喜記避風塘炒辣蟹 (肇明大廈)

營業中

休息中

當日book左位但去到有點失望本來就是去吃大閘蟹大閘蟹，點知一場歡喜要預訂才有得吃。沒有吃到大閘蟹大閘蟹，失望失望所以點了幾款小菜快吃完便離開，不過日後還會再光顧此店。

之前去過【喜記避風塘炒辣蟹】覺得唔錯，所以行完街今次同朋友去左另外一個分店食左個晚飯。今次謝斐道分店無論外面同入面既裝修都新潮D，而且座位都比較舒服。大閘蟹：適逢秋天大閘蟹季節當然要食返幾隻，蟹膏蟹黃超級無敵多。最怕唔新鮮會腥同苦，但呢個完全唔會，非常鮮甜creamy而且仲好重海鮮味。揚州炒飯：炒飯粒粒分明、油亮飽滿。分量都好多，蝦仁彈牙。而且味道唔會太濃太鹹。仲有D叉燒粒同生菜增加唔同口感。食多幾碗都唔會厭。

秋天到，又係食蟹嘅好季節，知道喜記係以間食蟹嘅老字號，於是就帶埋屋企鍾意食蟹嘅人一齊去🦀️*大閘蟹大閘蟹大大隻，連個鉗都好大🤩掀開蟹膏，就望到裡面超多嘅蟹膏，超鮮甜嘅蟹味！肉質超豐滿，色澤吸引，咬落去口感仲好鮮嫩添～大閘蟹蟹味濃郁，有種獨特甜味🥰清蒸更加提出佢嘅鮮甜，配上醋同薑絲真係一流😻*揚州炒飯揚州炒飯嘅配料好豐富～有蝦仁、雞蛋、火腿😋火候控制得好好，炒得好有鑊氣🔥米飯粒粒分明，保持鬆散而不油膩🫶🏻

喜記避風塘炒辣蟹銅鑼灣謝斐道477-481號肇明大廈地舖及1樓A室一直都好鍾意食蟹，各式嘅煮法都試過，但最鍾意當然係炒蟹啦最惹味，今日突然之間又好想食蟹，所以即刻約咗朋友出嚟， 最後揀咗鼎鼎大名嘅喜記，呢度嘅避風塘炒蟹真係一試難忘蒜蓉白菜仔先黎左碟炒菜，今日想食白菜仔，好新鮮大大棵，選擇咗用蒜蓉炒，清清地啱曬我口味椒鹽炒蟹主角黎啦今次無揀避風塘炒蟹反而想試下椒鹽炒蟹，結果同樣出色，大廚整得夠晒鑊氣，離遠已經聞到好香，而且大蟹夠晒新鮮，蟹肉結實多肉，真係食到停唔到口鹽油水浸蜆第一次試呢道菜，通常食蜆都係炒既，比較有風味，但原來用鹽油水浸，配合埋薑絲同埋葱，更加突顯到蜆肉既鮮味，最鐘意就係加入埋粉絲，索晒湯底既精華

喺銅鑼灣唱完k，同朋友揾野食。又到大閘蟹季節，就帶佢地黎超出名嘅《喜記避風塘炒辣蟹》食啦。店舖好近銅鑼灣地鐵站，行幾步就到。甫入餐廳，係好有傳統風格嘅裝潢紅噹噹有氣氛，加上夠寬敞，方便一路食一路大聲傾計大聲笑，熱熱鬧鬧有氣氛，哈哈！🦀大閘蟹蟹肉嫩滑惹味，蟹膏橙紅色勁有料，食到停唔到🤪聽講來貨好有保證，專揀爆膏陽澄湖大閘蟹🥰😚招牌醉鮑魚一聞酒香撲鼻，仲夠入味，係鮮味同酒香嘅融合😊。鮑魚厚身，口感清爽彈牙，肉質新鮮處理得好好，好高質🥰🦐豉油王中蝦送飯好菜式～調味恰到好處，豉油帶微甜，我最中意啜晒外殼啲汁先食，精華黎㗎🤣外脆香口，中蝦新鮮鮮甜，蝦身飽滿帶會瀉出黎嘅肉汁，份量仲好足，超水準菜式😇

