喫茶ちょうぼ

營業中

休息中

世貿裝修完之後多咗好多似乎質感好好 新嘅餐廳進駐見到#喫茶ちょうぼ 開咗就入去試吓入到去日式無印風中間仲有棵樹 製造有層次嘅空間感又有綠色植物一坐低已經覺得好cozy餐廳首先送上兩個免費嘅前菜一個係豆角 小清新另一個係蟹籽雞蛋薯仔沙律 正跟住就叫咗個紅酒燉牛肉蛋包飯牛肉非常稔滑 juicy 又入味 飯應該有茄醬紅蘿蔔 讚之後送上嘅係月見雞皮餃子大。推！雞皮煎得香脆 入面嘅餡料亦都非常好食 點埋雞蛋黃同特製醬汁 此物只應天上有一定一定要嗌南蠻塔塔醬日式豬扒定食 本身以為應該好普通點知食落口異常驚喜豬扒炸得非常之好豬肉肥瘦適中肉汁被鎖實喺入面飯同生菜混合一起 消滯解膩甜品食左 極‧日式布甸船上面有一個日式布甸下面有一個lotus 餅芝士蛋糕兩樣都好味重點係 旁邊嘅提子同埋士多啤梨甜到食完嗰兩個甜品之後都仍然覺得佢係非常清甜飲品叫左一個凍嘅抹茶latte 另一個嗌咗士多啤梨沙冰嘢飲發揮穩定會再次encore💛

🍭Caca新店探索！之前係大埔經過一間好日系嘅餐廳，已好想入去，今次進駐銅鑼灣世貿中心喇😍📚店鋪由內到外都充滿日式洋食嘅感覺，門口位尤如日系書屋，同時有售日本雜誌、精品，有玩味，打卡度爆燈！店內仲設有卡座、海景座位，可以係日光下享受美食🥰👧🏻Caca今次食乜嘢？#日式紅酒燉牛肉蛋包飯 $145 - 日式蛋包飯一向吸引，一打開流心蛋漿已心心眼😍淋上香濃醬汁，包住嘅係日式炒飯，配上腍度剛好嘅紅酒燉牛肉，賞心悅目又好味！#日式炸雞翼 $75 - 甜甜嘅醬汁滿滿包住炸香嘅雞翼，又脆又滋味！#南蠻塔塔醬日式炸豬扒 (定食） $138 -超推呢個外脆內軟炸豬扒，同塔塔醬好夾，仲有沙律菜同白飯一齊，好滿足呀！#極日式布甸船 $108 -打卡已經夠靚，蛋香滿滿嘅布丁係我中意嘅口感，用匙羹食唔會易碎開。#冷泡煎茶 $45#青森蘋果梳打 $45

係網上見到銅鑼灣新開左間喫茶, 佢地開張頭2日仲有免費雪糕派, 有雪糕食咁開心就梗係約埋朋友去食雪糕順便食埋飯啦好鍾意呢間新店既環境, 清新既日系風格好大好靚, 樓底又高好有空間感, 係道食飯感覺好舒服!!餐廳日式既裝潢份外別緻, 同時有多款日式餐具同飾物供售賣添....餐牌既食物種類好豐富, 有呢道既名物蛋包飯, 意粉, 定食, 炸物, 揚物, 甜品同飲品等等....巨峰提子梳打 $42梳打用特別既杯盛住又靚又吸引~巨峰提子味道都幾濃郁, 梳打又夠汽, 好爽呢草莓沙冰 $48見到草莓沙冰少女心返晒黎.....沙冰酸酸甜甜, 清新又冰涼日式炸雞翼 $75即叫即炸熱辣辣卜卜脆雞翼炸得好香脆, 外脆內軟, 雞肉嫩滑~~日式紅酒燉牛肉蛋包飯 $145蛋包飯個蛋整得超靚丫!! 外表脹卜卜又平滑係中間界一刀之後半熟既蛋漿緩緩流出.....口感非常幼滑紅酒燉牛肉既份量都唔少喔, 每舊都好大件, 如果燉得淋D就仲正喇~~南蠻塔塔醬日式炸豬扒定食 $138炸豬扒肉身薄薄的炸得好鬆脆塔塔醬酸酸甜甜加上濃濃既蛋香味, 令人食指大動極 日式布甸船 $108布甸船上枱超吸睛 未食已經好興奮!!叫一個布甸船可以

