四寶食堂 (兆安廣場)

營業中

休息中

按擵後一個人係銅鑼灣揾食行過新記對面見到間餐廳新面口，係我自己小係cwb食野見到又有意粉又有常餐，就入去試下啦！見到餐牌應有盡有，仲有pizza...焗豬都特別過人XD可惜得一個人最後叫咗過招牌葱油豬扒煎蛋飯晚餐58包熱飲一黎賣相靚仔，豬扒大塊仲要厚身！完勝😋😋😋😋最緊要係好食。信心up up！服務都幾好唯一缺點係，我食到類似味精既感覺😔但我已約左男朋友下次再吃其他食品

疫情期間甚少外出，有一段時間沒有外出食飯，今日忍不住想到附近逛逛，記得附近開左間四寶食堂，平時見餐廳人都不少，今日行經見餐廳防疫措施做很足，一於光顧下先。瑞士汁雞髀 $28脆豬 $25瑞士汁雞髀夠大隻又入味，香甜嫩滑，再配一個脆豬，真邪惡。水牛城雞翼串(4串) $68原來4串有8隻，同朋友share啱曬，皮脆肉嫩。山楂汁菠蘿咕嚕黑豚肉 $88店員介紹這款招牌，介紹不錯，外面汁香脆，內夠熱汁潤，調味不錯。澳洲A5和牛漢堡蛋蓋飯伴北海道日式咖哩汁 $98店員還介紹了這款，正合我口味，A5和牛漢堡好厚身，上面舖上芝士，啱曬我。再一層蛋蓋飯，配上北海道日式咖哩汁，味道整體十分豐富。蟲草花浸時蔬 $68清清地健康再加個蟲草花浸時蔬，白菜仔新鮮翠綠。四寶食堂比一般茶餐廳選擇多，菜式也特別些，裝潢時尚坐位舒適，餐廳店員服務周到。

有見近來情況好返少少(不過仍然唔可以鬆懈)，所以決定今晚放工去食返餐！對於有選擇困難既我地黎講，一見到個menu既感覺係既幸福又煩惱，因為都真係幾多選擇淨係推介菜都有好多款式反覆揭左份menu幾次之後終於決定到食咩如果大家同我地一樣有選擇困難既話，建議可以叫多幾個朋友黎就可以試多d野食啦呢排咁熱所以叫左杯凍鴛鴦，味道還好，不過可以濃少少聽講呢度其中一樣名物係滑蛋叉燒飯，就決定食你啦！等左一陣就有得食啦，賣相非常不錯，食落亦都有驚喜炒得滑得黎又不失蛋香既蛋，加埋甜甜地既豉油，香香既蔥花，仲有大大啖既叉燒(如果再肥少少就更加不得了)，絕對係缺一不可！熱柚子蜜另外一個主食叫左軟殼蟹飛魚子辣茄汁意粉，可能因為掛住食其他野所以d意粉同軟殼蟹都淋左少少不過仍然惹味個辣茄汁酸酸辣辣好開胃，撈埋飛魚子一齊食個口感都幾rich，不錯因為呢晚比較肚餓所以叫多左個小食拼盤，上枱既時間真係嚇左嚇因為好大份要讚既係d薯條係岩岩炸起所以夠曬熱同脆雞翼都係水準之作，腌得入味既甜又有少少辣，正餐廳比較光猛，環境衛生都唔錯，所以食得安心