上次食過灣仔既喜記，覺得好好味就決定二訪，去銅鑼灣既分店試一試～我地一共叫左四款食物： 1️⃣ 避風塘炒蟹 🦀：喺呢度嘅避風塘炒蟹真係好正！蟹肉鮮嫩多汁，加埋避風塘嘅香辣調味，好夠味，真係令人停唔住口。2️⃣ 椒鹽鮮魷 🍤：呢款椒鹽鮮魷真係經典海鮮菜式。鮮嫩嘅魷魚外脆內嫩，搵埋啲椒鹽煮熟，好香脆好過癮，係海鮮愛好者嘅首選。3️⃣ 喜記小炒皇 🐚：喜記小炒皇係一款豐富多彩嘅小炒菜式，有各式各樣嘅海鮮同蔬菜。佢地嘅海鮮鮮嫩多汁，味道好鮮美。4️⃣ 辣酒煮花螺 🦪：呢款辣酒煮花螺以新鮮嘅花螺為主角，加埋辣椒同特調嘅酒汁，味道醇厚辣香，好夠味！喜記嘅招牌菜同其他海鮮菜式，味道鮮美又有獨特嘅風味！如果鍾意食辣同海鮮嘅話，喜記係一個好好既選擇👍😍整體評分味道：🌟🌟🌟🌟🌟環境：🌟🌟🌟🌟🌟服務：🌟🌟🌟🌟🌟喜記避風塘炒辣蟹謝斐道477-481號肇明大廈地下及1樓A室電話：24886665營業時間：中午11:30-晚上12:00#喜記避風塘炒辣蟹 #避風塘 #炒辣蟹 #喜記 #海鮮 #扇貝 #瀨尿蝦 #蜆 #波士頓龍蝦 #黃金蝦 #避風塘炒河 #沙拉骨 #生炒骨 #海鮮任食 #小菜任食 #蟹 #避風塘美食 #銅鑼灣 #灣

銅鑼灣 喜記避風塘炒辣蟹 真係好出名,成日都想黎試下,一班人食下辣蟹就好開心,今日終於可以試到啦,仲叫左其他小菜食下避風塘炒蟹一上枱就真係超正,色香味俱全,而且好有鑊氣,而且隻蟹超大隻又有肉,喜記小炒皇最愛既小菜之一,有鑊氣之餘仲可以健康食,好有纖維既小菜椒鹽鮮魷嘩,依個真係好香脆,又足料,食材好新鮮,果然係喜記,出名係新鮮同埋地道既,超級欣賞辣酒煮花螺送酒或者汽水真係一流,食到唔停得口咁滯,超開心。下次仲好想試下其他小菜~

店名: 喜記避風塘炒辣蟹 地址: 銅鑼灣謝斐道477-481號肇明大廈地下及1樓A室銅鑼灣C出口，行2分鐘環境: 4.5價錢: 4.5味道: 4.5今次同朋友係銅鑼灣行過想食炒蟹，就去左食喜記，之前都有唔少朋友推薦過話好食，今次終於有機會試下👍🏻🤩叫左個避風塘炒蟹，炒得十分有鑊氣，蟹肉🦀超新鮮，肉質鮮甜，配上炸至香脆嘅炸蒜，食落超惹味，必點❗另外仲叫左個豉椒炒蜆，蜆肉粒粒飽滿，肉質嫩滑鮮甜，用上豉椒炒，更能突顯出蜆肉嘅鮮味之餘又惹味😆最後仲叫左椒鹽特大瀨尿蝦，真係同手掌一樣咁大隻😍勁誇張，一咬落去啖啖肉，肉質超彈牙，食得出好新鮮，椒鹽同樣增添惹味，好回味

我一直都好愛食蟹，聽說呢到既海鮮好出名~奈何一直都冇機會去食，今日趁住有朋友喺外國返嚟，就即刻預早定位。食完之後我朋友話超好食，而我都覺得值回票價！我地叫左好多野，包括辣酒煮花螺、豉椒炒蜆、椒鹽特大瀨尿蝦同避風塘炒蟹，所有野都好出色。首先辣酒煮花螺每一粒都好新鮮，就算用辣酒煮完都食得出本身鮮味，冇話得個辣字。避風塘炒辣蟹避風塘炒辣蟹呢道菜好多地方都有得食,但唔係間間都做到新鮮,呢到真心好掂,個蟹係非常鮮味,而且份量多。豉椒炒蜆好足料，平時出去食呢味菜好多都係得個殼冇肉，呢到竟然差唔多隻隻蜆都係有肉既，每一粒都炒得好入味，但蜆肉唔會炒到過乾縮水，食得出好有鑊氣！椒鹽特大瀨尿蝦係我朋友第一次食，有我個幼手臂咁大隻呀~我教咗佢點拆肉，佢話啖啖肉好過癮，我同佢講要夠新鮮先做到呢個效果！最後主角就係避風塘炒蟹！呢個真心超好味，肉質鮮甜，d蒜頭，蔥同辣椒炒得好好，超入味！總括黎講,性價比高啊,絕對係請朋友食飯既首選！

