四寶食堂 (兆安廣場)

營業中

休息中

每次都要想吃什麼午餐🤔還好銅鑼灣區算多野食，這次去了四寶食堂。🤗🤗食物：香煎厚切牛脷飯配黑椒磨菇汁😋**牛脷軟熟剛好，不會太韌太鹹，有3塊很足料，而旁邊還有配菜沙律，加上大量麻醬，尚算新鮮，yummy 😋而飯量不算很大碟，黑椒磨菇汁都惹味而不會太辣😋，整個飯尚算滿意。而飲品方面，揀了凍檸茶+$3 ，茶底不錯，不會太濃太淡或苦澀😋疫情關係，有好有不好，太多人流，還要排隊，算坐得密密麻麻，還要搭枱，就好像不太好；不過服務很好，有效率，上食物很快。還有很多特色小食，有機會再試

睇餐牌嗰陣見到蜜汁叉燒滑蛋飯好吸引，於是叫咗。仲叫咗個香煎蔥油豬扒配炒滑蛋同冰火菠蘿油，兩個人share兩個餐。蜜汁叉燒滑蛋飯 $58個蛋好正，仲有蛋汁，又炒得滑。啲叉燒都好食，配埋個汁，成兜飯好正，同埋好大碗，好想再食。香煎蔥油豬扒配炒滑蛋同冰火菠蘿油 $62豬扒煎得好香，雖然多油左啲，但啲肉夠滑，好食。炒滑蛋唔錯。有好大片牛油俾你放入菠蘿包入面，變成菠蘿油。如果塊鮮牛油有冰鎮住就更好。不過一個敗筆之處係個菠蘿包竟然同塊蔥油豬扒放喺同一隻碟上面，啲蔥油有多，令到個菠蘿包沾上左好多蔥油，影響咗個味道，如果可以分開擺就好好多啦。另外呢個餐係可以加$10要多個麵，不過我覺得呢幾樣嘢都好夠飽，所以冇加到。最後都真係好夠飽。每個餐都有配嘢飲，呢個價錢都算抵食。

今天在銅鑼灣附近開完會放工，便約了朋友在附近吃晚餐，找到這家有中西式菜式的四寶食堂，被其十分抵食的價錢所吸引，入來一嚐。秋葵南瓜大蝦沙律配自家製醬汁這個沙律超級大碗，足夠兩個人吃都有剩。沙律菜爽脆鮮甜，醬汁美味，酸酸甜甜很開胃。配料豐富，有秋葵，南瓜，大蝦等。秋葵以七味醃過，爽脆清新而帶點惹味。南瓜軟稔鮮甜，大蝦大隻而彈牙，蝦味濃郁。蜜汁叉燒滑蛋飯整碟飯的份量很大，滑蛋和叉燒鋪满整個碟。滑蛋炒得半熟而滑溜，蛋味濃郁，香甜美味，配上自家製甜䜴油，味道一流，令人一試難忘。叉燒肉質軟稔，蜜汁味道香甜。小食拼盤拼盤份量也是頗大，有炸薯角，煎雞肉腸，炸洋蔥圈，糯米釀雞翼等。全部都是即叫即炸，熱騰騰，炸薯角外脆內軟，薯仔味道清郁。洋蔥圈香脆可口，雞翼惹味嫩滑，多汁香甜。

