喜來稀肉 (金巴利道)

營業中

休息中

前幾日又去多次我既最愛韓燒餐廳-喜來稀肉食晚餐。呢間餐廳從來都唔會令我失望，最中意就係食佢個爐邊蛋，無論芝士定泡菜味都好好食，仲可以任添，對於無蛋不歡嘅我，簡直係爽呀！今一次黎 我同朋友就叫左 牛肉眼，喜來五花肉，梅肉，同埋水冷麵。牛肉眼脂分配好平均，就算我個朋友唔中意煮得太耐，燒到八成熟都唔會覺得好硬，好鞋，證明呢到牛肉都有一定水準。至於五花肉同梅肉燒起上黎都好嫩滑，有好香既油脂味，用生菜將佢地同白飯、泡菜夾埋一齊，真係絕配，仲覺得好清新，唔會好肥膩。至於水冷麵，我地就覺得不過不失，麵條好彈牙，成個麵凍冰冰，加d芥辣汁，好開胃 ，好啱夏天食。總括而言，今次都係好好味，價錢又唔算好貴，果然無令我失望！

韓風吹咗咁多年 熱潮未減 近排有幾套韓劇熱播 我一面追劇一面食韓燒 全方位捧場-🥩🐂雪花牛肉韓牛出哂名 作為牛魔王😈嘅我 點可以走寶 特別係雪花肉 脂肪同肉相間 紅白條理清晰可見 賣相贏哂👍 肉質又鮮又嫩 燒至七成熟🔥再食 嗰種味道直情係無以尚之🌈 淨食肉抑或點醬汁食 同樣精彩🎉-🥓五花肉肉片肥瘦均勻 燒烤之時 油香四溢 發出逼迫響聲 好有氣氛 油脂芳香撲鼻👃 為免浪費油水 我多數將佢包白飯食🍚 油分滲入飯粒再一齊吞落肚 唔好嘥嘛😋-🐂❤️牛護心肉個名有啲刁鑚 侍應生大力推介🗣 話喺肝同橫膈膜之間嘅細微部位 肉嘅份量少 因此非常矜貴👑 食落質感有啲硬 不過肉味濃 喜歡嚼勁嘅朋友 不妨一試-🧊🍜水冷麵平時食麵 一面倒要熱食 但總有例外嘅時候 冰涼係呢個麵嘅賣點 一邊食韓燒 一邊夾炷靑瓜🥒涼麵入口 既消滯又開胃 冰透感❄️倍增 涼到入心❤️ 蕎麥麵過咗冷河再浸牛骨湯 即使冰粒溶化 麵條仍然有口感勁耐嚼 涼湯味道冇變淡 我索性飲咗三分一😉-📍喜來稀肉

好耐冇同朋友食燒肉 而家見疫情好返啲一於靶心一環去睇睇有乜好食🤪去到門口嘅時候 。。。真係估唔到原來上咗後嘅地方都真係咁大 上咗樓梯之後我都覺得幾適合一班朋友食因為佢除咗卡位之外 大廳嗰度都有好多嘅圓枱我5:30pm去到嘅時候都未有好多人 但係差唔多7pm嘅時候就已經差不多Full晒lu所以有興趣嘅朋友我都覺得早少少去好啲 haha今次我同朋友兩個人就收咗3碟肉+煎海鮮蔥餅本身我預每碟肉嘅份量都唔太多但係點知食食吓 都真係勁飽😂😂😂首先坐低後 侍應會填滿鐵鑊兩側嘅蛋漿有兩種味道 而且仲有幾款嘅伴菜添食完嘅話仲可refills首先第一樣到既係海鮮蔥餅薄餅好厚實 所以非常之飽肚 睇落去雖然海鮮量唔係好多 但係食落絕對唔少ga🤩呢碟牛護心肉賣相好靚見到啲雪花已經吸引啦之後就燒咗店內推介嘅喜來烤肉一入口已經不愧係招牌 佢原本已經醃好所以一烤完直接食都已經好好食我覺得呢個真係必叫ga另外呢款係牛西冷 呢款價錢同size既性價比都好高睇相就已經見到好厚na入口一啲都唔「銀」雖然今次淨係叫咗四樣嘢 但係真係超級飽也我覺得三個人都可以咁叫 hahaha再加上雞蛋同埋配菜都任添嘅關係添丫🤣