💛🤎🧡日式西餐🍽️必食蛋包飯靚仔店員話幫我切蛋包飯，反叛嘅我決定自己切😤(可惜切得唔流暢🥹早知唔咁反叛…依間日式西餐廳喺大埔嘅時候已經好想好想食，收藏咗好耐㗎啦！今次見銅鑼灣有新分店，咁啱喺附近打完卡😝即刻嚟try try先！雖然係新店，但人流有增無減😳平日Lunch time 時間都要等一段時間！餐牌上嘅選擇好多，唯有每個item都嗌啲試下啦！💛日式紅酒燉牛肉蛋包飯💛 $145嚟依度又點可以錯過佢哋嘅蛋包飯呢？蛋蛋嘅部分呈奶黃色，誘人有彈性🤤切開有滑捋捋嘅蛋液，流心蛋又香又滑！旁邊嘅紅酒燉牛肉入味有肉感🥩米飯嘅部分有驚喜！估唔到仲有蔬菜粒喺入面🥕口感豐富！配上醬汁一齊食，好快清碟！🤎南蠻他他醬日式炸豬扒🤎 $138份量十足！日式炸豬扒酥脆好食，佢嘅肉質唔會好散，仲有好香嘅豚肉味！🐷搭配南蠻他他醬香甜帶微酸，做到解膩作用！🧡南蠻炸雞🧡 小 $88南蠻炸雞就係香脆炸雞配上酸酸甜甜嘅南蠻醋伴上南蠻他他醬，整體味道酸酸甜甜好開胃！🍗🤍極·日式布甸船🤍 $108原來布甸船係有2款甜品㗎！😍除咗有香甜軟滑嘅焦糖布甸🍮，仲有Lotus焦糖芝士脆餅！🤩依個Lotus焦糖芝士脆餅真係好好味，忌廉體嘅部份

今日嚟到銅鑼灣世貿中心新開張嘅喫茶ちょうぼ食lunch。 呢度嘅裝修好日系， 全店以淺木色為主調， 喺中庭位置同埋窗邊種有少許綠色植物。 座位之間亦都唔會好迫喼，畀人嘅感覺好放鬆好舒服， 啱曬情侶閨蜜嚟食下嘢傾下偈。Menu整得好精緻，我地兩個人點咗一碟日式紅酒燉牛面肉蛋包飯， 一份鰻魚玉子燒定食， 一碟日式炸雞翼 ，一件季節性水果忌廉三文治， 一杯一番柚子煎茶同埋焙茶麻薯沙冰。鰻魚玉子燒擺盤好靚，原條鰻魚蓋係超厚嘅玉子燒上面。玉子燒有成4cm厚， 要將個嘴擘到大一大先食到， 入口嫩滑棉密，微甜味充斥口腔，非常滿足。 鰻魚食落冇乜骨， 外皮膠質豐富，魚肉結實，配上鰻魚汁撈飯食真係好正。紅酒燉牛肉蛋包飯有三大塊牛面肉，煮到好淋，食落冇筋， 帶少許膠質， 不過就冇乜紅酒味。蛋包飯界開之後有驚喜，裏面嘅飯粒用醬汁煮過，再加入紅蘿蔔粒， 令口感層次更為豐富。 配要滑蛋一齊進食，正！佢哋嘅沙冰係冇冰粒架， 飲落似溶化咗嘅軟雪糕，唔會凍到牙都僵。麻薯黏糯軟身， 非常好食。 美中不足嘅就係去個杯沙冰真係幾細杯下，大概得三百毫升。日式炸雞翼一碟有六隻，係雞中翼連雞翼尖 。雞翼先炸過，再淋上甜甜地嘅醬汁

❥⧽喫茶ちょうぼ ❥⧽喺世質開咗分店, 今日就去食lunch。餐廳走和風洋食屋路線, 環境舒適, 空間感十足, 門口附近仲有好多日本小物可以買。𓊈日式炸豬扒飯 ✧ 南蠻塔塔醬 $𝟷𝟹𝟾𓊉炸豬扒好香脆, 外層炸粉唔會太厚, 裡面嘅豬扒好 juicy, 咬落好鬆軟。南蠻塔塔醬係好百搭嘅炸物沾醬, 味道酸甜清爽。飯上面舖滿椰菜絲, 加入胡椒調味, 同炸豬扒互相配合。𓊈日式紅酒燉牛面肉蛋包飯 $𝟷𝟺𝟻𓊉蛋包飯整得好靚, 切開個蛋真係流心㗎, 飯係汁煮嘅, 裡面有洋蔥粒, 翠玉瓜粒同紅蘿蔔粒, 配埋牛肉味好濃嘅紅酒汁一齊食, 味道層次好豐富。牛面肉份量都幾多, 燉得好軟腍。𓊈蟹肉忌廉可樂餅 $𝟼𝟸𓊉可能係我食過最好食嘅可樂餅! 外皮好酥脆, 裡面嘅蟹肉忌廉半溶仲要軟綿綿, 完全唔會好似食緊粉糰咁, 下面嘅番蕃蓉酸酸地, 可以中和炸物嘅油膩感, 好好食! 𓊈極 ✧ 日式布甸船 $𝟷𝟶𝟾𓊉布甸船上層係日式布甸, 下層係 Lotus 焦糖芝士脆餅, 側邊仲有士多啤梨同提子, 一次過可以試2 款甜品, 好滿足!𓊈草莓沙冰$𝟺𝟾𓊉杯沙冰好有和風感, 好靚! 味道有少少似液體版嘅士多啤梨甜品咁。𓊈抹茶牛乳

