喜記避風塘炒辣蟹 (謝斐道)

營業中

休息中

約咗勁耐，終於都約齊成班friend食飯😆，當然即刻揀一間又可以坐耐啲，食物質素有好嘅餐廳。Search之下，即刻比我搵到喺灣仔謝斐道有一間專食海鮮嘅餐廳。評價都幾好，所以就揀咗佢啦😆餐廳嘅環境都算唔錯，都係啲特色嘅裝修。而且有好多字畫掛左係牆。呢個都幾特別😆。待應嘅服務都幾好。都算快手快腳同有禮貌。呢樣都幾值得讚👍🏻跟手我哋即刻叫咗個六人豪華套餐。個套餐有成10個餸咁多。。睇到都開心🤣🤣首先食佢個招牌醉鮑魚。鮑魚酒味超重，酒味有效咁帶出左鮑魚嘅鮮味。而且浸得非常入味，口感超淋。呢個真係會食過返尋味😋😋跟住食嘅就係避風塘炒蟹。蟹肉超新鮮，仲到大隻👍🏻就咁睇佢個樣都已經好滿意。而且爽嫩多汁，避風塘風味有少少辣， 但完全覆蓋唔到蟹肉本身嘅鮮味。好滿意好滿意👍🏻再食就係豉椒炒蜆。好大碟嘅炒蜆，而且蜆肉超大粒。炒蜆嘅味道啱啱，豉椒完全帶出咗蜆嘅鮮味。口感飽滿，而且冇沙。食落口非常滋味😋😋再介紹嘅就係菠蘿咕嚕肉。呢個超級有驚喜。本來以為只係普通咕嚕肉。但佢個外皮炸得超薄，完全唔會覺得好似食緊粉咁👍🏻而且肉質鮮嫩，非常Juicy，連埋甜酸汁一齊食。真係超級開胃👍🏻呢間餐廳性價比都幾高，而且份量都好

今日同男朋友出去食飯，朋友介紹喺灣仔謝斐道有間超好味嘅海鮮餐廳。所以就決定同男朋友去試吓。去到嘅時候唔算多人，所以好快就可以入去👍🏻我覺得環境都算舒適，唔覺得好逼。而且裝修都唔錯，好有中國嘅特色👍🏻我哋好快就叫咗個二人豪華套餐 ，佢個套餐先喺$1068。真心覺得幾抵食👍🏻。第一樣就係招牌醉鮑魚，上菜嘅時候已經聞到好香嘅酒味。鮑魚淋身爽口，而且有好濃郁嘅鮮味同酒味😋。最重要嘅係佢嘅酒味冇蓋過鮑魚味。👍🏻真係勁好味😋之後就係椒鹽大瀨尿蝦。本身睇到Menu得一隻嘅時候，仲覺得好少。。但嚟到嘅時候發現。原來真係超級大隻👍🏻。兩個人食係啱啱好😋而且賴尿蝦味味濃郁。 唔會比超然覆蓋左本身嘅鮮味👍🏻。而且啖啖肉。口感非常好👍🏻呢個我覺得係必試嘅菜式之一。再嚟覺得好好味嘅就係喜記避風塘炒辣蟹。肉蟹超級多肉同蟹膏。味道超級鮮味，配埋避風塘辣辣地嘅味道。真係超正。我同男朋友勁快就清左隻蟹😆再食埋其他餸，我哋兩個真係捧住個肚腩走😆😆呢度嘅嘢食真係超級好味。真心值得推薦朋友嚟食👍🏻

