四海魚村 (已結業)

今晚去食依間野，因為我地有個小朋友唔食得辣所以我哋第一個餸係叫左個土豆絲先嘅！但係到烤魚同其他小炒到哂加上我地都差不多食完！等左9個字至一個鐘個土豆絲都未到！但個小朋友又好肚餓！咁我地就問下依個吖姐得未啦！佢就話炒緊！咁我地再等多半個鐘左右再問多次都係話炒緊！咁我地再等多再問跟著佢勁大聲同我地講你地買左單就唔黎㗎啦！如果係咁就當初唔好同我地講炒緊令到我哋等左成個幾鐘！食嘢食咗千幾蚊黎受氣依個阿姐態度好差同欺騙顧客！唔會再幫襯🤬

第一次幫襯：雞煲好好味魚煲都唔錯。五個女仔食，都係9百幾，平到呢有位伯伯服務員超級窩心，在門口食煙，特登俾幾張凳叫你坐住吸。埋單時落雨，叫你坐多陣先，仲俾埋傘你，叫你攞去用...好感動朋友講明一定要再嚟食

見到菲士卜有介紹宜家好興既烤魚，今次e 間係紙包魚，聽d 街坊講好似紙包魚係e 間鋪頭新推出，以前只係得川菜小炒。咁我又鐘意食魚所以今日放左工就走去食啦，我地今日6點3左右揸車去食，去到門口都有位泊車，但如果揸車朋友記得早d，因為深水埗都幾難搵位。6點3去，已經有7圍食緊，老闆娘介紹鉗魚$78，原本如果係麻辣就唔洗再加錢，如果食蕃茄味/酸菜味/蒜香味就要加$20，跟著大陸既熱潮，我地揀左酸菜味。一開始佢用紙包好，叫我地唔好開住，等佢入面滾左先...上面有好多配菜：洋蔥、酸菜、蒜頭、豆腐、咸蘿白絲、大蔥**咸蘿白絲真係好咸，但配飯一流**鉗魚好滑，有肉，入味**湯夠酸夠濃夠香👍🏻👍🏻但係，但係，但係我地食完頭一輪加左湯諗住落d打邊爐料黎食既時候，我既又酸又濃又香既湯唔見左😭😭😭重要野講3次：我既又酸又濃又香既湯唔見左我既又酸又濃又香既湯唔見左我既又酸又濃又香既湯唔見左湯邊得冇味.........好失望，我唔知叫其他味既湯會唔會有同樣既事情發生配料份量就一般啦，價錢就見人見智我地仲叫左個涼伴萵筍絲，好味因為佢有花生麻香，最後我靠佢地汁黎餸d 薯粉食。

要搵平嘢食深水埗都算係不二之選！最近見到唔少人都熱愛食烤魚🐟但係閑閑哋都要百幾二百蚊啦窮小子最近見呢間小店做緊限時優惠5月6至6月6期間，晚上五點到凌晨兩點福壽魚都只系$58😊仲可以揀麻辣🌶定蕃茄味🍅完全顧及到食到或食唔到辣嘅朋友！今次就揀咗番茄口味而且可以選擇辣度！烤魚好快就上枱，雖然好平，但烤魚質素就一般啦，首先條魚都算係幾多骨🦴所以食個時要小心啦！另外魚肉吾會腥，不過肉就鞋左小小啦，所以建議煲左一陣之後就可以即刻拎上嚟食！而最抵嘅就係烤魚$58仲附送薯粉添呀！吾大食嘅朋友只要加多一兩三個餸就可以埋單🤡簡直係窮人飯堂

係香港平平地食餐烤魚最起碼都四、五百蚊埋呀喺深水埗我食到$58就有一條嘅酸菜烤魚啦！ 先講下鋪頭入面嘅裝修先，就係最基本普通嘅餐廳裝修嚟嘅啫冇乜特別。座位方面都其實比較迫，建議四個人嚟攞張兩張枱會比較好，如果兩個人嚟得一張枱又要放烤魚又要放小菜就會有啲逼夾同埋如果唔鍾意搭枱嘅朋友就應該唔係好啱喺呢間餐廳度食嘢啦，因為基本上枱枱都係要搭㗎啦講返食物方面先金次叫左呢個酸菜魚，酸菜唔算好多但係配菜都幾多條魚唔算好多肉不過兩個人食應該夠嘅、酸菜湯底係夠酸味嘅～煮內左仲會好咸添😂😂😂一定要加水～～～叫咗兩個火鍋配料萵筍同貢丸，萵筍勁爽口煮一陣就入晒味好好食呢個值得一推，貢丸就一般入面係有餡嘅煮熟左之後食嘅朋友要小心入面爆汁，不過本人就麻麻哋呢個貢丸啦叫咗一個口水雞小食，份量唔係好多收費為$58味道同出面嘅口水雞唔同偏酸同埋唔係太辣，食唔到咁辣嘅朋友都可以試吓。呢一餐收費成張單埋單$240除咗條魚真係超抵之外其實其他個價錢同出面差唔多不過味道又真係幾唔錯嘅！

