喜滿樓菜館

營業中

休息中

逢星期二9點左右在教會開完會，就慣例來喜滿樓菜館食宵夜。8個人來到，今日好多食物已沽清，因為好生意，我地就叫了芝麻雞和炸子雞雙拼、涼瓜黃立䱽，上湯蝦伊麵、咕嚕肉，薑蔥桶蠔、黃金蝦，全部都做得不錯，芝麻雞和炸子雞必吃，涼瓜黃立䱽煎得香，味道不錯，只是涼瓜稍為少了點，咕嚕肉皮脆肉汁多，整體是滿意的，如肉能再切細件一點會更好。薑蔥桶蠔味道沒有問題。所有食物溫度都很好，來得也很快，喜歡慢慢吃的朋友就稍嫌效率太快，這家餐廳基本上是小炒餐廳跟茶餐廳的結合。

喜滿樓的佈置是典型的中式餐館，賣的食品是以特色小菜為主。今次點了原隻菠蘿脆皮咕噜肉、冰鎮鮑魚、新加坡酸辣炒蝦、黄金蝦、花雕疍白蒸花蟹等。冰鎮鮑魚採用南非活鮑，食落凉浸浸，好鮮甜，沾上鮑魚汁更鮮味。黃金蝦是連整條蝦炸，再沾上咸蛋黃醬。蝦的外殻炸得十分脆，我是連殻吃了，可吃到很香的咸香蛋醬。蝦肉方面也新鲜，吃到蝦的甜味，口感尚算彈牙。菠蘿脆皮咕噜肉，份量頗多有十幾粒，夠脆皮多肉汁。總括款式多、價錢合理和味道十足！

前晚提早同老婆食生日飯，喜滿樓一直係平靚正之選。呢度成日搞新意思，推出新菜式，客人唔會悶。老板娘介绍下預訂了菠蘿樹影、芝麻雞、九層塔葛薑葱炒蟹、乳香骨、黑松露蛋白炒飯等。全部係90分以上水準，最特别係個菠蘿樹影，用雞用夾住菠蘿件，淋上麻醬，燒得雞皮脆脆，味道似日式燒雞卷，最有新意係毎件装在一勺子上，造型十足，非常有創意！8個人食左1500元，人均消費大約200元，一如以往性價比極高，其實上星期三晚先食完，相同既係兩餐都滿意，喜滿樓係值得返轉頭既餐廳。

有幾個月無去過高山劇場了，更加好耐無幫襯過喜滿樓菜館，所以上星期五去開高山道就好想再返去食喜滿樓。原來喜滿樓可以訂位，或者好似我地咁，肯搭枱好快有位。場內好多人叫小菜同煲仔菜，份量十足，不過我地預定了幾個新菜: 古法焗魚腸、原隻菠蘿咕嚕肉、黑胡椒炒蟹同支竹豆腐炆東星班球。最正係個黑胡椒炒羔蟹，夠火喉，真材實料，唔太辣，味道啱啱好，比係新加坡食嘅黑胡椒珍寶蟹更好味，香港其他地方少有。估唔到咁耐無嚟，喜滿樓仍然都係保持高水準的出品。

係喜滿樓食過兩次，第一次食覺得真係好有驚喜，而且價錢同味道都係性價比高。今次朋友想食小菜，就再黎試下其他菜，平日有9折夜晚都好多人，最好訂定位。我地叫了四個小菜，黃金蝦、椒鹽軟殻蟹、粉絲什菜煲同埋金牌麻辣雞煲。黃金蝦，鹹蛋黃味夠濃，椒鹽軟殻蟹外脆內嫩，粉絲什菜煲略嫌淡左少少，但有住家味道。麻辣雞煲味道剛好，口感岩岩好，唔會太韌。呢度送埋白飯同老火湯，真係飽到上心口，食得好滿足。人均100元有找，同大牌檔差唔多，都算抵食又好食。呢度有太多野食, 真係有排才食完。