好耐都冇同屋企人岀食過飯。難得呢排得閒返少少。即刻帶屋企人出去食好嘢😋。上網search下，見到喺灣仔謝斐道有間食海鮮好出名嘅餐廳。睇啲相都幾吸引。所以就即刻book左😋😋😋😋去到已經有好多人係到等入坐，唔使好耐，侍應即刻帶我哋去個位到。佢哋嘅工作效率好快而且好有禮貌。呢樣嘢好值得讚。一睇Menu，覺得樣樣野食都好吸引。但最後我哋叫咗個六人豪華套餐 $2388。😋😋😋😋勁快手，即刻上咗個蟹油拍青瓜。睇個樣好吸引，諗都唔諗即刻食咗舊🤤。蟹味超重😋而且青瓜味道爽脆清甜。兩樣夾埋一齊食味道啱啱好。超級好味😋之後就係招牌菜喜記避風塘炒蟹。呢個賣相超靚。隻蟹好大隻，睇到已經流口水🤤蟹肉勁厚身，而且有好多膏。口感完全係啖啖肉🤤🤤用避風塘嘅方式黎炒。真係超級惹味。呢個真係好容易令人聽停唔到口😋😋再試就係黃金蝦。睇得岀佢用料好足👍🏻啲蝦勁大隻，仲要成隻蝦比鹹蛋黃包裹住😋，食落口鮮甜彈牙，而且有超濃郁嘅鹹蛋味。勁讚👍🏻食咗幾樣濃味嘢之後，就食返個蒜蓉炒時菜清清個口。呢個味道都唔錯，而且佢係用原粒蒜蓉炒。所以蒜蓉味唔算好濃😋唔錯😋呢餐真係超滿足，好耐都冇試過食咁好味海鮮餐。連屋企人都讚口不絕👍🏻話可以下次

二人豪華套餐（$1098）避風塘炒蟹（一隻）：隻蟹好大隻，避風塘炒得非常之夠火喉🔥微辣惹味，一件接住一件咁食😆椒鹽大瀨尿蝦（一隻）：出奇地大隻！大火炸至鎖緊瀨尿蝦水份，唔會乾爭爭。更逼到入晒味，風味十足🤤招牌醉鮑魚（二隻）：酒味香濃，鮑魚亦十分彈牙👏🏻豉椒炒蜆／豉椒炒青口／上湯浸水蜆（三選一），豉椒炒蜆：大大隻蜆，清得夠乾淨好難得👍🏻佢唔會好似坊間有啲俾大量空殼你要不停翻😣蟹油炒麵／避風塘炒牛河（二選一），避風塘炒牛河：牛肉片唔韌夠軟身，河粉炒到入晒味～我哋越食越重口，食到唔夠喉🤣仲拎埋避風塘炒蟹啲炸蒜一齊加落去食😆

成日跟同事出去搵好嘢食嘅我，終於搵到一間好味道可以無限encore嘅餐廳🤤🤤等我介紹下，佢有咩咁吸引。👍🏻位置：喺灣仔謝斐道，幾易搵一啲都唔難去👍🏻評分（5⭐️為最高）：⭐️⭐️⭐️⭐️⭐️環境：裝修唔錯，都幾新淨。座位都算闊落舒適👍🏻。啱同朋友一齊食飯吹水👍🏻評分（5⭐️為最高）：⭐️⭐️⭐️⭐️服務：侍應做嘢嘅速度好快，而且好有禮貌。會主動幫客人加茶，呢個我覺得唔錯👍🏻評分（5⭐️為最高）：⭐️⭐️⭐️⭐️食物：我哋叫咗個8人精選三蟹套餐招牌避風塘炒辣蟹（2隻）。有着香濃嘅避風塘味道，但唔會蓋過蟹嘅味道。反而辣味帶出咗蟹嘅鮮味😋，鍾意食辣嘅人一定會鍾意。會令人食到唔停口🤣🤣好想食完再食😍評分（5⭐️為最高）：⭐️⭐️⭐️⭐⭐️招牌薑蔥肉蟹（1隻）。相比之下，呢個蟹就冇辣味，反而有好香嘅薑蔥味😋。薑蔥味滲晒入隻蟹入邊，令到佢個鮮味咁突出👍🏻。而且蟹肉厚身，食起上嚟真係啖啖肉。超正！評分（5⭐️為最高）：⭐️⭐️⭐️⭐⭐️菠蘿咕嚕肉。有驚喜嘅一個餸，咕嚕肉炸粉超薄。仲要炸到脆卜卜。連埋個咕嚕汁同菠蘿一齊食。 完全食到幾個層次。唔會太淋又唔會太硬。呢個係我食過咁多咕嚕肉以來，最好質素嘅一個👍🏻所以呢個好值得讚👍🏻評分（5⭐️為最高）：⭐️⭐️⭐️

