四眼仔腸粉 (已搬遷) 新店位置

四眼仔腸粉是聯和墟的參觀景點, 因長期都有人排隊買腸粉.另外在Openrice 總分排名中, 亦是排名137 名. 在粉嶺區是排名第一, 真是本區之光.10 蚊可以兩個人食到飽飽, 夠熱夠香. 甜醬, 辣醬, 麻醬混在一起, 實在美味, 大人細路仔都啱, 北區真是無出其右.難怪長期排隊光顧.

當lunch 食，　叫四大蚊都食飽你，仲要叫埋　兩蚊魚蛋，兩蚊燒賣，八大蚊，好食又抵食　！　I love working in Fanling!!!

兩蚊三條,三蚊四條,四蚊五條,如此類推,問你死未。我開頭唔知價,以為最多五蚊得三條,隨口叫左十蚊腸粉,一心當飯食,點知見老細切呀切,包呀包,一路無停手,終於整左一大袋畀我,大包到羅到難羅, 唔好話食!!!魚旦都好好味,排下隊都值得。

買左$2 腸粉,有3條,平通港九啦!而且無論腸粉(薄而滑)同醬料亦十分正!冇理由吾試!

我諗無邊間腸粉咁受歡迎啦,佢除左平之外,啲腸粉同辣魚蛋都好正,燒賣就差啲,佢早午黃昏都會有人龍,勁

早排新年經過,見佢有開,雖然有五六個人排隊,但真係平靚正,排隊都抵.講真呀,乜都係兩蚊有交易,魚蛋兩蚊六粒,燒賣就四粒,腸炒就三條,嘩~~~~平通全港九新界啦,仲要熱辣辣添,好正呀!

佢d腸粉真係好平,冇話好唔好食既不過d燒賣差d囉

路經此地, 見咁多人排隊, 我亦發揮香港人精神, 唔執輸排埋一份, 人買我買, 買咗腸粉同粉果, 企喺街邊即食, 腸粉果然夠熱夠軟熟, 正! 粉果大大隻, 個皮都好軟熟, 餡料亦夠, 好味! 排我前面個賓賓都識得叫腸粉燒賣同班姊妹share, 識嘢!見四眼仔為求薄利多銷, 好勤力係咁切腸粉又落魚蛋又畢燒賣, 做到冇停手, 呢種精神我最欣賞, 寧舍覺得啲食物好味

我諗北區無乜邊間可以平過佢而水準相若,我最欣賞佢多少都賣既做法,話說早幾日同囝囝返完學,心思思買三蚊腸粉同兩蚊魚旦,佢完全無嘰嘰眅眅,仲好似好平常咁,比起一d推車仔,服務態度仲好,d腸粉又夠熱,有機會我會再試,但最衰無堂。

四眼仔腸粉起粉嶺聯和墟可以話無人唔識佢,因為d腸粉真係好平,$3有五條,平日我食開都要$5/4條or$5/5條啦而且四眼仔落醬都幾闊綽,你話要多佢唔會俾少你,想加魚旦咖哩汁落腸粉到都得,好順得人意ka,當然,腸粉味道好好,最緊要係夠晒熱,冬天捧住佢都覺得辣手ar呢到仲有個好,燒賣同魚旦通常都係以幾多蚊去買既,例如:$2魚旦or$3燒賣,咁四眼仔就會夾俾你,唔洗一定下下食晒$5一串魚旦or燒賣每日lunch都勁多人排隊,無論係打工仔or學生哥or家庭主婦,以至公公婆婆,而且次次都係一個人買幾包,所以要輪到自己都真係要幾耐,不過通常係好野先會多人幫襯既

尋日o係榮輝美食個食評講"四眼仔"時,無諗到原來個database裡面已經有呢間小食店! 粉嶺o既食家認真掂呀!呢間小食店長期都好多人排隊嫁!點解?因為佢腸粉又平又好食囉! 試問而家仲有幾多間食肆有3蚊5條腸粉丫? 你唔好以為平野無好野呀! 佢d腸粉雖然係來貨, 但係因為銷量好, 所以永遠都滑一滑, 而腸粉o既靈魂-- 豉油, 甜醬同麻醬都好好味! 而且老闆四眼仔好好人, 好好笑容(媽咪叫我一定要o係度讚下四眼仔喎!) 要佢落多d醬佢都好慷慨咁落俾我嫁! (不過佢老婆就姑寒好多! )

原本想食爵士拉麵, 點知到6點半都唔開門, o係聯和墟行左個圈見到呢間細細間舖頭仔一直都有人排隊, 為尋求答案, 決定企o係門口試下d腸粉, 果然幾滑又夠熱, d甜醬好似溝稀左, 價錢確實好平, 2蚊3 條, 3蚊5條, 唔怪得咁多人排隊啦, 好抵! 呢度仲有燒賣, 魚旦同豬皮添!