四姐川菜

營業中

休息中

四姐川菜可以算是私房菜與餐館之間。菜式款式多，但因為係按人頭劃一收費，所以當人唔多時自然想揀晒肉類。但必需提大家嘅係套餐唔跟飯，如果一定要有澱粉落肚記得揀返碟涼麵之類。同埋如果唔主動要求辣度，會一律定為迎合一般人口味，提香少提辣嘅風味。一定要注意！如果唔想蝕餸又想飽肚，不妨叫水煮類。呢煲水煮牛肉入面有薯粉，薯粉好難得咁做到黏韌但咬得開。水煮牛同我平時食嘅唔同，好重面豉鹹味。濃味控就啱晒。辣子雞軟骨係懶人之選。平時食辣子雞要喺堆辣椒度搵雞，仲要吐骨真係好煩，食雞軟骨爽快得多。杏鮑菇鴨胸好夠鑊氣，菇吸晒啲鴨油，但單食鴨胸就會鹹咗啲。蒜泥白肉偏甜，蒜味好重。薄薄嘅豬肉吸晒味，正。口水雞同蒜泥白肉調味相近，偏甜但好食。問心去過咁多次雲南同四川，四姐嘅香料係似足當地，用上唔少花椒同乾辣椒。但畢竟遷就咗港人口味會冇咁辣，廢事大家食唔到浪費食物，但想正宗同加辣嘅務必同店員講聲。

今日同同學敘舊，又來到銅鑼灣耀華街3號嘅百樂大廈。呢度每層都係餐廳，好多選擇，但每次來都要等lift等好耐，今次都唔例外。奉勸大家要訂檯同埋早啲過定嚟！今次來品嚐非常有名嘅「四姐川菜」。入面係類似茶樓嘅格局，一坐低，侍應首先會沖壺茶畀你。都算多客，有老外，仲有幾檯係內地人——內地人都幫襯嘅香港川菜館，應該真係幾好味！期待！！！呢度晚市只有套餐，不能散叫小菜。每位$340，不設加一，根據每檯人數決定可以order幾多個涼菜和熱菜，最正係白飯任裝。2人餐可以叫2個涼菜、3個熱菜——對於兩個女仔來講太多了，不過反正可以打包，試多幾個菜都好。【涼拌木耳】酸酸地，醋同辣嘅比例啱啱好，木耳爽脆，唔太辣，開胃小菜不失一個好選擇。【口水雞】超正！雞肉軟糯惹味，啲辣汁真係獨門秘方，辣得有香味，芹菜又令到佢食落有清香。辣油入眠有花椒同其他無知名的調味料，總之一個字，正！食完啲雞肉我地仲用啲辣油點木耳食，一啖啖停唔到口！【招牌水煮魚】好多魚好大份呀！面頭全部都係魚肉，肉質非常嫩滑，完全冇骨，係完全冇，入口即化，浸足辣油，熱辣辣，好好味！筆開啲魚肉，下面係薯粉，青瓜，芽菜等等，好足料。肉眼可見的花椒，令到魚肉

今天要送別我即將返回家鄉的恩師，知道他嗜辣，特地挑選了一間比較有體面的川菜。每人盛惠$340，看似不平，但食物卻很有質素。只有我們兩人，叫套餐的話可以選擇兩個涼菜，三個熱菜。因為腸胃不太好的關係，沒有點太辣的菜色。炎炎夏日，涼菜方面點了招牌四川涼麵和蒜蓉肚絲。四川涼麵是餐廳推介的，雖然看似簡單，卻令人欲罷不能。麵質煙韌彈牙，不易斷開。一開始會擔心醬料會有點乾，但是細看之下原來麵條本身已有油份，所以不會乾之餘，亦令醬料容易掛在麵條上。醬料鹹，香，麻，辣，可是仍可以嚐得到麵條的微鹹。蒜蓉肚片也非常出色。豬肚不肥膩，清洗乾淨，有嚼勁，佐麵來吃也不錯。川式椒鹽蝦是我們的最愛。外皮炸得香脆，可以連皮一起吃。蝦身中間剪開，蝦屎清潔得乾淨，所以整隻吃掉都放心。椒鹽味沒有蓋過新鮮蝦的新鮮，非常入味，連蝦頭裏面的蝦膏也有椒鹽的味道。酸辣土豆絲是不太能吃辣的朋友的選擇。土豆絲爽脆，因為幼細所以也非常入味。這道菜不是涼拌的，但是上菜也不會太熱。酸味來自陳醋，不會死酸，辣味來自蒜蓉和辣椒的味道，也有麻油香。雖然這味菜有些少鑊氣，可是略嫌油分太多。雖然如此，餐廳用的油大概是比較優質的，即使有些菜式比較油膩，吃完

