喜來稀肉 (金巴利道)

營業中

休息中

今日約咗朋友去食韓燒，我覺得呢間韓燒比較正宗，所以介紹朋友一齊再去食，今日好彩唔使等位，好快就入得。食韓燒唔少得緊係有幾碟泡菜啦，我鍾意佢呢度嘅辣泡菜，佢真係好辣，又夠爽口，我地食完再encore多一碟。我地點咗喜來烤肉、牛肋骨肉、拌冷麵、海鮮泡菜煎餅同紫菜飯團。喜來烤肉係呢度嘅必點菜，佢醃得好入味，薄薄嘅牛肉醃滿秘制醬汁，燒幾秒已經啱啱好熟，肉質一d都唔韌。而牛肋骨肉嘅肉質係有趙口，但又唔係韌，咬落去有肉汁爆出黎，都幾好食。拌冷麵個湯底係血紅色，以為好辣，但又唔係，飲落都幾清新，配埋蛋同番茄，食完可以減吓食完燒肉嘅肥膩感。海鮮泡菜煎餅，入面勁多泡菜，不過又唔係好辣，個餅底煎到好脆，似足喺韓國食嘅味道。最後叫咗紫菜飯團做結尾，雖然30蚊，但份量都唔少，有8個小飯團，d紫菜好脆口，飯團都幾結實，幾好食。

尖沙咀呢條街，一向多韓國野食，我朋友book咗呢間食韓燒，佢地之前食過話幾好食，價錢又ok,所以今次都book返呢間。入到去出奇地冇乜燒烤味，我食韓燒最怕就係大油煙，呢間抽風抽得幾好。未點餐，已經有幾碟前菜喺枱面，我覺得最出色係泡菜，都幾辣，啱晒我胃口。而爐邊有蒸蛋，味道幾好。我地叫咗2款肉同幾款韓食。喜來烤肉，上碟時卷到成朵花咁，都幾靚，原來係一片片醃咗味嘅薄牛肉，個汁幾好味，有少少甜甜地，雖然睇落唔係好肥，但都好juice。牛肋骨肉，帶有少少肥，不過燒嘅過程，大多數嘅肥油已經燒晒出黎，完全唔肥，有咬口，好重牛味。海鮮泡菜餅，橙色睇落好似好辣，不過食落唔係好辣，入面好多海鮮，有蝦有魷魚，個餅煎得好脆口，但入面又唔會好乾，幾惹味。拌冷麵，麵條勁煙韌，涷冰冰嘅冷麵，咁熱嘅天氣最啱食。紫菜飯團，勁多紫菜鋪喺飯團面頭，d紫菜好香麻油味，飯粒煙煙韌韌，勁好食。

牛肋骨肉店員推介呢個牛肋骨肉，咁就試一試。肉質真係幾鮮嫩而且有肉汁又有牛味，燒大約1分鐘左右就食得，而且都唔會好痴鍋，一客既份量亦都相對多同埋切得夠厚，咬落口感都一流!石鍋伴飯印象中好耐之前食過佢既石鍋伴飯好好食，所以今日再叫一次! 配料好充足而且真係熱辣辣咁上，加上辣醬一路撈既時候聞到勁香，直情連隔離台都聞到然後再叫。飯焦亦都有好多，可以個鐵碗一路都係好熱所以飯焦量比平時出面食既更誇張。配菜好新鮮同埋爽口再加埋甜辣既醬汁配搭起黎真係好夾!另外仲有芝士同泡菜爐邊蛋，一路咁煎住都唔會整到好老，食落口仲係勁嫩滑!

經過呢間烤肉店來來回回好多次，今日終於的起心肝去嘗試。我同朋友兩個人為免選擇困難症發作，就揀咗$520一頭牛既烤肉套餐，套餐除咗包括多款牛肉之外，仲包埋韓式醋飯同飲品。一坐低店員就會送上前菜，泡菜雖然辣度比較高，但係辣得黎又好好味，唔會係不停要飲水，食得好辛苦嗰種辣。韓式醋飯味道一啲都唔單調，除咗每啖都充滿紫菜之外，仲有陣陣麻油香氣，加埋個牛肉拼盤真係飽肚感十足。韓式飲品就冇咩特別，都係比較偏甜。牛肉拼盤有幾款類型嘅牛肉，烤完之後都仲保留到肉汁，唔會太乾，而且肉香味道十足，份量都足夠我地兩個人食到飽。爐邊蛋加咗芝士泡菜，豐富左個味道，好好味🥰

My boyfriend become a big fan of Korean BBQ since last time we went to the same chain in Causeway. He kept mentioning to have Korean bbq again. I was thinking of going to a different restaurant but he said he wants to go to the same one 😮finally we went to TST one instead as it is closer to where I work. The food was still really good. This time we ordered a beef set, which was easier and cheaper!He absolutely loved having the meat wrapping with the fresh lettuce! The kimchi was free but didn’t