今年爸爸生日話想食海鮮，我即刻醒起朋友曾經推介喺灣仔謝斐道有一間食海鮮超出名嘅喜記👍🏻，所以就即刻book位同爸爸去👍🏻嗰度嘅裝修比較有中國特色，同食海鮮嘅環境好襯😆而且佢嘅座位都幾舒適，同隔籬枱唔會好近👍🏻侍應嘅服務態度好好，而且上菜嘅速度都算快。呢樣嘢我哋都幾滿意👍🏻我哋叫咗個四人海鮮特惠套餐。呢個套餐都算幾抵食，有成八個餸，夠晒我哋一家四口食。我先講招牌醉鮑魚。有好香嘅酒味同鮑魚味。味道鮮甜爽口。完全食得出係用新鮮鮑魚浸嘅👍🏻。爸爸咬咗一啖之後已經不停講好食😆仲問可唔可以食多隻😆之後就試蟹油拍青瓜，呢個餸我都係第一次食。有好濃郁嘅蟹味，配埋清甜爽口嘅青瓜。食嘅時候有一種好清新嘅感覺👍🏻非常鮮味，食完濃味嘢之後，完全可以發揮到中和嘅作用。跟住就係到今晚嘅主菜避風塘炒辣蟹。佢嘅蟹非常新鮮，而且大隻。食落口嘅時候非常鮮味同啖啖肉👍🏻避風塘嘅口味有少少辣，但非常香口。完全唔會覆蓋左蟹肉嘅鮮味👍🏻呢個真係成晚嘅重頭戲👍🏻我哋都覺得好好味😋跟住另一個我覺得好特別嘅就係招牌蟹油炒麵。炒麵炒到好乾身，有好濃郁嘅蟹味👍🏻會令人忍唔住食完一啖有一啖🤤爸爸對一餐生日飯好滿意，仲話希望下年生日嘅時候可以

今日同男朋友出去食飯，上網search左一輪之後，最後都係揀咗喺謝斐道嘅喜記。超鍾意食海鮮嘅我見到呢間餐廳主要係食海鮮為主，所以決定試一次😋嚟到嘅時候，外面已經超級多人。而且喺餐廳外面見到貼咗好多名人相，我相信呢度一定係名人飯堂😆入去裏面，裝修都係比較懷舊，環境都算係闊落舒適👍🏻跟睇Menu嘅時候佢有好幾個餐揀，分別係二人豪華套餐同四人特惠套餐。因為呢兩個餐嘅價錢只係差$20，所以決定叫四人海鮮特惠套餐 😆😆。咁就可以完全滿足到我食海鮮嘅慾望👍🏻首先介紹招牌醉鮑魚，我同男朋友可以每人食到兩隻。真係超級大滿足。鮑魚超新鮮，而且肉質好腍，每一啖都充斥住好香嘅酒味。真係超級鮮味😋之後就係超級惹味嘅避風塘炒辣蟹。隻蟹勁大隻👍🏻。炒嘅火候啱啱好，唔會覺得過熟。所以令到佢個肉汁鎖咗喺肉入邊👍🏻，所以食落口非常鮮甜多汁😋😋😋再加上好香嘅避風塘口味。食落口勁惹味👍🏻跟住就係試個黃金蝦😋😋😋 賣相超吸引，見到有勁多鹹蛋黃包住隻蝦。😍😍😍食落口，有好香濃嘅鹹蛋黃味。蝦嘅口感非常彈牙，好味到停唔到口。食咗超級多海鮮，當然要開枝Asahi啤酒先夠爽🍻😆😆。啤酒同海鮮簡直就係絕配🤣之後當然是試埋招牌蟹油炒麵 😋