今晚收工約左幾個朋友聚聚，最近我地愛上左食酸菜魚，所以就搵下附近邊到有得食酸菜鱸魚好大一盤啊，平時出面食都好少見到有咁大盆呢間餐廳是真係煮左滿滿一盤，一路食一路可以夾到魚肉鱸魚肉好滑，筷子夾唔住會溜走，唔會有腥味酸菜既味已入晒湯，所以唔會太酸，酸菜大部分係葉的部份，我最鍾意食菜葉既部份，容易咬又索晒湯汁薯粉份量好多，煙韌又有咬口，連埋湯一齊食味道好好湯的表層無咩油，湯汁帶蒜味，特別香口，又有魚的鮮味見到好多人都食緊雞煲，所以我地再叫左個奇味雞煲，因為我地有朋友唔食得太辣，所以我地叫左小小辣雞件好大件好厚肉而且小小辣好惹味啖啖肉另外我地都叫左碟皮蛋，配飯食一流，份量都唔少

天氣最近很悶熱，舌頭也隨之然像是失去了味覺般，但又要食野，揀左間口味重既，希望可以衝走疲態。依間野主打雞煲同烤魚，我點左烤魚，因為我覺得魚比雞更入味。我同朋友兩個人叫左麻辣中辣”全邊”烤魚，烤魚面上好似加左胡麻粉（類似燒烤用既靠調味粉），令到條魚額外香口，配上白飯加啤酒，爽快感慢慢取代鬱悶感。最後想提下餐廳冷氣足夠，食得幾舒服，唔會滿頭大汗，一定要叫白飯加啤酒。

上次食過見好多食客老揀烤魚，唔服氣要試一次！今次叫左重慶烤鯇魚(大邊)$208叫之前問過店員，大邊原來係半邊魚同埋問過鯇魚會唔會多骨，佢回話冇骨所以揀左。雖然唔係店員所講冇骨，不過都好厚肉結實而且重魚味。調味方面今次比起上一次食辣度強左，幾香唔算太咸，叫左兩個白飯撈湯食！魚係先炸再烤，肉質冇咁鬆散。特別既地方係，魚身好香香料味，應該係孜然粉。食食下原來最底下有啲薯粉同牙菜，份量二人夠食。烤魚尼講，整體唔錯，有肉地，調味幾充足幾香。難怪旁邊食客一坐底諗都唔洗諗就點烤魚。

鍾意食辣嘅朋友就搵左呢間餐廳話要去試吓，佢話好有大陸風味！佢有啲套餐都幾抵架， $38有埋湯《麻辣口水雞》$58因為我唔係好食得辣，所以叫咗佢小辣🌶口水雞例牌份量都有大概四份一隻雞，肉質厚實，有雞味～麻辣醬都非常好食，唔係淨係得個辣色，仲有少少麻油同花生既香，食落好有層次！不過雖然叫咗小辣，但係對我呢啲食辣初學者來講都係太辣喇👅要瘋狂飲水💦《酸菜魚》$198/例牌食完個口水雞之後辣到有啲驚，唔敢再叫辣野，所以就叫咗個酸菜魚～估唔到例牌都咁大盆！！鯇魚片啖啖肉，唔會切得太薄，鮮嫩滑口🐟入面仲有好多薯粉！薯粉比啲酸菜湯包住，夠入味好好食！酸菜魚真係好好食呀，非常推薦！🤩

在深水埗買野，在附近找了這間食雞煲烤魚的小店。估唔到入面有好多食客，食物應該唔差。人好多，但服務員得兩個，要有耐心等待。叫咗半隻雞煲，份量比想像中多，雞肉肉質嫩滑而且非常入味，推介！另外點了油麥菜同薯粉做配菜，兩樣同雞煲的味道很夾。薯粉吸收咗雞煲嘅精華，好似食緊雲南米線咁好正。小菜方面點了京蔥炒肥牛，水準好，有穫氣又香口，非常驚喜。飲品點了咸檸七，夠解渴又解膩。臨走前發現原來有晚市套餐連湯，約四十幾蚊，抵到爆，下次再黎試先！

放左工勁肚餓，同同事近近地係附近食飯，見到天氣又涼涼地，就去食烤魚，滾滾下個人會最暖啲。揀左重慶烤鯇魚，因為同事重有啲咳，唔食得辣，問waitress有無得揀唔辣，佢話有！可以揀蒜蓉、酸菜或者番茄。我地揀左番茄烤鯇魚，無番茄味，只係落左啲番茄係入面，但個汁好濃，好勁孜然粉個啲重慶香料味。配料有一堆皇帝菜係面，可惜我地都唔好呢隻菜🤭🤭有啲晒左。撈下撈下重有蓮藕同大豆芽菜🤣我地重叫左四樣配料：豆卜、紅薯粉、金菇同娃娃菜。頭三樣都係勁索汁既野😂👍🏻👍🏻淩完好入味好食！講返主角鯇魚，叫左小邊（$198），都已經好大份，魚肉好滑，食到唔停得口！不過食食下會汁開始傑，會愈黎愈鹹，下次食要記得早啲叫人加湯。我地一邊食勁掛住傾計，太遲先醒起加湯😂😂兩個人都係食左$308，抵呀！見除左烤魚，好多人黎食小菜，都幾大碟，下次叫多啲人黎試埋佢啲小菜先。不過呢度唯一唔好係勁多人企佢門口食煙，下次黎一定要要求坐最入，我地坐中間都食左好耐二手煙，佢地啲煙吹晒入黎勁討厭！

