喫茶ちょうぼ

營業中

休息中

係大埔呢間日系茶室， 裝修得十精緻，有種舊日本餐廳感覺，好似去左日本咁。佢地做緊櫻花祭，幾款食品加左櫻花既元素。就試試佢幾款期間限定。*醬油魚籽櫻花蛋包飯 。 傳統既茄汁炒飯， 配上粉紅食既蛋皮同粉紅色既忌廉汁， 主要是顏色上走櫻花風。*櫻花梳打， 梳打加入左櫻花味既糖漿、 飲落似梅味， 酸酸地咁。*櫻花日式布甸船是日式蒸布布丁，焦糖+蛋+奶味。 另配埋一件櫻花形狀的和果子， 食落似有豆蓉同糕兩個層次。布到好重奶味，係傳統果隻蒸布丁。

我想很多人都是被門口的樱花樹，和日式古典洋風的氣氛吸引進來吧當然要叫這裏的名物蛋包飯老公要的壽喜燒風牛肉蛋包飯，牛肉片比較多筋但外面的炒蛋算滑，配上濃厚的壽喜燒汁，還吃得下的。我的燒鰻魚蛋包飯只有小量汁醬淋在上面，蛋包飯味道偏淡。而最奇怪是蛋的份量不少，但完全吃不出蛋味，簡直有點懷疑自己在吃什麼。而鰻魚也實在太薄肉，像一塊搽了燒汁的魚皮主食可以加$32要甜品或飲品。甜品要了日式焦糖布甸。上枱時上面的忌廉已經差不多溶化，賣相有點缺憾。味道倒算正常，至少有蛋味有焦糖味，但大部分怕甜的香港人會覺得過甜。飲品的latte 拉花似手有點失手，味道正常發揮。總括來說，最大的賣點還是門口的樱花樹，路過打卡可以，要特地排隊的話，同區也有更好的選擇。

好似去左旅行？ 其實lee 度係大埔黎嫁～ 就係喫茶ちょうぼ，佢地餐廳超靚，好似 昭和傳統嘅咖啡廳！ 除咗有嘢食仲有精品睇•當日就叫咗櫻花系列嘅食品，醬油魚籽櫻花蛋包飯，配上吉列蝦同埋奶油蟹餅，～ 一嚟到都會話一聲，因為個蛋包飯係粉紅色，就算啲醬汁都係粉紅色，影完相之後服務員幫我哋戒開個蛋包飯，再幫我哋加啲醬汁上去！ 吉列蝦夠晒大隻，最緊要係個外皮趣卜卜入邊隻蝦都好大隻同埋奶油蟹餅外脆內軟，入邊入口夠晒Creamy！ 冇諗過咁好食😆😆叫咗兩款嘢飲白桃梳打，櫻花梳打櫻花梳打個外表超級之靚 飲品入邊加咗鹽直接直接漬櫻花，所以浸耐左啲花就會打開💕💕再加左個櫻花日式布甸船，上面分別左兩個甜品，一個係 布甸一個係羊羹，靚靚外表啱晒打卡💕•

櫻花蛋包飯櫻花盛開嘅季節 應該身處日本🇯🇵賞櫻🌸兼購物🎁 可惜荷包冇錢 唯有去大埔城食時令和風晚餐 望梅止渴-🍛醬油魚籽櫻花蛋包飯 $138蛋包飯係招牌菜 而櫻花蛋包飯嘅顏色同醬汁 經過特別調製 呈現淡粉紅色 面頭有巨型魚籽增加口感 醬油混和忌廉汁 少少鹹多多滑 入口綿密creamy 食晒成碟飯 超級滿足🥰 -🍮櫻花日式布甸船 $108甜品組合有日式布甸同櫻花羊羹 小布甸蛋味香濃滑嘟嘟 櫻花羊羹嘅賣相同顏色都靚 深紅色部份係十勝紅豆味羊羹 味道冇想像中甜-🍹櫻花梳打 $42 梳打水加底部嘅櫻花味糖漿 味道偏淡-📍喫茶ちょうぼ大埔安邦路8-10號大埔超級城B區2樓276號舖

難得lunch time 有時間，可以約老公撐枱腳🥰老公話未試過呢間餐廳，今次到我帶佢食好西😝餐廳充滿住日式古堡嘅裝潢，好有特色👍🏻近期做緊櫻花祭😍冇得去日本旅行唯有食櫻花野食懷緬一下🥺❤️醬油魚籽櫻花蛋包飯勁靚嘅櫻花粉紅色已經好吸引😍食落冇平時食嘅櫻花食品咁重櫻花味，反而我又覺得好好食😋滑捋捋嘅蛋同甜甜地櫻花醬汁配酸酸地嘅炒飯底出奇地夾炸蝦同炸薯餅好鬆脆好入味👍🏻❤️櫻花日式布甸船外貌協會會長嘅我表示深深地比佢吸引住😍味道食落都品錯👍🏻我喜歡個布甸，味道好濃郁同香滑❤️櫻花梳打又係靚靚嘅櫻花杯，超適合打卡😍