喜來稀肉如果喺香港要食韓式燒肉，小編會推介食呢間，所有嘢係比較接近韓國風格，依間野係小編食過無數咁多次🤤小菜泡菜、生菜、沙律，開胃小菜，是可以無限任添。招牌菜喜來烤肉肉捲得呈花形，肉質鮮嫩，肉片薄身為主，輕燒一下即可食用，，配上特調醃醬汁，肉味濃郁，油脂分布平均，必叫👍🏻👍🏻護心肉肉味非常味道濃郁，肉係條裝切割，富有咬口，配上燒肉醬，肉醬係甘甜口味，可配生菜包住黎食🤤🤤五花腩肉豬腩肉，因為經過燒過所以減咗油，食落去爽口唔油膩，加上蒜片，泡菜，配生菜食，感覺好爽😂大家去食記得要嗌燒酒配呢個燒肉因為配埋燒酒食係真係好爽🤤🤤

約咗朋友黎到尖沙咀金巴利道呢條韓國街食飯，之所以叫韓國街係因為呢條街嘅餐廳絕大部份都係食韓國嘢。見到呢間門口用木材裝修既餐廳都幾地道，所以就入咗去試下，上餐廳時要經過兩條樓梯仔，上到去地方真係幾大下，而且重好多人添，我同朋友冇訂枱，不過好彩咁啱有個位比我地 😝 用餐時限 90 分鐘。叫咗喜來烤肉、牛護心肉、牛肉眼、海鮮蔥餅，落左單無耐，侍應就好快遞上三款前菜同醬汁比我地，辣泡菜超好食，辣得好惹味，青瓜亦好爽口。😋喜來烤肉 ($138) : 將牛肉捲成朵花咁上好靚，睇落好似得好細舊，但其實有好多片係度，牛肉放上鐵板燒一燒幾秒就食得，而且醬汁都唔洗點，因為牛肉上枱時已吸收了醬汁既精華，食果時好 juicy 好正。🤤牛護心肉 ($150) : 雪花紋幾靚，切得厚薄適中，口感軟嫩，豐腴多汁，之後燒前用返喜來烤肉個汁去浸浸先燒重正，又可以包住生菜食。😋牛肉眼 ($150) : 睇落幾大塊足秤 👍🏻 肉眼油花豐富 🤤 食落油香滿溢，而且肉味又濃，真係好肥好邪惡。😣海鮮蔥餅 ($90) : 呢款係朋友叫既，開頭都諗梗會唔會中伏呢？因為以我嘅經驗呢啲蔥餅，一係就整到好硬掉得死人果啲，一係就冇乜材料而且

最近日日都係屋企睇韓劇，梗係要食下啲韓國嘢調劑一下心情啦！雖然食韓燒好多時都要用到手去食，但係洗手間嘅鹼液同埋紙巾都係自動化，唔使驚掂到任何野，洗乾淨哂就唔怕啦！護心肉同五花腩係我次次去到食韓燒都一定嗌嘅嘢，加多個飯就已經好足夠，仲有個爐邊蛋可以撈飯食，超級滿足！仲有幾樣前菜好開胃，慢慢吹吓水，食下食下唔覺意都食晒，係突然打起陣風都應該會再食耐D希望好快唔需要再覺得岀街食飯係一件奢侈嘅事，好想再同朋友聚下飲下嘢呀！

真係好耐冇出街食飯，呢幾個月個個都人心惶惶，最近終於可以放鬆少少，哩係屋企成日睇韓劇，一於第一餐出街食就同老公出去拍下拖食韓燒先！出咗去尖沙咀順便行街，再去金巴利街既喜來稀肉，二話不說即刻點返個護心肉同埋五花肉食下先，老公話仲想試吓佢嘅五花肉配特製醬汁，燒酒溝啤酒係我同老公嘅最愛，正呀！五花肉配特製醬汁甜甜地，幾好食，不過，護心肉同原味嘅五花肉都係我同老公嘅首選，點少少醬已經可以好好食，每人嗌多個飯，已經夠晒飽，不過，太掛住個仔，食得匆匆忙忙，一於決定下星期同阿妹再去食多次！

