喜來稀肉 (已結業)

久不久就鍾意食韓式野, 呢日同朋友行開旺角, 就黎左長龍店喜來稀肉, 可能剛剛晚市開始, 未洗等好耐, 人齊可即時入座.對水冷麵最有興趣, 因為好多時睇韓劇D人都響度食, 所以黎到呢間過江龍都要試下.呢盤水冷麵好似冰麵一樣, 真係一粒粒冰, 夏天食唔錯. 食一下D麵, 煙煙韌韌口感幾得意, 不過味道偏淡, 而D冰定湯又好似無乜味. 仲有D青瓜絲, 菜絲, 雞蛋等, 呢D配料都係清淡口味, 需要加入醬汁先有番D味道.整體夠冰涼, 口味較清淡, 都係鍾意食呢度既韓燒多D.