黎到銅鑼灣呢間四川餐廳，先唔講味道！就咁講去個套餐已經好吸引，啱晒得一兩個人或者情侶檔去食，往往得一兩個人嘅時候你去食中菜，都會叫一兩個菜價錢已經太貴所以就放棄唔去食，但呢間餐廳真係好貼心，斷人頭計價錢，已經set好咗你有幾多個小菜同埋主菜可以揀，絕對唔使擔心太貴。（提醒大家：夜晚去搭lift嘅時候要早啲到因為大排長龍）招牌四川涼麵，口感都幾彈牙，都幾清爽，冇乜油膩感，但味道唔係好強烈，可能驚食辣嘅會啱啱好，但我依啲鍾意重口味嘅人就會覺得唔夠辣而且有啲太甜。水煮魚，分量都唔差，魚肉都非常之滑，而且偏向結實完全唔會話好爛，雖然未到唔係話好辣但好彩可以特顯到魚嘅鮮味，不過同樣都係有個弊病，就係有啲甜，所以食到辣嘅朋友我都建議叫中辣或以上。

記得第一次食四姐係係灣仔住宅樓上舖，老闆娘特別親切，感覺好似去咗朋友屋企食飯咁，好開心！之後銅鑼灣開分店，位置再方便得多，雖然係商業大廈樓上，不像以前在家的感覺，但老闆一家上上下下都親自打點一切，那份親切常在。朋友從遠方來工作，話想食四川野，第一時間我就諗起四姐。今天是星期四，好彩即時打去仲有位，如果係星期五、六就可能未必咁好彩啦！Menu係簡而精的，每位$340（沒有加一）， 二人可選2道前菜3道主菜，好抵好豐富！天氣熱熱地搞到冇乜胃口，想食啲涼爽或者辣嘅嘢提升返胃口。所以我就點左我最愛嘅招牌四川涼麵，那陣麻辣香加麵條爽口的感覺，確實可以刺激味蕾。再來一個重慶口水雞，雞肉新鮮美味配上獨家麻辣醬汁，真的忍唔住一啖接著一啖。主菜必叫招牌重慶水煮魚配上豆芽和薯粉，烹調出來的肉質一點也不會變韌，口感超滑嫩、油而不膩、超香辣麻味，一個字正！辣子蝦係我第二至愛，炸得金黃酥脆，肉質又很嫩，成隻可以食晒，蛋白質超豐富。朋友想叫一碟唔辣嘅菜式，最後點了三鮮鍋巴。老闆仲好貼心咁樣話將啲鍋巴分開上，咁就唔會浸到淋晒唔好味。再加上列牌附送的油菜，好滿足的一晚！好難得的有heart 嘅餐廳，繼續keep住呢份

