喜來稀肉 (金巴利道)

營業中

休息中

喜來五花肉配特製醬汁$133第一次叫五花肉，配埋特製醬汁好夾好好味🥳肥就肥左啲不過一次半次唔怕啦🤪喜來稀肉$138必叫😍好香，醬汁好正～燒一燒好快就食得護心肉$158我好少可咁鐘意食豬肉，真係好食😋米飯x2 $24個人覺得米飯索左肉汁肉香係好正嘅！所以燒親肉最好都比一碗飯我地😂前菜有泡菜、醃蘿蔔、生菜絲👍🏻👍🏻都是無限refill的～不過食左咁多烤肉其實都好飽😽尖沙咀都幾多人黎食，好熱鬧～

~~Korean bbq night~~聽日可以home office一於今晚悠悠閒去食餐好嘅！好多年前同爸媽都黎過呢到食，但個陣唔識叫，而家唔同啦～知道自己鐘意食咩，所以全部都好岩口味。我地今次叫左：Pork: 護心肉、喜來五花肉；beef: 喜來稀肉，再整多兩個白飯添！野飲就無嗌喇，飲水～今次爐邊蛋一熟我就不黎食，上次燒哂啲肉之後爐邊蛋太熟了，今次岩岩好熟～又滑又嫩，終於明白點解openrice咁多人話爐邊蛋好味了😋

難得，等左咁耐終於有得食韓式燒肉🇰🇷梗係同最愛既歐爸一齊食啦😚歐爸係燒烤達人，GG全程都係坐係度食🥢、影相📷同等食⏳😆好幸福哦！叫左豬護心肉同牛舌、辣豆腐湯、紫菜飯團同埋韓國啤酒🍻不過個啤酒落完無嚟過，燒到一半再追，追左兩次先嚟，睇嚟妹妹要再train下係我太耐無嚟食定真係唔同左？食到個肉係用果醋醃過，鬆軟得嚟酸酸甜甜，又夠juicy！😋當然都要讚一讚親愛既歐爸爐火純青既技術👨🏿👍🏻 重點條蛋等到成餐飯食完先熟🤣任fill都蝕踔啦！飽到食唔到啦！🙈Menu入面有個set係嫩豆腐湯，但a la cart menu就只係得辣豆腐湯，好confuse.嗌果時唸住紫菜飯團應該係日式飯團🍙咁樣，點知成碟勁多舊飯軟糯、紫菜既量夾得天衣無縫超好味送燒肉一流！話時話我俾左個籃妹妹refill點知佢收走左，就一去無回頭....... 做乜事者但希望佢地真係要改善下啲通風，燒到一半開始好焗夏天應該唔可以再嚟幫襯...

鍾意韓燒嘅人都應該知道位於金巴利道的『喜來稀肉』啩，除咗呢間，旺角，銅鑼灣亦有分店。好似特别為限制令而設，呢度枱與枱之間距離遠超1.5米，亦做足量度體溫等防疫措施，咁大家可以吃得開心又放心喇。有個溫馨提示 : 9點半前入座限時個半鐘，最初都有D擔心時間不足，但一入座D待應好快手準備咗三種前菜，免費任加的生菜及爐火，蛋汁，所以之前的擔心完全冇哂影。護心肉，比較矜貴嘅肉，都要試吓，真係好好味，腌得够味但又唔鹹，而且吃落口唔會『鞋』，唔會韌，一定要試。五花肉好似亦係韓燒必備，燒到微微燶，啲花出哂來，見到都流晒口水，用D生菜包住來吃，減低油膩感，正。水冷麵係朋友鍾意之物，點都好吃吖。仲叫咗水果燒酒和梨汁，perfect的一餐。

Thanks to coronavirus all my travel plans have been cancelled. While I may not able to travel physically I let my tastebuds travel to Korea tonight! Getting my Korean fix at seorae:Since we are looking for an authentic Korean bbq experience, friends suggested this place for us. We ordered 3 different types of meat cold noodles. They served us kimchi and some other small dishes to start the meal. I’m not a big fan of salad so I let my friend eat them all...5 mins later, here comes the meat! The q

好耐冇食燒肉, 趁住放假決定放自己監食個燒肉, 揀咗喜來稀肉, 一直都係佢ge常客, 食物質素有保證之餘性價比亦算高👍🏻今次嗌左五花腩, 肥牛同水冷面, 加上無限添加嘅泡菜同爐邊蛋, 已經食到捧住肚皮走🤤兩款肉類都非常高質, 特別係雪花肥牛, 夠哂油香, 輕輕煮一下就食得, 保持嫩滑嘅口感, 而且仲有肉汁, 牛味都幾香濃, 完全冇得輸🤤另外水冷面亦非常回味, 有青瓜絲, 蕃茄同雞蛋, 配上酸酸甜甜嘅湯底, 非常開胃醒神! 😋

