喜滿樓菜館

營業中

休息中

我最怕食野味精多又咸又油，喜滿樓除左有多款招牌菜例如芝麻雞、椒鹽鮑魚、黃金蝦、黑醋骨，更推行少鹽少油, 我鐘意! 食了上面幾道拿手菜，真的少鹽少油, 味道仍足夠。我最欣賞是推出多款涼瓜菜式和蒸類菜式，叫了涼瓜洋蔥炒蛋夠滑，叫了涼瓜炆大鱔夠新鮮! 芝麻雞更是獨有，食完才知道什麼叫脆。黑醋骨甜酸恰當，椒鹽鮑魚食過番尋味，外面鬆化，內面軟身又易咬，下次叫多一隻食。食完呢餐完全冇口乾冇味精反應，值得推介比各健康飲食男女。

尋日約了一班舊同事聚會去土瓜灣的喜滿樓菜館。我們一進入了店子，樓面就熱情招待，其餘待應都招呼週到，這點值得一讚。看餐牌，這裡有由58元特價小菜至幾千的龍蝦長腳蟹都有，所以我地便叫齊各款菜式，有58元西檸雞、椒盬豬扒、密椒薯角牛粒、原隻菠蘿咕嚕肉、百多元炸子雞和千多元上湯西澳洲龍蝦伊面。食物質素幾好，58元的小菜夠份量，真材實料，沒有將貨就價，好抵食。個西澳洲龍蝦更是鮮味，龍蝦球彈牙，平過去外面海鮮店，回味無窮!

今年母親節全家上下13人去了朋友推介在安徽街的喜滿樓菜館食飯，有點意外中的喜悅，值得我上Open Rice比個好評! 我們叫了龍皇杏汁燉白肺湯、椒鹽鮑魚、原隻菠蘿咕嚕肉、芝麻雞、椒鹽珍寶瀨尿蝦、薑蔥炒雞雜等、再加一隻4斤阿拉斯加長腳蟹涷食，款款味道能做到恰到好處，尤其是個龍皇杏汁燉白肺湯，杏汁和湯底味道中和平均。另外招牌菜椒鹽鮑魚、原隻菠蘿咕嚕肉、芝麻雞更是出色，三樣都做到皮脆肉嫩肉汁多，老幼都食得。款款菜都色香味俱全，最重要係這日的主角亦讚，呢餐為我地的母親節錦上添花。

對很多人來說,也許喜滿樓跟芝麻雞已經劃上等號。正如鏞記等於燒鵝,富臨阿一等於鮑魚，益新有琵琶鴨以及麥奀等於雲吞麵一樣。能夠令一個菜式聯想到這菜館,這定有異於他人的特色 。事實上,要找到一間粵菜食肆有芝麻雞已不容易,程序更複雜,至少用兩日時間製作。喜滿樓造出的芝麻雞皮脆肉嫩，芝麻鋪滿面，咬落芝麻加脆雞皮, 薄薄雞皮加上芝麻香，滋味無窮。再沾些日本芝麻醬，令到Juicy的雞肉更惹味，不油不膩，出色! 當晚另外點了豆腐支竹火腩炆大鱔、香宮腐乳蝦、煎封竹籤魚和奇妙沙拉骨, 廚師對油的控制很好, 不會筷子一夾就出油. 所以味道一流! 喜滿樓已是很多土瓜灣街坊的心水食店,原來這裡才開業幾個月，有這樣好味的出品，實在難得! 芝麻雞更是必食之選!

我家住香港島，鍾意開車周圍搵好野食，最好門口有得泊車。前晚一家五口去到土瓜灣浙江街，上Open Rice睇下有咩好食，見到隔離街安徽街有間叫喜滿樓既菜館，菜式相片睇落幾吸引，所以便泊在安徽街門口，入口試下是真是流。當晚經老板介紹點了炸子雞、蜜椒薯角牛柳粒、喜滿小妙王、蒜蓉粉絲蒸開邊蝦、珍寶蟹。樣樣都美味，鑊氣十足。原來呢度可以自來海鮮加工，更可自帶酒水，最值一提是這裡服務一流，店員充滿笑容，難怪咁多公公婆婆來買外買飯盒，充滿人情味的食店!

朋友飯聚，選了港式粵菜喜滿樓，門口格局有小菜館既感覺，但入內環境都唔錯，一行八人叫左梅子荔芋鴨，香蒜骨，喜滿小炒王，鴛鴦炒飯，椒鹽南非鮑魚，涼瓜炒牛肉，腐乳蒸滑雞，同埋叫左個皇牌椒盬軟殼蟹，軟殼蟹和食香蒜骨超正，推介梅子荔芋鴨，味道樣樣都唔錯，值得一讚係個梅子鴨，鴨肉沾上梅子酸汁，而且汁既味道調得唔錯，忍唔住起碼食左4，5件，不過醬汁才是精髓，伴白飯吃，相當美味。地理位置不算非常顯眼，幸好位於何文田地鐵出口附近，所以也比較容易找到。  對比一兩個月前光顧的那次，今次的菜式有新意, 味道有極大進步，樣樣都有水準!