雖然最近天氣都好熱 但係都無阻我食辣嘅雅興一黎到就梗係食翻個涼菜消下暑啦，木耳嘅酸味較辣味重一啲，酸酸辣辣咁好開胃呢個四川涼麵係招牌菜黎嫁，啲麵條好煙韌，撈均左之後每條麵都沾滿左麻辣嘅味道，食完之後個口有小小麻痺嘅感覺，好刺激一上枱見倒個面頭紅紅地，仲有好多辣油，但食落一啲都唔油，啲牛肉好滑而且仲好多，食極都有。麻嘅味道較為重，所以其實都唔係好辣雞軟骨炸到脆卜卜，食落都有幾重麻嘅感覺食左咁多辣野梗係要叫翻個萵筍筍絲清一清啦哈哈 其實係因為我唔知道會送青菜先叫左

今日約了好友見面,難得同朋友出街,而老公又唔鐘意食辣野,所以約朋友一定要食下辣野先開心!就安排了試一試川菜!去到同店員講訂了枱,店員帶我們坐近門口的二人枱,店面不算太大, 大約4張2人枱,4張中枱同兩張大枱,可能太早,只得一枱二人客, 到我地8點半走時.店已經坐滿晒人,見大部分人都預先訂枱,可能都知私房菜唔訂WALKIN難過登天XD之後店員介紹2人前可選擇2個涼菜加3個熱菜,我們答先想想再選擇,看了餐牌相片同埋菜單,最後決定要了一個招牌四川涼麵, 蒜泥白肉, 酸菜魚, 重慶辣子雞&清炒萵荀絲!有菜有肉有麵! 應該都好足夠!1.招牌四川涼麵: 麵條好爽口,幼幼的好易入口,個拌麵汁酸辣度剛好,食到我停唔到口,問了老闆,麵條由四川直送,在香港應該好難搵到!2.蒜泥白肉: 同平時食開好唔同,不是一堆蒜泥響面,蒜味已經入晒個汁醬到,唔太搶唔太辣,塊肉好入味,如果叫飯撈汁食應該幾夾!3.酸菜魚: 見到滿滿一盤,肉又滑又厚,煮到剛剛好不鞋口是重點!4.重慶辣子雞: 好香脆,但切得太細,好快就清左盤,如果可以再麻一點就更加好!5.清炒萵荀絲: 吃完一堆重口味食物,吃萵荀清清口好舒服,通常在外吃飯都會叫

有朋自遠方來，點名要食川菜。中國一帶川菜臨立，相反，香港很難找好吃川菜。我從朋友口中得知這間不錯。一於訂枱食飯。原來不計主店，已經有二間分店,我估應該不錯。雖然是私房菜但十分光猛。佢以每位來計算收費，如果人多些可叫涼菜及熱菜數目更多。招牌菜是水煮魚，我見到流晒口水。仲有些專為十二人設計菜單，但一定之前訂枱。第一道涼菜order:招牌四川涼麵，涼麵軟硬適中，辣汁、蔥花及雪菜是涼麵靈魂。麻中帶微酸十分開胃。到夫妻肺片，當中有牛肚、牛脷等材料，配上芫荽、花生及麻辣汁。非常爽口，朋友食得開心。到熱菜，第一碟有招牌重慶水煮魚，魚肉用新鮮嫩滑魚肉，在辣汁煮泡後仍然保持嫩滑鮮味。重慶辣子雞，雞肉炸得乾身，非常香口帶麻辣味道，飲啤酒一流。酸辣土豆絲，佢主力酸為主，辣味不重，不食得辣不防叫這個剛剛好。這些餸送飯一流，我食左二碗白飯，好開胃。整體非常好。