四寶食堂由於肺炎，森仔都少左好多係街食。難得疫情有好轉，森仔都忍唔住係母親節同媽媽好好慶祝。今次我地去左銅鑼灣既四寶食堂首先，餐廳位置非常便利。佢位銅鑼灣地段，由地鐵站行過去只需5分鐘，十分便利。同時，唔好睇少佢係茶餐廳 。佢既裝潢和食物質素真係高班過一般茶好幾倍。裝潢新淨整潔，光猛度夠 而座位亦都坐得非常之舒服 限聚令下，佢都安排得好好，亦做足衛生及防疫安排 講反主題，食物質素方面真係無得頂。當日我地叫左3樣野，包括﹕小食拼盤、滑蛋鮮蝦球飯及雪糕窩夫。每樣各有特色，而調味亦非常之好。等森仔逐一介紹同評價下。(1)小食拼盤拼盤賣相吸引，份量十足。旁邊食客見到都誇誇聲，想叫埋一份。當中包括了5種食物，如﹕水牛雞翼、香草腸、檸檬雞搥、炸洋蔥圈、炸薯角。水牛雞翼，十分惹味，有少少辣味。佢真係烤得好入味，同埋個水牛醬真係好鬼正!!中意食雞翼既一定要試下。香草腸即係德國腸，煎得香口，香草味亦幾重。不過個人覺得好油，唔係好岩自己。檸檬雞搥，又係做得好出色，炸得夠香口，亦保持到內部的肉汁。而檸檬味亦大大減輕了油膩的感覺。炸洋蔥圈同炸薯角兩者都係炸得脆脆的。不過，最有誠意既係配備了3種醬汁:茄汁、酸

點解我會咁講？ 呢間餐廳個名冇乜特別 但門口裝修竟然用Tiffany Blue 呢隻顏色 裡面仲有幅花牆俾你打卡添😂唔講真係唔知道呢間係茶餐廳😝😝⠀⠀另一件非一般嘅事就係食物選擇勁多 其他茶餐廳多數係提供港式美食 呢間由香港特式美食到西式例如薄餅 扒類意粉等等都有得食 由於想食嘅食物實在太多 喺左諗右諗下叫咗呢啲👇🏻⠀⠀▫️蜜汁叉燒滑蛋飯 (晚市常餐HKD58 包熱飲) 一句講晒 - 好好味！滑蛋夠多舖滿晒喺啲飯上面 每一塊叉燒都大大件 加埋甜豉油一齊食實在太正喇⠀⠀▫️特選美國厚切西冷配陳年黑醋汁(HKD128) 呢個就係我之前出story 講嗰塊牛扒喇 $128係套餐價 有湯 飯/意粉或薯菜 仲有一杯熱飲 呢個價錢喺銅鑼灣食簡直抵到爛 塊牛扒上枱時我簡直係”O”咗咀😯 完全冇諗過呢個價錢會食到呢個份量嘅牛扒 如果換轉喺其他地方食閑閑哋都係要$300或以上啦 ⠀⠀另加$35要咗個炸洋蔥圈😋😋⠀⠀我已經諗定下次去食乜啦 就係「磚頭焗飯」睇餐牌上嗰張相真係好吸引呢

銅鑼灣呢間茶餐廳，CP值超高，門面係湖水藍色嘅裝潢幾新穎，環境好乾淨衛生食得放心，食物仲好有驚喜添！試左招牌菜式試下：香蔥蝦球滑蛋飯 $72半熟滑蛋炒得剛剛好，好有蛋香，蝦球大粒，新鮮又爽口，飯上面嘅秘製豉油汁唔會太咸，甜甜地好開胃。意式羅勒蕃茄醬炒蜆 $78蜆好新鮮，配上蕃茄醬都好適合，仲加上車厘茄粒同磨菇粒，味道不錯。大咖啡菇意大利飯 $78咖啡菇大隻又夠厚，咬落有濃濃的香菇汁，意大利飯少少硬身幾有咬口，飯吸收晒啡菇汁，非常濃郁好味。除左食野，餐廳裡面有一幅粉紅色大花牆，好啱女仔打卡添～