今日去四海魚村食烤魚，令我對烤魚改觀！之前食過既烤魚有腥味，或者烤到好乾巴巴既，無黎肉汁。但今次我叫左條細既烤魚，番茄味都已經好好食！本身以為番茄味係番茄湯個隻，但原來唔係。當中仲加左孜然味，好香香料，令成盤烤魚好有重慶地道風味😍😍而佢既孜然味又唔會話好假，同番茄味好配合。兩個人食，叫左條細魚，但已經好夠大條，加上唔同既配料，真係好惹味。條魚一上，已經有蓮藕、洋蔥、香菜等配料（仲要好大條好新鮮！👍🏻👍🏻）落豆卜入去索一索味，嘩！真係好正🤤薯粉同我平時食既有唔同，之前食既薯粉無咁彈牙😋😋但呢個好彈，煮耐左就有QQ既口感😜我地仲加左娃娃菜、金針菇，份量都幾足。重點黎啦！條魚真係啖啖肉😍超正啊！我無食過咁多肉既烤魚！舊肉好鮮嫩，唔會鞋啊，真係好驚喜🥰魚骨唔太多，就算有都係好大條，肉眼見到，方便拔去！

放假又來到深水埗覓食，今次就睇中呢間主打正宗川菜既餐廳餐廳價錢很抵，但座位都幾舒適！而且店員同好多客人都係講普通話，相信味道都會正宗，期待呀餐牌選擇除了主打既雞煲烤魚之外，還有其他川菜小炒麻辣雞煲半隻$138雞煲份量不少，而且還有大量配菜，蓮藕、三色椒、野菜等等。呢度既雞煲唔會好好似某d餐廳咁得d骨，反而塊塊都係肉雞肉肉質鮮嫩，而且非常入味！！我地只叫左小辣都已經很有feel連平常唔好雞煲既男友都好鍾意！油麥菜$26 薯粉$28呢兩樣野用來食雞煲真係一流！不過雞煲比較多油，最好整走d油先打邊爐呀京蔥爆肥牛$88京蔥爆完之後非常惹味，但又好甜！比肥牛更好食真係送飯一流鹹檸7 $18食辣野唔少得飲品，呢杯野就最啱啦。而且個鹹0唔會太鹹，都唔錯

幾個無辣不歡既朋友 每次上內地食辣都好怕要排好耐隊先食到所以如果香港有任何一間專食辣野既店 我地都會專程去試下今次嚟到深水埗 位置唔算太近地鐵站 要行一段路仔不過都好易搵 直行就係嫁啦！一去到 店員為我地細心講解佢地唔同辣既程度我們就先點左3個小食試下水溫🤣🤣尖椒皮蛋 - 賣相感覺好辣但其實食上嚟唔算勁辣 反而食到辣油既香味 仲有d麻麻地既感覺 好爽皮蛋好入味 外皮爽脆 正！鹵香鴨腎 - 雖然話係鹵香 但原來呢個都幾辣！鴨腎好爽好食 我本來就係好鍾意食鴨腎既人呢道確實唔錯麻辣口水雞 - 唔算太辣咸辣適中 調味做得相當唔錯加埋芝麻蔥花 更惹味重點～～～就係烤魚！我地點左老壇酸菜鯇魚（小辣 ）另加配菜 薯粉 午餐肉同凍豆腐識食既人都知食得烤魚 就梗係要嗌薯粉啦 薯粉既質地會充份索哂麻辣同酸菜既味道太好食我地仲點左兩碗🤣🤣🤣搶住食另外凍豆腐都係必點等佢索下個湯底再食就一流 又滑又香烤魚既湯底味道偏辣食得出用左好多香科調製確實唔錯 好惹味 而且唔會食到魚腥味重點條魚大大條 又滑 好抵食我地幾個烤魚迷都好滿足可以係香港食到呢個水準既烤魚唔洗山長水遠返大陸啦

今日同男朋友約左係深水埗食飯，突然好想食雞煲，就黎左呢度☺️☺️時間尚早，唔使等位。裝修親民有街坊情懷，座位亦寬敞舒服。餐牌用魚既形狀，幾有川菜特色🤪特制奇味雞煲❤️主角出場😍😍份量好多，食極都仲有咁， 又唔少配菜同多款香料，味道層次豐富，好正😋清炒萵荀絲❤️好爽口清甜，又無渣，唔需要好濃味以經好好食😋響鈴❤️打邊爐當然要食響鈴啦！外皮脆身，吸收哂雞既精華，非常惹味！午餐肉❤️雞煲配上午餐肉其實係絕配🙈🙈好好味。 今晚對呢餐川菜好滿意，價值又親民👍