四海魚村 (已結業)

來到深水埗買野，見時間差唔多晚飯，就search下有咩好食。突然見到呢間川菜館，而且有本人喜愛嘅酸菜魚，所以就決定晚餐食佢。餐廳四四正正，環境係整齊企理，光綫充足，亦都適合一群人聚餐。家鄉老壇酸菜鯇魚 叫左微辣，上枱時，我地都驚訝了，因為佢真係好大碗，份量相當驚人。裏面有好多魚，而食落魚嘅肉質十分鮮滑、冇腥味，好食。不過就有些少骨，食嘅時候要留意！當然仲有大量嘅配菜，酸菜、海帶、蓮藕等，佢地已經完全入晒味，微辣得來好有感覺。順帶提一提，因為唔知本身配有紅薯粉，另外叫多左份，結果份量當然太多了，哈！薯粉食晒味，吸收了湯嘅精華，煮得啱啱好，食極都唔厭。食落好煙韌，份量足夠填飽個肚。熗炒土豆絲應該係我食過最好食，而且仲係性價比最高嘅一次，份量絕對唔少。叫左小辣，土豆絲粗幼適中，師傅刀功了得。炒得好入味，個人覺得辣度剛剛好。另外佢炒嘅時間啱啱好，唔會好淋，口感爽脆。一定要試！就係咁，我地食到好飽好滿足！

住深水埗既朋友介紹我地黎呢到食辣野，話好正宗，我睇相都流曬口水！首先整個黃金皮蛋先啦，望落去辣但食落小小辣only，花生同蔥增添左皮蛋既口感，非常好食！口水雞，呢個比皮蛋辣小小，非常濃味，口水汁亦調得夠香唔會得個酸或太咸，滿意！鹵香雞腎估唔到呢個竟然係最辣！！亦都係最香最好食！辣汁同芫茜好夾，愈食愈辣好過癮，必點！其實所有送店員都會問你想要幾多辣，唔食得辣都唔洗擔心！食到辣一辣梗係搵啲野飲下，竟然比我發現蘋果醋，即刻問店員是咪天地一號，佢話係，真係喜出望外！到主角喇：烤鯇魚大邊，小辣睇見都睇口水，我地仲即刻點左午餐肉、凍豆腐、薯粉條魚烤得更脆皮，入面肉質岩岩熟，可以煮得陣，好嫩口，湯底夠咸夠辣，有感覺！午餐肉打邊爐真係好正，薯粉配麻辣湯底就岩曬，我地食完一份唔夠再encore左份再叫多每人一罐天地一號三個人食$5xx非常抵！

有時想食下辣嘢，就會想搵川菜食，估唔到呢間川菜餐廳不單只食到烤魚，仲可以嘆埋雞煲先叫左啲前菜開開胃，涼拌青瓜當然唔少得！酸酸辣辣嘅青瓜感覺都幾fresh 又脆口，不過都有點辣，如果唔食得辣都幾快會流哂鼻水😂夫妻肺片，相比起青瓜反而冇咁辣，不過都做得好入味👍🏻秘製麻辣雞煲（半隻）雞肉嫩口而夠濃味👍🏻食雞煲最正係可以齋食左啲雞先，然後再打邊爐，不過因為我地叫埋烤魚，我地就留番啲材料用喺烤魚個湯底，如果用雞煲黎打邊爐 一樣都會好正！麻辣水煮鯇魚我地叫左bb辣，初時辣味唔出，但愈食愈香濃，辣得啱啱好，啱哂啲唔太食得辣嘅朋友，鯇魚唔多骨好易食，魚肉嫩滑，加埋其他配菜同薯粉，好夾好好味！

不嬲都鍾意食雞煲同埋烤魚呢啲重口味嘅嘢食，呢間四海漁村有雞煲又有烤魚，一次過可以滿足晒我兩個願望。嚟到嘅目的就係為咗食雞煲同埋烤魚，所以首先就點左半條大邊嘅重慶烤鯇魚同埋半隻秘製麻辣雞煲。重慶烤鯇魚先介紹下烤魚，因為我哋驚太辣，所以叫了BB辣，如果鍾意食辣嘅人可以叫返再辣少少。講返最重要條魚，魚嘅肉質屬於比較結實同埋爽口，燒耐咗都唔會散晒，所以可以慢慢食都唔怕。👍🏾秘製麻辣雞煲雞煲用嘅醬料好濃烈，啱晒重口味嘅大家。我個人最欣賞佢加咗大量嘅洋蔥、芹菜同埋芫荽，配合埋雞煲嘅味道，用嚟送飯一流。雞肉都幾彈口，而且唔會好多骨。食完啲雞留返個煲底用嚟打邊爐都一流。夫妻肺片夫妻肺片係我最鍾意嘅四川菜之一，但係要整得好食都唔係間間都做到。呢間啲牛肚牛脷都好入味，用來做開胃前菜唔錯。

