嘉寶漢堡 (已搬遷) 新店位置

我覺得中下價錢（$50以內）漢堡中的極品，葵涌的「嘉寶小食」，原來在金巴利道開了間叫「嘉寶漢堡」的分店，這對我而言絕對是好事也！老店位置吊腳，遠離地鐵站（某程度上人少D可等快些），新店相對方便多了，店面裝潢亦型格得多。看新店的menu，感覺少了一些街頭小食，反而更為專注做漢堡、而且漢堡的款式多了一倍似的。雖然選擇多了，我還是選最愛的、最基本的芝士牛肉漢堡（淨包$36）。依然好味！老店的牛肉餅有部份工序用慢煮製作，我不知新店是否一樣。儘管這裏的牛肉不爆汁，也不是什麼安格斯牛，但濕潤感同肉味仍相當不俗。相對舊店，新店採用的包比較脆身，挺合我口味，連同牛肉餅同芝士及我認為不可忽視的配角—-經烤炒過的洋蔥，生菜及蕃茄亦新鮮，整體平衡得好好，出品比不少貴價漢堡店為佳。配埋即叫即製的厚切薯條及汽水，都是$51，抵呢，更重要的是好食過「牡丹樓」一百萬倍！

這間嘉寶位置係漆咸圍街尾很方便。門口放哂餐廳已登在雜誌的報導。看到餐牌好多選擇，不止有過10款漢堡包，而且有小食，餐，汽水。選擇咗蜜糖芥未牛堡， 薯條，Coke ，孜然雞亦。60元可樂竟然有最新冇糖coca cola味道覺得同平時差不多，但看它功效卻勁好先看包裝，食物用紙品盛載的， 然後用手挽袋，比較方便。粗薯條加茄汁絕配，熱啦啦，勁好食雞亦，孜然味， 醃得岩岩好蜜糖芥未牛堡，個包好多汁，配波羅十分夾。有95分。

老實講，各式各樣嘅漢堡包都有食過，要稱得上好食嘅喺我心目中就無咩邊間～呢排呢間嘉堡漢堡好似好hit咁，最鐘意湊熱鬧嘅我又去幫襯下先！佢地嘅漢堡包好似細個玩電腦遊戲嗰啲咁，做到好似假咁靚啊～（尤其係塊生菜，又綠又大塊真係好少見）每層都好厚好大舊，每啖都要擘大個口先食到！層次豐富，洋蔥嘅香味令食個包加分不少！雞扒非常juicy，再加埋佢地嘅祕制醬汁，一路食一路滴，好味到唔識形容！另外加左薯格，多到裝滿哂個紙袋，點埋茄汁食好滿足啊！個人認為，要判斷間店好唔好食，一定要點佢地最普通嘅食物。呢款芝士牛堡非常出色！洋蔥同煙肉都煎到非常香，生菜夠甜夠新鮮，溶左嘅芝士再配埋好有牛味嘅牛肉⋯⋯好似廢話，但真係好好食呢！值得讚嘅係佢地嘅牛唔會煎到乾哂，肉汁無停過咁流出嚟，雖然食到好狼狽，但係因為咁好味至食得咁開心！呢間漢堡已列入我最喜愛餐廳之一，值得一試啊！！！

前幾日睇過飲食男女介紹，加上又近上堂附近，所以決定同個fd一齊去試試佢。舖頭不大，但環境及衛生都ok,還好7點左右只有兩三個人唔使排隊，之後坐低點左芝士牛堡加煙肉，另外可以配套餐，配左薯格同薯條再追加炸芝士，整體份量一般，但值得一讚薯格同薯條同炸芝士都好食(即炸),到主角芝士牛堡加煙肉，牛肉偏淋，同洋蔥，煙肉，蕃茄，千島醬夾埋都唔錯，如果牛肉多d咬口會更好，總括黎講都係幾好既，性價比中等，10分滿分我比8分。