人大了, 要約齊屋企人食生日飯真係唔容易, 原本想食西餐, 最後變左食晚飯小菜, 最緊要係齊人食飯! 好彩, 喜滿樓有晚飯供應既特式小炒和新鮮海鮮, 而且小菜仲有白飯同飲品送, 又幾抵WOR!今次一行8人一共叫左8個小菜。值得推介既係蒜蓉粉絲蒸北海道大扇貝同香宮腐乳蝦。兩個菜都整的好味, 超新鮮。肉類叫左蜜椒薯角牛柳粒，甜辣適中又脆口, 也叫了奇妙沙拉一字骨、熱噴噴的者者豬肚雞煲, 更預訂了芝麻雞和龍皇杏汁燉豬肺湯，電視節目就見過，終於係土瓜灣食到，真是好好味，個湯杏味香而不太濃，清潤可口。食到尾段見到隔離檯上了碟原隻菠蘿咕嚕肉，雖然要預訂，但店員話預多了一隻菠蘿，更係要試。原隻菠蘿咕嚕肉令我知道真正的<色香味俱全>! 咕嚕肉脆皮肉嫩，酸甜適中，令我這頓生日飯錦上添花! 更送上串串菠蘿贈慶, 這裡抵食又好味,喜滿樓很值呀!

早排係住在土瓜灣朋友既強力推薦下去左安徽街喜滿樓訂兩檯食團年飯，作為一間新開張才兩個月既飯店，喜滿樓既食物有相當既水準，性價比非常高! 訂檯時講了每位預算300元，老板娘便為我們度身寫了一個菜單，不用我煩腦。當晚頭炮是皇牌之一: 特級螺頭燉竹絲雞, 沒有味精, 很有Home Feel, 飲落很舒服，香醇滋補，對於我這愛湯之人，真是無得彈! 第一道菜：椒鹽南非活鮑 (才68一只) 鮑魚外皮酥脆內里彈牙，鮑魚肉鮮味軟嫩有點Juicy, 無得頂! 第二道菜：招牌欖角骨（朋友大推既）唔係浪得虛名既，第三道: 蜜餞煎金豪，鮮甜無比，蠔脆十足，其他菜有古法炆龍蠆(有火腩支竹, 魚肉外脆內嫩)、茄汁蝦 (鮮甜可口), 紅燒大元蹄, 濃湯藍青口豆苗, 全部菜好好食, 食到我們令我們刮目相看這小店! 老板娘得知我們一家團年, 更送上日本哈蜜瓜一碟, 爽甜入心, 這些菜式原來只要早一日預訂，三五知已也能品嚐。很高興能品嘗這樣的美食, 很多謝喜滿樓給我一餐難忘的團年飯!

土瓜灣處處都有平靚正的食物，喜滿樓是最有水凖的鋪頭。今天放假去土瓜灣高山道探我外公外婆，他們每次都指定要去安徽街的喜滿樓食晚飯。外婆至愛椒鹽南非鮑魚，估唔到她咁愛食香口食物，食落唔熱氣，薄薄的炸皮包住多汁南非鮑魚，再加上椒鹽，零舍不同! 我們10個人叫左10道菜包括: 椒鹽南非活鮑、日本北海道大扇貝、懷舊梅子荔芋鴨、黃金蝦、薑汁炒芥蘭、薑蔥桶蠔煲、炸子雞、臘味芋頭煲、黑椒茄子牛仔骨、和濃湯蟲草花豆苗等，全部菜好好食, 食到老人家很開心! 來了幾次, 越來越多客人，相信下次要訂檯才有位了, 值得讚這溫馨小店帶給我們一家人每次難忘的聚會!

第一次是老友介绍 ，去了幾次已愛上這間在紅磡安徽街的爆紅新店 喜滿樓 ! 我是海鲜超级擁躉， 這店是每日有街坊價海鮮推出：椒鹽南非鮑魚、 䜴椒炒聖子皇、 日本北海道大扇貝、 XO醬炒象拔蚌、 黃金脆蝦、 古法炆大鱔煲 、黑胡椒波士頓龍蝦、 薑蔥焗桶蠔 ，全部以特價推出 新鮮又抵食! 原来老板是直接從海鮮入口商買海鲜貨，比批發價和大酒樓更抵食!拿手小菜招牌㰖角骨、 蜜椒牛柳粒、南乳脆豬手也好掂！土瓜灣也食到抵食海鮮和小菜！以後唔駛咁遠去到流浮山食海鮮了

