回到味來 (已結業)

同表嫂去旺角信和買東西，經過隔壁的旺角新城，看到辣雞煲7折的廣告，勾起表嫂的思鄉食慾，反正是時候吃晚飯，就直接上去了。我們坐在窗邊位置，可以看到彌敦道街景。準備吃辣的東西，要叫一些冰凍飲品幫助減低刺激。表嫂知道我不能吃太辣，只選小辣一隻雞。 這家的雞煲送上後多煮一分多鐘再翻炒一下便可以吃了。雞件肉質嫩滑鮮美， 加上微辣麻香醬汁，表嫂大讚好好味。食完雞，店員送來粉絲蒸扇貝，不錯吃。我們的火鍋選了南瓜蜆湯底，湯內有些鮮蜆。手切牛頸脊牛味濃郁，好味啊。海鮮也很新鮮，特別是鮮蝦，吃著鮮甜美味。表嫂未食過雞子，味道和質感不是每個人都能接受的。蔬菜好新鮮，味道也很清甜。豬肉和羊肉也好食， 肉味好鮮。海鮮和手切牛頸脊肉不是任食，客人可以追加任食表單上的火鍋配料。表嫂說雞煲最好吃，兩百多一個人很抵噠。

黎呢度就係為咗食到雞煲加火鍋，9點半後仲有優惠價 $188跟海鮮拼盤！首先食咗個雞煲先，雞煲係可以無限refill 我哋叫咗一個唔辣嘅雞煲，食落都係好惹味🤣雞肉切得細細舊，食落都幾入味。入邊仲有啲炒菇，食落特別香～～仲送咗一碟蒜蓉蒸扇貝食完雞煲之後就轉食打邊爐～ 揀咗南瓜湯底，清清地南瓜味都幾濃。食咗碟肥牛先～牛味好鮮，肉質都好嫩，覺得呢個餐性價比極高😎仲有個海鮮拼盤，大大隻蜆殼，好甜夠哂正😝叫多少少配料就已經飽到不得了～～

終於約到朋友仔一齊dinner la相約到回到味來嘆返個宵夜雞煲火鍋只要9點半後去 包埋海鮮拼盤都係$188/1人我地雞煲揀左唔辣嘅黃燜雞煲香氣撲鼻 油而不膩 味道獨特👍🏻雞肉色澤亮麗 肉質鮮美嫩滑😋而食雞煲前 會送上金蒜鹹蛋蒸扇貝粉絲帶點鹹味 扇貝都夠鮮甜之後火鍋黎到 叫左個比較清淡嘅湯底就係黃金南瓜海硯湯 滿滿的南瓜味本地手切牛頸脊 當然唔少得而生猛海鮮拼盤 有蚌有蜆有蟶子額外仲有60款配料任叫添啊所以話宵夜時段真係性價比好高㗎🙌🏼________________________裝修環境：✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

呢排冇波睇， 成班麻甩佬好悶， 老友就吹雞出去食雞煲啤啤佢， 我呢啲住家男邊度食咁多窿路呀， 今次去帶咗我去旺角， 地點就腳 ，重要雞煲任食， 我心諗通常任食嗰啲都出事㗎喎， 但老友極力推介下唯有一試。地點真係好方便，出咗油麻地地鐵站行五分鐘就到，呢度係半自助雞煲， 雞煲任叫任食， 分咗兩款味道， 辣嗰款叫 惡魔雞煲， 聽到隔離枱都叫辣，就知道係好辣， 所以我哋只敢叫小辣， 果然真係辣到噴火。 雞肉都好嫩滑， 性價比高， 加咗湯底後諗住打邊爐， 隨即送上海鮮拼盤， 有鮑魚有蝦有貝殼類， 配料新鮮相當高質。 仲有嗰碟牛頸脊， 肉質鮮甜， 油脂分佈適中，不錯。其他任叫嘅配料都超過60款， 而且嘢飲任飲，我覺得相當超值。當中我極力想推薦呢一款飲品， 好似涼粉咁， 當食完辣野，飲返啲凍嘢真係透心涼。