一直看見喜滿樓菜館這個名字還以為係好傳統的老菜館，原來卻一點也不老，反而菜式係有特色，味道不錯的餐廳。平日晚上到來，已經見到餐廳內人頭湧湧。與女友被安排到二樓卡位就坐，揭開餐牌望一望，發覺有多款好合口味的特色小菜，順道問職員有甚麼推介，職員推介最受客人歡迎的芝麻雞、蜜椒鱔球、水煮魚東星斑片及豉油王炒蝦，點了三個招牌餸菜有芝麻雞、蜜椒鱔球和水煮魚東星斑片，樣樣好有水準，食過番尋味。最好味係蜜椒鱔球, 食鱔無骨淡淡肉,，沾了蜜糖在面,，好食過蒲燒鰻魚。個水煮魚東星斑片有薯粉底，只可惜有點辣，下次要叫少辣了。

大學同學飯聚，選了紅磡高山道附近的喜滿樓，門口格局有些茶餐廳感覺，但入內環境都唔錯，一行五人叫芝麻雞同炸子雞各半隻，西檸煎軟雞，黑胡椒炒蟹，海鮮什菜煲，黄金脆蝦、涼瓜京蔥炒什錦，同埋叫左個梅菜炒菜心，芝麻雞同炸子雞超正，分不出高下。黑胡椒炒蟹更是惹味，黑胡椒汁用來送飯更是一流, 味道樣樣都唔錯，不過黄金蝦有些熱氣要飲涼茶清熱氣。值得一讚係個西檸雞，才58元,雞肉滑之餘唔會太乾，而且個西檸汁既味道調得唔錯，忍唔住起碼食左5件。原來這裡可自來海鮮加工, 下次買些蟹來試埋其他煮法。

前日老爸牛一講明要去喜滿樓，他老人家特別指定要食芝麻雞，一早便訂好了菜。這裡的芝麻雞造得非常岀色，雞皮加上芝麻炸得脆口，顔包有光澤，而雞本身肉質也嫩滑多汁，再沾上特製芝麻醬，更加入味，比起沾薑蓉或豉油更有特色，食落唔會肥膩，係香港唔見其他地方有得食。豉油王大蝦 ，炸得香脆可口又彈牙，必吃之選！我最愛是南乳脆豬手，本身我不是豬手粉絲，但這個確是香脆得不油膩，更可沾多些南乳醬。濃湯蟲草花浸菜心苗夠翠綠嫩滑。其實我的確很少去香港的中式酒樓，主要是不少酒樓做得越來越馬虎苟且，我寧願選擇傳統舊式菜和特色粵菜館，而這裡的芝麻雞，算是最好食的雞之一。今餐最重要老爸滿意。

之前在Openrice見過好幾次這間菜館，都有人讚，亦有朋友推介比我，於是我們一行8個就訂好位來試過究竟。門口有好多錶位，泊車好方便。上到2樓，燈光明亮環境都唔錯，坐得頗舒服。然後食物方面,我們叫了幾個小菜，包括有出名的芝麻雞、棋子豉汁蒸大鱔、家鄉咸魚煎肉餅、小炒王、椒鹽軟殻蟹、砵酒桶蠔煲，其中令我印象最深刻是黑胡椒炒蝦，蝦味十足，炒得惹味之餘，而且咬落口感真係好，食得出有落足料。最尾埋單，每人一百多元，食物同環境都對得住個價錢，可以再次光顅，鑊氣和味道都很好。

前晚訂了位跟屋企人夜晚去喜滿樓食飯。首先講下個餐廳環境，樓上大廳都干淨的，唔似一般茶記或酒樓咁亂，再講下食物，小菜款式多味道唔錯，尤其是新加坡酸辣炒蟹，非常惹味，酸甜帶辣，非常特別。加上洋蔥和疍花配料煮得香口惹味，味道值比高分，不用去到新加坡食了。鮮菠蘿咕嚕肉，用既汁濃，咬落肉質豐滿，口感足。芝麻雞皮很脆，蜜椒鱔球食落似燒鰻魚，脆卜卜。埋單2百蚊內落到樓，而個價錢同埋食品都可以成到正比，值得我地下次都再黎試下其他菜式。