今日老細請食飯，我哋即刻諗起我哋成日食嘅喜記。嗰度環境同服務都好好，所以諗都唔使諗就即刻book咗位😆我哋嚟到之後，侍應即刻認得我哋。而且好快就安排好位置俾我哋👍🏻我哋一共有六個人，所以就直接叫咗個6人豪華套餐 😋😋。睇嚟今晚我都有口福啦。因為個餐有我最鍾意食嘅蟹😋😋😋分別係呢度最出名嘅避風塘炒蟹同薑蔥炒蟹。。先講避風塘炒蟹，賣相超好味。味道鮮甜而且有少少辣味，好惹味，避風塘嘅味道冇覆蓋左蟹嘅味道。反而帶出左蟹肉嘅鮮味。👍🏻呢個係每一次黎都必點嘅菜式👍🏻試完佢嘅避風塘炒蟹，跟住我就即刻試薑蔥炒蟹。呢個薑蔥炒蟹都係大大隻。用薑蔥嚟炒，反而更突出左蟹肉嘅鮮味👍🏻蟹肉炒到啱啱好，口感豐富多汁👍🏻非常滋味😋之後就係食黃金蝦。炒得超乾身👍🏻冇好油膩嘅感覺。鹹蛋嘅份量預得啱啱好。食完之後完全唔覺得好漏，而且鹹蛋亦都冇覆蓋到蝦嘅鮮味，煮得非常好👍🏻食完海鮮之後，就到美味雞煲。個雞煲真係好似佢個名咁，又係超級好食😋。雞肉嫩滑多汁，而且個底煎到有少少燶，非常香口，着配埋佢個醬汁一齊食，呢個雞煲真係好惹味👍🏻今餐我哋個個都食到好飽，好滿足。而大家不約而同都覺得佢個蟹係最好味😋。👍🏻👍🏻👍🏻

避風塘炒蟹🦀係呢度嘅招牌菜，必點‼️肉質結實，味道鮮甜無比😋避風塘炒蟹最成功之處，就係將辣椒🌶️同特製古法醬料嘅香氣都炒入蟹肉入面🙌🏻食完真係令我念念不忘！椒鹽大瀨尿蝦🦞有成隻手臂咁長，非常粗壯😱本身隻瀨尿蝦都好鮮甜，再沾滿惹味椒鹽同辣椒絲，雙倍滋味！🤤招牌醉鮑魚酒香突出，質地爽口得嚟又柔軟😋容易咬開，推薦‼️豉椒炒蜆醬汁濃凋，每隻都好上色。而且蜆肉量多，配埋冰涷啤酒🍻正到爆🙌🏻蟹油炒麵比較少見，好值得一試‼️每一啖都充滿蟹獨有嘅濃香，好滿足🤗蒜蓉炒時菜鮮甜爽口，加埋蒜蓉更香口～喜記嘅生猛海鮮🐟每日新鮮到貨，難怪品質上乘～雖然價錢係唔平，但對比返個質素絕對係值得！

避風塘炒蟹係大大隻蟹😍一上枱即刻香氣撲鼻！蟹肉汁水豐潤，金蒜脆口香酥，實在令人一試難忘！招牌醉鮑魚口感彈牙有嚼感，啖啖都有酒香滲出嚟😍椒鹽大瀨尿蝦好香口🤤，成家人爭住嚟食😆😆菠蘿咕嚕肉唔會淨係得啲骨，肉質鬆化唔嚡口。菠蘿同青椒都好掛汁，非常滋味😋魷魚拼白飯魚肉質嫩滑，沾上喼汁更滋味👏🏻美味雞煲夠足料，雞肉軟嫩啖啖肉🤤豉椒炒蜆好有大排檔風味，蜆肉夠多夠肥美😍避風塘炒牛河炒至條條分明，唔會痴埋一齊變到一pat pat，牛肉片質地軟腍👍🏻黃金蝦鹹蛋黃落得夠重手，就連個殼都滿佈蛋黃，非常鹹香惹味🤤最後梗係食返個上湯時菜中和一下味蕾啦🙆🏻‍♀️❤️