雖然櫻花季冇去日本賞櫻，但留港消費都有食咗當去咗旅行嘅感覺。大埔超級城內的喫茶ちょうぼ，和風cafe加上呢期期間限定有櫻花祭menu，粉紅色系嘅蛋包飯、櫻花日式布甸船、櫻花梳打，整個感覺好可愛い呢！櫻花梳打（$42）美美的櫻花杯，飲品上面的櫻花花瓣，非常ig-able！醬油魚子櫻花蛋包飯（$138）將蛋包飯變成少女味十足的粉紅色，上面有顏色鮮豔的魚子，番茄味炒飯又好開胃呢！櫻花日式布甸船（$108）雞蛋布甸加櫻花羊羮，同樣充滿櫻花氣息！

星期五黎到喫茶ちょうぼ食晚餐。櫻花梳打($42)賣相幾靚，杯上面印滿櫻花圖案，甜甜地，幾解渴。醬油魚籽櫻花蛋包飯($138)連個蛋同醬汁都係粉紅色，充滿少女心，店員會先俾你影相，再幫忙切開隻蛋同淋上醬汁，個蛋幾嫩滑，醬汁幾重忌廉味，配埋魚籽食會比較鹹香同夠味，炸蝦同埋薯餅都炸得幾脆。.櫻花日式布甸船($108)布甸船包括左櫻花羊羹同埋布甸，羊羹清甜，口感比較似硬身少少嘅啫喱，布甸幾滑，都有d蛋香。

✅裝修好複古好靚 ✅好適合打卡 店員會比你影完蛋包飯先切✅甜品性價比唔錯 （跟餐加$32就有）✴️都多人排隊 ✴️坦白講都係打卡為主 不要對食物太高期望⭕️日式紅酒燉牛肉蛋包飯 ⭐️⭐️⭐️個蛋還可以 切開有流心都係基本啦 味道還好 蛋味唔算好香 入面嘅飯係炒飯而非白飯 值得欣賞 但唔點汁食都係冇咩味嘅燉牛肉都腍嘅 但咁多蛋同肉 而紅酒汁嘅味道唔夠惹味、唔夠有層次嘅時候就好幾易滯⭕️伯爵茶戚風蛋糕 ⭐️⭐️⭐️⭐️⭐️呢個蛋糕好有驚喜 首先個海綿蛋糕底好濕潤 伯爵茶味夠香濃而唔假 面頭嘅cream酸酸地而且好香芝士嘅奶味 蛋糕夠濕潤嘅時候就可以同cream融合得好好 入口好順滑 ⭕️日式布甸 ⭐️⭐️唔難食不過冇蛋香 冇焦糖香 口感亦都唔滑 同面頭嘅cream同是士多啤梨味道係唔夾的都幾甜下 不過布甸頗甜都係可接受

行過幾次都好想入去食先唔講食完先發現原來係富臨旗下藍店黎呆左齋講質素，一黎到其實好驚喜，不過係衰果種，首先擺盤，隻碟發生咩事？住家飯feel，說好的日式西餐？然後個分量，認真少到我一陣走去食左第二餐。講味道，我gf嗌左個明太子蛋包意粉，鹹到口乾。我嗌左個炸軟殼蟹意粉，d意粉好重茄膏味，似大快活快餐d汁味，然後d意粉硬過條命，軟殼蟹蟹腿ok嘅幾脆，重點黎了，個蟹身d腮內臟乜都冇去，都算，大佬臭嘅……所以90幾蚊我食個意粉？

之前大埔超級城有間餐廳經常都好多人排隊，每次行過想想試但係又唔想排，於是一直都未試。直至有一日夜晚，路過見到唔需要排隊就入去試下。 裝修風格係日式西餐廳，用餐區域燈光微黃偏暗。門口位置有一個類似選物店嘅角落，主要都係賣杯杯碟碟。 今次order左一個鰻魚蛋包飯同青森蘋果梳打，仲有個薯仔沙律做前菜。 薯仔沙律 青森蘋果梳打味道幾balance，唔會死甜 鰻魚蛋包飯上枱嗰陣係一個橢圓形奄列咁樣，要用刀喺中間劏開嗰隻，唔知係咪侍應太忙，一上枱就幫我劏開同埋淋汁，欣賞唔到佢本來嘅形態。