今晚放工同埋幾個朋友話食雞煲，我當然話好。呢排天氣時凍時熱，食返個雞煲補下都唔錯。朋友話深水埗呢間四海魚村係正宗四川人開，去到見到個門面已經好有內地火鍋裝潢既感覺。我地點咗個奇味雞煲，要小小辣。一上到枱，雞煲好香濃，啲雞肉啖啖肉，非常有滿足感。佢啲雞好嫩，而且啲肉煲極都唔老，好西利！雞煲既汁係小小甜甜地，加埋唔同既椒，真係好正宗。我地仲點咗份酸菜鱸魚，鱸魚相對無咁多骨，而且好滑漏，香味怡人，最重要係佢個底加咗勁多紅薯粉，岩晒最鍾意食薯粉既我，正～老闆仲好有禮貌非常親切，呢間川菜火鍋真係食得過。

外國嘅表妹喺美國返嚟旅遊， 好想捐窿捐罅周圍睇下香港嘅特色小店， 有一次搭巴士見到燈柱咁特別，我就介紹畀佢知深水埗專賣布匹、 鈕扣…… 呢d小店畀佢認識。 今日就盡地主之誼，帶去行下呢啲特色小店， 行完已經黃昏啦， 經過舖頭好大，枱面有咁多個gas爐， 就介紹下係烤魚或者食雞煲嘅地方。表妹個樣好有興趣試下 ， 我哋就入咗去食烤魚 ，烤鱼有四隻味蒜容味、蕃茄味、麻辣味同埋酸菜味。我哋揀咗小邊鲩鱼麻辣小辣， 嚟到都好大條，下面仲有好多唔同嘅配菜， 譬如洋葱、 唐芹、蒜頭、大蒜 、辣椒、 聞到香噴噴 ， 刺激味蕾 。 加埋薯粉同窩筍， 索曬所有湯， 非常入味。值得一提嘅係佢個烤盆非常之深， 所以可以放到唔同嘅配菜入去一齊滾住食。個湯底愈食愈辣， 非常過癮，叫返一杯透心涼嘅鹹檸七， 當堂醒胃解渴。

正宗的四川菜，又係我既至愛美食。店面光猛整齊，感覺很地道，像返大陸吃正宗川菜那種感覺。店既牆壁上有圖文介紹美食，睇到我花多眼亂每週精選都好吸引家鄉老壇酸菜海鱸魚 $228為左遷就朋友，所以這個選了不辣的。辣椒只是用來除魚腥味，酸菜味濃。配菜也很多，大量酸菜和海帶，兩個人吃大滿足。海鱸魚切片，份量勁多，沒太多骨，骨肉分明，很易挑出，所以易入口。魚肉很嫩滑，挺好吃的。薯粉完全吸收了湯底精華，好入味。響鈴 $28吃個響鈴，來過過打邊爐癮。涼拌秋葵 $38辣得過癮，秋葵爽脆新鮮，好食到停不了口。用了店家精心硏製的辣椒油，少辣已經好辣好刺激。

去深水埗買腐竹已經成為我的日常，除左腐竹，果邊嘅美食都係我熱衷去逛嘅原因😋😋😋看見四海漁村，門面已經明顯知道係食川菜，北方嘅味道點少得辣椒🌶️，仲有我愛吃嘅夫妻肺片，一於就入去試下。店舖空間感大，實實際際的街坊煮場👨‍🍳，夫妻肺片好惹胃口，一牒集合左牛肺、牛心、牛舌、同牛肚，片片切得大而薄，醬汁入味，麻辣鮮香，雖然味道一樣，唔同嘅部份口，口感同效果都有唔同嘅變化，自不然你會追住逐件試，🌶️非常過㽼🤪秘製奇味雞煲，名字非常貼題，嫩滑雞件掛著濃厚嘅醬料，味道豐富，我嘅另一半唔多辣得，點左微辣微麻，引得佢連皮連骨都食盡，呢個雞煲果然奇妙👍👍👍嗜辣當然要貫徹到底，整埋碗酸辣粉、啜下啜下，食到爆汗、食到要張開口降下辣，呢一刻先至係最高境界🤩🤩😆 家庭式嘅運作喺深水埗，收嘅亦係街坊價錢，四海一家，唔一定係你家鄉，好味抵食值得捧場👍👍👍