又嚟這小店餐廳， 似乎無論老，中，青，大人細路一定喜歡食薯條漢堡包。這店舖其實漢堡包晤貴，因為35-45元不等價錢，隨你喜好，當然加薯條，飲品貴15元。再食都係覺得正，今次叫左波羅牛包，味道好 juicy。薯條又多， 員工有禮貌，見到佢地係用心整漢堡包，薯條，雞亦的。 雖然排長龍，但看得見食得出的人情味。

< 🍔 / 嘉 寶 小 食 >日式芥末蝦堡 $40港式漢堡小店又有驚喜!! 好足料 多蝦多醬 又抵 係平民高質!個包加$15可以跟餐 有個小食有杯野飲可以試下個炸燒賣 都唔錯鋪頭係細左d 多人起上黎都幾逼不過都係個句 呢個價錢有咁嘅質素 冇投訴 平靚正! 😗小店門外幾靚 都幾有香港味道 同香港一般burger店唔同!另外仲要咗個蜜糖芥辣菠蘿豬漢堡 $36都係咁好味不過我本身以為豬係靚豬扒 黎到原來係豬柳不過係OK嘅 豬柳味都好香!Overall好評!#• 推介: /5

今晚order了bbq菠蘿雞堡，還配上炸蕃薯條！bbq醬再加上菠蘿，甜甜酸酸的，很開胃，而且少了吃burger那種油膩感，烤洋蔥的甜味也令burger加分不少，雞扒滑嫩多汁，外皮煎得脆脆的，用心制作👍🏻蕃薯條是必叫之選，炸得外脆內軟，帶有蕃薯那種甜味，十分美味🤤🤤🤤

今次要介紹係平民高質快餐的皇者，嘉寶漢堡！小店終於登陸尖沙咀啦！對於我呢d將軍澳人，本店喺葵青區係有點遠，所以嘉寶開喺尖沙咀咁大件事，又點可以唔朝一朝聖！漢堡做得出色唔係新聞，牛肉做得juicy, 可惜出名的孜然羊肉堡已經沽清。除左牛肉漢堡之外，試左牛脷，兩塊厚厚的牛脷吸左漢堡的蕃茄汁，烘過的麵飽香脆，其實三十幾蚊一個認真抵食。另外加$15有得加套餐，薯條仲配番shake shake粉 (孜然 /BBQ /椒鹽 /garlic chilli) 幾惹味！平民之選，非嘉寶莫屬！

孤漏寡聞都未去過嘉寶小食，後來見到訪問，開左分店喺尖沙咀，週末一訪。聽過唔少人讚，抱相當期望，自己並非好鐘意食漢堡嘅人，特別麻麻地美式漢堡。反而幾鐘意呢間，價錢合理，味道唔錯週末正午入座時一個客人都冇，仲諗住可以輕鬆食，但忽然間15分鐘內滿座，始終係小店，對環境唔能夠有太高要求，漢堡快食快走，唔會太講究。餐牌供應牛、豬、雞、羊、蝦堡，種類幾多，單點漢堡價錢唔貴，定價$32-62，可另加$15升級套餐，附小食、飲品。老干媽雞扒堡 $36當日special~本身我地鐘意食啲麻麻、香香、辣辣野，雞扒即製，唔係齋煎，出奇地肉質仲保持到滑身，又夠大塊加埋老干媽，夠哂惹味，仲令我諗起小包嘅四川麻辣雞包。漢堡裡仲有少少流心嘅雞蛋，生菜、沙律醬，入口唔乾，包身軟熟。三十零蚊性價比高，咁我唔會去買m記囉。烤菇芝士牛堡 $52雖然賣相不怎麼樣，但牛堡更豐富，裡面原隻大菇、生菜、芝士、牛肉。菇味濃而多汁，加埋打到啱啱好、而混合左洋蔥嘅牛肉，唔死實又唔會鬆拋拋，煎得夠香。鐘意層次、juicy野可試呢份，五十零蚊都係合理範圍。套餐 +$15 (解茶、薯格)有薯條、蕃薯條等選擇，原本想食炸燒賣，但當日未有供應。點

