喜來稀肉 (已結業)

門口寫住星期日4PM可以入座我同朋友4點幾入到去 就話5PM先開點左護心肉同喜來稀肉完全大失水準 同之前食開變哂質配菜有芽菜湯 泡菜 洋蔥 生菜 同一碟吾知係咩既沙律全部都要自己叫先REFILLD侍應完全吾主動叫佢地落單都黑口黑面 態度好差!喜來稀肉個樣好靚 但一燒D肉已經散哂好似放左入雪櫃好耐咁完全同街市D雪肉無分別護心肉比較好但都好吾新鮮食到咬吾爛但起瑪有D肉味吾怪得星期日開係鬧市都無坐滿人

8月3日，我和一班同事在這間店吃韓燒，因為早到，所以不用等就有位，我是第一次來挺期待，叫了幾種肉一個套餐，服務生的態度不錯，環境挺好，但廁所太細，要小心滑倒。有時間限制，大約1.5hr，挺合理。可是，第二天我開始嘔，其他人也相繼肚子痛，第三日我肚瀉，第四日也是，直到今天8月7日我仍然腹痛，其他人也是，其中兩位要靠寶礦力吊命！！真是難以忍受，我才寫評語要告訴大家！衛生處理不好！！！差勁!!!!!!!!!!!

今晚同左四個女仔去食，大家都係第一次去，所以唔太知食物份量。我地叫住二人套餐，一個石頭鍋飯，一碟年糕食落牛好濃味，驚奇地好食。唔可以叫重口味，但肉質同味道都好正年糕少少辣，裡面仲有粉絲卷而生菜，泡菜同蛋(芝士味同泡菜味)都係任fill既~我地每舊肉都夾塊菜，真係到侍應暈!我地五個女仔叫尼幾樣食 都岩岩好好飽，加埋佢任refill既菜蛋，真係岩岩好我地每人$170 食90分鍾，性價比都算高地方好大 侍應多 唯一唔好就係電話收唔到 哈哈！

久不久就鍾意食韓式野, 呢日同朋友行開旺角, 就黎左長龍店喜來稀肉, 可能剛剛晚市開始, 未洗等好耐, 人齊可即時入座.對水冷麵最有興趣, 因為好多時睇韓劇D人都響度食, 所以黎到呢間過江龍都要試下.呢盤水冷麵好似冰麵一樣, 真係一粒粒冰, 夏天食唔錯. 食一下D麵, 煙煙韌韌口感幾得意, 不過味道偏淡, 而D冰定湯又好似無乜味. 仲有D青瓜絲, 菜絲, 雞蛋等, 呢D配料都係清淡口味, 需要加入醬汁先有番D味道.整體夠冰涼, 口味較清淡, 都係鍾意食呢度既韓燒多D.

今日同彭仔拍拖一周年黎左呢間聞名不如見面既喜來稀肉聞到隔離已經好香好肚餓好想食我地2個嗌左壹頭牛拼盤套餐加多份五花腩 泡菜湯全程都係彭仔負責燒 我細心欣賞佢既雄姿佢提供左超級多配料生菜、洋蔥、泡菜 仲有幾款汁料我最愛佢既泡菜 係我係香港食過夠辣、辣得好過癮，夠爽脆爐旁仲有芝士蕃茄蛋卷 全部有得refill 真係又大方又細心我最鐘意就係用生菜泡菜夾住肉果種鮮味加上小小辣椒 直達喉嚨壹頭牛 裡面有喜來稀肉、牛五花特級牛頸、牛肋骨肉、烤調味牛排骨 另有兩杯飲品我最愛喜來稀肉同牛五花喜嘅賣相十分精緻將幾片薄牛肉砌成一朵玫瑰花肉質亦十分可口彈牙，牛肉味十分濃郁牛五花係牛既五花肉，脂肪較多 口感軟滑，加上生菜可減少油膩嘅感覺五花肉 十分新鮮肥瘦剛好 燒出黎外層脆脆 咬落卡卡聲食落好鬆化 配生菜好match喜真係十分細心，位子旁邊都會有個風扇比有冷氣都燒到出汗既客人(e.g.彭)有涼快既安慰 讚!#好味glo 真係未試過食每舊肉都係好味 完美無一舊係鞋or有肉渣 又唔會乾又多肉汁汁期待下次試壹頭豬

同朋友好耐無見，就約食韓燒！見旺角近d，無諗到去到唔洗等位坐低我地叫左喜來稀肉、牛五花、豬大腸、肉眼扒同2個櫻桃汽水。份量我覺得都多，最好係可以無限加蛋牛五花同櫻桃汽水都好正豬腸食到後期會有d膩

食韓燒一定要試吓呢一間試下入到去好快被安排到一張四人檯,地方大而寬敞，令客人感到舒適。最先員工提供前菜：泡菜，醃蘿蔔，大蔥，豆芽湯，洋蔥，當然吾少得蛋漿。最開心就系前菜可以無限refill，最喜歡是泡茶，辣得尼好入味，令人想一食再食。喜來烤肉-將牛片排成一朵紅玫瑰花,好令又有創意而牛肉切片得好薄,所以放上爐幾炒就已經熟曬，味道當然好好味。👍🏻真雪花肥牛切得厚片，有小小黑椒，特出牛肉食落好有口感同好重牛味，脂肪比例仲好好添!! 有牛嘅油香，好正👍🏻特級牛頸牛頸油花，脂肪分佈好平均，同真雪花肥牛好似，食落同樣美味。推介👍🏻韓式烤豬大腸一向吾食內臟嘅我 都系朋友推介嘗試左發現豬腸好好食之除，仲非常彈牙，完全無內臟膻味，好驚喜。

