喫茶ちょうぼ

營業中

休息中

今日夜晚經過超級城，見到新開張的日式喫茶店，依家做緊全單8折，好似幾吸引，有好多人企門口睇餐牌，夜晚八點左右，有幾個客人排緊隊，我排了差不多15分鐘左右，可以入座。睇餐牌見到蛋包飯好似幾吸引，所以叫咗兩個蛋包飯，呢度叫嘢食之後可以再加錢配埋飲品，大約等了15分鐘就有嘢食到，算係幾快，蛋包飯最特別係上枱時，侍應會即場切開蛋的部分，再上汁，裡面嘅蛋係滑蛋嚟，配飯真係好開胃同埋份量好足，食完好飽今日因為有八折嘅關係，叫咗兩個蛋包飯，再叫咗個厚切多士，埋單係二百幾蚊

噚日先開的餐廳，餐廳的佈置好好，吸引到好多人嚟排隊，冇得去日本，可以試吓日式cafe都可以好開心。賣相係好精緻，味道係好食的，但唔知係冷氣太勁定點，嘢食送到上枱已經唔夠熱。另外餐牌寫可以加$45有嘢飲同甜品，點餐時問咗侍應餐牌上任何嘢飲都可以叫，當叫咗嘢飲，以為可以等食完先叫甜品，到食完想叫甜品時，侍應話唔可以，如果侍應可以係點餐時問埋是否點$45餐或係餐牌上註明好一點，出餐亦都有啲混亂，叫咗朱古力蛋糕，等咗好耐先話賣哂。

位於大埔超級城B區< 𝓒𝓱𝓸𝓾𝓫𝓸 𝓚𝓲𝓼𝓼𝓪𝓽𝓮𝓷 >, 一間洋式日料理餐廳, 其希望客人無論日與夜, 能夠透過料理一解思旅之情。日式紅酒燉牛肉蛋包飯 $⁹⁸牛肉質感軟淋, 奄列包裹著炒飯, 再散上濃濃醬汁。南蠻炸雞(小) $⁸⁵質感脆卜卜, 放有特別醬汁, 味道不俗。小倉紅豆•牛油 $⁷⁵厚切多士放有紅豆及牛油, 相當邪惡☺️明太子香腸意粉 $⁷⁸加入過多明太子醬🙂配有香腸、菇菌及紫菜, 相當豐富。櫻花梳打 $⁴²淡淡櫻花味道😊抹茶牛乳 $⁴²味道相當温和😇日式布甸 $³⁵香濃滑溜。喫茶ちょうぼ 📍大埔安邦路8-10號大埔超級城B區2樓276號舖

星期日到大埔超級城新開張的喫茶店食午餐！打造京都裝潢的日式西餐廳，排隊入座，我哋等了大約25分鐘，侍應帶我哋到靠牆的二人座位，係小圓枱！餐廳新開張，全單有八折。我哋點了二人午市套餐，加$45有飲品跟餐廳指定蛋糕！我點了芫荽醬蝦扁意粉 跟榛子鮮奶咖啡。等了大約10分鐘食物已經到，賣相很美，一隻虎蝦加扁意粉，扁意粉偏硬的口感。榛子鮮奶咖啡有一粒粒的榛子在咖啡面。第二個午市套餐，點了壽喜燒牛肉蛋包飯 配白桃凍飲。指定蛋糕係特濃朱古力蛋糕，係好特濃嘅朱古力味。牛肉的味道似港式煮法，配菜的茄子南瓜冬菇和車厘茄都好好食，賣相都好靚！我哋再加了一個日式布丁，賣相一流，布丁上係新鮮的車厘子！加一服務費。大約有70個座位。