喺銅鑼灣返工的朋友帶我來到新開的呢間日式西餐廳，門口仲有花牌喺度新簇簇，而且一入門好有氣勢，樓底高好寬敞，再坐到窗口位，直情好享受，因對正避風塘海皮，亦可望到對岸九龍璀璨的燈飾。朋友鍾意鰻魚，其實有邊個唔鍾意呢，於是點咗份“鰻魚蛋包飯”，待應喺你面前切開蛋包飯，再淋埋D鰻魚汁，我哋已經好心急想食了，最後的評價呢個應該係近排食過最好味的鰻魚，够淋够味又去晒骨，食得好開心，當然D蛋亦好嫩滑。“南蠻炸雞”，炸雞香脆可口，D配菜係椰菜，睇得出係好高質，食落清甜爽口，完全食晒，以前我好少食未煮熟的椰菜㗎。“北海道五花肉角煮丼飯”，嗰舊五花肉好吸睛，大大舊帶有油花，帶住罪惡感食落非常之滿足。因減肥而少食甜品的朋友，見人地個“極 日式布甸船”咁靚，忍唔住都叫咗個，有靚草莓，靚提子的加持，滋味更上一層樓。“紫薯牛乳”就有靚靚圖案喺面，而“紅豆牛乳”內裡真係有紅豆，面頭仲有玫瑰花瓣點綴，好浪漫吖。

唔知大家平時去日本會唔會鍾意去Cafe坐下呢？我成日都好鍾意去日本嘅Cafe特別係有西洋風格嘅，佢哋啲裝修好靚之餘，通常嘢食嘅質素都好高，而且帶有日式風格嘅洋食真係好啱我嘅口味。最近銅鑼灣新開左間日式洋食風嘅Cafe，聽朋友講佢哋食過另外一間分店質素都好好，我就當然要去試吓啦！舖頭嘅裝修風格同日本真係好似超級靚，每一個位置都係一個打卡點，而且仲有幾個售賣點放咗好多日本產品售賣，個感覺真係好似去咗日本咁架。今次我就叫咗幾款嘢食試吓，包括有日式紅酒燉牛面肉蛋包飯，南蠻炸雞，南蠻他他醬配日式豬扒飯，同埋日式布甸船。飲品方面我同我朋友分別叫咗冷壓蘋果汁同埋草莓沙冰。佢哋嘅飲品都好高質，蘋果汁一入口，就知道一定係鮮榨果汁，而且冇落糖超健康，草莓沙冰入口好香甜，絕對唔係坊間飲到嘅藥水味，的的式式打卡一流。日式紅酒燉牛面肉蛋包飯上枱之後店員會喺我哋面前即場切開，奄列介乎喺半熟狀態，入口勁滑溜而且蛋香十足，配合返用醬汁炒過嘅炒飯勁好食！紅酒燉牛面肉亦都煮得好淋，入口係香醇嘅感覺，絕對值得一試。南蠻炸雞雖然有加入醬汁同埋他他醬，但係入口依然勁脆，而且每一塊都好大嚿CP值好高，我最欣賞佢嘅他他醬汁唔會太酸

好耐之前經已bookmarked既洋食屋（大埔區），終於開左分店喺銅鑼灣啦💕因為大埔真係好少去所以一直都未去到，知道前兩日喺cwb開左分店，當然去搵朋友陪我去朝聖啦🤣🤣呢度既環境佈置都好精細，有好多好日系既裝飾佈置，入到去真係覺得自己去左日本既洋食屋咁！！食物選擇都幾多樣化，我同朋友order咗一份小食、蛋包飯同定食打算share🤗🤗✨日式紅酒燉牛面肉蛋包飯✨呢度最吸引我既就係蛋包飯飽滿既奄列既場切開，充滿滑嫩既炒蛋，包裹住茄汁炒飯另一邊就係鬆嫩既牛面肉，好正啊！！！✨鰻魚玉子蓋飯✨估唔到除左蛋包飯之外，蓋飯都唔錯啵～原條鰻魚配上香甜玉子，同樣令人滿足讚好～✨南蠻炸雞✨香脆炸雞沾上微甜汁醬同他他醬絕對係宮崎既滋味呀🤣🤣呢餐既另一亮點就係甜品啦！！！✨極•日式布甸船✨布甸船有兩種布甸，一種係綿密焦香既雞蛋焦糖布甸，另一款就係以焦糖餅同cream cheese 相間既偽木糖布甸兩款各有特色，自己就私心偏好香滑既雞蛋布甸～食物之外，飲品都非常可以💕既有清爽既梳打，亦有冰滑既沙冰😚😚

