喜滿樓菜館

營業中

休息中

我不是食評專家，只是很為食。去了幾次喜滿樓菜館，最鍾意食有幾款菜。第一款是芝麻雞，鍾意雞皮加上芝麻食落香脆卜卜，別處食不到，而且雞皮超薄，不油不熱氣。第二是椒鹽鮮魷，雖然間間都有得食，但這裡用的鮮魷特别肥厚，炸皮特別薄脆，最正是可跟椒鹽脆蝦雙拼，食齊兩種味道。第三是香檸一字骨，即是西檸骨，很喜歡這個香檸汁，食落有酸甜味，非常開胃，只是很簡單的菜式，已煮得很好味。菠蘿咕嚕肉的脆皮和甜酸度適中，也是我的至愛。

土瓜灣尋找好食地方，上網查一下，彈出了喜滿樓菜館，於是揸車去安徽街，一落車就有得食。叫 了幾個新菜，花甲蒸水蛋夠香滑，花甲新鮮又鲜甜，有些和式前菜燉水蛋風味。再來籠仔荷葉蒸雞，食到鮮甜味，雞肉夠滑，原來加了蟲草花和红棗，怪不得這麽鮮甜。再叫了豉椒炒聖子配煎米粉底，我喜歡這𥚃煎得外脆肉冧的那種傳統煎米，沾上豉椒汁好惹味。最好食是黄金桶蠔，咸蛋黄包住肥美的桶蟓，咬落惹味多汁，蠔味夠香濃，一食難忘！可惜芝麻雞賣清未能食。

上星期到土瓜灣搵食，見到這間好多正評，一家人就入去試下。坐低樓面姐姐就推介芝麻雞、避風塘脆鱔球、豉椒炒聖子煎米粉底和椒鹽鮑魚，就點了這幾個菜。豉椒炒聖子配煎米粉底，味道唔錯，米粉底我比較鍾意唔好咁乾，煎到好似潮州兩面黃外脆內軟。避風塘脆鱔球夠脆夠新意，香辣味道都調得剛剛好。椒鹽鮑魚最好味，用的鮮魷夠肥厚夠新鮮。最後就炒碟福建炒飯，炒到一粒粒，用料豐富，飯又粒粒分明又好味。整體食物不錯，沒有可批評的地方，食齊幾樣海鲜，每人才200元，真抵食。

來紅磡土瓜灣揾食，同朋友們一直都想來喜滿樓聚會好耐，果然没有令人失望。鑊氣十足，菜式非常本地，好有港式風味。我們一行六人都十分大食，所以都叫了幾款燃手小菜包括芝麻雞、椒鹽鮮魷、五柳東星斑片、豉椒炒聖子煎米粉底、原隻菠蘿咕噜肉，全部都好惹味。特別是個咕噜肉，外脆內軟，絶對係師傅功夫到家，還有那個豉汁炒聖子煎米粉，米粉脆卜卜兼夾豉汁味濃郁，原来是用蘇格蘭聖子，唔怪得隻隻都肥大肉厚。五柳東星斑片更是真材實料，非一般甜酸味，開胃醒神。

上個月去過喜滿樓三次，這店位於土瓜灣安徽街，交通也方便，門口有很多車位，所以生意特别好。吃過令人回味無窮的水煮龍躉，揀了少辣，龍躉滑中帶辣，味道一流，比用果皮蒸更美味。前天是母親生日飯，再次來這裡，今次只得六個人，薑葱粉絲羔蟹煲是百吃不厭。這晚再來個啫暏大鱔煲，份量夠大，加入了肉片和葱頭，不油不膩夠惹味。咕嚕肉的酸甜汁是亮點，香脆的外表包著鬆化的肉質，的確是高水準的煮法。花甲蒸滑蛋，花甲的鮮甜夾雜住香滑的滑蛋，新鲜易入口。