呢間出名食避風塘！聽講好多名人會去食！喜記避風塘炒辣蟹呢個招牌真係必點！賣相已經極吸引，上檯仲要勁香噴噴～蟹都好大隻，啖啖肉食落好鮮甜，加埋炸蒜香辣更惹味！而且餐廳環境好寬敞，樓上仲有包廂，隱私度幾高！拔絲咕嚕肉都好正！外皮酥脆，入面就好juicy～醬汁甜酸適中唔會好膩！推薦！豉椒炒青口啲青口好大隻飽滿，配料辣辣哋好惹味～豉椒炒蜆調味都好相似，蜆好飽滿食落冇沙～另外仲叫咗椒鹽鮮魷同椒鹽九肚魚，都好好食！

驚經OpenRice訂了二人餐$888，每道菜都很出色，尤其是豉椒炒蜆，每粒蜆都大大粒好惹味！！避風塘辣蟹啲膏都好好食，啖啖肉❤️必須推薦💕💕💕❣️❣️❣️

今天來個海鮮餐，有魚有蠔有蝦。黃金蝦外觀金黃漂亮，外層內軟，炸粉酥脆皮加上蝦肉鮮甜嫩滑。除了咸蛋黃，還搭配鹽、胡椒和其他調味料，使蝦肉更加美味。而且大蝦size大隻，肉身結實彈牙。黃金蝦作為開胃菜或主菜，都是一道受歡迎的海鮮。薑蔥生蠔煲以生蠔為主角，搭配薑和蔥的香氣，呈現出濃郁的海鮮風味。蠔肉鮮嫩多汁，與薑蔥的微辣和香氣相得益彰。煲內的汁水鮮甜，具有海水味。份量十足，值得推介。魚香茄子煲，有茄子，有豬肉，有咸魚香醬和其他調味料，呈現出濃郁的魚香味道。茄子煮得剛好，完整一條又不會太硬，而且軟綿入味，完美吸收魚香精華。這道菜的調味帶有微辣的風味，配飯吃一流。

🔅避風塘炒蟹🔆招牌醉鮑魚🔆 椒鹽雞翼🔅 瑤柱蛋白炒飯喜記避風塘炒蟹食左咁耐都保持一貫高質水準，蟹依然係大大隻咬落口每一啖都係肉，肉質鮮甜彈牙又唔洗剝殼。適合唔鐘意剝殼既朋友仔。醉鮑魚肉質鮮甜又鮑牙，酒味又唔會蓋過鮑魚既鮮味。因為有兩個小朋友另外加了 椒鹽雞翼同瑤柱蛋白炒飯。椒鹽雞翼炸到卜卜脆脆好好食，小朋友都好鐘意食。瑤柱蛋白炒飯炒飯粒粒分明，鑊氣十足，連小朋友都忍唔住食多兩碗。🔆拔絲咕嚕肉咕嚕肉同菠蘿都好多汁，酸酸甜甜好開胃。🔅蒜茸炒時菜火候剛剛好好，好有鑊氣，菜心亦十好爽口。喜記避風塘炒蟹📍地址：銅鑼灣謝斐道477-481號𦘦明大廈地下及1樓A室

臨近中秋節要找地方同屋企人做節屋企人又鍾意食海鮮所以揀番喜記❤️招牌避風塘炒辣蟹 1隻中蟹 一隻中蟹量都多辣辣地好惹味隻蟹都多肉多膏❤️薑蔥炒野生大肉蟹一隻 屋企人有人唔食得辣所以叫左個薑蔥炒好香，唔辣都好食唔食得辣想食蟹都係一個好選擇👍❤️辣酒煮花螺 辣酒煮好香好有酒味，少少辣花螺無沙啖啖肉❤️油鹽水浸蜆 蜆煮粉絲，鮮味不足粉絲連湯飲都十分鮮甜❤️脆皮BB乳鴿炸得好脆，肉質嫩口平時好少地方有得食❤️椒鹽特大瀨尿蝦本身麻麻地瀨尿蝦因為難處理又唔多肉但呢到既因為特大相對多肉而且6人同行單點大菜牌有9折優惠，大家人想食餐飯都多一個選擇😊💁‍♀️喜記避風塘炒辣蟹 (謝斐道) (灣仔)👣灣仔謝斐道379-389號特麗樓地下1-4號舖

今日朋友約我去喜記食飯餐廳環境闊落 空間感十足 分別有上下兩層上層仲有貴賓室添 裝修雅緻 乾淨簡潔職員有禮 服務態度好 食物水準高 有驚喜下次一定會再來幫襯避風塘炒蟹招牌菜避風塘炒蟹，我地叫左微辣 非常惹味香口，仲啖啖蟹肉，鮮甜爽口，食到舔舔脷，值得推介豉椒炒青口青口大大隻夠鮮味 味道帶點微辣 用豉椒醬炒起 好香口拉絲咕嚕肉拉絲咕嚕肉外脆肉嫩，甜甜酸酸好開胃，送飯一流整體來說，環境舒適，服務態度好，食物質素不錯，值得推介