在銅鑼灣最旺的街道，謝斐道中，大小店林立，翻桌率奇高。所以吸引了很多有實力的食店來開店。超光亮的門面就像一間西餐廳，原來只是一間茶餐廳，但CP值奇高，味道也出色擠滿人的四寶，最有名的當然是他們的叉燒滑蛋飯$58炒至半熟的蛋極流心，口感超軟滑，加上真 半肥瘦叉燒，入口肥瘦可口，配上叉燒汁跟白飯，超快速就KO了一整碟飯！蕃茄豬扒磗頭焗飯$78非常巨大厚肉的豬扒，澆以水牛芝士，配以一大份麵包，數碗薈垡酴吃完這就巨大的餐點，飽得不像話！豬扒的份量好大，肥美之餘入口脂香濃郁，亦十分厚肉，好正！*那塊肥豬扒肥瘦比例4:6 煙三文魚凱撒沙律$78沙律份量大，沙律醬足，下煙三文魚沒有手軟，非常開胃健健康皀一道菜阿華田雪山$+$10非常濃郁的阿華田香，麥香口感兼備，上面一大球忌廉，非常邪惡但爆好吃！糯米釀雞翼$68釀糯米的雞翼比釀明太子好上太多，不用單一的只用肉釀，讓人感覺油膩。反而糯米的油香散佈在雞皮之間，吃下去稔軟又毫不油膩飛魚子忌廉蟹肉焗大啡菇$68流出！啡菇一刀切下，竟然有肉汁流出！源源不盡的肉汁加上忌廉芝士，咸香搭配菇香，同步率很高

Since it was a long weekend, we took this opportunity to go Causeway Bay for some shopping. Before we began, we planned to have lunch first. 四寶食堂 was located at Siu On Plaza, couple of minutes walk from Causeway Bay MTR.Even though it was considered cha chan teng, but it sold other types of dishes such as seafood item, western dishes, desserts and drinks etc. Red bean ice was served in a huge glass, with vanilla ice cream on top of it. Ice cream helped to make it smooth and milky and red bean wa

話說今晚心血來潮想食下雞，朋友話銅鑼灣呢間個燒雞好正，二話不說入去試吓。燒雞其實好講師傅功力，火候過咗就會燒到好鞋。嘩！呢個燒雞一上枱，真係要比讚。首先份量好大，燒雞皮燒得好香脆，入邊嘅肉唔會好鞋，都幾嫩滑，配埋釀左喺雞裏面嘅雜菌，真係份量十足。焗豬扒飯大家喺茶餐廳度食得多，成個磚頭咁大嘅焗豬扒飯我都係第一次食。呢個焗飯賣相已經非常吸引，加上大量芝士同埋蕃茄汁，朋友淨係食個豬扒同飯已經好飽。最重要嘅係黎個飯相當打卡able，女士們一定中意！

今日收工放晏咗, 同同事喺銅鑼灣食埋飯。四寶食堂平時人頭湧湧, 大排長龍, 趁佢而家冇咁多人, 即刻入去食佢先！呢間雖然係茶餐廳, 但裝修充滿少女心, tiffany blue為底色, 仲有一幅特色花牆, 顏色鮮豔啱曬打卡！經典叉燒滑蛋飯招牌菜好受歡迎, 差唔多枱枱都點。叉燒半肥瘦, 軟滑鬆化, 加上滑蛋絲絲嫩滑, 流心蛋汁醮上飯粒, 完美融合！軟殼蟹飛魚子辣茄子意粉軟殼蟹香脆可口, 蟹味濃郁無骨啖啖肉。飛魚子粒粒爽脆, 增加口感。辣椒茄子伴意粉, 辣而不嗆口, 非常惹味！泰式檳檸雞槌雞腿起肉附單骨脆炸, 用泰式香料醃製, 非常入味, 香脆惹味, 乾身唔油膩, 令人食到停唔到口！白酒松露炒雜菌松露味道非常濃郁, 加上白酒調味提鮮,令松露更加突出。雜菌種類很多, 味道鮮美。雪糕紅豆冰雪糕紅豆冰, 牛奶非常幼滑, 紅豆份量很多, 粒粒起沙, 香甜美味, 童年回憶即刻反曬嚟！

呢個係軟殼蟹意粉意粉本身用茄汁去炒，再加咗啲辣汁同蟹子， 食落都幾惹味，不過味道算係中規中矩。見到原隻軟殼蟹上到嚟嘅時候都幾驚喜，不過可惜有少少凍，味道都唔算好突出，所以食落就一般般糯米雞翼反而有驚喜，外皮脆，內面糯米飯有啲調味，有少少辣，配合得恰到好處，一份有五隻雞翼，兩個人食嘅話會好飽同好膩，所以多啲人share就啱啱好啦我地仲嗌咗個磚頭豬扒焗飯，外表好靚，不過食落去同普通嘅豬扒焗飯分別唔大， 但係啲麵包有埋啲茄汁之後，好香好好食。