新開張久，因為好食又抵食，已經和家人和朋友食過10次晚飯以上。 好似食到上咗癮咁。 點解呢? 因為老闆選購嘅食材海鮮黎講，好新鮮,肉類肉質亦十分幼嫩。同埋 煮工一流! 有鑊氣嘅有鑊氣, 香脆嘅香脆。最正嘅係椒鹽鮑魚, 佢哋用南非鮑魚， 隻隻肥嘟嘟脹卜卜， 軟熟得呢係彈牙嘅。 而且食落去係有清甜味嘅， 唔係大連鮑魚硬掘掘。仲有 麻辣雞煲可以打邊爐, 都好好食。老闆又超好人, 我哋兩枱枱做冬, 食美國桶蠔, 有兩種食法, 薑蔥蠔煲, 同酥炸生蠔。 有啲人唔想咁熱氣食酥炸， 我哋就舉手計人頭煮兩種唔同嘅煮法。另外， 老闆有乜嘢新鮮材料會whatsapp畀我哋， 例如東星斑 ，蜘蛛蟹等等。 仲有會花時間做一啲懷舊又有特色嘅菜式， 例如芝麻雞， 製作時間係兩日， 要風乾嘅， 好特別，從來冇食過。 但係佢又唔係淨係懷舊菜式， 仲有啲創新菜式。 例如拔絲薯仔牛柳粒， 啲薯仔外脆內軟 甜甜地 ， 食完第一粒就想食第二粒 ， 轉一圈已經畀人夾曬。 我哋再order一蝶淨係薯仔， 老闆都ok喎。 啲牛柳其實亦好靚， 好冧。 仲有一味好值得講嘅係黃金蝦。 真係做到連蝦殼都可以食埋， 炸得都算乾身， 十分

機緣巧合下發現呢間在土瓜灣高山道附近的中菜館，我同朋友都不約而同愛上，依家間唔中都會去食。雖然已經食左幾次，但今次先記得寫食評。食過好幾樣小菜都好好食，包括蜜椒薯角牛柳粒(好足料，好有穫氣),水煮東星班片(辣辣地，好耶味), 南乳脆豬手(好多舊，脆皮卜卜，送酒食一流),蒜香骨(又係好多，好耶味，炸蒜疊高高，最岩送酒食)，來一客清淡的豉汁蒸大鱔(鮮味清爽) ，仲有我地每次都特別要求嘅黑松露瑤柱蛋白炒飯和砵仔焗魚腸，太多美食數不完! 所有小菜價錢都唔貴，但好好食，好有誠意，所以呢間餐廳星期六日通常都要等位，但都無阻我地山長水遠去食(話說我地都係住沙田)😂😂

小弟一向喜歡周圍搵好野食, 可謂食遍港九新界, 唔需要太高級, 亦要求乾凈衛生企理, 香港每區都有代表食店, 如太子的容記小菜王, 深水步金豪, 灣仔星記, 大角咀高高酒家等等。而紅磡土瓜灣呢？現在終於找到了! 上星期經老友推薦下, 一行7人去了試下新開冇幾耐喜滿樓菜館，因為訂了檯,  不用門外等, 坐低便看到牆上貼有喜滿樓菜館熱賣排行榜, 當然要試下是否值得熱賣!  叫了招牌欖角骨, 喜滿小炒王, 芥末牛仔骨, 黃金脆蝦, 古法生炆龍躉, 啫啫豬雜雞砂煲, 另加一個每晚廚司推介-豉椒炒聖子皇。豬牛雞魚海鮮樣樣齊! 小弟不是食評家, 不用每道菜品評。吃完這道晚飯, 感到很高興, 很 “喜滿”! 難得有人可以這樣有心和有水準廚藝, 價錢超合理, 烹調食物出眾! 現在紅磡土瓜灣也有代表餐館了!

我一家人最喜歡小炒有鑊氣香噴噴，的確有其吸引之處，這店之前幫襯幾次，就係小菜鑊氣夠所以留到客，我鍾意黃金鮮魷同埋椒鹽豆腐這類脆卜卜的食物， 他們的調味不太咸，但有准鹽嘅惹味送酒一流。另外我都鍾意食這裏的咕嚕肉酸酸甜甜，外脆內軟又是送飯嘅極品。今晚, 店的老板友善地介紹一道很稀有的菜式 {芝麻雞}  並講這道菜是功夫菜,花上幾個鍾將雞上芝麻及封乾,技巧也流失了! 土瓜灣也食到芝麻雞, 即管叫來吃下! 食完這道菜, 皮脆肉滑, 芝麻香味入口即溶, 黑白芝麻均勻, 色香味俱全, 比炸子雞好味多多聲! 太好味了,既傳統, 有懷舊, 香港已很難食到! 小弟敢講, 未食過芝麻雞, 唔好話自己食過雞!喜滿樓在土瓜灣區剛立足，有一定的捧場客，也在何文田站高山劇場附近， 食物質素高，所以間中都會約朋友嚟聚一聚。

好友在半個月前光顧了位於土瓜灣安徽街的喜滿樓，評價很好，特別是招牌菜之一的「菠蘿咕嚕肉」，讓人很驚艷。結果在他一直推崇的情況下，在我滿滿的收藏夾中脫穎而出。晚上六點半到達，沒有訂座的情況下也不用等位，直接入座。這間喜滿樓係免茶免加一，食幾多俾幾多都化算啲，我最鍾意呢度嘅新意思 包括玉桂香蘋牛柳粒, 牛柳粒帶著蘋果和玉桂香味, 不肥不留，食在口中清甜交融的感覺就係呢種，很不錯的。仲有是新意思 紅菜頭汁帶子炒飯, 很清新健康, 才68元! 其實今餐計起條數每人100頭，晚餐來說是幾抵的。