很久沒有食雞煲了，現在有各底各樣的火鍋，雞煲已經少食，但今天因為10點半才收工，一時之間想不到吃什麼，朋友介紹就去食雞煲看看價錢宵夜時間十分便宜，吃完雞煲後，還可以轉火鍋，這個格局在其他店鋪，大約都要3百以上雞煲選擇小辣，但有個小意外，店員上錯了台式卜卜蜆煲，如果除了雞煲，最近多了任食卜卜蜆煲，今天很多人都選擇了，所以才上錯，不過令我想到卜卜蜆，好像更吸引，不過雞煲很快上枱後基本上，雞肉十分飽滿，感覺十分良好，味道也很足食完雞煲後，選擇了蕃茄湯底，湯內已有新鮮蕃茄，蕃茄味不錯，火鍋配料60多款，每款食一點都已經很飽，不得不提牛頸脊，同普通肥牛比較，級數真的不同，很好吃。

呢日約左幾個中同放工出黎食飯，近排天氣又涼番，所以一班人就去左食雞煲。餐廳有一個個卡位，方便朋友去傾計。回到味來有雞煲加火鍋放題，任飲任食一個人都係248，價錢比較實惠。店員首先拎左醬料比我地自己配，每個醬料碟仲細心寫埋醬料名。一開始先上左個金蒜咸蛋蒸扇貝，扇貝蒸得岩岩好，仲有好香蒜蓉咸蛋味。因為朋友唔食得辣，所以我地叫左黃燘雞煲，雞煲有成隻雞，煮得好入味，另外仲加左少少菇，食得出好足料！食完雞煲之後，店員會好貼心咁幫你換過個鍋打邊爐，同埋可以再揀湯底。每枱會送一碟手切牛，同加一份海鮮。份海鮮比我好大驚喜，入面有鮑魚，蟶子等等，每個都好大隻好新鮮。臨走之前，店員送左我地一份薑茶水中花。中間個花係用豆腐雕刻而成，我同朋友好驚訝廚房師傅咁用心去做一份甜品。所謂今時今日既服務態度，我地食飯全程店員都好好態度，呢間舖頭對客人咁用心落力，真係值得讚揚！

旺角已經有很多間雞煲，不過依間未食過，而且9半後入黎食只係$148任食，其實都幾抵食，不過可惜的是海鮮拼盤都已經賣清光，但調轉頭想想，即是海鮮都是即日海鮮，不過今天無緣食到。今日我揀左小辣既惡魔雞煲，本來都話唔算好辣，不過食食下就開始入味，麻辣味都唔錯，而且d雞肉都幾好，感覺上都足料前菜仲有個扇貝食下，大大隻的扇貝，食完雞煲就揀左，蕃茄湯或，大約61款的配料任食，真係好抵食。還有主角的主角，本地手切牛頸脊，肉味十足，而且係厚切，咬落有口感之餘，肉感都好嫩，其實百幾數有依碟牛肉，都已經值回票價。

平時食開旺角嗰間雞煲竟然裝修， 雞煲引起嘅我立即要四圍搵下有乜 好推介， 見喺旺角附近呢一間雞煲嘅評價都唔錯，即管試下。先講地點好近家樂附近，坐地鐵到油麻地站後行五分鐘就到。估唔到佢會有海鮮拼盤送， 有蝦有鮑魚 ，仲有花甲同勝子， 都好多元化。雞煲出場， 原先我哋見到餐牌寫住惡魔雞煲， 想試下中辣， 好彩最尾轉咗做小辣， 已經辣到飆汗。 佢嘅味道有別於一般雞煲， 重孜然粉味， 嗰種味道都唔錯。 呢度最好就係有任飲， 無論幾口渴都無限添飲。黃燜雞煲相對就冇咁惹味， 個人比較喜歡惡魔雞煲。送嘅蒸扇貝 牛頸脊牛味濃，正食物種類都相當多，啱曬大胃王。