掂。 非常好食 ，新鮮炸起薯條，雞翼 ，這一間已經係第二間分店，每次經過都好想食，今日經過有機會試。 款式好多，加15蚊有個餐。今一次試日式芥辣蝦堡，好味道。雖然店內座位不多 ，但鋪頭都很型格。

呢間餐廳年幾之前喺葵涌食過，都覺得幾好食，喺網上知道佢係尖沙咀開咗分店，咁啱今日喺附近就過嚟試吓。同朋友一人叫左一個漢堡再加4樣小食，漢堡好似冇之前係葵涌食過咁好食，但都ok，小食就唔係好掂，蕃薯條偏淋但還可以，炸燒賣外皮炸得唔夠脆，雞翼偏咸，仲有個凱撒沙律都ok，不過唔記得影相。燒布利芝士牛肉漢堡嗰塊燒布利芝士好似煎蛋，咸咸地，唔會太膩，幾特別。P.s.唔知係咪叫得多嘢食嘅關係，有漏單既情況，個漢堡等左好耐都未有，要同佢講先即刻整返俾我。

香辣孜然羊堡 $40 (+$6 芝士) 真係算親民價錢 味道好好之餘 款式配搭多亦有心思 雖然唔係大街 但值得去食👏👏好少食羊肉漢堡🐑用上籽然調味 唔會太濃烈仲食到羊膻味 我幾like😚肉質算軟但肉汁唔算多 又不過一啲唔係乾👍所以店家配上用醬汁烤嘅洋蔥 增加甜味 亦提升濕潤度 額外加嘅芝士都合群啊😎.(轉套餐+$15 )炸燒賣係普通燒賣 炸完個外皮微脆 入面就更加煙韌 不過不失💁.係個生菜可以切細塊啲👀同埋醬汁要唧得集中啲🙊張紙太薄🙊會拎唔起個漢堡 又拎唔起個紙👉👈

今次要介紹係平民高質快餐的皇者，嘉寶漢堡，小店終於登陸尖沙咀！對於我呢d將軍澳人，本店喺葵青區係有點遠，所以嘉寶開喺尖沙咀咁大件事，又點可以唔朝一朝聖！喺佐敦站出行大約十分鐘，近韓國街的位置！漢堡做得出色唔係新聞，之前喺不同朋友口中都聽過佢的名！漢堡牛肉做得juicy, 可惜出名的孜然羊肉堡已經沽清。所以想食要趁早！大量的芝士好rich!除左牛肉漢堡之外，試左牛脷，兩塊厚厚的牛脷，唔會乾，好有肉地。因爲佢吸左漢堡的蕃茄汁，幾開胃！烘過的麵飽香脆，其實三十幾蚊一個認真抵食。另外加$15有得加套餐，薯條新鮮炸起，而且係粗薯，配番shake shake粉 (孜然 /BBQ /椒鹽 /garlic chilli) 幾惹味！

The food here was really and very cheap. The service was fast too. The restaurant is small so there wasn’t a lot of seating, but still an amazing meal. Would definitely come back again!

之前見介紹呢間嘉寶小食係尖沙咀開左分店，仲要係賣港式漢堡，點可以唔黎試下🤤 小店細細間，得十幾個位，雖然有點迫，但都無阻我食🍔嘅心。。。。。。。。。。。。。。。BBQ菠蘿雞扒堡🍍🐓🍔▸包烘得很好，外脆內軟🤤雞皮很脆，雞肉嫩滑，加埋塊菠蘿更加juicy🍍而個醬甜甜地酸酸地，又不會太咸太濃，岩岩好，所以好好食，比另一款更正👍🏻👍🏻👍🏻。。。。。。。。。。。。。。。香辣煙肉磨菇芝士牛堡▸包同樣烘得很好，外脆內軟🤤塊牛幾厚肉，但唔會好實，又多肉汁，牛味都算幾濃，不錯👍🏻 但個醬對我黎講頗辣，所以都係岩啲食很辣嘅人多啲😂。。。。。。。。。。。。。。。另外跟餐嗌了炸燒賣同炸蕃薯條，炸燒賣普通，反而炸蕃薯條很不錯🤤 整體性價比好高，真係平靚正，推薦👍🏻