日日返工做到無停手，辛苦揾黎自在食。之前因為擔心疫情都唔敢打邊爐、食燒肉。而家無咁嚴重就心癢癢要去食。放工約左個朋友食喜來稀肉。入到去都要先探熱，消毒下隻手。啲位都隔開1.5米感覺環境都幾安全。叫左3碟肉一個麵，有牛頸肉、喜來稀肉牛肉、辣味豬腩肉、水冷麵。厚厚的沒有腌過的牛頸肉，燒好了自己調味都一樣係咁好食。喜來稀肉牛肉薄薄的一片片卷成花而且腌好左夠入味。辣味豬腩肉辣得黎夠惹味。水冷麵麵質幼細而且煙韌。

來到尖沙咀嘅喜來稀肉，要試下好耐冇食過嘅韓燒上到一樓嘅舖頭，有位講韓文嘅姨姨招呼我哋，話畀我哋聽用餐時間有90分鐘。呢度嘅店員大部分都係用英文溝通，我估都係韓國人座位同埋張枱都夠大，可以分開生嘅燒肉同熟嘅食物擺放我哋叫咗招牌嘅喜來稀肉，啲牛肉砌到好似朵玫瑰花咁，驟眼睇落去好似好少，但係當我哋一塊塊咁夾落嚟燒，就發現其實佢 一塊疊住一塊，分量都幾多每邊燒大概十秒，輕輕兩三下就已經熟透 配上醬汁：有豉油，大醬，辣醬，一齊食味道都好豐富！唔沾醬嘅話，本身牛肉嘅味道，加埋呢度特製嘅甜味，都幾好食㗎牛肉部分呢，用咗封門柳位，有少少好薄嘅筋，食落去呢有嚼勁因為睇咗梨泰院class，所以叫咗個嫩豆腐湯，湯入面有金針菇，翠玉瓜，蛋，仲有幾隻蜆添佢呢種辣味，真係韓式辣醬嗰種辣，配埋白飯十分之開胃熱辣辣嘅湯泡飯，同埋烤肉，估唔到都幾夾

老友急call，話今晚冇飯食😂，問我得唔得閒一齊食飯，所以今晚我過咗去搵佢🤭，結果佢大咗嚟到尖沙咀呢間喜來稀肉🍖，由於疫情嘅關係，餐廳唔係太多人👍，好快我哋就有位，入去嘅時候店員，已經提醒我哋張凳係可以放嘢嘅，咁啲袋就唔會吸到太大嘅味道😏，一坐低店員已經上咗啲泡菜畀我哋🥗，可能係肚餓嘅關係，我覺得啲泡菜好好食🤤，我哋揭咗陣menu ，跟住揀咗幾樣嘢 ，包括有牛肩胛🐂，喜來稀肉🐮，同埋一個醃豬肉🐖，另外我哋嗌咗個水冷麵🍜，等緊嘢食嚟到嘅期間，店員幫我哋喺個爐度加咗爐邊蛋😊，咁多樣嘢之中我比較鍾意喜來稀肉，同埋牛肩胛👌，可能因為係我鍾意食牛嘅關係，整體嚟講呢個價錢有呢個質數，都算係抵食🤭，都值得推薦畀大家😉

如題，太耐冇食韓燒會好想食而我只能講喜來稀肉算係穩陣之選地點方便，價錢ok，食物算穩陣一去到就好肚餓結果瘋狂燒瘋狂燒我哋點左喜來稀肉同護心肉喜來稀肉薄薄的，但都有少少油脂，食落都淋身有肉汁護心肉呢，可能我自己燒得比較耐，始終豬怕唔熟，所以乾咗d 我想講個年糕有驚喜辣得嚟又甜，年糕好掛醬，超開胃仲有個泡菜蛋& 芝士蛋都幾好味由於疫情每一枱都有樽消毒酒精但我覺得始終有個火爐所以有少少危險⚠️如果帶小朋友去就要注意⚠️整體來講平均ok，冇乜特別你以去大家樂嘅心態去食就ok食食下，其間同胖老公爆左句好想去韓國🇰🇷佢好少會講想去一個地方咁佢真係好想去喇老婆都好想同你去呀 😭😭