去完韓國有半年啦, 開始掛住當地韓食, 加上朋友介紹, 決定黎呢度回味下2人套餐388, 價錢算適中揀牛肉, 見有個手指公就揀左喜來烤肉美食上枱, 一睇賣相已經好期待豬牛肉都好入味 , 嫩滑可口, 加上我又燒得正(讚下自己先), 真係無得彈護心肉肉質仲好鮮甜, 豬皮睇過有評價話佢靭左D, 所以我仲特登燒耐D, 朋友試過都話好食我覺得食物質素都唔錯呀, 夠韓國FEEL咁地道

Seorae has become one of the most popular places for Korean BBQ in HK and rightfully so. It has branches all over HK and I decided to go to the one in MK. The restaurant is underground and the place is decorated rather nicely, with comfortable seats and those cool chimneys. The menu had a lot of choice, whether it be the type of beef, pork or other Korean food that they offer, and at a rather reasonable price too. In the end, we decided to try the 2 people set for both beef and pork because we w

同一班朋友聚會不約而同都話想食韓燒 黎之前打電話預約 唔洗再排隊我地都係第一次食 聽過朋友講過唔錯 今次終於試到入到門口就見到宋仲基紙版 興奮了 立即影低留念坐低左就睇下餐牌 由於見到枱上既泡菜好吸引 點左2個豬肉2人set 同一個牛肉2人set 每個set都包二杯飲品豬肉同牛肉都好好味 有唔同既部位 最中意食豬腸同五花肉 覺得食物質素拍得住韓國 好有地道風味 份量都唔算少 ！餐廳可以允許食客自帶有酒精飲品 所以我地喺附近便利店買左幾支飲番杯 cheers ~哩間既爐邊蛋都相當出息 有泡菜同芝士二款口味 今餐真係大滿足 個個都食得好飽同大讚

喜來稀肉呢間韓燒好多人都聽過比較出名有原因因為真係真材實料👍燒肉方面我叫左巨大梅肉，護心肉，真．雪花肥牛😂巨大梅肉真係好大塊去又唔會太硬，好容易撕開， 肉質不錯護心肉，肉質比較鮮甜，加點韓式辣醬更加有層次感真．雪花肥牛， 比一般肥牛不同就係比較厚比較有口感同好有肉汁我個人應為值得推介👍另外值得推介的是生牛肉拌飯生牛肉加上生蛋，係香港唔係好多地方有得食生食的牛肉， 口感比較特別，食落去更加感受到牛肉的鮮味🍴

女兒帶我吃燒肉，不會喝水吧。桃子汁$30內有真的水果汁，不錯。柚子汔水$35柚子配上檸檬，酸酸甜甜頗為醒胃。西柚汽水$35西柚較柚子的苦。

聽就聽得多，食就第一次。對於寧願直接去韓國食都唔想在港食失望的我來說。今次認真俾面，因為我家老爺紀念日，想同佢試下別的東西😁😁叫了一個二人豬套餐（$4xx)再另叫薄切牛（幾$1xx)滿$500送一枝燒酒。豬套餐裡有豬皮--口感太膠，同平時食的質素差少少。豬五花--尚算厚切，新鮮，不錯。護心定--好味，份量不少。豬頸肉--嗯.......新鮮的但平時已經食開的下價選擇，無諗過會出現。薄切牛--好入味、份量夠、個汁好好味，甜甜地。最喜歡它是任添蛋及生菜，不會少計謀地想辦法收你錢。讚！建議蛋醬可以更真材實料一點，不要太hei

好似我咁嘅人一定唔係太多。呢間野永遠都好多人等位。永遠都係一大班人。但係偏偏我又好鍾意食呢度嘅水冷面。所以就冒昧一個人嚟咗。的確係怪怪地嘅，但係為咗鍾意食嘅嘢，冇辦法啦。水冷面裏面有冰，配上番茄，烚雞蛋，青瓜絲。。食落零舍清爽，舒服！另外每次都會配上兩支不知名嘅醬汁。。一支係酸酸的，零一支係水狀嘅芥辣。整體來講好似食咗一個s沙律。但同時間，係飽肚嘅。

今晚我們同一個好多年無見嘅好朋友食飯，我們去咗旺角廣華街嘅「喜來稀肉」食韓式燒烤！我們叫咗喜來烤肉、牛五花、牛肉眼、牛舌、牛肋骨肉、五花肉、豬頸肉、炒年糕同石鍋拌飯！喜來烤肉嘅賣相超級精緻吸引，因他們將幾片薄身牛肉堆砌成一朵玫瑰花，真係非常有心思，而肉質就好有彈性，肉味亦好濃郁！牛五花係好薄身嘅五花肉，肉質相當軟滑，雖然脂肪比較多，但唔會有好油膩嘅感覺！牛肉眼真係超大塊，肉質好鬆軟嫩滑！牛舌亦都係切得好薄身，肉質好爽口嫩滑！牛肋骨肉嘅脂肪分佈非常平均，肉汁亦相當多！五花肉嘅肉質都幾厚身，口感好豐富，而且充滿著油香！豬頸肉嘅肉質好軟滑爽口！炒年糕嘅醬汁味道相當惹味同唔會過辣，韓式魚蛋、牛肋肉同非常煙韌彈牙嘅年糕，吸收晒惹味嘅辣醬，真係超好味呀！係本人嘅必食推介！石鍋拌飯嘅材料相當豐富，飯焦亦好香脆！爐邊嘅蛋，一邊係泡菜，一邊係芝士，泡菜就比較惹味，而芝士就比較軟滑！