Egg benedict係早餐中我嘅至愛之一。通常呢會喺酒店啦、coffee shop啦食早餐就會食；而因為要用到水波蛋，喺屋企整成日失敗。為免浪費食物，我通常都會出街食。一個煙三文魚egg benedict一般來講$100絕對找唔到數。但呢度一個egg benedict連飲品都係60幾蚊，超水準製作，水波蛋做到流心，剛剛好。沙律菜都新鮮，加上陳醋汁，都好好味。唯一美中不足嘅係荷蘭醬係用現成而唔係即製嘅，不過呢個價錢，響旺區銅鑼灣坐得又舒服，批評個荷蘭醬都只不過係我響雞蛋裏面挑骨頭啊。

我一向都好鍾意食叉燒蛋飯，所以聽人講銅鑼灣嘅四寶食堂嘅蜜汁叉燒蛋飯好好食，於是我專登過海嚟試吓。門口見到餐牌，寫住蜜汁叉燒蛋飯係售完即止，於是入去前特登問吓店員仲有冇得食，畢竟嗰陣時已經4:00。叉燒蛋飯果然名不虛傳，一上枱已經見到個顏色好鮮艷，啲蛋漿包住好多叉燒，而啲叉燒唔會好乾好柴，仲有佢獨家嘅醬油淋喺上邊，加咗唔少分。味道來講，呢個叉燒蛋飯簡直冇得輸，難怪咁多人排隊都要黎食，飲埋杯熱奶茶簡直為呢一餐畫上完美句號。

炎炎夏日過去後，眨下眼已經又就黎到秋天，有人話一日不見，如隔三秋；我就話桃花依舊，人面全非。依然不變既係，呢間星級茶記「四 寶 食 堂」依然每逢晏就一樣爆埸，到今日我抱住昔日既情懷，黎嘆返個最寫意既下午。👇📌招 牌 推 介 - ▪ 喜 哥 蔥 油 豬 扒 煎 蛋 飯 - $58▫ 如果你問我蔥同埋莞茜，你會揀邊樣？我一定會答佢，why not both？你要知道只要有是旦一樣既存在，果樣食物從此顯得不平凡。呢個豬扒就係用左自家製葱油汁，做到非常惹味；而豬扒煎得夠脆身，入口軟腍入味；再配上蛋汁爆棚既太陽蛋，撈埋個飯一齊食，簡直係人間美食呀！-▪ 蜜 汁 叉 燒 滑 蛋 飯 - $58▫ 第二款招牌必定要試就係叉燒滑蛋飯啦，面頭上可以見到鋪滿哂金黃色既滑蛋，入口係做到非常滑溜；而燒得好均勻既叉燒食落帶少少甜味外，肉質亦唔會太乾身，幾好食；加上份量十足，淨係呢點已經要比個LIKE！📌港 式 美 食 - ▪ 法 蘭 西 多 士 - $30▫ 忍唔住口破戒整多個西多士先，呢個賣相夠厚身，抵食夾大件；食落蛋香十足，裡面夾心花生醬亦唔會太膩，加埋經典既糖漿，相當滿足。

自從有得晚市後放假都會出去食番餐，起碼唔洗煮得咁辛苦😆今日就嚟到銅鑼灣嘅四寶食堂，呢度出名大碟好食性價比高！超肚餓嘅我就點左個叉燒滑蛋飯👏🏻 蛋好滑而且十分十分足！係多過d飯咁濟😁叉燒都肥瘦適中，配上滑蛋同飯真係輕鬆ko ~另外就嗌左個羊膝🥰🥰 冇諗到西餐都好食！羊肉多腍而且勁大舊下🙉 個蕃茄汁都非常refresh~ 配埋薯角就啱啱好👏🏻👏🏻叫多個板燒雞沙律 🥗 沙律菜係爽脆的，雞扒味道甜甜的😍雪糕紅豆冰大大杯，紅豆好甜😍😍😍

