影片
更多
2017-11-03
601 瀏覽
早排見雜誌介紹《四季文昌》， 又聽見朋友講佢嘅招牌雞鍋好正， 正好天氣轉涼，涼涼地，一於去《四季文昌》食返個雞鍋暖暖身先！ 嚟到餐廳，裝修幾特別， 入口裝飾成書房一角咁， 有濃濃嘅書卷味。餐廳內放滿別緻嘅擺設，暗喑哋嘅燈光，地方寛敞，樓底又高，感到舒服。 首先叫個冷盤開開胃先， 【新西蘭小龍蝦海鮮拼盤$368】有兩層高嘅海鮮拼盤，放咗好多種美味嘅海鲜， 有新西蘭小龍蝦、愛爾蘭麵包蟹 、生蠔、甜蝦、新西蘭托托蜆 、新西蘭青口同紋甲魷魚。 我自己就最鍾意生蠔、愛爾蘭麵包蟹、新西蘭小龍蝦同紋甲魷魚。 生蠔：細細隻，但口感爽脆，入口有中度嘅海水味，食完仲有陣陣嘅鮮味停留喺囗中，可以話係齒頰留香。 愛爾蘭麵包蟹：唔係好大隻， 但有大量嘅蟹膏，蟹蓋入面全部都係又黃又橙嘅蟹膏，都幾誇張。一大啖一大啖嘅蟹膏， 超爽。 蟹肉亦好鮮甜，美味~ 新西蘭小龍蝦： 呢款小龍蝦唔係成日食到，全世界只有某幾個新西蘭深海海域先可以捕撈到，比起中國小龍蝦係貴好多好多架! 色澤晶瑩、肉質細嫩、有彈性、微甜，肉質很有彈性，而且膠質重，又帶好濃嘅鮮味。可惜佢個殼較硬，容易𠝹到手指，所以吃嗰時要特別小心，我哋都係問店員攞較剪開
嚟到餐廳，裝修幾特別， 入口裝飾成書房一角咁， 有濃濃嘅書卷味。
餐廳內放滿別緻嘅擺設，暗喑哋嘅燈光，地方寛敞，樓底又高，感到舒服。
首先叫個冷盤開開胃先， 【新西蘭小龍蝦海鮮拼盤$368】有兩層高嘅海鮮拼盤，放咗好多種美味嘅海鲜， 有新西蘭小龍蝦、愛爾蘭麵包蟹 、生蠔、甜蝦、新西蘭托托蜆 、新西蘭青口同紋甲魷魚。 我自己就最鍾意生蠔、愛爾蘭麵包蟹、新西蘭小龍蝦同紋甲魷魚。
生蠔：細細隻，但口感爽脆，入口有中度嘅海水味，食完仲有陣陣嘅鮮味停留喺囗中，可以話係齒頰留香。
愛爾蘭麵包蟹：唔係好大隻， 但有大量嘅蟹膏，蟹蓋入面全部都係又黃又橙嘅蟹膏，都幾誇張。一大啖一大啖嘅蟹膏， 超爽。 蟹肉亦好鮮甜，美味~
新西蘭小龍蝦： 呢款小龍蝦唔係成日食到，全世界只有某幾個新西蘭深海海域先可以捕撈到，比起中國小龍蝦係貴好多好多架! 色澤晶瑩、肉質細嫩、有彈性、微甜，肉質很有彈性，而且膠質重，又帶好濃嘅鮮味。可惜佢個殼較硬，容易𠝹到手指，所以吃嗰時要特別小心，我哋都係問店員攞較剪開，咁就簡單好多~
紋甲魷魚︰平時好少食魷魚刺身，但呢款非常好食，中間用左檸檬相隔，入口多左一份檸檬清新香氣。大大件，顏色雪白，仲超爽脆，正!!!
嚟到四季文昌，當然要叫個招牌雞鍋【椰子文昌雞鍋 半隻$128】，真係好好味，朋友真係無介紹錯。 材料雖然好簡單， 只有椰子肉、 椰青水同文昌雞等材料，但係椰子水同雞件煮成嘅湯底，好滋潤，完全係天然嘅甘香清甜。
店員話椰子湯滾後，再放入雞件，以慢火煮7分鐘係最好食嘅。每枱都有一個漏斗，用嚟計時 ，以「七分鐘漏斗」計時，有趣！
嘩！ 七分鐘到喇！ 一打開個蓋， 香噴噴嘅椰香四散，雞件爽甜 ，鮮嫩幼滑，配上豉油、青柑拮、沙薑和辣椒， 鮮味倍增。
食完香滑雞件，跟套餐加$128就有一個【海鮮拼盤配蕃茄海鮮湯$128】， 拼盤有魚、青口、珍珠貝同蔬菜等。
蕃茄海鮮湯係用梭羅魚熬足幾個鐘， 再加上鮮甜嘅海鮮，好滿足! 條魚好新鮮，魚肉彈牙，但多骨，食嗰時要特別小心~~
【玫瑰黑豚小腩片$98】捲成玫瑰花型嘅黑豚腩片，賣相討好，一定要相機食先啦！五花腩部份，係薄切，好易熟，又香又有肉味。
【新界魚塘白鱔片$98】份量十足，仲要厚切，起雙飛，肥美，但略嫌唔夠爽脆！
我仲叫左杯【椰子菠蘿特飲$38】椰汁加菠蘿汁，酸酸地幾開胃。
今日大擦凍熱海鮮，真係好正! 飲飽食醉，又係時候歸家去~
張貼