成班同事收工之後，帶我去公司附近一間半新菜館叫喜滿樓食晚飯，口碑唔錯，一直都好想試。我們一行8人都叫了8個菜。首選就是招牌菜芝麻雞，皮脆肉嫩，芝麻香噴噴，見到都口水流，食落更滋味無窮。另外叫了果皮蒸龍𧄌腩，用的是新會果皮，龍𧄌夠新鮮，配搭一流。也叫了椒鹽鮮魷 ，但我怕熱氣，只食了一件。西蘭花炒帶子，帶子肥大肉厚，夠鮮味。水煮牛肉用料正宗，牛肉夠滑夠惹味。我本身好鐘意食麻辣，但是又唔食得太辣，這𥚃的味道很適合我，下次要試下水煮魚。這𥚃除了芝麻雞出色之外，其他食物也令人流口水。

上星期六專程再去紅磡試下喜滿樓菜館，尤其是要食芝麻雞同冰鎮鮑魚。老實說,，以一間坐位不到100個的小菜館來講，所有餸菜都算出色，不過不失，而且價餞亦算合理。今次老板介绍了一個新菜羔蟹蒸肉餅。以前未食過，便叫來試下。上到枱賣相一流，蟹羔滲入肉餅一齊食，真鮮味。最正是肉餅汁加了蟹羔味，色香味俱全，有新意又好味。另外也叫了味菜炒鮮魷。這𥚃用的是火箭魷，夠厚身又夠爽，非常新鮮，未食過這麽鮮甜的鮮魷。每次來水準都是穩定的，沒有多大分別。但幾位朋友一致認為價錢合理，因為份量足夠又夠多，材料夠新鮮，足以令大家有驚喜。

前晩在喜滿樓訂枱食晚飯招呼台灣來的朋友，喜滿樓一直係平靚正之選,，而且交通方便。之前每次都會預訂芝麻雞，今次也一樣，因為個人認為芝麻雞比較惹味。其餘點了小菜包括西蘭花炒東星斑、鮮花甲蒸滑蛋、瑤柱蛋白炒鈑、酥炸美國桶蠔、喜滿小炒皇、蜜椒薯角牛柳粒、原隻菠蘿咕嚕肉和南乳豬手煲。全部係高水準好食。最特別是新菜鮮花甲蒸滑蛋，例牌有20隻花甲，加埋滑蛋一齊食，滑上加滑，超鮮甜。最重要是台灣朋友也讚賞喜滿樓的食物，他們更說有香港特色，我跟他們介紹這就是香港菜。

同班中學舊同學飯聚，我們有11人，雖然話隱世，但其實識路就好易去到何文田站出口高山道直行，好快就見到喜滿樓的招牌。入到去座無虛席超旺埸，大大聲講野都唔驚。食物方面，芝麻雞和炸子雞外皮夠脆唔油膩，肉質嫩滑唔膩。西蘭花炒東星斑片，大大件東星斑。招牌欖角骨絕對值得一讚，一字骨肥瘦適宜。黑椒茄子牛柳，蒜頭配料太多 ，可以改善。椒鹽蝦係我最鍾意，外脆內軟，脆得唔油。黄金凉瓜更是香口，食落唔覺苦。最後食了新加坡炒蟹，味道無得彈，酸辣恰到好處。今次飯局各位都滿意，下次再來。

差不多每天都落雨，但也帶來好處，不用等位就食到啦 ，喜滿環境舒服又乾淨，門口多錶位任泊車，一落車就是門口超方便。南乳脆豬手豬手炸得乾脆，沾上南乳酱更加惹味，一點油膩感也沒有，反而覺得自己似食乳豬的回感。芝麻雞半隻都已經好大隻，好滿足。皮夠薄又脆，肉質十分嫩滑，比起酒樓好得多，加碗白飯慢慢嘆。家鄉咸魚煎肉餅，肉餅煎得香香夾著咸魚香味，非常惹味可口，別處食不到，比泰式咸魚煎肉餅更好食。