今日中午在群組發起去食雞煲，有人介紹去旺角的《回到味來》，但最後只有我們三個人來，我們19:30 來到，可能今天是星期三來到的人不算太多，這裡屬於半放題海鮮火鍋，首先是先招牌惡魔雞煲或黃燜雞煲，然後換湯底再食火鍋。今天我們選了普通辣的招牌惡魔雞煲一隻雞的份量，服務員先為我們送上每客一份的前菜金蒜鹹蛋蒸扇貝，這個口味配搭得很不錯，然後雞煲就來了，雞煲和我平常食開的麻辣的有點不同，他隨了麻辣的味道還多了其他的辣味，醬汁好好味真是想叫個白飯來食下，而且這裡的雞煲還可以任食再加，但因為想留返個肚來吃海鮮火鍋，所以白飯和雞我們也沒有加，食完雞煲我們沒有選擇店內免費提供的其他五款湯底，我們叫服務員直接在雞煲上加湯就可以了，之後服務員很快就為我們送上，半自助火鍋不可再點的時令海鮮拼盤，拼盤內有鮑魚、鮮蝦、聖子和蚌類等等，全部都開好洗乾淨，味道新鮮可口，還有一碟本地手切牛頸脊，這碟真是不錯，一碟真是不太夠，還好自助任點的也不小，而且大多數也是不錯，埋單每人也不用三百，平時我們剩食雞煲也差不多了。

垃圾中的極品，自問真係未去過一間咁爛嘅食店，8點入場，半個鐘先嚟個雞煲，好快食晒之後，畫紙入打邊爐啲嘢，一直都冇嘢嚟，催單第一次叫我地再畫單，第二次又係咁，結果10點都未有得食打邊爐嘅嘢，催到有嘢食嚟之後話夠鐘埋單，真係火都嚟!咁大個場得一個細雪櫃，啲嘢飲完全唔夠同唔凍囉，真係錯晒!總括來說，三個字形容晒，冇 下 次！

同朋友約食飯，當然係約喺大家都方便嘅旺角啦。本來諗緊食咩好，不過有朋友話佢有一間食過嘅餐廳推介，就跟住佢想到嚟啦。其實呢間餐廳喺商業大廈嘅樓上，如果唔係有人帶，其實我唔會留意到。入到黎其實裝修得幾好，位唔算太多，所以人唔多，咁就好啦，我好怕太多人，太多油煙味。因為我哋都唔食得辣，所以冇揀到惡魔雞煲，叫咗一個黃燜雞煲。打邊爐餸方面就係一般邊爐都會有嘅料。最鍾意就係打邊爐嘅時候嘢飲有竹蔗茅根或者涼茶揀，咁就唔會因為打邊爐太熱氣，第日喉嚨痛啦。個雞煲燜得好入味，上嘅時候侍應仲會特登過嚟幫我地打開個煲蓋搞下佢，同提醒我哋等一陣入味啲先至食，會好味啲。話俾我哋聽最適合嘅食法呢一樣野真係好貼心啊😍個雞煲除咗雞之外，仲有其他配料，包括冬菇或者洋蔥所以成煲雞好香呀😋啲雞食得差唔多，就叫佢幫我地換咗過爐嚟打邊爐啦，湯底我哋揀咗一個比較清淡嘅芫荽皮蛋湯。湯底夠清淡就可以食得出海鮮嘅鮮味同埋食材原本嘅味道啦。同埋芫荽下火啊！😍我最鐘意海鮮拼盤夠夠海鮮揀，而且又夠新鮮，一啲腥味都無😈最後我哋傾計傾得有啲耐，呢個時候侍應哥哥走埋嚟問我地要唔要試吓佢哋個甜品，免費送咗一個甜品俾我哋。初時我哋冇咩期待上到嚟嘅時候先

好彩一早book好枱食雞煲火鍋放題，如果唔係，排半個鐘都未必有位🙈🙈招牌😈雞煲我嚟喇🥰 一上枱就聞到好香嘅香料味加淡淡嘅辣味🌶 配料有花椒、八角、洋蔥、乾辣椒...... 叫得惡魔🦹‍♀️真係有佢過人之處，好惹味（我只係食少辣都感受到🤫）雞肉好嫩滑，職員會主動幫手炒兩炒，以防痴底👍🏻 雞肉可以無限♾添加，但我地加多咗轉就變成火鍋🍲，因為海鮮同其佢火鍋配料不停呼喚緊我😂😂火鍋我地揀咗自家清湯，可以清清口嘅辣味😚 跟餐有海鮮拼盤（6款左右），我見同朋友推介嗰啲有啲唔同，應該係時令食材，今次有鮑魚、蟶子、大蝦......非常新鮮 跟餐仲有金蒜咸蛋蒸扇貝，粉絲扇貝真係食得多，但加咗咸蛋真係第一次食，蛋黃粉粉地，食落多重口感😛