喜來稀肉可以話係先生呢啲食肉獸嘅至愛，之前通常都係幫襯旺角分店，今次嚟開附近拎手袋，順便去尖沙咀分店醫下肚。一如既往，一坐低枱面已經準備好豐富嘅前菜，令人食指大動。今晚嘅前菜有辣醬芽菜、醃青瓜同辣泡菜，份量相當多，食完仲可以再添。第一次接觸甜米露係喺韓國焗汗蒸幕嘅時候，流失水份之後飲返杯甜甜嘅米露，實在係透心涼！喺到見到有甜米露實在係驚喜，而且同燒肉同樣係絕配，冰涼爽口，清甜解膩。食韓燒嚟講牛同豬各有千秋，同先生商量之後決定每款各揀一樣，最後嘅決定係真雪花肥牛同五花肉。肥牛雪花紋理精緻，油花分佈均勻，齋睇已經令人流晒口水。五花肉亦同樣吸引，肥瘦均勻，煎一陣已經油香四溢，加上泡菜、蒜片同辣醬用生菜包住食實在完美。五花肉仲可以煎耐少少直至表面乾身香脆，有少少食豬油渣嘅口感，別有一番風味。大醬湯係我嘅至愛，湯底鮮濃美味帶少少稠杰嘅質地，而且材料豐富，有牛肉、花蟹、蜆、金菇、大蔥同豆腐，花蟹尺寸亦唔細，絕對唔馬虎。水冷麵冰涼透心，加入辣醬令味道層次更豐富，麵底爽口彈牙，另外配有一枝酸汁，鍾意湯底偏酸嘅話仲可以再加。最後當然唔少得爐邊蛋，一邊加入泡菜，一邊加入芝士，兩者嘅味道都剛剛好，唔會蓋過蛋

任食泡菜，生菜同蛋！收工想食得健康d，又想食肉，就諗起之前食過既呢間喜來稀肉～因為佢有三款泡菜，生菜同兩款蛋漿任食XD，岩晒～三款泡菜，味道好地道韓式。蛋漿有芝士同泡菜做底，好食。我叫左兩款肉，喜來烤肉同牛肉眼。喜來烤肉擺盤靚，將鮮紅色既肉整到成朵玫瑰花，用秘制醬料醃得非常入味，一放到烤爐上好快就熟。牛肉勁多肉汁，生菜包正。當然，仲有我都愛吃的西冷，大大塊放上烤爐，慢慢烤，再剪牛排，肥肉膏慢慢融化，勁香牛香味，真係津津有味！

好味道護心肉尖沙咀既金巴利街最多既餐廳就係韓國菜，但係人氣既話，喜來稀肉每次見到出面都係排滿人排隊，我相信佢都係數一數二好食既韓式燒烤。今日因為同男朋友早放工既原因，可以去食下韓燒，吾駛排隊等位，好快有位可以安排入座。坐低之後見到成張台都已經係配菜，包括：生菜、泡菜、酸瓜仲有一個係辣辣地既沙津。重點係是可以無限任添之餘，蛋漿都係無限任添嫁！未到晚餐又有點餓，叫左兩個肉。護心肉護心肉係一隻豬當中吾會有好多可以整出黎，所以比較矜貴，面頭有不小肥膏，但燒香後油分不多，爽滑彈牙。用生菜加泡菜包住，更好食。喜來五花肉配特製醬汁脂肪分佈得好靚，一層一層，分量都多。五花肉配特製醬汁甜甜地，幾好食，肥肉特別有口感，有肉汁，有吾會好肥膩。

住在港島的我通常去喜來稀肉位於銅鑼灣登籠街的分店，今晚就第一次來到尖沙咀金巴利街的分店。格局兩間都差不多，而且星期四的晚上依然要等位，十分旺場。簡單點了一個雞肉一個牛肉和一個水冷麵。一坐下職員已準備好三款前菜、醬油和爐邊蛋。爐邊蛋有兩款：一款是泡菜，一款是芝士，另外還有蒜片提供。咁《水冷麵$85》水冷麵配有酸醋和黃芥辣。職員亦會細心幫忙展開冷麵。水冷都清涼帶酸，天氣熱兼吃燒烤，配一個水冷實在最好不過。《真雪花牛肉$208》雪花紋靚，油份比其他高，輕燒兩面鎖住肉汁，入口更香和軟，蘸少許鹽更提味。《調味將由雞肉$110》雞肉已經有調味，所以根本不需再另加醬油。雞肉嫩滑，如果想更加惹味，蘸上韓式辣醬會很不錯。如果想減吃燒肉的膩感，可以用蔬菜包裹着吃，而且生菜是免費加添，很好的服務。《西柚梳打汽水$35》邊吃燒肉？邊吃汽水，是一個享受。

有不少朋友呢大半年都冇去過旅行，曾經覺得韓燒一定係韓國最正宗最好味，但而家只係可以響腦入面幻想😞昨晚即興地約左幾個朋友食韓燒，懷念一下異國的味道，用生菜包著烤熟的肉片、泡菜、蒜片...（我會包好多蒜，因為蒜片係任加😎）配埋韓國辣醬獨有的風味😋即刻重拾返去韓國旅行隻feel先～真雪花牛真係好大塊，牛脂味好重🤤大家望到係唔係好想食呢每次去韓燒必試五花肉，燒好之後塊皮脆卜卜，d肉又軟腍黎喜來稀肉冇理由唔試佢招牌喜來稀肉既，肉片一放試鐵板幾秒就食得，又大塊，建議一開頭好肚餓既時候燒，好快食得今次食韓燒，過下韓國癮，但希望可以快啲去到真·韓國🇰🇷香港人要加油💪🏻