由於星期一至五有9折，所以我們8人早已預定了枱。我地就決定散叫幾個小菜，黄金軟殼蟹、喜滿炸子雞、砵酒,脆鱔球、咸魚煎肉餅、同埋一個水煮東星班。東星班食落有少少辣，但勝在夠味道，而且份量都夠，黄金軟㷤蟹，炸到脆卜卜香噴噴，雖然周圍都有呢味菜，但呢間個份量都算多，而且個黃金疍黃味都唔錯，推薦叫砵酒脆鳝，食落同我想像中既更好味，砵酒香味濃。最後炸子雞，雞肉肉質鮮嫩，雞皮薄而香脆，咬落有口感，入味而且不油膩！這裡用的雞真有一手，下次再來食要預定的芝麻雞。

上星期六，一位朋友介紹我們來何文田地鐵站高山道附件的喜滿樓吃小菜，還說這裡經濟實惠，便來嚐一嚐。餐廳的裝修頗為簡潔，小菜館的傳統氣息。坐下來，我們便迫不及待點了數個招牌小菜和一個新菜。鑒於我們皆是海鮮友，不喜歡食肉，我們點的大多是招牌海鮮菜肉食。第一道菜－新加坡炒中蝦，酸甜辣味恰當，中蝦夠新鮮，很特別。豉椒炒聖子煎米粉底，煎米粉吸了豉椒汁，很惹味。黃金軟蟹，好特別，淡淡肉。唔少得是椒鹽鮑魚，原來這裡只用南非游水鮑魚，一咬下去，肉質腍，再加薄薄椒鹽脆皮，雙重口感味道，極讚這道招牌菜。理單每人才100多元，真是抵食又好食，值得我花時間比個好評。

我一家人在過去幾個月常來喜滿樓食晚飯小菜，基本上好食價錢又唔貴。作為街坊都光顧咗這新店半年，我們一直對食物質素及環境衞生有要求，也不能貴！這裡特式小菜都好好食，像前晚我們點了幾個菜包括黑胡椒中蝦、茄子炆倉魚、香脆腰果雞丁、蒜蓉粉絲蒸勝瓜、出品質量保持高水平，炸子雞的脆皮更是一絕！值得提是這裡很多健康美食包括涼瓜餐牌及蒸類菜式。這裡服務方面也很好，唔會催落單亦唔會趕你走，可自帶紅酒及來料加工。老細兩公婆是常在場落手落腳做嘢，笑面迎人，好食而親切的菜館。

Happy Friday 放工後，相約朋友去紅磡高山道食晚飯，紅磡近期多了好多美食，而且地鐡開通後十分方便。大約8-9點去了朋友介绍在安徽街的喜滿樓，很熱鬧，我們等了一會就有位。我們點了芝麻雞，砵酒脆鳝球，薑葱美國桶蠔煲，原隻菠蘿咕噜肉及自來一條笋殼魚用油泡，全部出品無論顏色及味道很有水準，十分入味。熱辣辣的桶蠔煲好正！薑蔥味唔會蓋過蠔的味道，蠔質細嫩又入味，賣相都很吸引食慾。芝麻雞更是出色，薄薄的雞皮奇脆。那咕噜肉皮脆肉汁多，酸甜適中，鮮菠蘿更吸引。整體來說，餐廳的服務好，食物質素很好，家常便飯都很迎合香港人的口味，相信我會再一次光顧的餐廳。

上星期朋友問我，那𥚃雞煲好食，我話食雞煲不一定去出名雞煲店，我就開車帶他們去土瓜灣喜滿樓菜館，雖然這裡最出名是特式小菜和特價海鮮，但這裡的金牌麻辣雞煲認真好食，大中小微辣任君選擇，而且全年是特價，我們所以叫小辣的麻辣雞煲再加其他撚手小菜(欖角骨、芥末薯角牛柳粒、黃金脆蝦) 。雞煲上到桌上，味道好正宗，獨有既麻辣味，材料也十足豐富正宗，加埋彈牙的嫰滑雞件，好食。只可惜我地叫錯辣度，應該叫中辣，咁就可以更加食到成個煲既味道。到加湯落唐生菜，雞煲湯底夾埋清菜，樣樣俱全。食完雞煲再食㰖角骨、黄金蝦和椒鹽軟殼蟹，很惹味，朋友已訂定枱下星期帶家人来食。