週末在銅鑼灣Donki shopping時，經過這間四寶食堂醫醫肚。內裡裝潢和平時常見的茶記不一樣，竟有充滿少女味的打卡花花牆。餐牌亦有超多款式，以銅鑼灣地段來說，價錢不貴。港式常餐 $50常餐可說是港人最愛、最經典的茶記配搭，平時我去茶餐廳也多是選常餐。炒蛋色澤光鮮亮麗，入口滑溜，每一啖都是半熟滑蛋，內裡包裹著豐盈蛋汁，蛋味香而濃郁，配上烘得外脆內軟的丹麥牛油厚多士。招牌沙嗲牛肉公仔麵有片片厚身腍滑的牛肉，沙嗲味香濃而不死鹹，麵條保持爽口而不過軟。英式班尼迪蛋配凱撒沙律 $88沒想過在茶記也可找到 Egg Benedict ？！煙三文魚肉質鮮美而有彈性，帶出三文魚的魚鮮味。班尼迪水波蛋煮得外熟內生，吹彈可破，蛋黃仍是處於流質狀態，刺破班尼迪蛋後，滑嫩的熔岩蛋漿亦會漸漸流出，隨即與滑順的荷蘭醬融為一體，浸濕鬆軟的英式鬆餅。公司三文治伴脆炸薯角 $60餡料超豐富，應有盡有，層層疊起後確實是一口無法掌握。中間夾著兩層餡料，有炒蛋、午餐肉、生菜、火腿、芝士、蕃茄片等等，根本就是食材的大集薈。小食拼盤 $128一盤就已集齊五款小食：水牛雞翼、香草腸、檳檸雞槌、洋蔥圈和炸薯角，一次過嚐遍多個款式

高質心水@四寶食堂銅鑼灣謝斐道482號兆安廣場地下1-3號舖Shop 1-3, G/F, Siu On Plaza, 482 Jaffe Road, Causeway Bay四寶食堂基本我一個月都去食3-4次LUNCH. 因為店員有禮貌, 仲有好好食架豬扒飯! 今日男朋友放工接我, 就一起去食晚餐啦DINNER SET 全都是58起左右, 大件夾抵食, 包了一個飯, , 對於澱粉質女孩絕對是個美滿PERFECT組合。SIGNATURE 喜哥蔥油豬扒煎蛋飯 同 經典叉燒滑蛋飯都有係DINNER SET 入面,包飲品, 胃口大D, $62 個SET 仲抵, 多了炒蛋同菠蘿油, 3個都是店SIGNATURE, 可次一次個試曬。有西式小食本小姐點了同男朋友仔SHARE芝士控是看不到芝士以外的MENU, $78 焗水牛芝士酸瓜甜椒SCALLOP ,酸瓜甜椒切細粒, 再舖芝士焗, 帶子又大大隻厚肉, 芝士有酸瓜的味道中和且唔會滯。$68 飛魚子忌廉蟹肉大茹, 有奶製品成份都是我喜歡,飛魚子一粒粒令到口感更好,忌廉蟹肉攪在一起好滑。

外面睇似係一間普通嘅茶餐廳，但呢度嘅特色就係提供多元化嘅菜式，唔係淨係食港式食物，呢度亦都有意粉，小食拼盤等等嘅西式菜式。➡️ 香煎喜哥蔥油豬扒配招牌炒蛋、冰火菠蘿油 ($62)塊豬扒係佢哋嘅招牌菜，大塊得嚟而且整得又淋，加上上面嗰d好香嘅蔥油，食落好惹味！再配上好滑嘅炒蛋同埋大大嚿有脆皮嘅菠蘿油，超有香港特色味道，冇得輸！四寶食堂地址📍: 銅鑼灣謝斐道482號兆安廣場地下1-3號舖.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️💫