🔥再次來到灣仔的喜記避風塘炒辣蟹，之前同朋友來過太回味了。來呢到一定要食招牌菜避風塘炒辣蟹，我地叫左2隻蒜香非常惹味，🦀🦀蟹肉爽口蟹膏又夠多，入口微辣。🐟椒鹽九肚魚拼白飯魚炸的金黃酥香，椒鹽味道令嫰滑的魚肉味道昇華。美味鷄煲香氣無比，🐓鷄煲醬汁味道惹味，咸咸辣辣好過癮。🍖馳名沙拉骨炸得啱啱好外脆內軟，配上甜甜酸酸的醬汁，開胃之選。🐚醉飽魚酒香濃郁，飽魚入口爽彈。☘️豉椒炒蜆事前巧夫攸得好足，蜆肉入口無沙，粒粒肥美又大隻。整體:🔥🔥食物新鮮有鑊氣，份量不少好抵食。環境乾淨企理，有氣氛。🌝

買左避風塘炒蟹套2人餐 599再加服務費 小菜費 埋單$701一份炒蟹 一份麵 一份菜蟹嘅份量好少 上菜啲蟹肉都未離曬殼夠香 但勁多油 食完個胃唔舒服麵同菜都好普通，總括黎講 唔抵食

啱啱炒起嘅避風塘炒蟹熱辣辣，香氣四溢🤤～一堆炸蒜將炒蟹封住，淨係露出蟹鉗同埋蟹爪。賣相已經非常震撼，食落大家更加認同係色香味俱全😋蟹殼有經過敲碎處理過，令成個料理更加入味～而且亦較容易開殼，方便食用。呢道菜嘅特色在於蒜酥，蒜酥搭配上蟹油嘅香氣，炸得恰到好處😍不會過焦亦夠酥脆，送飯一流！豉椒炒蜆啲蜆炒到啱啱熟，唔會炒到縮晒水👏🏻肉質嫩滑，而且一粒沙都食唔到。美味雞煲醬汁唔會過濃同過鹹，反而帶出雞嘅香味。雞肉肉質鮮美口感滑溜～加上紅椒同洋蔥嘅爽甜，鮮甜味美😋上湯時菜翠綠鮮爽，好味又健康，作為結尾清一清腸胃🙈🙈

👇👇二人海鮮特惠套餐（$1098）👇👇避風塘炒蟹（一隻）蟹蓋有蟹膏嘅甘香，仲有留喺蟹蓋上嘅蟹油，實在係吮指美味！將蟹身嘅一絲絲蟹肉拆出嚟，放喺蟹蓋上面沾盡蟹油，再加少少🤏炸蒜喺面，超正🤤🤤招牌醉鮑魚（二隻）酒香清醇而濃厚，肉厚味美，咬落一啲都唔韌👏🏻跟住落嚟可選豉椒炒（蜆／青口）／油鹽水浸蜆，我哋選擇咗豉椒炒蜆。超級大碟，好有鑊氣！新鮮冇沙有驚喜😍再選椒鹽（九肚魚／魷魚）拼白飯魚，我哋選擇咗椒鹽魷魚拼白飯魚。口感脆嫩有咬口，炸漿夠薄唔油膩🥰最後選蟹油炒麵／避風塘炒河／蒜蓉炒時菜，問過店員佢就推薦我哋試蟹油炒麵，話係佢哋嘅招牌。蟹油勁香！麵質彈牙又夠乾身，大家一定要襯熱食呀😆

避風塘炒蟹肉質鮮甜又多膏，就連蟹鉗位嘅肉都係爽口彈牙！食得出係新鮮即炒嘅靚蟹🦀椒鹽魷魚拼白飯魚炸得唔死實👍🏻外皮香脆，內裡爽彈滑嫩👏🏻美味雞煲配搭埋芫荽、洋蔥、紅椒，辣得嚟夠香～啲雞好滑又入味，肉質唔柴夠juicy😍冇出面啲雞煲咁heavy，食完冇話好口渴同好滯👍🏻豉椒炒蜆炒得好均勻，唔會有啲有味有啲冇味！熟度都啱啱好，唔會過老👌🏻招牌醉鮑魚隻隻都有返咁上下大隻！肉質又厚又鮮美，落咗少少酒食落好香🥰食完啲咁重口味嘅熱氣嘢，一定要嗌返碟菜，扮健康🤣上湯時菜清清哋又夠濕潤，令我哋可以解一解鹹度同油膩感～