近日新冠肺炎疫情漸趨平穩，與朋友出外食飯次數亦相應增加。為了獎勵自己近日減肥成功，破戒食韓燒😝上一次去銅鑼灣食完喜來稀肉，已經念念不忘，今次轉移到尖沙咀分店，不知道味道有沒有不同🤪這次同樣叫了牛肉套餐，但少了兩杯飲料🙁——————————🔹壹頭牛套餐 $520這個套餐有五款肉，分別有喜來烤牛、牛五花、特級牛頸、牛肋骨肉和烤調味牛排骨。一上菜，發現全部肉都很新鮮，是鮮紅色的🤩 特別是牛五花長長一塊，較上次更大塊☺️-朋友和我最喜歡食牛五花，因為脂肪比例是最多，燒起來油脂芳香撲鼻，脂肪微微燒焦，會有特別的香味，再用生菜包起來，一點也不會有油膩感！-調味牛排骨也很好食，因為本身用醬油和梨汁醃製，所以燒完會聞到醬油香和食到甜甜的味道，肉質也很軟腍😋-喜來烤肉份量最多，好像有八片，而脂肪含量最少，所以食起來牛肉味最濃，但燒完一點也不鞋口，好食👍🏼-其餘兩款牛都不錯，簡單燒三十秒左右，再翻面燒，食之前蘸少少燒肉醬，冇得彈😋😋🔸 醋飯這間的醋飯也要大讚，因為我超愛紫菜，而紫菜量多到看不清下面的飯😚😚醋飯小小一球，本身已經用麻油和醋調味，外層再用大量紫菜包住，煙韌美味😋🔹爐邊蛋爐邊蛋可以無限refill

尖沙咀燒肉系列好在朋友布book 位去到門口都有唔少人等緊位安排左我地有風扇既位☺️店員都好快手已經倒左蛋醬🤤！芝士與泡菜🤩兩樣都好愛🥳！叫左三樣野！同埋黎得韓國街點都要叫啤酒飲勝🍺🍺🍺Lee 間肉肉既質素不嬲都高既！豬大腸（$128)係朋友話佢每次都必點！燒到支lee 炸那！豬油重可以順手燒埋其他肉肉🤣🤣🤣！朋友燒得好靚d 大腸比佢燒到真金黃色！燒肉之達人！牛肋骨（$138)🤤 同埋豬仔護心肉🥰（$158）！佢地既肉質都係中上以上🥰而且CP 值好高🥳火力夠所以燒得外脆內軟好味道！我就相對鍾意豬護心肉多一d 因為比較厚而家咬口強d!牛相對薄幼！兩者份量都好大夠飽！而家食下前菜又食下肉平衡下🤤🥳！辣辣kimchi 🥰！包住蒜芽菜同埋肉肉🥰一肉幾食🤣回頭率既韓燒🥰

又來食喜來呀掛住呀豬大腸！！！🥰今次唔過海黎左尖沙咀韓國街既一間分店都係個句記得book 位🤣因為就算平日都人山人海🤪前菜任食！今次泡菜辣過上次☺️好開胃🤩！重點當然都有蛋🤤滑蛋芝士拉絲呀喂😳🎈韓式豬大腸（$128-180g)肥美既又有！薄脆既又有！燒到出曬油🤤🤤🤤！脆卜卜！點埋個甜辣醬🥳🤤😍🎈牛肋骨肉（$138-150g)所謂有牛味！牛肋骨肉質係彈性同時好軟林林！有別於五花會有入口立即溶感！多左一份先咬口後軟熟咁🤪🎈豬護心肉（$158-200g)豬既護心肉相對更有咬口！係彈性既感覺!包泡菜食🤩外面生菜三層食法😍韓燒必用食法肉肉配啤酒是必須的！支裝韓國啤酒Hite($30)🍺🥃如果你工作累了！！

近排有啲沉迷想食燒肉，所以食完冇幾耐又再返去食。呢間我已經嚟過幾次，回頭率極高嘅韓式燒烤，肉質肥美、品質高味道又夠地道；一試再試都唔會見厭倦。 一坐低我哋就嗌左三款燒肉：第一，五花肉，第二，豬護心肉，第三梅頭肉。我哋亦都叫咗一碗白飯，因為白飯再加啲菜、蒜頭、泡菜一齊食實在非常正。每一份肉嘅份量唔會太多，但勝在品質好，唔會話係比一啲好梅好黑嘅肉你。 過程中塊板燒焦咗都不停會有職員嚟幫你換。 食燒肉點可以唔配啤酒我哋就叫咗一杯$52大大杯嘅Sapporo啤酒，一口肉一口酒， 10分過癮。每一次嚟食都一定會添啲爐邊蛋因為蛋係可以無限任添，但其實食肉加食蛋都幾飽所以絕對可以滿足到任何大胃王。呢間真係值得翻炒再翻炒。