依間Cafe剛剛係昨日大埔開業，門口個大大棵楓樹非常吸睛，而且充滿秋意🍁啱晒打卡之餘，原來樹下仲有個細細哋嘅日本工藝展品區，例如餐具，小擺設等，一旁仲有唔同嘅日本雜誌，吸引左唔少人前來欣賞🪟 店內用上深色木系配搭暗黃嘅燈光，加上古老大鐘同掛燈，帶幾分歐式懷舊古典風。菜式以洋式日料理為主，甜品種類亦都唔少，完全喺比無得去日本嘅香港人一大慰藉！！*鰻魚玉子蓋飯($98)值得一讚嘅係鰻魚好大條又厚肉👍🏾食落有彈性，嫩滑肥美，再加埋濃厚嘅鰻魚燒汁同厚身帶蛋香嘅玉子，味道配搭一流而且食完極度滿足，成碗飯輕易食哂！性價比不錯*日式壽喜燒牛肉蛋包飯($85) 蛋皮非常光滑，店員切開個一剎那半熟蛋漿流出有種莫明嘅滿足感，之後會再係帶層淋上醬汁。入面嘅嘅飯粒粒粒分明，帶濕潤感，配埋一旁用過壽喜燒醬汁煮過牛肉同帶濃郁蛋香滑嫩嘅半熟蛋，食完勁滿足，亦都夠哂飽肚😆*炸北海道大蝦配豚豬扒($145)用上由4種豚種繁殖而來四元豚布成嘅炸豬扒🐷肉味更濃而且保留到肉汁，一啲都唔會乾身！大蝦爽口彈牙，兩款嘅炸粉都超脆仲薄身，配埋自家沙律醬酸酸甜甜咁，食落唔會太油膩*小倉紅豆牛油法式多士($75)厚切多士上面鋪上滿滿嘅小

新店"喫茶ちょうぼ Choubo Kissaten"店名以日英文命名，是近期人氣急急升的洋食屋!重要野講左先📢新開張期內全單八折，捉緊優惠機會🎉位於大埔超級城B區最近引發排隊潮的一間新餐廳，就咁睇門面已經被佢隨季節更換的主題樹裝飾深深吸引住，門口有日式精品和日文書可以購買，內廳就係充滿日式洋風嘅深啡古典木沙發，日系洋風餐廳打卡必備嘅地道裝修，完全鈎起左小編當年大阪神戶之旅嘅蛋包飯和牛回憶🤤打開Menu推介的選擇都唔少，最吸引的主力一定係蛋包飯，而由於開張期客似雲來，有d款式已經沽清，用思鄉豪食加排隊都要d時間的心來，有點兒可惜，但食落的款式都充滿驚喜，野食唔怪得咁搶手，完全值得原諒嘅。=日式紅酒燉牛肉蛋包飯= $98推介:⭐️⭐️⭐️⭐️⭐️必點!上檯吸睛，店員即時為你切開軟心蛋漿的包心滑蛋，呢個時間記得要拍片呃like😂再淋上燒汁畫龍點睛，整個碟用美學角度來欣賞完，就好快快將暖入心嘅蛋漿飯放落口啦😋紅酒燉牛肉口感有如炆林左嘅牛腩，就係爭左少少紅酒味道，如果紅酒多少少會色香味齊哂👏=壽喜燒風牛肉蛋包飯= $85推介:⭐️⭐️⭐️⭐️⭐️因為主食有些沽清，二話不說order 多一個蛋包飯，壽喜燒牛肉多到不得

🌞埔入大埔超級城既第一次就比左呢間充滿住日系風格既喫茶店!🌞趁住秋意漸濃,店內入口既裝飾亦掛滿紅葉🍁🍂相當有心意.🌞紅葉下充滿各款日式小物及擺設可以購買.🌞內裏既風格及擺設都似足日本既喫茶店,以胡桃木系餐桌及坐椅配搭,真係好似去左日本一樣.炸北海道大蝦配四元豚豬扒炸得香脆金黃既大炸蝦及豬扒配上粟米蛋沙律睇到流晒口水.炸物炸得乾身又唔會好油膩.咬開炸蝦後內裏爽彈既大蝦肉同炸漿仍然保持貼服唔會分離.四元豚作為日本最高質既豚肉,不論肉汁及質感都相當豐富.肉質細緻軟滑而且肉香豐腴又不羶.而一旁既蛋沙律蛋味濃郁得黎配上炸物唔會增添膩滯感既同時為炸物帶出不同風味.日式紅酒燉牛肉蛋包飯一旁既紅酒燉牛肉香軟又唔會失去嚼勁,牛肉肉味濃帶有一陣陣牛脂香.雞蛋奄列輕盈,送上枱既時個店員會係切開蛋奄列,中而蛋奄列隨即分開兩邊再流出內裏嫩滑既半熟蛋漿.蛋奄列蛋香味濃而且入口好香滑,配上經牛肉汁及紅蘿蔔及洋蔥燴香過既珍珠米味道層次更豐富.明太子香腸意粉意粉配料唔會單調,除左香腸外亦有菇菌及紫菜.用上掛汁力更強又更彈牙既扁意粉更有口感,食意粉既同時充份地品嚐到明太子獨有既鹹鮮香味,混和忌廉剛好中和明太子鹹膩感而令鹹