逢星期二9點左右在教會開完會，就慣例來喜滿樓菜館食宵夜。8個人來到，今日好多食物已沽清，因為好生意，我地就叫了芝麻雞和炸子雞雙拼、涼瓜黃立䱽，上湯蝦伊麵、咕嚕肉，薑蔥桶蠔、黃金蝦，全部都做得不錯，芝麻雞和炸子雞必吃，涼瓜黃立䱽煎得香，味道不錯，只是涼瓜稍為少了點，咕嚕肉皮脆肉汁多，整體是滿意的，如肉能再切細件一點會更好。薑蔥桶蠔味道沒有問題。所有食物溫度都很好，來得也很快，喜歡慢慢吃的朋友就稍嫌效率太快，這家餐廳基本上是小炒餐廳跟茶餐廳的結合。

喜滿樓的佈置是典型的中式餐館，賣的食品是以特色小菜為主。今次點了原隻菠蘿脆皮咕噜肉、冰鎮鮑魚、新加坡酸辣炒蝦、黄金蝦、花雕疍白蒸花蟹等。冰鎮鮑魚採用南非活鮑，食落凉浸浸，好鮮甜，沾上鮑魚汁更鮮味。黃金蝦是連整條蝦炸，再沾上咸蛋黃醬。蝦的外殻炸得十分脆，我是連殻吃了，可吃到很香的咸香蛋醬。蝦肉方面也新鲜，吃到蝦的甜味，口感尚算彈牙。菠蘿脆皮咕噜肉，份量頗多有十幾粒，夠脆皮多肉汁。總括款式多、價錢合理和味道十足！

前晚提早同老婆食生日飯，喜滿樓一直係平靚正之選。呢度成日搞新意思，推出新菜式，客人唔會悶。老板娘介绍下預訂了菠蘿樹影、芝麻雞、九層塔葛薑葱炒蟹、乳香骨、黑松露蛋白炒飯等。全部係90分以上水準，最特别係個菠蘿樹影，用雞用夾住菠蘿件，淋上麻醬，燒得雞皮脆脆，味道似日式燒雞卷，最有新意係毎件装在一勺子上，造型十足，非常有創意！8個人食左1500元，人均消費大約200元，一如以往性價比極高，其實上星期三晚先食完，相同既係兩餐都滿意，喜滿樓係值得返轉頭既餐廳。

有幾個月無去過高山劇場了，更加好耐無幫襯過喜滿樓菜館，所以上星期五去開高山道就好想再返去食喜滿樓。原來喜滿樓可以訂位，或者好似我地咁，肯搭枱好快有位。場內好多人叫小菜同煲仔菜，份量十足，不過我地預定了幾個新菜: 古法焗魚腸、原隻菠蘿咕嚕肉、黑胡椒炒蟹同支竹豆腐炆東星班球。最正係個黑胡椒炒羔蟹，夠火喉，真材實料，唔太辣，味道啱啱好，比係新加坡食嘅黑胡椒珍寶蟹更好味，香港其他地方少有。估唔到咁耐無嚟，喜滿樓仍然都係保持高水準的出品。

係喜滿樓食過兩次，第一次食覺得真係好有驚喜，而且價錢同味道都係性價比高。今次朋友想食小菜，就再黎試下其他菜，平日有9折夜晚都好多人，最好訂定位。我地叫了四個小菜，黃金蝦、椒鹽軟殻蟹、粉絲什菜煲同埋金牌麻辣雞煲。黃金蝦，鹹蛋黃味夠濃，椒鹽軟殻蟹外脆內嫩，粉絲什菜煲略嫌淡左少少，但有住家味道。麻辣雞煲味道剛好，口感岩岩好，唔會太韌。呢度送埋白飯同老火湯，真係飽到上心口，食得好滿足。人均100元有找，同大牌檔差唔多，都算抵食又好食。呢度有太多野食, 真係有排才食完。