回到味來 (已結業)

呢兩日突然番風，東北吹來的季候風再次燃起我這火鍋控的熱情，在旺角鬧市找到一間比較恬靜的火鍋店-回到味來。沒有放題火鍋店一般的墟撼，即叫即做，食物質素會更好，我也不想在週末也要食得提心吊膽。電視放映自家製公司logo同slogan,帶有科幻去到未來的感覺。我們點的蕃茄牛腩湯湯底，茄湯十分濃郁，精煮煲滾後的蕃茄湧出一層層蕃茄油在湯面，茄味鮮明特出，味道帶點清澀，湯汁清甜，其他火鍋店流行用蕃茄醬蕃茄膏，會帶有點酸的感覺。脆鯇魚片$78，魚腩位嫩滑爽口，大大片無骨魚片放在鍋中焯一焯，大快朵頤啊。新鮮墨魚滑$78 打到起哂膠，好滑好彈牙，想食埋蝦滑，不過怕肥冇叫到。各種一般火鍋丸子；魚蛋魚腐餃子類，反而吸引我的是這玻璃樽盤子。旺角新城就在信和中心隔離，用膳後到信和走兩圈睇下有咩新game都只係一分鐘既時間，啱哂我。有個放紅酒的小房，下次夾朋友過來可帶埋我地飲開既penfold。