縮)﹐可以吃多幾款。一名不好甜的朋友叫了這個芒果什麼什麼撈-- 他說

唔能夠講『差』，但亦都未至於『好好』，呢個價錢，我寧願揀君悅酒店七樓中菜！

今天致電國金軒為母親節(5月13日)留座.原想定中午１２時, 接線小姐說母親節當天午市分兩輪　：１１時至１時及１時至３時．我覺得很好笑，還以為一間連開瓶費也要收３００元的中菜廳，應有很高的飲食修養和堅持，現在竟要人客在兩小時內吃完一頓Sunday lunch, 看來他們應檢討一下餐廳在中環的定位- 究竟是新貴還是扮名門隨即致電文華廳留座, 人家只提醒dress code而已，頓時覺得其真正大家閨秀之風範

朋友請飲茶，食到唔停得口!蠔皇蜜汁叉燒包$30 - 幾好味, 無肥豬肉粒上湯松茸水晶餃$30 - 食完都唔知有松茸頂級陳皮蒸牛肉球$30 - 太普通, 無食到水晶鮮蝦餃$42 - 幾爽, 蝦大隻香芒沙律明蝦角$36 - 鬆化香口蜜餞叉燒皇$118 - 熱辣辣, 好林, 肥瘦適中脆皮燒腩仔$98 - 切到好細粒, 又凍又唔脆, 肥肉多過瘦肉鮮檸脆皮黑鬃鵝$108 - 又係凍左, 我食左鵝脾, 有d押味, 但鵝胸就好入味好香, 真奇怪柚子蜜烤天使翼$68 - 其實即係炸雞鎚, 個汁好甜似係橙溝菠蘿汁, 但甜得滯, 感覺好惹蟻西湖牛肉糖醋麵$108 - 以為係潮式糖醋麵, 點知侍應分好上檯, 才知道係將d西湖牛肉羹淋在炸脆的麵上, 再伴條菜遠, 但又無俾醋我地......瑤柱大根五穀炒飯$90 - 外表無乜色水, 以為好普通, 點知食落好有口感, 好清香, 好食過個糖醋麵總括來說是普普通通, 未必會再來。

12月23日晚上為了不想與吃聖誕大餐的人潮迫,於是心血來潮便到國金軒.事先沒有訂位, 但都無需等位,而且位置都不錯,與其他枱的距離亦合理.這次是第3次來,之前已試過出名的叉燒和龍蝦等菜色,這回點的是些簡單的菜餚.頭盤是芥辣田雞腿,略咸.主菜有香醋玉排骨,上湯浸豆苗和海皇魚湯浸豆腐.排骨實在鬆化,酸中帶甜易入口又開胃.豆苗在落單時要求少油,做到要求.魚湯豆腐的豆腐很香豆味,應該不是百X豆腐,上面還加上蝦仁和帶子,美味極了.服務不錯,大多數侍應的反應都很快,每當我想拿起茶壺斟茶時便會有人立即上前協助. 總括來說,我當晚所接受的服務和菜色都算得上是物有所值.

呢两次来既感觉大有不同。餐廳嘈左，服务 水平低左。0的台set 得太逼喇，以前走廊前set兩行而加set三行台，同旁邊D 距離實在太近。野食水準依然保持，但服務就有待改進。我地食到0甘上下，清清地再叫個蒜蓉炒菜，但等等等等等，時間已過左20 分鐘，請個部長跟跟單，部長check 完話有落單叫我地等等，再過多10 分鐘，我地再問問個部長，部長check 完話而加整緊。唔系下嘛，雖則知道你門面多人，有delay都明白，但系都唔系等左30 分鐘之後至開始炒個菜下嘛。另外，服務員將的醬料擺到老遠(有相為證)，都唔知道擺響度做裝飾丫，定卑客人享用。

The food itself is okay but their service can be disenchanting. They shouted at me when they were calling to confirm booking. Their receptionists are very arrogant and are reluctant to serve you unless you are their VIP. I complained to their manager about their service but did not get very reasonable response either. I am sure that if I spend the same amount of money, I will get a lot better service in the 5- or 6-stars hotels.

一直都很想來試試這裡﹐不過這樣價錢的食府﹐通常不是甚麼喜慶又實在不會幫襯﹐所以昨晚就著父母親大人的結婚週年紀念﹐就一家人來了。想訂窗口位的﹐但是當晚是安排不到了﹐只是坐在鄰近吸煙區的一張桌子。這裡的空調不是太好﹐每次走過那吸煙區(如進出門口﹐去洗手間等等) 都因為那濃濃的煙味而呼吸困難﹗裝修是走高級簡約路線﹐我喜歡。不過礙於地方不夠寬敞﹐感覺是有點不夠大方﹐而且檯與檯之間亦較擠逼﹐是敗筆之作。這些不足都沒有掃掉我的雅興﹐還是高高興興的從餐牌挑選食物。因為健康的關係﹐我媽媽有很多東西都不吃﹐所以點菜都不是易事。眼見餐牌有很多道菜式是試不到的了﹐還是下次和朋友來把酒才吃吧。可惜...先說回這晚的菜餚﹐真的很不錯﹐簡單得來又有特色﹐用料也新鮮美味。我們先要了個天山雪蓮海底椰燉生班片﹐4 個人份量(每人只有半碗多一點) 要$380﹐一點都不便宜﹐不過連一向不喜歡在外面喝湯的爸爸都很欣賞﹐那就殊不簡單了﹐一切都值得。要了個冷菜﹐是風味走地手撕雞(半隻)。配菜有青瓜絲和海蜇﹐醬料出乎意料之外是沙薑汁。沙薑幾雞腳就吃得多﹐這個沙薑手撕雞就第一次﹐不過原來效果不錯的。最欣賞的是雞肉不但嫩滑亦有咬口﹐口