走進日本洋式餐廳❤️實在太掛住之前嘅日本之行，一直到念念不忘想繼續食日本菜。去到世貿中心，發現新開嘅日本樣式餐廳就決定一試😋日式紅酒燉牛肉蛋包飯店員會好好會先問你影不影相，然之後再慢慢解開蛋同落紅酒燉汁❤️唔使怕羞，因為店員會好耐心咁等候你去影😂🤣之後，店員亦都會慢慢將蛋解開再淋上紅酒汁呢一下好治癒牛面肉煮得十分之淋，但係食落都有嚼口，紅酒汁香濃又甜，亦都豐富左牛臉肉嘅層次，而雞蛋係十分之滑，十分貼近日本之風味❤️ 最重要嘅係雞蛋都係用日本蛋，令到你無時無刻都置身日本之境😋南蠻塔塔醬日式炸豬扒(定食）炸豬扒外脆內嫩，再加上秘製醬汁， 令人食落不肥膩， 而且飯用日本米粒粒有咬口， 最鍾意炸豬扒嘅感覺咋分唔多而且咬落有嚼頭， 件件豬扒都係厚切嘅，再加上前菜有一個薯仔沙律👍南蠻炸雞南蠻炸雞用上同炸豬扒定食嘅塔塔醬， 口感亦都令到炸雞嘅層次提升， 炸雞炸得嚟咬落嫩口，而且份量亦都好多， 但勝在有塔塔醬令你忍不住口✨️左： 抹茶麻薯沙冰抹茶味很重👍令你置身於在宇治當中，另外麻薯夠煙韌。右： 紅豆牛乳紅豆牛乳上鋪上玫瑰花， 增添了藝術的香氣， 另外紅豆也不會太淋， 再配上牛乳， 香滑可口極日式布甸船來到餐

之前都有留意過呢間café，但大埔真係太遠啦，依家開咗第二間分店係銅鑼灣世貿中心，地點方便咗好多，裝潢以淺木色為主調，店內有幾張枱仲可以睇到海景觀，享受不一樣的喫茶風格。🌟南蠻炸雞好大份既炸物，大概有6件炸雞，炸雞沾滿咗醬汁，醬汁係甜甜地，但炸雞既外皮唔會腍晒，炸雞中間都仲juicy唔會好鞋，後面係啲棷菜絲，賣相幾靚，但棷菜絲係冇味的🌟日式紅酒燉牛面肉蛋包飯 $145黎到店員會俾你影張相，先再切開個蛋，之後再淋上醬汁。個蛋中間仲好嫩滑溜溜咁，份量都好多，一份2個人share會比較好。🌟北海道五花肉角煮丼飯 $112表面有一大塊既五花肉，肥瘦相間，非常軟腍，仲有一隻雞蛋同啲沙律菜。🌟伯爵茶戚風蛋糕 $51本身想試另外一款甜品，但好可惜已經賣晒啦，就叫咗呢款戚風蛋糕，蛋糕有淡淡既伯爵茶香，蛋糕體都幾鬆軟，表面仲淋啲cream，連埋一齊食味會更豐富🌟草莓冰沙 $48🌟紫薯牛乳 $38叫咗杯幾靚既草莓冰沙，表面有cream同粒士多啤梨，味道唔會好甜。紫薯牛乳有綿密香甜紫薯，加入了牛奶，香甜清新