在茶餐廳，不愁沒港式菜色供應。但要吃一些較西式菜色，總要去一些比較專門的西餐廳。最近一些新派港式茶餐廳，一樣有多元化菜色供應，水準一樣出眾，而且價錢更加實惠，四寶食堂就是其中出類拔萃者。四寶食堂菜色中西合璧，有港式的招牌蜜汁叉燒滑蛋飯、蔥油豬排飯和各式常餐等，也有西式的脆脆薄餅、特色前菜、特色小食、各式沙律、意粉和甜品等，任君挑選。除了價錢實惠外，四寶食堂地方企理，佈置簡潔，環境舒適，是用餐的好地方。今日在四寶食堂銅鑼灣店，再嚐美食。香煎喜哥蔥油豬扒煎蛋飯是我不二之選，還要試試特色菠蘿包系列、焗水牛芝士酸瓜甜椒帆立貝、洋蔥圈和甜品蜂蜜西多士金磚伴雪糕。先嚐招牌菜香煎喜哥蔥油豬扒煎蛋飯，蔥花拌入甜豉油，食落特別香口，加埋半熟流心煎蛋，撈飯一起吃，味道一流！其實豬扒亦係令成碟飯更勝一籌嘅地方，豬扒夠大塊，又厚身，外面煎得甚香口，內裡肉質保持嫩滑。再來他他醬炸魚柳菠蘿包，魚柳包就食得多，但係用菠蘿包夾住食真係第一次試。魚柳好大塊，炸粉薄得嚟好脆，魚肉亦十分Juicy；菠蘿包雖然並非新鮮焗起，但拎上手好大個，脹卜卜，包身軟熟，配上中間一層他他醬，更加惹味。旁邊嘅配料有薯角同沙律菜，薯角自家炸，

上星期五，和朋友去了銅鑼灣的四寶食堂食晚飯，由於實施左管制，所以要在出面排隊等位。軟殼蟹飛魚子辣茄汁意粉 $88：賣相美觀，軟殼蟹SIZE吾會太大隻，滲出肉汗；當中更加入了飛魚子，令整個意粉增加了卜卜的口感。由於是辣茄汁，味道很開胃之餘，帶少少辣味。但個人覺得意粉口感比較硬，如果可以整軟少少，味道會更好。糯米釀雞翼 (5隻) $68：起初會覺得糯米釀既雞翼會好制，但正正因為餐廳所整既釀雞翼糯米吾會太多，所以覺得份量岩岩好。雞翼熱辣辣，入面既肉滲出肉汁，糯米軟度剛好，整體味道不錯！飛魚子忌廉蟹肉焗大啡菇 $68：一個價錢兩個大啡菇，菇吾乾身，切開有吾少水份；口感林口，而入面既忌廉蟹肉帶少少甜味，加入飛魚子增加口感。自家制窩夫伴雪糕 $60：個人好喜歡依款甜品，窩夫雖然只是格仔餅，口感較軟，但軟得黎又好好食；至於雪糕可選擇雲呢拿或朱古力，朱古力味道偏濃，但吾會苦啊！雪糕紅荳冰：依個特飲也值得推介！紅荳份量好多，甜度足夠，加左大雪糕球，味道又甜多一份！招牌嫩滑炒蛋配牛油多士 (加：奶茶)：炒蛋口感好嫩口又吾太油，食落口中帶有creamy既口感，蛋既咸度適中。另外，牛油多士外脆內軟，因加入牛油

新派港式小店「四寶食堂」，鄰近港鐵銅鑼灣站C出口，提供各式各樣茶記精選美食，有招牌經典叉燒滑蛋飯及喜哥蔥油豬扒煎蛋飯，仲有港式常餐，選擇豐富，價錢經濟雜扒意粉配蕃茄蒜蓉汁🍅是日午餐有雜扒意粉🍝厚切雞扒juicy嫩滑、薄切牛扒肉味濃郁、煙肉鹹香肥美、腸仔滋味無比，配上蕃茄蒜蓉汁好惹味呢沙嗲牛肉米粉配炒蛋及牛油多士🍞炒蛋嫩滑有蛋香，仲有唔少蛋汁添！麵包多士甜甜的，帶有牛奶香，好好味呢～沙嗲牛肉加入左蒜蓉一齊炒香，特別美味！銀絲米粉幼滑又爽口，吸收晒湯底嘅精華自家製窩夫🧇配雲呢拿雪糕🍦金黃色的窩夫有兩件，新鮮又鬆軟，滿有蛋香🥚 配上香滑雲呢拿雪糕🍦大滿足呢！熱奶茶☕️去茶餐廳又點少得港式熱奶茶☕️茶味濃而不澀，奶香滑，比例適中，係一杯出色嘅熱奶茶凍檸茶🍋紅茶濃淡適中，檸檬新鮮清香👍🏻