最近睇太多韓劇，所以好想好似韓劇咁食啲韓國烤肉。朋友就帶咗我嚟呢度食烤肉啊，佢話味道都好正宗嘅。但係烤肉我都係好怕直到食個新好大浸味，但係呢度好大嘅賣點係佢嘅抽氣系統做得好好。我食完之後我啲衫同我啲袋都完全冇味。講吓我食咗咩先，我哋乜菜都未點嘅時候，佢已經拎咗啲前菜嚟俾我哋，入邊有啲泡菜，有啲青瓜，仲有啲生菜等等。跟住我哋就諗住叫一份牛肉，叫一份豬，豬就要左滬深肉，聽聞係好出名嘅。跟住再嗌左個石頭鍋飯，韓國菜式裏邊來講，我就最鍾意食石頭鍋飯，我呢啲大男人就啱晒又飽又好味。啲肉嘅質素都好高質，燒完之後，夾埋生菜嚟食，簡直一流又唔會好油膩。如果再配埋啤酒就一流，但係因為我今日揸咗車所以我都係飲可樂。

講起韓燒，喜來幾乎係老字號！嚟到韓國街，眾多嘅韓國食店當中，我都係揀佢！店員熟絡咁端上前菜碟，再倒入爐邊蛋前菜睇落已經好豐富，有泡菜，生菜等等...生菜包咩最夾？答案就係豬肉啦！喜來秘製醬汁係好傳統韓式嘅烤肉汁，甜甜哋，加上芝麻好香兩塊燒到金黃嘅豬腩肉，肥美得嚟唔膩，加上烤過嘅蒜片，泡菜，一齊夾入生菜包入面，食落夠fresh呢度啲泡菜唔會酸，食落偏鹹少辣，啱哂香港人口味食完燒肉食埋爐邊蛋正佢呢度有2鍾，一種係芝士，一種係泡菜，啱哂我呢啲蛋控除咗燒肉之外，都好掛住韓國嘅煎餅，所以叫咗個薯仔餅嚟試吓一食落口好有口感，邊邊位好脆好似薯條，口感有啲似係首爾廣藏市場食嘅綠豆煎餅薯仔味唔重，有少少酸酸地入面仲加咗啲蔥蒜增香，不過始終係煎炸嘢，食到最後有點油膩

大家在疫情下減少外出進食但同屋企人慶祝生日簡單快速下 食左個韓燒今晚我地食左喜來稀肉為左減少繁忙時段進食我地6點鍾就已經到達大家都好守規矩俾佢地去探熱仲有酒精搓手液搓手我地今次揀左個520蚊嘅壹頭牛牛肉套餐及 加左份豬皮 豬皮燒肉口感煙韌有咬口，超好食叫好餐點期間餐廳職員已經準備好生菜泡菜醃青瓜菜沙律生菜準備使用，泡菜夠哂地道正宗，酸酸辣辣超開胃我地套餐分別係喜來烤肉 牛五花、特級牛頸、牛肋骨肉同調味牛排骨配埋醋飯肉質新鮮嫩滑，脂肪肥瘦均勻，多汁好味！飯團惹味又好食！整體黎講都係好味嘅職員亦都好細心不停幫我地換鐵板同埋不停幫我地refill芝士蛋今次我地晚餐花費了大約700元服務都很親切下次都可以考慮encore燒肉

好耐之前已經知道有呢間野今日終於可以係到同老友去食韓燒。一入到去職員即刻幫你量體溫同提供搓手液，抗疫時期唔懶得，枱同枱之間有足夠空間感今次點左個叫壹頭牛既2人餐同豬皮，壹頭牛入面有自家醃製既牛肉“喜來稀肉”，牛五花，特級牛頸，牛肋骨肉同烤調味牛排骨烤盤上有舊豬油係比你擦個盤，用番動物脂肪，肉類香氣更勝一籌最令我印象深刻就係砌左個花形既肉，比較少見食落去既牛肉都好新鮮，好多肉汁，自己鐘意肉汁多d，所以唔洗燒太耐仲有好有口又豐富骨膠原既豬皮，煙煙韌韌，補充皮膚既骨膠原，韓國人令皮膚更飽滿既原因之一另外鍋邊蛋都好香滑，有2種配料，分別係芝士同泡菜，各有特色，2款都好好食，8成熟最香最滑職員服務好好，會留意同主動問需唔需要加泡菜，醃青瓜，生菜同換烤盤，好細心