同朋友一早行完山，返入大埔食生日lunch 🥰🥰知道大埔開咗一間新餐廳，於是早啲去，剛剛開門，可以坐到正位😬😬我哋叫咗喫茶全日早餐，賣相有點怪，但味道還可以😁

又同老公去食lunch仔，今次去左一間和風咖啡店，被佢嘅櫻花🌸樹吸引住，餐廳裝潢以木系、日式復古風格，古典又好別緻。日式紅酒燉牛肉蛋包飯Lee款係餐廳嘅人氣主食，上台後侍應會幫忙切開蛋包飯，不過我想影相，所以自己切開，蛋包飯色澤金黄成橄欖形，輕輕介開就會有濕潤嘅蛋漿流出。紅酒燉牛肉好軟腍，炒飯仲加入蔬菜粒，配埋佢嘅醬汁都好唔錯。南蠻塔塔醬日式炸豬扒Lee個CP值都好高，即叫即整，豬扒熱辣辣，外皮好香脆，食落又好鬆軟，有大量椰菜絲，配埋塔塔醬開胃，不會覺得太乾。月見雞皮餃子Lee個邪惡嘅雞皮餃子，有2串每串有3件，雞皮香脆，餃子陷肉嫩多汁，沾上蛋汁醬油感覺香濃。綠茶戚風蛋糕綠茶香郁，忌廉打得夠幼滑。但本來想試極。日式布甸船，但可能因為中午，佢話冇🥹青森蘋果梳打泡沫咖啡

餐廳環境優雅，門口有棵大樹，旁邊有書架，放滿了雜誌。今次品嚐的美食有鰻魚玉子蓋飯、牛肝菌汁忌廉意粉、白桃梳打及櫻花梳打。最愛鰻魚玉子蓋飯，大大條的鰻魚，包住厚厚的玉子燒，望著已經垂涎欲滴，吃著完全胃口大開，感受到鰻魚肥厚潤滑，玉子柔滑細嫩，再配上鰻魚汁，連白飯一起吃，其味無窮。另一款美食牛肝菌汁忌廉意粉，意粉軟硬適中，牛肝菌忌廉汁超多，味道濃厚。如果不喜歡吃忌廉味濃的朋友仔們，這款意粉不太適合你了。

捕螢白果，應該是未到時候🤪由於已經壯烈犧牲喂飽了蚊子，現在換我餓了要找吃的了…本來想去出名人龍的茶舍，但記錯了大埔超級城，那就去這裏的主場喫茶.以前吃過2次，第一次坐近門口氣氛不錯，第二次坐二人位就感覺有點迫，這次看到沒人就衝了入去，那時已是晚上8:40，9:00 last order, 9:30 送客😂不理了照入，所以有4人卡位坐.瞬間點了菜，好像不用10分鐘就上枱了.抱歉門口很美我忘了拍🥺包著軟殼蟹的麵包糠炸得剛剛好，感覺再炸多一秒就會燶了但現在非常脆口又不油膩，非常好吃，必點.3次都叫這個，抹茶和咖啡味都很濃，協調得來又突顯到各自的味道，喜愛咖啡和抹茶可以點這個.玉子非常厚，鰻魚也很大條，好吃，不過玉子有點不夠實，如果和蟹意比較，蟹扁意粉稍勝.我們於9:20就吃完了，用餐時間不夠半小時，令我想起了最近的中國廉價來港旅行團😂但這間食物和環境質素極高，來這裏快吃也不錯😆😆

估唔到大埔超級城居然有間日式洋食店🤤餐廳既裝修係復古風,環境幾靚,幾有特色,最岀名就係蛋白飯,睇見都想食😂《咖哩牛肋肉蛋包飯 $115》一上枱店員就會切開隻蛋,啲蛋漿即刻流晒岀黎🤤個蛋整得幾滑身,而個咖哩牛肋肉就煮得好淋好入味,幾有驚喜👍🏻《南蠻炸雞 $88》呢份南蠻炸雞好抵食,CP值超高,炸雞炸到好Juicy,肉質彈牙,醬汁唔會太濃味,仲配埋啲椰菜俾你中和返小小膩,呢個真係大份得黎又好食,非常推薦!!《月見雞皮餃子 $62》邪惡既雞皮餃子🥟炸得幾香脆,有跟個蛋汁俾你點黎食,不過個豉油有啲咸,唔可以點太多😂《Lotus焦糖芝士脆餅 $51》呢份甜品都ok,個芝士係cream cheese既質感,食落唔算太漏,配埋Lotus餅食幾有口感🙈《青森蘋果梳打 $45》呢杯蘋果梳打幾清新,飲落好refreshing,始終食飯比較濃味小小,飲返杯梳打中和返,即刻舒服晒,爽!喫茶ちょうぼ大埔安邦路8-10號大埔超級城B區2樓276號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️