夏天真係好適合食四川菜😆朋友介紹銅鑼灣有間出名嘅樓上鋪雖然我唔係好食得辣🤣不過佢話個辣度都啱我，一定食到！👍🏻同埋都有其他唔辣嘅餸菜可以揀所以我和朋友預早book枱幫襯因為晚晚都會好full😅好似私房菜收費每位計錢＄340，不收加一和茶錢如果兩個人食嘅話可以叫兩款涼菜和四款熱菜款式都好多份量亦都好多真係適合鍾意食嘢嘅人👏🏻👏🏻👏🏻另外亦會贈送一碟菜，真係食到好飽🤣菜館仲有一個Menu俾顧客瞭解多啲菜式相片同埋唔辣嘅菜式都非常細心口水雞（涼菜）麻辣味適中，雞好滑！蒜泥青瓜（涼菜）我覺得食四川菜一定要叫青瓜Fresh 吓個口，然後再食辣野，真係好正！川式椒鹽蝦👍🏻👍🏻👍🏻勁讚！蝦非常爽口，好少油，非常惹味，唔會好鹹！水煮肉片麻辣味適中，肉片好林好滑，仲有好多芽菜我覺得係四人份量🤣🤣🤣酸辣魚片👍🏻👍🏻👍🏻我最鍾意這菜式酸辣味適中，特別魚片好滑！份量亦都好多！蒜蓉炒菜，抄得都好乾身！總結：四川菜味道非常好，環境舒適，招呼亦很周到！用心嘅餐館👍🏻

Comfortable environment , spacious,good service attitude. But the fish too salty, not very remarkable but worthy trying.

一入口門就俾呢幅巨型書法吸引住，好有氣派！好快就有店員過黎安排我地入座。我地啱啱好坐左最後一張枱，之後上黎嘅都要等位嚕，真係好好彩！環觀四周，竟然係外國人幫襯多！睇黎四姐都幾出名下。2人可選兩款涼菜，三款熱菜。我地揀左口水雞、蒜泥白肉、椒鹽蝦、回鍋肉同埋酸菜魚。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，作為開胃小食非常唔錯！第二道菜係蒜泥白肉，豬腩切得夠薄，煮到僅熟，配蒜泥葱花一齊食，十分惹味！推介！第三道係川式椒鹽蝦，中蝦炸到脆卜卜，可以連埋殻一齊食，送酒一流！第四道係酸菜魚，估唔到兩個人佢都上咁大盆俾我地！魚肉大大塊兼無骨，仲要超級滑嫩，完全唔腥。湯有濃郁嘅鮮味，同埋酸菜超級夾，飲左好多碗都唔會厭，正！底下仲有好多粉絲，索晒湯底嘅精華，真係一流！第五道係川式回鍋肉，辣辣地幾惹味。唯一美中不足嘅係部份腩片炒過火，有啲硬。奉送的蒜蓉炒油麥菜，菜葉嫩綠新鮮，營養均衡。四姐川菜整體的水準認真唔錯！全晚座無虛席，下次黎會記得先訂位！

估唔到食辣野真係會上癮㗎！前排為咗皮膚靚，所以冇食，但係隔咗一排真係忍唔到啦。所以，今日去咗銅鑼灣食一間麻辣私房菜，叫做四姐川菜。呢到人頭計，兩人可以叫兩道涼菜，三道主菜，送白飯同炒菜一碟。野飲就要另外加錢叫。涼拌黑木耳酸味比辣味較多，辣味只from一粒粒紅辣辣成個前菜涼浸浸，又爽，好開胃架！招牌四川冷面話名招牌菜，點都試下啦食既時候一定要撈勻旬呀因為最刺激既辣同麻味喺曬個醬度架，超香你會見到無數既辣椒籽同花椒粒！咕嚕肉外國朋友怕香港辣唔同美國辣，所以話要叫定個唔辣既。咕嚕肉外漿厚薄剛好，而且豬肉炸完都仲保持到濕同juicy。回鍋肉因為呢個餸我就叫左碗飯！好惹味，豬腩肉一d都無油膩感，反而爽脆！個個椰菜花好爽，花之間吸曬d汁！蒜芯好清甜：）水煮牛肉嘩見到成碗紅色既辣椒油，已經好興奮！牛肉既份量好慷慨，而且超級滑！個湯佈滿曬香料碎實在好香口！最正係個汁啦當然！特係d 芽菜同寬粉索曬d湯，超刺激！餐包既一碟炒清菜係油麥菜，用黎清清清腸胃唔錯呀！整體來講，餐嘅份量好足，夠晒兩個人食，我哋要打包添！而且佢既食物選擇好多，有水煮類、辣子類、泡椒類、不辣類等。好抵食，樣樣都試可以！

