四眼仔腸粉 (已搬遷) 新店位置

好多年前係粉嶺做野成日買黎食，到而家都會間中渣車去緬懷一下，腸粉有咬口唔會好淋，D醬份量多溝得好味，豬皮都好入味，份量夠，下午茶買腸粉、魚旦、豬皮各兩蚊一個人食已經夠哂，最近再去腸粉好似最少要3蚊，但都係全港最低價之一，絕對超值。

我住在粉嶺，睇住四眼仔腸粉開業，真係唔相信點解咁多人 排隊食，最後在我有機會同心情下試一下，都係以前街邊車仔檔的口味，點解可以咁好食評唔明白，我鍾意食粉果，order左一個，食落口知道唔得一D都唔熱，腸粉熱騰騰感覺係好正。整體來說幾元的一餐可以說是很便宜(最低消費4元)，可以當小吃也可以當下午茶。有時間可以買回家吃，在店中吃就很麻煩，正確應該是說在街上吃，因為店面太細，要拿著在門口吃，人少還可以(我在下雨天試了一次)，如果人多都唔知行去邊度好。倒不如像車仔檔圍著來吃自在。

和朋友路經於此經朋友再三推介下就去試一試~~$2 一條腸粉 OR 一串魚蛋OR 一串燒賣~~!!真是很便宜~~~腸粉OK, 不過魚蛋和燒賣在$2 的價錢來是很好食~!比我家樓下賣的還好~在物價騰貴之下, 這兒真是很抵食~~

路經此鋪，竟然沒有人排隊，機會真是少之有少，本身都無想過要吃，但亦去買了淨腸粉吃。因為不能吃太多花生醬，所以落了好少醬料，其實都有點浪費，因為腸粉不夠醬料是不好吃的，又一次證明，亦證明到他的醬料是挺好的。相信好多人都知，他的腸少是送貨來的，所以腸粉只是普通貨。我只加了很少花生醬、甜醬和豉油，其實是不夠的，這令到只有一些腸粉是有足夠醬料，更能吃到他的味道，花生醬的花生味好足夠，豉油不會勁咸，有很輕的甜味，比起某些小食檔的腸粉豉油好得多。我給笑予他的醬料。

今日食完ｌｕｎｃｈ之後，見咁耐冇幫襯過四眼仔，就走左入去買魚蛋食。而家有最低消費，起碼要買＄４，結果就買左＄４辣魚蛋。哈哈！有好多粒，不過冇以前咁好味……

普通腸粉~~或許說這樣的腸粉做法在酒樓吃不到，可是晚上粉嶺區及上水區推車的還可以吃到這樣正宗的腸粉，真感覺不到有什麼特別，即是你做的過程如何特別等都不是重點吧，吃出來平凡就是平凡即是做了什麼加了什麼也是沒用吧，或許才為銷售的是個點子，可是才為食客只求好吃~~要說好吃我還是喜歡吃推著車子的腸粉多一點，如果說是風味看來那些會比這個來得要好，為什麼這種程度可以那麼出名那麼多人?有時候真的想不通~~雜誌效應?又或許是彩數及一些情意結吧。

好普通的腸粉, 除了非常平外, 沒有甚麽特別, 都唔明為甚麽這麽多人排隊。他的牛肉及燒賣, 亦退步了很多。

睇住佢由車仔檔做到開舖頭! 真係值架!!腸粉好滑, 好好味!! 老細做嘢勁快手!!其他一般, 但主菜始終係腸粉, 好食就夠照!!

我係附近番學,有時想平平地食一餐都會簡四眼仔!通常只係齋叫5蚊腸粉,因為d腸粉真係好正!魚蛋都okay既,不過就唔夠腸粉喇!佢d腸粉好滑而且好彈!實在值得一試!

某日路經此地見到好多人排隊，於是諗住一試，就同老婆買左腸粉+魚旦，講真除左抵食之外完全唔明白佢點解可以咁出名。首先講d魚旦都係一般腸粉檔既貨式，調味料亦係一般腸粉檔咁，你話d腸粉滑咩，好多地方都可以做到﹗

腸粉又滑，又彈牙，每次去親粉嶺，就算幾飽都要再坐車去食。而且仲好抵食，成日排長龍，但都唔洗等好耐，因四眼仔同四眼佬都好快手。而魚彈同豬皮都係必食的!

呢度d腸粉真係好軟滑，好好食魚蛋同燒賣都係中上水準，以前係附近返工，成日買來做早餐但係成日都要排隧，趕時間就食唔到...價錢真係平，兩蚊膠粉，兩蚊魚蛋/燒賣已夠1個女仔食聽聞而家加左價，但一定比好多地方都平，而且我係第2度食唔番咁正的腸粉。(前日係荃灣買腸粉+魚蛋要12元，仲唔好食，d腸粉有d硬同乾...)而家轉左工無得食好懷念!

吃了2蚊腸粉+2蚊魚蛋真係好抵食腸粉..有d 煙煙unun既感覺..但對我黎講有冇都ok,,魚蛋:6粒,懷舊果種其實食完我都唔曉評分,睇到咁多post都話好好食好好食,但我食完,又冇好好食好好食果隻feel,覺得係正常既味道罷了...可能我唔識欣賞啦~~

由舊街市食到現在，都是咁好食，但我始終最喜愛腸粉！夠哂滑！夠平！最緊要夠熱！其他不多講，已經有很多人講過。

同honey食完群記後,都未食飽,於是我倆便去食腸粉,轉個彎就到.又係排晒隊.叫左3蚊腸粉,2蚊魚旦.腸粉-好食,新鮮又熱辣,看食評曾經有人說是老板妹妹手做的,但當我吃時,竟見架貨van寫著"元朗聯興粉廠"送貨到,莫非老板妹妹手做腸粉做到開廠?? 魚旦-細細粒,煙煙un un,有d果皮味,第一次試,i like it!!但總括來說,若到粉嶺都會再吃,平! 靚! 正!