相約朋友跟數位台灣朋友, 一嘗現時本港數一數二的靚景食肆, saturday lunch的陽光好美, 一個上海炒油麵, 真係好油同埋無料, 個麵係篇身的, 煮得太腍, 無咬口, 有些西式一點的點心, 如綠茶草餅, 皮夠軟但係無咩綠茶味道, 蝦餃不太而且蝦亦少, no good.....XO醬唔咸又唔辣,無意思....臨走叫左個雞絲粥, $75外賣價, 叫得就預左佢係貴的, 但打開一看, 佢個粥就多, 但雞絲真係好難搵, 同佢個waiter講, 佢又話係晒入面有好多, 又話係瑤柱粥, 真材實料云云, 佢只有自己講, 一個話知你的模樣, 唔掂~~流沙飽係唔錯的, size比一般的少一半, 個流沙唔覺油, 而且好新鮮, 不錯不錯個枱的setting好迫, 為左profit set到迫一迫, 點解我要比咁多$$去食先? 重有係service真係好差, 由入場帶位到order食物都係叫極都無人理的, 水都無人加, 好離譜都係無下次啦!!

餐牌更新0左，多左0的新菜色話梅肘子-上到台至知道原來系分蹄，原本有點失望，但食落覺得果真與別不同。分蹄分得好入味，而最特色系個梅子醬，甜甜地，加埋個分蹄食，一絕紅槽葵花鴨- 好特別，0的鴨煮得剛剛好，鴨肉不hai不un，好回味香草鮑魚批–廚房已經預先弄好，上臺唔系太熱，好似一般酒樓食到既點心0甘銀鱈魚煎桂林米粉–米粉系粗粗0地果只，加埋0的芽菜同蛋煎到好似蠔餅0甘既形狀，銀鱈魚就放系塊餅上。熱食時覺得好油，但條狀既銀鱈魚好好食。因為order得太多既緣故，所以各人食0左一塊之後都要打包。回家reheat食，覺得更加好食，仲無0甘油添。茶價每位15

今次系第二次來食，上一次需然book 0左位，但都系企0左響門口等0左差不多有20 分鐘至可以入座，好采老細出0左trip，可以食耐0的，如果唔系，我地都走左去第二間。book位果日要求了窗口位，但當日安排唔到。今次醒喇，早0左book，亦book早0左。今次5日前就已經打去，而且同以往作風一樣要窗口位。個接線生亦如以往一樣念臺詞，窗口位已經full 灑，但我0地會mark 番低，到時有位會儘量安排。雖知道呢個系官方對答，但系都覺得未免太過死板喇，5 日前都話full 灑?!今日12:30 來到，即時入座。我地看圖點'食送'，都系叫番上次果個豬肉'籃'瓜卷，BBQ既豬肉包住條狀既'籃'瓜，個樣實在太吸引喇；第二樣餐牌上寫住話系雞翼，但食落好似系雞槌，其實真系唔知到系0羊，因為只得一條骨連住舊肉，個廚拆骨既功夫一流呀。然後有燕窩'火局'蟹蓋，0的燕窩系放響個'火局'蟹蓋上0既，因為燕窩無味，食既時候都系主要食到'火局'蟹蓋既味，有無燕窩都系影響唔到個'食送'；仲有一個普普通通既清湯莧菜，需然煮法無技巧，但都好好食，可能我唔鍾意食太濃既野食啦。而之前果幾味，煮得有技巧，食落好野味，食番0的

之前朋友請我食過lunch,蝦餃、燒賣一大隻(如普通的3-4倍大),又貴又唔好食。今次同阿媽來食lunch,有海景位,好開揚,叫了芋蓉鳳尾蝦- 最好吃,蝦新鮮魔鬼魚餃- 魚有軟骨魚翅餃- OK脆腸粉- 特別,腸粉包蝦春卷腕豆糕- 有馬豆,不太甜,好吃但魔鬼魚餃、魚翅餃及脆腸粉的用料也十分相似,像在吃同樣的點心,要改善。不算太貴,點心$30-38, 脆腸粉$48,茶$15(包2小吃及3種醬)。服務一般,朗豪酒店的明閣之食物及服務是近期到過的高檔酒樓中最好的。