四季文昌 (已結業)

✿╮❤╭✿ ✿雜感女生 好味日記✿ ˚*•✰。四季文昌．滋味盡在冷熱間。✰•*˚ ✿✿舌尖上的尖沙咀✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 11月底冷風又到，又是圍爐取暖時 剛好知道四季文昌已進駐尖沙咀 既然和朋友行到尖沙咀，當然一起吃個椰子雞！ 這家新分店，我是第一次到 看到可愛的牆身，就想到旅行 這裡供應每天新鮮運到的生蠔，確是令人流口水 每台早已準備了來自海南的柑拮、沙薑和辣椒做配料 已即時想點菜了，好，我們決定先來個小龍蝦海鮮拼盤 飲杯： 熱情果梳打：朋友點了無酒的特飲，味道充滿果汁香 海南島：我的選擇，酒味不太重，有海南的金桔味，味道不錯 特別是賣相很有假日FEEL，翠綠得帶來海島風情 新西蘭小龍蝦海鮮拼盤 $368 抵食！真心抵食！ 店員準備好小龍蝦的專用芥辣與生蠔專用的醬料 海鮮拼盤一上場，足足有兩層高，令不少旁邊的客人睜大眼睛！ 海鮮拼盤非常豐富，有愛爾蘭麵包蟹、新西蘭小龍蝦 生蠔、甜蝦、新西蘭托托蜆、新西蘭青口以及紋甲魷魚 款款鮮甜美味，正！ 愛爾蘭麵包蟹的膏真多，厚

簡而精一起38$文昌义燒蛋飯最近都有經濟系列加3$就任選熱飲我要熱情果茶熱情好喝超強裝修好西方高層次化食的非常中國人飾灯木材燈泡柔和電視不停推出節奏藍調晚上比較想君吃好d 如椰子雞火鍋各式邊爐考究鮮口菜色中午幾平都會

本人24/11/2017 1930 與友人到尖沙咀分店慶祝生日 本來諗住開開心心打邊爐嗌左個套餐 加 6隻生蠔食食吓發現生蠔有一隻黑色好肥嘅蟲喺度郁黎郁去跟住我哋即刻同侍應講 佢一見到條蟲就好心急即刻收咗佢 唔俾我哋影相佢同senior講 senior就咁答:哦埋單嘅時候 有個後生帶眼鏡男仔俾張單我我同佢講你啲食物唔衛生 有蟲佢一句 ： 我知 咁又點？一句歉意都無！真係火都黎 即刻叫senior出黎跟住佢話 free $20俾我 真係當我地系乞兒? 我即刻同佢講話唔係錢嘅問題要去信食環署佢繼續黑面 跟住就咁扔張單俾我地 我哋對下有咩分別 原來最尾減左$60 真係多謝晒呢間餐廳對食物嘅衛生質素簡直係零不如俾返＄60你 你食翻條蟲俾我咁嘅服務態度仲要理直氣壯我已經去信食環署 如果你哋想食蟲同受氣 去四季文昌! 埋單4個人 $926 送條新鮮蟲！

近排天氣逐漸轉涼，又是時候圍爐「烚吓烚吓」。友人知我愛打邊爐，提議帶我去吃椰子雞鍋。「吓，椰子雞火鍋？之前咪食過囉，好似無乜新意思喎。」原來這個鬼靈精早有準備，因早前行經金巴利道，從「四季文昌」樓下嘅易拉架，得知餐廳最近推出咗個「一鍋二食」嘅火鍋新食法，感覺新奇，加上店裡有海鮮拼盤供應，所以特意邀約我一起去嘗新。其實尖沙咀嘅「四季文昌」，筆者之前亦曾嚟過一次，所以對餐廳的環境並不陌。到埗後，沿著樓梯拾級而上，裝潢與對上一次到訪時，沒多大分別，仍舊以木色為主調，配合天花嘅鳥籠吊燈、雲石餐桌、梳化座椅、牆身上的刻字和裝飾等，設計既時尚又富格調。既然友人早有心水，所以選菜任務就一於交由友人發辦，而我亦樂得清閒，先點飲品，再坐定定等食。友人選了椰子菠蘿特飲 ($38)  而我就揀咗菠蘿沙冰 ($38)。前者既有菠蘿汁的酸，亦飲到椰汁的甜，加上冰凍的口感，既開胃又醒神。而後者菠蘿沙冰，味道亦不俗，非常清新，帶天然果香，冰爽涼快。接著是一客新西蘭小龍蝦海鮮拼盤 ($368)，海鮮盤分為上下兩層，上桌時非常之有氣勢，齋睇已經覺得很豐盛。逐一細數，有新西蘭小龍蝦、愛爾蘭麵包蟹、生蠔、甜蝦、新西蘭托托蜆

