喜滿樓菜館

營業中

休息中

常常說，舊區有驚喜，這間小炒絕對是一個大驚喜。一行六人，點了幾個小菜，食得岀廚師的功夫。芝麻雞，皮脆到好似薯片咁，而肉質滑溜。另一驚喜是黃金涼瓜，一咸一苦，炸得脆卜卜，咸蛋王正好balance 苦溺味，佐酒一流。砵酒焗蠔大大隻，外面夠脆身，入面juicy。䌫角骨惹味，東升班鮮嫩可口，點了其他小菜如小炒王丶椒鹽豆腐也夠鑊氣。地方乾淨，服務態度殷勤，大眾化價錢，難怪坐無虛席。家庭小店，食物有heart，值得推薦。

上星期五忍不住清茶淡飯，去了土瓜灣搵食，要泊得車又方便都是去喜滿樓，最緊要是衞生企理，食物有保證。叫了芝麻雞，椒鹽鮮魷吊片雙拼，鳯尾鮮蝦球，芥末沙拉骨，黃金桶蠔及翠塘豆腐。椒鹽鮮魷加吊片新口味食法，食齊兩種魷魚。首選是黃金桶蠔，鹹蛋黃味唔錯，桶蠔炸過。其次是芝麻雞，做得招牌菜唔會衰，今次食更多了一個自家製辣麻醬，令到芝麻雞生色不少。翠塘豆腐就太水，食唔慣，比花甲蒸滑蛋差。鳯尾鮮蝦球用自家手打蝦膠，又新鮮又彈牙，包住隻鮮蝦，是今餐的最驚喜。

今年訂了土瓜灣高山道附近喜滿樓食提早食團年飯，上星期三全家12人去到這間新星食店。我們點了9送1燉湯。有黃金桶蠔、扇貝超大隻好好味及鮮味、上湯大蝦伊面、清蒸老虎斑、唔少得仲有招牌芝麻雞。食物和服務質素很好，有水準和風味，我最愛是芝麻雞，獨特而花功夫製作，雖然我唔知道如何將芝麻蓋滿雞皮，只知道這才是皮脆肉鮮滑，非常好味。黃金蠔好美味，外脆內多汁而且好大隻炸蠔。今年團年飯家人都好滿意，下次買隻外賣芝麻雞返屋企加餸。

本人是蟹痴，什麽蟹都鍾意食，尤其是長腳蟹，來過喜滿樓三次都是為了食長腳蟹,，第一次是朋友生日，專登帶我地嚟食餐好嘅,雖然呢度環境係普通啲，但絕對唔好睇小呢度嘅的食物，雖然這𥚃長腳蟹要二百多元一斤，但這𥚃的蟹品種大隻，蟹肉更鮮甜，老板話長脚蟹來自阿拉斯加白令海峽，是最佳品種。第一次凍食最鮮甜美味，最佳味覺享受。第二次是花雕疍白蒸，蟹羔勁多，混在疍白一起食更是好味。蟹水滲入了蛋白加上花雕味，味覺多重享受。昨天再去喜滿樓食，今次是上湯長腳蟹伊面底，雖然有點浪費隻蟹，至少比龍蝦更便宜，下次都係凍食最好味。另外還有好多唔錯嘅菜式，芝麻雞、咕噜肉、蜜椒鱔柳、椒鹽軟殼蟹等。

這次是第一次吃這種街坊式小菜餐館，因為今次是為了探望朋友，朋友住宅樓下就是這間餐廳。可能因為地理位置較接近民居，所以價錢都好實惠，而且味道也很好，款式也很多。我們三個人叫了四個小菜，芝麻雞是朋友食過推介的，外皮充滿着芝麻粒，非常鬆脆，雞肉非常嫩滑，果然是招牌菜，黃金鮮魷～重口味我好想試，另外清蒸三蘇魚，因為這條魚的名字太特別，所以就叫了，真的很新鮮。還有清清的清湯魚肚浸時蔬，味道也很好。這餐真的很不錯。

我都是第一次來喜滿樓，以前成日都話土瓜灣沒有什麼好食地方，依家有點改觀了。可能因為落雨，人少少會靜啲。有位姐姐幫我地落單時，有男人走過黎同我地傾計，建議我地試下呢度嘅芝麻雞、大良炸鲜奶、瑞士燒汁牛柳粒、椒鹽吊片、豉椒炒聖子加煎米粉底。所以我地全部都點。餸菜很快上枱，色香味都有，最喜歡食椒鹽吊片，比鮮魷更惹味，食落有海味味道，最適合飲啤酒。芝麻雞真是寧捨不同，雞肉超嫩滑，可惜唔夠咸。班波友仲約定下次再來食過。

本來個plan係去九龍城嘅，但係但我地揸住架車等咗好耐都冇泊車位，然後又想食嗰間泰金國又勁排長，又經已係九點幾十點喇，唯有轉陣去有機會泊到車嘅地區 — 土瓜灣。驚朋友介紹去咗呢間食小炒既餐廳，很不起眼，有點舊式，周邊都唔係土瓜灣最旺食肆的地方，但，有驚喜喎🤤👉🏻芝麻雞好香好脆👉🏻小炒皇好有穫氣，魷魚勁香，又乾身👉🏻其他非炒類就無乜特別，即係話來嚟度要食炒嘢及炸野🤤👉🏻老板好人，我地擺到明係最後一枱，食完仲坐喺度傾計都仲叫我地慢慢！