同事生日，但因肺炎疫情規定不可超過四人聚會，我們唯有分組同佢慶生，今日輪到我和另外兩位同事，放工一齊去銅鑼灣祟光買禮物送給生日同事，再去附近的四寶食堂食晚餐，佢好喜歡食餐廳的蜜汁叉燒滑蛋飯，重話百食不厭，餐廳做足防疫安全措施，探熱、搓手、隔距離都做好，讓客人可放心用餐。蜜汁叉燒滑蛋飯，招牌飯不可錯過，上枱時滿滿的一碟飯，面上舖滿义燒滑蛋，份量不少，紅卜卜的蜜汁义燒，入口香甜，肉味濃郁，滑蛋有厚度，口感嫩滑帶蛋香，用來伴飯一流。牛油黑松露雜菌焗原隻燒春雞，跟餐湯、(脆炸薯角/蘑菇飯/攬油香草意粉/黑醋什菜沙律)選其一，奉送咖啡或茶，成個餐百多元又係完隻高質春雞，真係好抵食，用牛油黑松露炒香雜菌，放入雞內烤焗，金黃色的春雞吸收了牛油黑松露，香氣四溢肉質鮮嫩，雜菌又香又爽，南瓜湯濃郁香甜，脆炸薯角外脆內軟。特飲雪糕紅豆冰只需加10元，紅豆林甜，又有雪糕溶化在內特別香甜。小食拼盤：水牛雞翼、香草腸、檳檸雞搥、洋蔥圈、炸薯角，即叫即炸，色澤金黃，香脆可口，兩款醬汁各有特式。最後叫多件西多甜點，厚身又大件，蛋香味濃，中間還有花生醬，加些糖漿令人食不停口。

今日去咗銅鑼灣食飯，見到呢一間四寶食堂裝修都幾靚，唔似一般茶餐廳咁樣。而且餐牌上面好多選擇就去試下，雖然話就話茶餐廳，但係食物嘅選擇都幾高檔同埋幾有新意☺️，前菜我同朋友就叫咗糯米釀雞翼，水牛芝士焗帆立貝，同埋叫埋個意大利火腿配黑醋沙律。個糯米釀雞翼都好好食，辣辣地得黎又好惹味。雞翼起晒骨之後用糯米釀，加埋啲泰式辣醬一齊食好match。👍每隻雞翼都好大隻呀份量好足。另外呢個水牛芝士焗帆立貝，啲帆立貝焗完之後冇縮水，而且啲醬汁酸酸甜甜啱晒小朋友！加埋香濃嘅芝士整到拉絲㗎。至於呢個意大利火腿配黑醋沙律就係健康之選，滿滿嘅沙律菜上面鋪滿意大利火腿再加埋黑醋 10分健康。而且啲沙律菜都好新鮮，啱晒我！😽至於主菜方面，就叫咗左叉燒滑蛋飯同埋個厚切西冷配薯菜。首先個叉燒滑蛋飯啲滑蛋係半生熟嘅蛋，半生熟嘅蛋漿配埋叉燒再撈埋啲飯食簡直係絕配呀！呢款經典港式茶餐廳嘅食物經四寶食堂轉一轉之後昇華咗。最後呢一個厚切西冷牛扒一上菜嗰陣時見到個份量都嚇咗一下，佢大概足足有18安士。再配埋大量嘅炸薯角，同埋一整個烤蒜頭好吸引我。最重要嗰塊牛扒肥瘦適中，今日我就叫咗五成熟餐廳處理得到非常唔錯，啱啱好，唔會過生或者過熟

⠀之前去左銅鑼灣呢間四寶食堂食下午茶，⠀有別於一般茶記嘅裝修，呢間茶記有⠀一大面靚靚花牆襯上湖水綠色，⠀感覺好清新🌿而且環境仲好衛生乾淨，⠀有靚裝修但價錢好平民好多選擇，性價比高呀😝！⠀❤️蔥花咸牛肉炒蛋潛艇 $38⠀炒蛋好嫩滑，加上蔥花咸牛肉更加惹味，⠀分量亦好足料，大大份！⠀⠀🧡泰式雞搥伴薯角 $38⠀雞搥同薯角都新鮮炸起，⠀熱辣辣，香脆可口！⠀⠀💛蜜糖西多金磚伴雪糕 $38⠀西多預先切到一粒粒去炸，再砌到金磚般，賣相更吸引，而且連切都唔洗切，一口一粒更方便食用，伴上蜜糖同雪糕一齊食，味道更加豐富同滋味😉⠀