都有十多年了，十多年前四姐還在灣仔，當公司有外藉同事到港，我就會帶他們去試一下川菜，十年前還記得川菜在港的 選擇不多。今晚再來四姐，跟舊同學聚舊，一早訂好檯。酸辣土豆絲薯仔煮得剛剛好，有d會很林，有d又會帶點爽口，夾雜起來很有口感。另外薯仔除了酸帶辣外，還有淡淡牛油味，口感豐富。水煮魚係得獎名菜，就當然要試試，紅紅的麻辣湯底不是太辣，魚塊都很入味，送飯一流，可惜已經點了涼麵😅。裡面還有水晶粉，煙煙韌韌，份量不多，兩少碗，吸收了湯底辣味精華👍🏻重慶辣子雞，炸到脆卜卜，大量量大辣椒，炸過的雞粒麵係麻麻的。我覺得四姐最正嘅係涼麵，咁多年來，麵係咁麻咁辣，麵有蛋香。虎皮尖椒尖椒泡過油，很爽口，夾雜了椒籽，不小心吃了很辣。最後有一個清菜，好好refresh 一下舌頭👅

聽同事嚷嚷著說好久沒吃川菜了，心中就閃過了四姐川菜的念頭。碰巧同事亦是提議這家餐館，大家如此有默契，當然非走上一遭，吃吃久違的美味川菜。店裡格局有點像是中式酒家，古色古香，餐廳面積不大座位亦不算多。四姐這裏是按人頭收費的每位$340。二人餐可點兩種涼菜和三樣熱菜。餐牌簡易明瞭，菜式選擇也不少。而吃川菜當然就是要吃香喝辣，所以我們專挑辣的菜式，不同料理手法的。辣度上店員說先試試中辣，不夠再加倒不失為好方法。今日我們是兩人用餐就點2款涼菜和3樣熱菜。涼菜有招牌四川涼麵及口水雞，招牌四川涼麵，麵條十分Q彈咬性十足，沒有複雜的調味，只是簡單的伴佐辣油青蔥，帶點微微辣麻香，好吃讓人一口都停不了。口水雞,這個麻辣香已經是必要感受了，光看著就口水直流。雞的肉質很鮮嫩好咀嚼，吃起來很過癮!三款熱菜：酸菜魚、毛血旺和川式椒鹽蝦。酸菜魚，一舀起整完看便知材料之豐富，光聞其味就讓人忍不住品嚐先。厚厚白皙的魚片，肉質嫩滑可口，香濃的酸菜，酸而微辣，挺開胃的一道好料理。毛血旺 配料很多由鴨血、午餐肉、薯片、百葉等組合而成，整個料豐味美。熬煮的關係吃起來軟嫩。滋味除了辣以外，舌尖帶點麻麻的感覺，真的是麻辣鮮香，配

又係時候同好友慶生，朋友話想食呢間四川菜好耐勒，所以book定位來食，餐廳係商業大廈樓上舖地方不大無咩裝修，似舊式中菜館有d家庭feel, 比預期早到少少6:30左右已有5、6枱客食緊。餐廳有套餐供應，以人數選擇涼菜及熱菜份量，2人可算兩款涼菜及三款熱菜，白飯無限量供應，份量亦頗大份，2人食要食晒有點難度涼菜-蒜泥青瓜，醬汁酸酸甜甜好開胃涼菜-重慶口水雞，好香麻辣味但唔算太辣熱菜-酸菜魚，好大盤份量好多，意為唔係好辣啦，點知原來最辣係呢個餸，但好好味熱菜-糖醋里脊，酸酸甜甜啖啖肉熱菜-干煸四季豆，有微辣蒜蓉抄油麥菜- 套餐附送的菜，份量都好多，記得影時已被朋友食左2/3🤣，朋友話好爽脆，份量實在好多，最後都食剩左少少😣