未食過這麼好食的羊腩煲，又是秋冬季節，最好食羊腩煲保䁔一下。上星期就由朋友帶我到土瓜灣區安徽街一間好味道的喜滿樓菜館。餐廳主打懷舊住家菜及地道風味小菜，最出名是芝麻雞。剛遇上氣温驟降，叫份古法雙冬羊腩煲。一打開蓋，陣陣香味撲鼻，羊腩炆得夠味，原來個羊腩汁可以當湯先喝，老闆娘話個羊腩汁加了滋補中藥材，再加上老薑炆製，補而不燥，不油不膩，老幼皆宜。最特别的是汁底用腐乳而不是柱候酱，飲落咸甜適中，免費送一碟腐竹及唐生菜，食完暧笠笠，不口乾。

約幾個老友出來食飯，佢住土瓜灣區所以就去番呢一區食晚飯，有朋友話之前食過喜滿樓，覺得唔錯值得再去食。餐廳環境簡單夠晒街坊風格，食物選擇多價錢大眾化。牆上有塊大白板寫了些大廚推介和新推出時令菜式，所以就㸃幾味推介菜：風沙雞和芝麻雞各半隻、啫啫芥蘭煲、避風塘桶蠔、椒鹽吊片等。全部菜式有新意，味道一流，夠鑊氣夠風味。招牌菜首選是芝麻雞，芝麻雞勝在芝麻夠脆夠香，風沙雞勝在夠蒜香，這𥚃用的上等雞種，皮薄肉質鮮嫩有雞味，有層次口感，老友們個個食得高興，𣈱飲高談闊論，真是對酒當歌，人生幾何。

鑊氣小炒一直是我和老婆都喜愛食，今日同老婆就專程過來喜滿樓食。菜館裝修簡潔企理，米色的軟椅子令人坐得舒適。老闆娘很熱情，見我們坐下過來介紹餐廳的招牌菜式，根據老闆娘的介紹，這𥚃每日有幾樣特價新菜，我們叫了豉油王鮮雞腸、臘味炒豆苗、梅子炇大鱔及香煎蓮藕餅。餐廳對食物質量充滿誠意，用了新鮮雞腸，十分肥香而不膩口。另外這𥚃用的是優質臘味，沒有油溢味，又是秋風氣的季節。值得讚是這𥚃菜式都是少油少鹽食得更健康。

小弟土瓜灣街坊，經常食附近嘅小店喜滿樓前身唔知叫咩名，難食所以無記不過轉手後嘅喜滿樓確實做得唔錯起碼用心唔係亂黎今日放假落黎食個lunch單叫咗個$46咖哩豬軟骨飯跟+$3凍檸茶平時啲餐廳，好少會咖哩搭豬軟骨咖喱味平凡無乜特別，不過適合香港人口味但係豬軟骨夠腍夠出色凍檸茶茶味一般，不作評論裝修乾淨企理，服務唔差有人靚聲甜嘅事頭婆，對住街坊or熟客仲會特別好，值得一讚要特別講嘅係餐飲例湯2揀1上次飲嘅例湯好好飲，味道十足絕對唔係濃縮煲溝水，推薦要試

食過喜滿樓幾次，值得我在這𥚃推介比大家是他們的招牌菜之一芝麻雞。其他地方少食到，無得比較，只知道這裡造出的芝麻雞很好食。皮薄少脂肪，芝麻蓋住全隻雞，密麻麻，食落口皮脆肉嫩，有雞味加上芝麻香味，口內回香味十足。雞皮脆再加上芝麻脆，真是有幾脆。另外有碟芝麻醬，點上芝麻醬食落有另一番風味，有些日式料理味道。有多張大圓枱，適合一大班人食飯，菜單都幾有創意，仲有四川菜的水煮魚。值得一提的是這𥚃奉送老火靚湯，沒有味精，很住家味道。

最近朋友飯聚，去食特色鑊氣小炒的喜滿樓，竟然有得食梅子鴨，以前我外婆成日煮梅子鴨加芋頭，煮得好好食，自從外婆過身後也未食過。這裡的梅子鴨，梅子汁調味恰到適中，加上鴨味夠濃，芋頭夠粉，加起來就回味無窮。雖然鴨肉底不夠咸，點起梅子汁就夠味了，真的有懷舊風情。京都一字骨也是開胃醒神，夠鑊氣，酸甜味適中。還叫了一個時菜，6個人食超級飽。這裏的價錢算便宜，小菜都大大碟，一大班人想要熱鬧吃飯最適合。最後還叫了水煮東星斑，雖然有點辣，勝在夠惹味，味道頗正宗，可惜薯粉有點硬。

土瓜灣高山道附近的喜滿樓菜館，在不起眼的角落，菜式也很香港地道，這裡的食物材料很新鮮高質，還有一絲不苟的烹調方法。最喜歡食這𥚃的芝麻雞炸子雞雙拼，食齊兩種味道，皮脆肉嫩有雞味，又不熱氣不油膩。其次是黃金軟殼蟹，椒鹽食得多，黃金咸蛋黃醬就更惹味可口，軟殻蟹好鮮甜，沒有雪味不似急凍貨。還有蜜椒脆鱔柳，我不喜歡食白鱔的，但這個菜實在令人喜出望外。食落像日式蒲燒鰻魚，甜甜地，脆脆地。整體來講，喜滿樓的食物和服務也算用心。

十分推薦呢間店，比茶餐廳更高水凖的小菜，但只是茶餐廳價錢，而且更有家的味道。睇餐牌時，完全估唔到，款式算多和特別，小菜夠份量大碟。必食推薦有：家鄉蓮藕煎肉餅，啖啖肉，有咬口，送飯一流。香口小食有椒鹽豆腐，一口食一粒，豆腐夠滑又脆皮，非一般豆腐咁簡單，以為小食細細碟，點知都是大大份。必食是蜜椒薯角牛柳粒，炸粉薄身脆口，忍唔住一粒又一粒咁食。甜脆的薯角以為是蕃薯，只是香脆可口的薯仔。還有好多菜式未食，下次再來食。