朋友相約吃生日飯，因為佢喜歡食火鍋既關係，所以最後我就揀佐呢間椰子雞火鍋。我自己都唔知點解，說起食火鍋，我心裡浮起的也只有花膠或者椰子雞，或許，傳統既火鍋已經滿足唔到為食既我。之前已經有到過這餐廳的太子老店，已經被它的清椰青水湯底深深吸引，今次再接再厲，試下佢地既尖沙咀分店，看看水準是否能夠維持？充滿書卷味的佈置，是和太子店同出一撇的，讓人感覺舒服，也不會像傳統火鍋店那種給人老餅的感覺。座位舒適，亦是進餐選址的重要一環，四季文昌絕對合格。枱上有水，有盒裝紙，有其他餐具，基本上一應俱全。比較特別既係呢個漏斗，佢既用處就係在於精盡既時間，去煮製那個文昌雞，令雞的肉質更為完美。有別於其他的火鍋店，這裡沒有提供大量的火鍋醬料，取而代之的是三款餐廳的秘製醬料，包括沙薑，辣椒，和海南野生青金桔; 只要把這三款醬料加入醬油再攪拌，便成為一碟和文昌雞十分配合的醬料，食落醒胃之餘亦更能帶出食物的鮮味。細看餐牌，除了原本的主餐牌外，餐廳還有這個季節限定的「副」餐牌，有兩款新的湯底 - 「花千骨配麻辣湯」和「海鮮拼盤配蓄茄海鮮湯」，可以配合原本的椰子雞湯食用，十分特別; 而另外的新西蘭小龍蝦，和阿拉斯加蟹拼

早排見雜誌介紹《四季文昌》， 又聽見朋友講佢嘅招牌雞鍋好正， 正好天氣轉涼，涼涼地，一於去《四季文昌》食返個雞鍋暖暖身先！ 嚟到餐廳，裝修幾特別， 入口裝飾成書房一角咁， 有濃濃嘅書卷味。餐廳內放滿別緻嘅擺設，暗喑哋嘅燈光，地方寛敞，樓底又高，感到舒服。 首先叫個冷盤開開胃先， 【新西蘭小龍蝦海鮮拼盤$368】有兩層高嘅海鮮拼盤，放咗好多種美味嘅海鲜， 有新西蘭小龍蝦、愛爾蘭麵包蟹 、生蠔、甜蝦、新西蘭托托蜆 、新西蘭青口同紋甲魷魚。 我自己就最鍾意生蠔、愛爾蘭麵包蟹、新西蘭小龍蝦同紋甲魷魚。 生蠔：細細隻，但口感爽脆，入口有中度嘅海水味，食完仲有陣陣嘅鮮味停留喺囗中，可以話係齒頰留香。 愛爾蘭麵包蟹：唔係好大隻， 但有大量嘅蟹膏，蟹蓋入面全部都係又黃又橙嘅蟹膏，都幾誇張。一大啖一大啖嘅蟹膏， 超爽。 蟹肉亦好鮮甜，美味~ 新西蘭小龍蝦： 呢款小龍蝦唔係成日食到，全世界只有某幾個新西蘭深海海域先可以捕撈到，比起中國小龍蝦係貴好多好多架! 色澤晶瑩、肉質細嫩、有彈性、微甜，肉質很有彈性，而且膠質重，又帶好濃嘅鮮味。可惜佢個殼較硬，容易𠝹到手指，所以吃嗰時要特別小心，我哋都係問店員攞較剪開