見銅鑼灣世貿中心裝修咗好耐最近終於開返🏢，就約埋同事入去睇吓有冇啲乜嘅新餐廳。見到呢間日式咖啡店個面睇落非常之特別同吸引😋，就決定今日午餐去呢度食。呢間餐廳係大埔總店新開嘅分店，位於銅鑼灣世貿中心4樓，地點非常就腳。我面有一個好elegant 嘅打卡位👑，入邊嘅裝修極度非常日式，有一種溫暖嘅日本茶室嘅感覺☕️。今次我哋叫咗好幾樣嘢食，每一樣都唔錯👍🏻日式紅酒燉牛肉蛋包飯（$145）🐄淡香嘅紅酒汁配上瞓到軟林林嘅牛肉，加上香濃嘅日本蛋包🥚，味道真係襯到絕，好食到停唔到口😋北海道五花肉角煮丼飯（$112）🐷甜甜嘅日式燒汁配上肥美嘅燒五花肉，令本身好油膩嘅五花肉變得容易入口🤪，一啲都唔覺得油膩，係一種非常之日式嘅配搭🇯🇵日式炸雞翼（$75）🐓香脆雞翼配上濃濃嘅蜜糖同芝麻，外脆內軟。雞翼入面亦都會唔會炸好乾，真係好食到停唔到口😝極 日式布甸船（$108）🍮呢個甜品，其實除咗布甸之外，仲配搭上一個日式芝士蛋糕🍰。布甸嘅味道有啲似日本七仔平時食到嘅布甸，有厚厚嘅牛奶同蛋香味😗。而芝士蛋糕中間型夾咗一啲脆粒，減輕左芝士帶出嘅濟，好容易入口😎

早幾日去嘅嗰間靚靚日式咖啡屋就係位於銅鑼灣世貿廣場新開嘅餐廳😌 間餐廳新到，食個陣連OpenRice上面都未有地址，好彩當日出開呢頭做嘢先誤打誤撞食到🤓😆Menu:《主食》1️⃣ 日式紅酒燉牛面肉蛋包飯（$145）上枱之後，會有專人喺你面前切開隻奄列蛋，之後隨即就會倒上日式紅酒醬汁🍷 一反開就已經見到入面好誘人嘅半生熟炒蛋🍳 牛面肉都有三、四大塊，某部份牛肉更連住口感軟Q嘅軟骨，好值得一試☺️2️⃣ 北海道五花肉角煮丼飯（$112）睇唔睇到件五花肉有幾～大塊，幾～有光澤☺️ 建議要同時一口咬肥膏 & 瘦肉，咁先會最好食🤣 碗飯用咗日本米，粒粒形狀飽滿🍚 伴碟嘅食材都好豐富，有野菜絲、紅蘿蔔絲 & 雞蛋🥚《炸物》3️⃣ 南蠻炸雞（$88）首先炸雞外皮只有薄薄一層粉漿，所以炸起先會如此酥脆🍗 睇圖就知道脆皮內裏嘅雞肉有幾嫩滑☺️ 而伴碟嘅野菜沙律不單止令碟炸雞無咁熱氣，仲好好食timmm! 《飲品》4️⃣ 抹茶麻糬沙冰（$52）呢杯飲品一改我對沙冰「全都是冰」嘅壞印象😍 雖然抹茶稍微有點苦，但我喜歡呢種澀澀地嘅味道🍵 冰粒十分細滑，飲晒成杯都只有其中一、兩啖係食到冰粒😌 仲有一大～塊咬落超煙韌嘅麻糬 & cre

大埔嘅老友話食過「喫茶ちょうぼ」洋食屋，大讚啲蛋包飯好掂，超高水準，最近，從網友口中得知，「喫茶ちょうぼ」晌正在翻新嘅「世貿中心」插旗，小弟就唔使跑到老遠入大埔啦，收工由中環過嚟就可以食到其招牌嘅蛋包飯喇。晌門面所見，裝修已經好有心思。近門口位，佈置得有種復古風嘅書房咁，加埋啲舊款梳化椅、燈飾、座地燈，真喺有種跳番去昭和時代呀。題外話，晌門口嘅旋轉樓梯喺上唔到去架，行多兩級就見「顧客止步」，不過，企晌度絕對喺好可打卡位。再走入啲，先喺左右兩排餐枱椅，裝修古雅，同樣，配以復古嘅枱椅，加點植物作點綴，而啲侍應又着住有型嘅西式套裝，睇得多日劇嘅朋友，都知完全喺日本洋食屋嘅復刻。而走到最入，仲有一知偌大嘅用餐區，呢個區域有兩個亮點，第一就喺一排窗口位，對住避風塘嘅景色，喺可惜坐唔到；第二喺正中間有張巨型嘅共用餐枱，足足可以坐到12人，啱晒一大棚朋友嚟慶祝吓生日之類。加上樓底高，空間感十足。除咗裝修有啲亮點之外，店內仲有唔少日本陶瓷餐具、小擺設、精品……等等供零售。而店內所用嘅餐具，同樣咁靚！餐牌亦見心思，除咗有中英日文對照之外，每分類都有啲食物彩繪，畫得很傳神，很有和風洋食屋嘅風格。而食物選擇