次次想食韓燒，都會諗起呢間，因為服務好，無限refill 前菜，蒜頭，蛋，生菜嘅感覺非常好所以決定再一次encore！6:30嚟到已經好多人，叫咗個餐- 壹頭牛，好似咁樣計落係最抵，又有好似比較多人會揀嘅肉- 喜來稀肉👍🏾壹頭牛$520喜來喜肉烤調味牛排骨牛五花、牛頸、牛肋骨條仲有唔記得咗close up影個韓牛漢堡，個Menu寫住係心型漢堡，但嚟嘅時候竟然係圓形🤣。我男朋友話漢堡扒好好食，我就一般。總括來講，一個餐都夠兩個人食，非常滿足😋

好耐冇食韓燒，記得上次同成班FD黎呢度食過唔錯，於是今日又黎食過!我諗好多人同我一樣咁諗，再加上HAPPY FRIDAY，所以勁多人，等左一陣先可以入座。一坐低就食住D前菜先，最鍾意泡菜，辣度唔高，甜甜地岩哂我!招牌喜來稀肉黎到每次必點既招牌喜來稀肉，玫瑰花外形睇到就已經心心眼，就咁睇落好似份量唔多，但其實一件件拆開左份量都唔少!最緊要係肉質唔韌，又好香肉味╴同油脂塗勻個pan，再放肉上去，睇住d肉變色同d香味出哂黎，感覺真係好治癒!我鍾意夾住蒜片再加埋生菜食，然後點埋醬汁，夠哂味之餘又食到生菜既爽脆，感覺冇咁油膩!每啖都勁滋味!仲有爐邊蛋有芝士同泡菜味，熟成度可以自己調較，就算熟哂都仲好滑水冷麵冰冰涼涼既水冷麵最岩而家大熱天時食，湯底酸酸甜甜勁開胃，加埋蕃茄，又健康又好味!d麵黎到既時候要快速攪一攪分開佢，如果唔係就痴埋哂一齊架喇!麵質煙煙韌韌，好味!檸檬汽水食呢d熱氣野一定要飲杯凍飲先舒暢!叫檸檬汽水就岩哂，酸酸甜甜又有氣，一個字!爽!

終於食到呢一間喜來稀肉，之前一直都想試好耐，但返工太忙到完全抽唔到時間黎尖沙咀。今日終於可以約埋朋友黎個韓式烤肉，雖然係樓上鋪，不過7:30到已經接近座無虛席，好彩我哋有book位，所以一上到去已經有位坐~我哋兩個人唔知食咩好，餐牌上肉類款式選擇都幾多，所以就嗌咗個二人套餐。本身就咁睇餐牌，都好擔心個套餐份量少食唔飽，但係等到個套餐上枱我哋就放心晒了。肉類擺碟排列得幾整齊，滿滿既肉山，最後我地係勁飽，食甜品做宵夜嘅行程最後都取消咗。套餐有多款唔同部位嘅牛肉，每一款個口感都有分別，但大部份肉味好香好濃，加埋醬汁好惹味。我就最鍾意呢個「玫瑰」牛肉，食落口感唔會太過厚實。套餐會送埋紫菜飯團，飯團好香麻油味，非常唔錯！個蛋都好香，入面有滿滿嘅芝士同泡菜😆份量十分多，價錢都好實惠。

疫情已有一段時間，也有一段時間沒有食韓燒，今日便相約朋友聚聚，我們到了尖沙咀的喜來稀肉分店，來到餐廳，人真不少，幾乎爆滿，剛剛好不用等位。看看餐牌，我們點了真雪花牛肉和調味醬油雞肉，再上配一個水冷麵，便差不多。最喜歡韓燒的前菜有漬物、泡菜和豆芽，最正係有鍋邊蛋，一邊是泡菜味，一邊是芝士味。真雪花牛肉 $208牛肉雪花紋漂亮，油脂香濃，輕燒兩面鎖住肉汁，入口即化，香甜味美；如果生菜不夠的話，還可以免費添加。調味醬油雞肉 $110雞肉已經有調味，十分入味又嫩滑，不用落醬已經好夠味道，如果份量多些就更好，有點不夠喉。水冷麵$85份量足，整體清凉冰爽，水冷麵配有酸醋和黃芥辣，十分開胃，食完燒肉中和一下很不錯。西柚梳打汽水 $35

最近疫情稍有緩和，便相約好友下班後吃飯聚聚😊朋友們很愛吃燒肉，我就提議韓燒，因為上次在喜來稀肉吃過的燒肉令我一試難忘，很想再吃🤪-這次光顧的是位於尖沙咀的喜來稀肉分店，在晚上的時候，排隊的食客有很多，建議各位早一點去等。食物的選擇和上次吃的沒有什麼變化，也是傳統的韓式食物和美味的烤肉，只是這個分店的套餐set少了飲料，需要另外加錢🙈-1. 壹頭牛燒肉套餐 $520朋友和我也是牛肉終結者，所以點了這個全牛肉套餐🤤牛隻模樣的木盤上有五種牛肉，包括喜來烤肉、牛五花、特級牛頸、牛肋骨肉及調味牛排骨，每款顏色鮮紅及新鮮，真的是未燒先興奮😝我和朋友一致覺得牛五花是最好吃，因為油脂相對較多，放入口中的滿足感是另外四種不能比擬的🤤隨餐還有一碟紫菜醋飯，有很香的麻油和醋香，配上滿滿的紫菜來吃，非常美味😋-除了燒肉外，芝士和泡菜口味的爐邊蛋、泡菜、辣雜菜、醃酸瓜和生菜是無限refill，對於我這個大食人士是非常吸引🤩