終於等到星期六的來臨，又可以跟住友人去食好西...深水埗一向出名多野食，還有很多卧虎藏龍的餐廳，今次友人就介紹這間位於北河街的川菜。相信很多人，包括我在內，一聽到川菜就聯想到辣到不堪的菜式，但店家為了迎合香港人的口味，特意改良了烹調手法，即使不辣但仍可保留住川菜的特色。家鄉老壇酸菜魚，有桂花、鯇魚、海鱸三種魚類選擇，而我們則選了後者，因為店家說海鱸魚比其他都少骨。上菜的時候我跟朋友都嚇了一跳，份量相當驚人😮海鱸魚肉質果然十分鮮滑，半點魚腥味也沒有👍🏼值得一讚是還配上大量薯粉，薯粉吸收了湯的精華😋麻辣牛𦟌(小辣)灑上粒粒芝麻，麻油味十分香，牛𦟌亦切得非常薄，下次可以嘗試中辣蝦米粉絲雜菜煲湯底清甜配上大量粉絲和雜菜😻

今日跟朋友到深水埗行電腦商場，行到有點累，就打算找間餐廳醫醫肚，在深水埗北河街找到一間川菜館，門外有一塊黑板寫住$39雞煲，就吸引我們眼廉，看一看餐牌非常吸引，有剛剛早兩星期回深圳食過的酸菜魚，我們就二話不說進去試試。可能時間尚早餐廳內還有很多座位，餐牌有很多款川菜，侍應推介我們吃家鄉老壇酸菜鱸魚，鱸魚是咸水魚，味道更加鮮味，比較少骨，我們就點了一客酸菜鱸魚$228、夫妻肺片$58、蘋果醋$12。我是第一次在香港食酸菜魚，非常期待，侍應拿到前我們還想每人叫一碗白飯，來到之後就放棄這個念頭，因為份量非常之多，而且還有水晶粉，吃來煙韌，足夠填飽我們肚子，看到這窩酸菜魚，嘴巴已開始冒口水，我們點了小辣，不太吃辣的我還可以接受，鱸魚肉鮮甜，有厚有薄，吃完之後我想以後都不用再回內地吃，深水埗也可以吃到更好吃的酸菜魚。夫妻肺片 - 是用三種牛的內臟制成，我只記得有牛柏葉，配以辣椒油、花椒麵等輔料，滷製而成，但因為我怕辣，所以走了辣椒油，這是經典的四川冷盤，必點。總評：意想不到的酸菜魚

在深水埗買完嘢，食烤魚，再長征回家。是正宗的四川菜。這碟涼拌秋葵，$38，辣得過癮，秋葵又爽脆新鮮，簡直停不了口。少辣已經好很辣，店員說是師傅精心硏製的辣椒油，的確好味。家鄉老壇酸菜海鱸魚，$228。這個不辣的。辣椒是用來除魚腥味。酸菜味濃，底下的薯粉完全吸收了其精華，好有味。海鱸魚雖然一片片，但滿多的。沒太多骨，骨也明顯，所以易入口，魚肉也沒煮得死死實實，挺好吃的。酸菜和海帶都很多，兩個人吃真的太滿足。所以只叫了份響鈴，$28，來過過打邊爐的癮。如果沒叫這個，家鄉老壇酸菜海鱸魚其實不用熱著的，上菜時已經煮好。店面光猛整齊，感覺很地道。