夜晚同屋企人食飯，母親大人話未試過椰子雞煲想試下，加上醫生叫佢戒口，椰子雞煲比起其他火鍋會清d佢都可以食，所以一於帶佢去試下！當晚訂左7點，但6點已經到，諗住都試下去睇下有冇得入座先，好彩都可以。先叫杯飲品，解下渴先。椰子沙冰$32--好飲，即叫即整，有好濃既椰子味。比例啱啱好，唔會飲左d椰子汁d冰冇哂味，成杯都好足料好夠味！沙薑脆豬手$48--比屋企人偷食左一舊先記得影相😵食椰子雞前叫左個小食頂下肚先。豬手唔係平時用滷既方法，係用沙薑個種，所以皮吾係蚊到淋哂，反而係爽口脆身，都夠味，幾特別，好食。原味椰子雞鍋(半隻)$128--終於到今晚既主角！其實侍應係會先倒椰子水落鍋，半隻雞會同椰肉一齊生上，之後落鍋煲，會有漏斗俾你睇時間⏳，漏斗既沙落哂表示d雞已經食得！一開鍋蓋，d椰子香味出哂嚟，先飲2啖湯，好清甜同好香椰子味。d雞啱啱好唔會太老，同埋標榜係文昌雞，唔好有好多肥膏搞到個湯勁油。另有豉油可以點雞食，最鐘意係佢俾埋沙薑、辣椒、青檸，豉油加左d青檸汁即刻唔同哂，唔會太咸又有少少酸味，勁正！如果想再重d椰子味，可以加椰子水，但要收費每次$38。安格斯牛小排(大)$238--食到咁上下，

Date: 2Sept星期五才book星期六的晚飯，有位已經很好了！6個女生坐卡位，勉強夠坐的，好彩樓底夠高，檯與檯的距離不算很近，不會覺得很逼。↑花膠椰子雞煲：湯底全部材料都是即場落，所以沒有很重的雞味，但有很清甜的椰子味，椰子肉和花膠都夠軟身！↑玫瑰豚肉腩片：外觀是不錯的！味道也okay，即使是腩肉也不算太肥，只是豬肉味不算很重。（因為有朋友生日，店裡多送一份，有2份食）↑日本豆苗：豆苗是連根上的，附上透明手套和鉸剪要自己「收割」，有趣！豆苗沒有平時溫室豆苗的草青味，可以一試！↑牛肉：看著不錯（但我沒有吃喇～）其他食物例如響鈴那些都不錯！值得一試！

八號風球前的火鍋，去尖沙咀金巴利道的四季文昌。一入門口就見到酒精治療法的海報，原來係各式雞尾酒。店內設計幾有偽文青feel，擺設都算幾雅致，不過今晚客就唔太多。間店係第一次來，當然要試試招牌椰子文昌雞。半隻雞份量都算夠，不過已經無咩雞味，應該係雪藏品由海南飛來或本地採購?就不得而知了。先煲湯再落雞，食時配豉油，並建議隨量加生薑紅椒同青檸仔汁。個湯底幾有椰子甜味，而煮雞時間係靠每張檯的沙漏計時，煮完就熄爐食咗雞先否則肉變老。不過如果飲完湯打邊爐，唔加水想加椰子湯就要每次另加$38。除火鍋料外，間店供應三種海鮮盤，龍蝦或麵包蟹配生蠔青口蜆蝦翡翠螺，份量唔細仲送白酒都只係$598，似乎相當抵食。另外一個長腳蟹海鮮盤要過千銀，四個人食似乎太奢侈...最後決定點波士頓龍蝦海鮮盤，份量足，不過每樣六件，可除三卻除唔盡四，三個人去Ok，四位就有人要犧牲，或者做啲等價交換。生蠔有一打份量，比較瘦但有濃郁海水味。對枝白酒贈品，本來都無咩要求，但入口都唔差，有果味但唔太酸。食完海鮮食完雞，再加椰子湯打邊爐。呢間的火鍋料都有唔少有趣選擇，今晚的安格斯小牛頸脊肉味唔錯，應該係美國牛肉。一口脆皮午餐肉對文公子最

難得一行九人約出來，就搵間舒服又有特式嘅火鍋店。呢間位於二樓嘅火鍋店都幾大而且枱與枱之間都寬敞，就算很多人亦不怕太嘈吵不能聊天。我們先點了六人套餐，再加半隻竹笙椰子雞，另外點了一些蔬菜。餐牌有很多不同種類雜菌和蔬菜，有有機種植的，適合健康喜愛菜的朋友。椰子湯湯底非常清甜係清新之選！大部份蔬菜都清洗得很乾淨，而且很新鮮但是份量較少。因為湯底很惹味，食物都不用點醬油。六人餐包括刺身拼盤，一般般。最難忘係金菇酸黃瓜凍食，極奇怪，辣味唔好食！整體來說不錯，最喜歡椰子雞湯底，夠清淡！