最近同女友人見疫情有d緩和, 就出左尖沙咀逛下.. 我發覺好多香港人都一樣，可能屈係屋企太耐到而家疫情轉好，個個出晒黎逛好熱鬧. 咁我地行完美麗華去左天文臺道.. 發現呢條街好多人等位食野.. 我見好多人都排隊食韓國燒肉.. 跟住女友人又話想食喎咁我地就去左試"起來hey肉" 啦. 呢間燒肉點環境都唔錯,好一貫韓系既本土燒肉店feel, 幾raw幾有feel..野食方面，我地就叫左一碟喜來烤肉，一碟牛護心肉，一個紫菜飯團同埋個水冷麵, 個起來hey肉好鬆化就算燒到有d過熟都好冧同埋好juicy正,個牛護心都幾好，好厚肉。。落小小喜來烤肉汁再燒。 惹味好多。。 跟住個紫菜飯團包得幾好，一啖放入口好滿足既感覺， 最後食埋個水冷麵， 我咁大個仔第一次食， 都唔錯幾特別又彈牙咁。 食下食下唔經唔覺其實都幾飽。 兩口子咁既份量岩岩好，大滿足。

招牌喜來烤肉 $138賣相好別緻，成朵花咁，塊肉本身好薄，輕輕燒一燒就食得！脂肪唔太多，唔會好油膩，肉質柔軟，好味～調味牛護心 $150呢隻肉好罕見，第一次食，牛肉味好香好新鮮，配埋秘製醬汁好惹味。水冷麵 $85兩個人share 一碗其實唔係好夠喉，麵質好彈牙，撈芥末醬食好fresh, 下次可以再食。紫菜飯團 $30一個個飯團已經預先撈好哂紫菜，唔洗自己整，鍾意食韓國紫菜就要試下，撈飯團一流！食完咁多野，爐邊啲蛋終於熟，有芝士同泡菜味，各有特色，好滿足嘅一餐～

尖沙咀都有幾多韓國菜，我同朋友呢日就專登去食韓國菜。我地搵左一間門面望落去好傳統既韓國餐廳食晚餐。呢間餐廳好大間，而且入面有勁多選擇，有好多唔同既燒肉同傳統韓菜。有幾款免費既前菜，燒爐邊仲有雞蛋，好豐富！燒肉方面，我地點左護心肉同埋五花腩，我地超鐘意呢個五花腩，將佢燒到好香脆，然後再用生菜包起一齊食，勁惹味！水冷麵係我每次食韓國菜必點既菜式，呢間餐廳既水冷麵都唔錯，麵係好彈牙，而且湯汁好refreshing!燒肉配埋燒酒就perfect啦！

4個朋友仔gathering, 無book檯係7:00左右直接去, 有限時間, 但我地叫得都多所以就算未食完都無話要趕我地走。同埋我地烤肉不停地換盤, 希望佢地店員內心無介意坐嘅凳底可以放袋, 同埋食完衫都吾會話一股味道。前菜/配菜/泡菜都好食, 但較辣, 爐邊蛋有芝士同泡菜兩款口味都係可以再加份量。烤肉我地叫左個牛肉拼盤, 總的來說很好吃但肉餅真心吾識點烤, 會散開。五花腩係routine一定要order啦。但生牛肉我都係第一次食, 都幾好吾錯燒烤叫番兩支真露更好, 佢地都雪得夠凍

喜來稀肉我諗都算係韓燒入面比較出名既一間燒肉店但一直未有去過，今次終於一食雖然唔係放題，但係價錢都唔算貴最好既係佢前菜可以任意加單好有水準既一個泡菜佢有韓式獨有微甜既辣但佢既辣度比起一般香港食既辣上不少，唔食得辣既朋友就要小心啦菜方面口感好爽口，咬落去索索聲青瓜雖然醃過，但依然爽口味道酸酸地，好開胃我就好討厭醋既酸叔味既，但佢完全冇呢個問題，連我都食到食唔到口菜夠晒新鮮，配埋佢既辣醬，清新得黎夠惹味店員會比一小塊脂肪黎比食客開鑊用而最正係側邊既邊爐蛋會慢慢燒熟仲要有唔同口味，有芝士同泡菜味芝士口感會creamy D，但泡菜就更惹味真雪花牛肉佢既雪花分佈平均，令佢入口啖啖油脂香之餘，唔會令你有膩既感覺，亦令佢口感軟熟喜來烤肉極力推薦醃製過既牛肉，令佢味道更豐富有層次，但又唔會蓋過佢既原味而且口感柔軟，令人一食再食如果怕膩既，仲可以用呢Ｄ新鮮爽口無苦味既生菜夾住黎食就更fresh，亦多一種變化