仲有一日就放假，提早同朋友Happy Thursday，食雞煲海鮮火鍋半放題（$248/位，另計醬油、服務費）。🐥🦐🥘🥢·Book咗枱唔洗等即入，一坐低先揀雞煲🐥🥘，有2款選擇 — 招牌惡魔雞煲或黃燜雞煲，同樣係任食。我哋揀咗前者，半隻雞、少辣🌶。·落單後，職員會遞上醬料盤俾我哋配搭，搞掂之後就上雞煲。雞煲煮咗大約2分鐘⏳，職員就嚟幫我哋炒咗幾下，跟住就食得喇！雞件好入味，好惹味，落足配料烹調，又香又好食！🤤·食完雞煲之後，我哋就揀火鍋湯底、飲品、火鍋配料。有7款湯底選擇，我哋想食清d，所以揀咗蕃茄濃湯🍅。飲品就叫咗一瓶竹蔗茅根，清下熱氣。🙈 另外再揀咗多款火鍋配料！·等候期間，職員就送上金蒜咸蛋蒸扇貝，每人一大隻，趁熱食夠滋味！👍🏻·上菜速度都幾快😳，好快就上咗湯底、海鮮盤、牛頸脊、自選火鍋配料。·值得介紹下個海鮮盤，有6款海鮮，包括聖子、鮑魚、花甲、海蝦🦐、蜆等。擺盤精美、而且全部海鮮都好鮮味，啱晒鍾意食海鮮嘅朋友，下次想帶媽咪嚟食！☺️·牛頸脊🐂好大碟，有嚼勁，牛魔王表示滿足！😍 配料方面，我哋揀咗炸午餐肉、包心芝士丸🧀、美國肥牛、魚皮餃🐟🥟、芝士脆皮腸、包心蟹子丸🦀、蟹柳、魷魚🦑

近來雞煲+火鍋放題成行成市，要找一家有水準的不是太難。今日放工收得遲，和同事來到旺角信和隔離的樓上火鍋店，見到門口$250有半任食火鍋，好吸引！相比起一般大多要$300以上的雞煲火鍋夜題，$250有找的確有競爭力，但我都係比較注重食物質素。一坐得雞煲有辣有唔辣，遷就同事叫了半隻微辣，想留肚打邊爐。雞煲有水準，肉質幾嫩，味道唔錯；之後我哋揀咗蕃茄濃湯，聞落好香，好喇！戲肉嚟喇！先係有一人一隻熟食粉絲扇貝，好鮮！之後有一大碗海鮮盤，有鮑魚、聖子、大蝦、蜆，食得出全部都好活躍新鮮，開場有好印象！尤其值得推介有隨餐送嘅手切牛肉，仲有鮮炸響鈴、芝士丸、炸午餐肉同冰豆腐，加埋任飲飲品好多選擇，埋單$250真係好難搵！

今天朋友帶我去食新嘢，餐廳叫回到味來，我們三人閒日上到去都看到好多人，時間還早都坐滿八成人了，呢到環境不錯，較靜不太嘈吵，冷氣都好夠凍，我們食的是半自助雞煲放題，雞是任食的，可以自選辣度，其他的食物，一般都應有盡有，還加送海鮮拼盤和牛肩脊，不錯，雞煲到了，幾香，肉質算嫩滑，吃完可加雞的，之後我們加湯食火鍋，有了之前的雞香和辣味，令火鍋香氣更濃烈，肥中好食，厚度適中，其他食物都不錯，雲吞水餃更是一絕，內裡好大隻蝦，丸類和魚片都叫彈牙，最好味的是個海鮮拼盤，鮑魚，聖子，蝦等海鮮，吃得出好新鮮，非常甜美，而送的牛肩脊更是滑溜和手味重，喜愛牛的你一定要食呢，今餐吃得真不錯，會再來的！