四眼仔腸粉 (已搬遷) 新店位置

四眼仔20080413我跟友人返完church, 便到粉嶺聯和墟試食了!$2 腸粉+ $2 燒賣+ $2 咖哩魚旦~ 好抵食!其實味道都一般, 不過$1/ 1條腸粉, $2/ 6粒魚旦, 真係夠平又抵食!係度食, 會以不銹鋼碟和牛油紙盛載, 很懷舊的風味呢!

2008年3月29日下午2:00 要去屯門搵朋友, 山長水遠由灣仔去到新界, 當然唔好side車錢, 一定要用盡力去搵好o野食, 先去粉嶺行一轉先◦ 由火車站坐小巴好快到聯和壚, 一落車已經望到協香, 問姐姐邊到係四眼仔腸粉, 佢話出去轉左手邊直行就到◦ oh! 到啦! 真係好近!真係估唔到…有十個人排緊隊, 我? 我梗係唔會執輸, 排排排◦ 排o左十分鐘到我地啦…每樣要兩蚊…魚蛋6粒$2 –好好味! 我唔鐘意d汁杰果d, 鐘意用水滾個d, 佢呢檔arm曬我, 總之好好味, 我由細到大都好少食街邊o野, 不過呢檔係我食過最好食o架!燒賣4粒$2 –普通腸粉1條$2 –都ok!麻醬、辣醬、鼓油同甜醬都好好味, 唔係用d好差品質o既貨◦佢重係用鐵碟+紙裝o野食, 好以細個週街買腸粉果d, 好懷念啊! 如果下次去開粉嶺, 一定encore! 正! 無得坐都唔緊要啦!

粉嶺聯和墟四眼仔腸粉可說是賣腸粉賣到街知巷聞，除了價錢夠經濟外，亦因流量快，故長時間熱辣辣之餘亦夠軟熟，況且這裡的醬料無限添加，老板亦不會因為閣下幫襯那個三元幾塊又猛加醬料而遭白眼，況且這裡基本上是街坊生意，人情味已經褡夠！

識飲識食復活節(九)見到有條人龍，便去看過究竟，原來是賣腸粉的。看看價錢不貴：腸粉一蚊一條、魚旦兩蚊六粒及燒賣兩蚊四粒。每樣各要了兩蚊。腸粉不算很滑，但伴著甜醬花生醬吃就是好吃，而魚旦是細粒但有果皮味的那種，也好，燒賣都是普通。但消費也不過六蚊，的確是過足口癮！會Encore啦。

最後一日復活節假期，同老婆去左粉嶺李屋新村摘士多啤梨，之後出返黎聯和墟搵食。遠處已睇到一條長龍... 腸粉($2/2條) - 加埋鼓油，花生醬甜醬，熱辣辣，滑，彈牙! 魚旦($2/6粒) - 細細粒魚旦，令我地想起中學讀書時CANTEEN的味道。燒賣($2/4粒) - 彈牙，不錯。

四眼仔D嘢全部好食,又平,服務態度又好(特別當咁多生意下,2年來觀察,對什何人任何事都完全友好) 佢只有2个問題:1,周一到周日,開檔到收檔都要排隊(值得排隊嘅).2,人客太多,腸粉流轉太快,有時不夠熱,要叫佢俾熱D嘅(麻煩左四眼"叔")正:-D

唔知係唔係麵粉加價o既關係連以平出名o既四眼仔腸粉都加左價腸粉而家要一蚊一條,不過其他就維持原價雖然加左價,都會偶然光顧一下,始終有咁上下感情

普通腸粉,沒有特別,價錢便宜,想買幾錢就幾錢#燒賣只不過係一舊粉,魚蛋係細粒個d. 粉果都係一般街邊食個d不過最衰係無堂食,一係拎走,一係就企係街邊食。

原來傳說中的四眼仔是一個中年的強壯亞叔，哈。。。好...講返主角腸粉先。唔...都算係幾滑o既，不過又真係唔覺得有咩咁特別o番...但都算好食的。魚蛋係街邊車仔檔細細粒個隻，我鍾意食哩隻細粒魚蛋多過大魚蛋

上次幫老闆做０野，要到粉嶺，因為事急關係，也沒時間找這區有什麼好吃。知道今日會再去，昨天已好‘功課’。辦好事後就去吃～已在ＯＲ看了很多‘四眼仔腸粉’的食評，今日由粉嶺火車站再搭＄３巴士入去聯和墟，跟著地圖行，很快就到這裡（其實一點也不難找）問問價錢，腸粉＄２三條，魚蛋＄２六粒，平得太過厲害啦！>W<。要了＄４腸粉及＄２魚蛋，多豉油，今次吃破例要了少花生醬及少甜醬。魚蛋是比較實那種，不過我覺得吃這種好過那些林劈劈的。生存了廿多年，第一次吃$2魚蛋仲要有六粒的呀~~~~~>O<腸粉無可厚非是較其他店吃到的滑，不過豉油如果甜返點的話(就像屯門龍門居某小食店，腸粉豉油是甜甜的，配腸粉吃非常好食)，相信會更好食。

四眼仔老闆告訴主人與奴隸獸，他只是負責賣，腸粉是他妹妹所做。我們買了三元腸粉一試：清純齋腸粉，爽滑，煙韌彈牙，很久沒有如此好味腸粉。怪不得客似雲來。

之前已聽說，這間腸粉很出色，但因很少到粉嶺，所以一直沒有試過；今日假期，便決定去遠一點，所以來了這附近，終於可以試試它的真身了。實在想不到，離遠已看見一條人龍，還以為看錯，原來真的這樣多人排隊，真係想不到；等了幾個字，聽排隊的人說才知，這裡的腸粉竟然可以二元三條，實在有點想不到可以這樣平。終於排到我，叫了四元腸粉、二元燒賣及二元魚蛋。腸粉- 四元有六條，還想怎樣；腸粉唔算好薄，但都幾滑，尤其是麻醬和甜醬也很出色，增加了不少食欲；說真的這樣的價錢、能夠有這樣的質數、已是很難得的了。燒賣- 沒有什麼味道，但幾有咬口，不過不失吧！魚蛋- 細細粒，雖然沒有什麼魚肉味，但口感幾好，二元有六粒，實在超平。沒有地方可坐，很有車仔檔的感覺；味道算幾好，價錢實在平到不敢相信，值得一試。

食完群記都想試下咁多人話好味既腸粉...真係好抵既, $3已經有多...但係味道真係好普通...好厚,唔夠軟...講真我係灣仔ive對面個檔仲好味過佢..真係唔知點解講到咁好味...

見到咁多好評...而且經常見門口都擠滿顧客...身為粉嶺人好奇心驅使之下就去試下...今次淨係買左腸粉....口感普通...一般腸粉都係咁既質素...特別平!?唔覺...腸粉係咁既價錢架啦...其他新界地方都係咁上下

我話想食腸粉,啊ho就同我去咗四眼仔啦！腸粉同魚蛋無乜特別,而且d醬仲落好少添！但點解係日日客似雲來~經我同啊ho分析,因爲成個聯和墟得呢到有得賣腸粉咋！