去開鴨寮街買電話卡，經過呢間四海魚村，雖然佢外表裝修絕不起眼，但傳來陣陣香味，肚仔餓嘅我哋就衝入去坐低左☺️麻辣雞煲半隻，可以自選麻辣度，相當貼心。濃稠嘅醬汁，用左好多香料秘製，雞件嫩滑有雞味，有別於坊間個d煲到好乾，呢到係d雞件仲好juicy😄上湯娃娃菜, 有湯有菜，而且食材豐富，最驚喜係廚師竟然喺裏面加咗鹹蛋黃，個種獨特嘅鹹香味令個菜冇咁單調😂叫埋家常豆腐，令本來食Tea嘅如意算盤，好似食緊夜晚加宵夜咁😄深水埗區果然人傑地靈，咩國家、地區嘅特色主打菜都盡匯呢一區

今日去開黃金睇電腦，就順道係深水埗食埋晚飯，朋友介紹一間川菜，位置都幾方面。餐廳一入去已經見到唔少人食緊雞煲，一陣陣麻辣既香味。除左雞煲之外，餐廳另一個主打菜就係酸菜魚，酸菜魚有3款魚類選擇，爐魚、桂花魚、鯇魚。我地就揀左比較少骨既酸菜海爐魚食，成道菜份量好勁，香味十足，配料亦都非常豐富，而且主角既海爐魚非常大條，肉質亦都好滑，啖啖都係肉，味道唔會太酸太辣，可以保持到魚既鮮味。我地仲叫涼拌皮蛋，呢隻係類似黃金皮蛋，配合埋芝麻，蒜蓉，味道好香好濃。螞蟻上樹，呢道菜已經好耐好耐冇出去食過，咁岩見到就一於叫黎試下啦，睇佢細細碟，食下食下原來份量都唔少，味道有少少辣，而且炒得非常有鑊氣，撈飯一流。總結黎講，餐廳非常抵食，每道菜都有返咁上下份量，味道亦比一般香港川菜餐廳好，下次可以再黎試埋雞煲打邊爐。

深水埗真係好多好嘢食，仲要有平又靚，你諗到嘅都有得食，今日去完北河街打波，個肚古古聲，經過呢間「四海魚村」，望落應該係好正宗嘅川菜喎😍特別係門口推介秘製香辣雞煲，於是就馬上入去試吓，雖然中午時分冇優惠（六點後只售$39），不過鍾意食嘢又點等得咁耐啊！一於食咗先講😬叫咗一個秘製奇味雞煲半隻，上枱已經香氣四溢，用料十足，望見都口水流😬再放上煮食爐上面加熱，慢慢炒下，嘩！唔係講笑，蒜頭、青椒、香蔥等等不到配料香味滲透入雞肉內，正👍🏻入味又嫰滑的雞件，入口麻麻辣辣，刺激著味蕾，自己身體亦馬上有反應冒汗，正正就是過癮之處，鍾意食麻辣的朋友一定明白😍我的至愛乾扁四季豆，絕對不能錯過，爽脆又香甜，份量十足，不過很快亦被我K.O.了😂店員介紹他們的特色小食「夫妻肺片」我當然唔會錯過啦，鍾意食辣嘅朋友一定不能錯過，一試難忘👍🏻估唔到比我遇到一間咁正宗嘅川菜餐廳，下次一定要帶多啲朋友嚟，試多啲唔同嘅菜式😍

呢幾日天氣開始熱，對於我哋呢啲鍾意食辣嘅人嚟講，天氣熱去食麻辣別有一番風味，呢日我哋就嚟到深水埗北河街呢《四海魚村》川菜館食麻辣。餐廳格局方正，十分光猛，座位坐得舒服。餐牌上都有幾多選擇，我哋揀咗重慶烤鯇魚及麻辣口水雞，落單時侍應話這這兩款菜式可以指明 “麻” 同 “辣”嘅程度，都幾體貼。重慶烤鯇魚 (大邊$208) - 跟有明爐上枱，一路食一路加熱，越食越入味。鯇魚非常新鮮，肉質爽滑有光澤，湯底配料豐富，除咗一般麻辣香料外，仲加有爽脆嘅蓮藕片、海帶及大豆芽，令口感更加豐富。麻、香、辣、鮮俱全，真係聞到已經流口水。麻辣口水雞 ($58) - 醬汁夠麻夠辣，味道豐富有底蘊，雞肉嫩得嚟有雞味，而且斬得薄身，可以令到每一啖雞肉上面嘅醬汁比例更多，食落更加滋味。白飯 ($10) - 有咁惹味嘅菜式，真係白飯都要添多碗。青島啤酒 ($28) - 食麻辣又點少得佢。