之前一直以為四季文昌淨係打邊爐, 星期六行過見到有LUNCH SET, 價錢好相宜, 最平$38就有交易, 仲唔洗加一, 即管試一試。叫左1個海南雞飯($78), 1個咖哩牛腩飯, ($48), 再加左$6要野飲, 每個SET會包前菜(沙律)同例湯。唔好睇個咖哩牛腩飯好少料, 其實係個碟好大, 薯仔紅羅白同埋牛腩都各有成6-7舊, 夠送飯有餘, 不過個汁略嫌稀左D, 味道都唔錯既!海南雞飯個賣相就唔係幾好, 雞味唔濃, 油飯唔香, 反而白飯仲好食。飲品好大杯, 仲有無限添飲, 不過真係太大杯都已經飲唔落。位處尖沙咀地段, 客人真係相當少, 唔知係咪大家都唔知有LUNCH 食呢? 經過可以試下, 因為真係平過隔黎茶餐廳! 

呢間野最出名嘅分別有椰子雞煲標榜係走地雞另外仲有火焰龍蝦煲同火焰蟹煲，椰子雞因為我之前試過椰林春天所以我就試吓火焰煲啦成個煲嘅海鮮其實唔係好多有幾隻大蜆幾隻青口一隻龍蝦仲有其他蔬菜配料店員會先焗一陣間然後再放火之後就落海鮮湯用漏斗計時焗一陣間就已經可以食得啦中途已經聞到濃濃嘅龍蝦味！好啦個龍蝦又真係幾彈牙爽口不過個青口就好明顯係一般急凍貨色個大蜆都算新鮮嘅啲配菜非常之入味尤其是個洋蔥同蕃茄配埋個海鮮濃湯底簡直一流食完之後可以加清水或者加海鮮濃湯不過茄濃湯要加＄30，我哋食完啲海鮮已經即刻落左竹笙同響鈴親個湯濃郁所以非常入味之後仲每人一碗湯飲晒佢添所以冇辦法之下都要再加錢加海鮮咁啱鋪頭做四月Promo日本大元貝每人一隻都係＄10另外可以蒜蓉蒸不過要再加錢我哋選擇咗放湯帶子Size算係幾大隻就算熟咗之後都唔會縮水而且亦都幾彈口真係非常超值牛類分別叫咗安格斯肥牛同埋美國雪花肥牛安格斯肥牛細size $168但係睇個樣都知佢唔肥食落口都真係唔肥😞牛味算有嘅雪花肥牛$68望落個樣仲以為叫錯隻豬肉點知食落口真係好似豬肉！總括嚟講兩樣都唔OK對比起其他嗰啲火鍋店D牛呢個真係失色！反而個牛脷＄88非常

食晚餐有時會好睇飯腳, 大家唔知會唔會好似我咁, 當你遇到志同道合的人一起吃, 會覺得那一餐晚餐更好吃! 我和朋友都喜歡吃海鮮和打邊爐，所以當知道四季文昌新上市的火焰龍蝦火鍋湯底， 酷愛這兩味的我倆， 立刻組團來吃！ 火焰系列除咗龍蝦之外還可以選擇蟹， 蟹應該下次都係嚟食埋，今次試咗龍蝦先！ 四季文昌火焰龍蝦海鮮鍋真是好足料！ 先將啲材料放曬喺個煲裏面， 大大隻的青口，原隻龍蝦，還有很多大蚌、南瓜等等……望到不禁口水流！ 把海鮮鍋加熱，將鍋底的材料爆香至乾身,然後倒入冧酒並點火。 呢個時候會聞到陣陣蒜香味，而且之海鮮嘅鮮味亦都因為啱啱炒熟而湧緊出來！當店員點火的時候要小心， 記得要退後到安全的位置 ，不要因為掛住影相和觀賞而樂極生悲！ 當火熄滅後，再加入龍蝦海鮮湯， 直至沸騰便可享用~ 海鮮濃湯果然夠濃， 整個煲都瀰漫住黃金色的誘惑！ 在食之前輕輕試了一啖， 果然非常鮮味！ 龍蝦亦已經細心地開邊和爆了鉗， 所以食起嚟好方便，輕輕搵筷子一剔就可以原條龍蝦肉起了出來！ 爽實鮮甜的龍蝦肉在龍蝦高湯內真是好漫妙呀！ 誇張點說有種天與地融合在一起的諧和感！一瞬間我以為在海洋中和龍蝦共舞呢！ 有什