今天路過銅鑼灣，適逢晚飯時間，便在這裏進食晚餐。香煎喜哥蔥油豬扒煎蛋飯$58，豬扒肉質鬆軟，份量十足，配合蔥油，味道更佳，果然是店內的名物。巧克力雪山$28，巧克力味道濃郁，混合厚厚的忌廉，味道更加吸引。香草白酒龍利魚配番茄$98，香草、白酒 和蕃茄所做的汁，令到龍利柳的味道層次，不再孤單。這個配搭，在茶餐廳內，實屬罕見。意式蝦沙律波羅包配薯角及沙律菜$68，蝦沙律被放在菠蘿包內，菠蘿包的鬆軟，和蝦沙律的爽甜，兩者層次對比較大，口感更加豐富，算是一個不錯的創新嘗試。薯角份量十足，香脆鬆軟，只吃這個，都會很飽。雪糕紅豆冰$32，紅豆份量十足，味道偏甜，不過混合香草雪糕和花奶之後，味道卻是非常出色。窩夫伴雪糕$60，伴碟有草莓、藍莓、巧克力醬和香草雪糕，窩夫🧇香脆適中，將伴碟配料加在其中，口感和層次感更更豐富。

出到銅鑼灣買嘢之後就食晚餐啦，揀左呢間四寶食堂😁看似茶記但入面有福花花牆真係幾得意😎 晚餐有扒餐、招牌豬扒飯、叉燒飯、沙律等，咩都有得食咁濟🥳🥳.蔥油豬扒太陽蛋飯🐽🐽 份量超大！豬扒大過面呀，上面太陽蛋煎得好靚仔，連埋蔥油一齊食真係好正，蔥油惹味，飯又粒粒分明🤪豬扒煎得脆邊，夠嫩呀.另一個餐叫左厚切西冷配薯角😍件西冷成1cm厚，又多腍，食肉戰真係必點呀！上面有d黑椒同黑醋汁，食落就冇咁膩啦🥳 薯角都好大舊，非常脆的！跟餐餐湯好濃粟米味，有啲心思呀🌝.加左35蚊要炒雜菇，夠新鮮，菇味濃~🍄🍄.雞胸沙律 🥗雞胸都幾嫩，沙律菜好爽！.紅豆冰🧏🏻‍♀️ 紅豆超多又夠腍，值得一試😆

四寶食堂 +港式+茶餐廳/冰室+打卡靚+價錢經濟 銅鑼灣平價香草烤雞磚頭焗飯 $78好食指數：⭐️⭐️⭐️⭐️打卡指數：⭐️⭐️⭐️⭐️⭐️大份指數：⭐️⭐️⭐️⭐️⭐️抵食指數：⭐️⭐️⭐️⭐️⭐️👍🏻 烤雞 juicy👍🏻足料👍🏻芝士同淋上香草汁👍🏻賣相靚 打卡able🧐 太多飽死
香煎蔥油豬扒煎蛋飯 $58好食指數：⭐️⭐️⭐️⭐️⭐️打卡指數：⭐️⭐️⭐️⭐️⭐️大份指數：⭐️⭐️⭐️⭐️⭐️抵食指數：⭐️⭐️⭐️⭐️⭐️👍🏻煎得香口 再加蔥油好食好食好食👍🏻豬排厚 大到不得了👍🏻啖啖肉 正到爆銅鑼灣謝斐道482號兆安廣場地下1-3號舖Shop 1-3, G/F, Siu On Plaza, 482 Jaffe Road, Causeway Bay 星期一至日07:00 - 00:00電話號碼23422323喜歡我的文章，可以關注我及讚好以作鼓勵