喜來稀肉 (金巴利道)

營業中

休息中

在家納悶好久了，慶幸朋友相約去食野，可以出街。朋友系尖嘴，唯有我去就他吧。金巴利街附近好多韓國菜，比朋友拉左入去食韓燒。餐廳細心有等候位區域坐。入到餐廳，環境不錯。我地決定韓燒，餐廳遞上多款韓式小伴菜，有泡菜、沙律、生菜。 咦，餐廳牆有牛牛圖，應該主打食牛肉。不過朋友吾食牛，於是叫了護心肉，海鮮泡菜餅兩樣野，再加埋蔬菜籃。護心肉，望落去樣子普通，肉厚厚地，燒後食落去味道不錯喔，口感佳。這段時間，股市跌📉得恐怖😱，要食護心肉護心呢。海鮮泡菜餅到了，趁熱食最滋味，微辣，份量挺多。則邊的蛋記得早點食，太熟的話就吾滑架啦

上星期和朋友去了位於尖沙咀的喜來稀肉食韓式燒烤；好耐冇食過韓燒，所以特別期待。兩人拼盤套餐(壹頭牛)：這個牛套餐好抵食,包括有喜來烤肉／牛五花／特級牛頸／牛肋骨肉／烤調味牛排骨 & 醋飯8個 & 可選兩杯飲料701-708no.；每款既牛脂分佈好平均，燒起來滲出不少肉汁，令整個口感充滿juicy既牛香味。個人最討好的是烤調味牛排骨，因餐廳先自行調味，令整個牛排骨更為入味之餘，味道仲甜甜地幾好食，吾需要加其他既醬汁，已經夠晒味道了！牛肋骨肉口感不錯；而特級牛頸入口帶嫩，喜來烤肉整成一個玫瑰花，好吸睛，肉味又濃郁啊！另外，套餐包的醋飯8個，味道帶少少酸味，令食客更加開胃！炸醬麵：炸醬麵份量可供二人分享，炸醬麵麵質彈牙又夠滑口；而炸醬料方面，雖然沒有正宗韓國既甘濃郁，但依然咸咸地，跟韓國的有７成至８成相似。米汁：飲落甜甜地，仲有少少米粒。

呢間係開喺香港數一數二比較好味嘅韓式燒肉，夜晚嚟到都好多人，全個餐廳都滿座，仲有啲排緊隊等位添。肉嘅種類有好多，我哋揀咗二人餐，因為好鍾意食牛。一坐低店員就已經比配菜你，都好豐富。二人餐份量都好多，最緊要係可以試好多唔同嘅牛部份。二人餐有五款牛肉，牛嘅味道好香，而且夠肉汁。喜來烤肉相對地比較厚身，咬落有口感。牛五花就薄片，因為比較多肥肉，所以食落去感覺比較肥美，一口牛肉油。特級牛頸脊比較有咬口，味道都唔錯。我最鍾意食牛肋骨肉、因為夠香，調味唔錯，肉味又夠濃。烤調味牛排骨，有啲筋位。

不嬲都鍾意食燒肉，今次去開尖沙咀就同朋友去咗喜來稀肉嘅尖沙咀店。餐廳面積好大，都係走佢一貫嘅傳統韓式燒肉店嘅裝修。每張枱都有一個燒肉嘅爐頭，上面有幾個坑用嚟燒蛋用嘅，佢哋個坑到加咗芝士同埋泡菜，咁就有兩種口味嘅蛋可以食，記住一熟就好食，如果唔係就會太老。點菜方面，除咗散點之外仲可以選擇全豬或者全牛嘅套餐而今次我就食咗全牛。全牛套餐有薄切肥牛，牛頸脊等等嘅五種不同部位牛肉再加埋兩種菇類同埋紫菜包飯。每種牛肉都非常之新鮮，一啲都冇雪藏味，每一款牛嘅肉味好濃郁。配合生菜，白飯同醬汁一齊食真係多多都食得落！另外叫咗個海鮮薯餅，用料十足之餘，唔同海鮮嘅鮮甜加埋煙韌嘅薯餅，好好食。總括來講呢個價錢都算幾抵食。

近排啲天氣又凍返，搞到我同朋友想食下熱辣的食物，咁我哋就揀咗呢一間餐廳到燒， 一入到去其實都幾多人喺度食緊韓燒。 同埋入面都裝修得ok坐得到舒適， 同我喺韓國食嗰啲燒烤店有啲相似 ，覺得有啲地道。 我哋叫咗以下:豬護心肉: 其實呢個豬護心肉，我覺得係主角嚟嘅，因為佢燒嗰陣都算係快，同埋肉質幾鮮，佢用嗰啲醃料醃得都非常之出色令我回味無窮。豬肉泡菜湯米飯: 其實我覺得呢個泡菜湯米飯非常之好食，酸酸辣辣咁， 而且都有頗多豬肉，同埋佢配料我最欣賞嘅就係豆腐，因為係豆腐都幾嫩滑，配少少泡菜，正!係寒冷嘅天氣食呢一兜嘢 ，我覺得非常之鍋心，因為去韓式嘅餐廳，我都鍾意叫一鍋鍋嘅嘢食，呢個我幾like and 推薦。海鮮泡菜餅: 呢個泡菜餅其實我覺得佢整得都幾有層次感，因為餅又大大塊熱辣辣咁樣 ，最好就係一路食一路飲個酒嚟食，咁我覺得作為餐前小食其實呢個餅都幾頂肚 㗎。 大家可以睇下我嗰啲相，有相為證!最後如果大家行去尖沙咀呢一頭及鍾意食韓燒嘅朋友可以去呢一間餐廳試下，因為佢啲肉我覺得幾新鮮，燒起上嚟都juicy。

呢間燒肉記得以前一開喺香港就好難book位，之前都食過好幾次，覺得燒肉質素都幾高。今日再嚟食覺得水準依然保持到。夜晚都好多人，仲要等位，真係名不虛傳。我哋叫咗二人餐：壹頭牛$520，基本上呢個餐兩個人一定夠食，因為肉嘅份量真係好多，而且仲包八個紫菜醋飯。套餐有喜來烤肉、牛五花、特級牛頸肉、牛肋骨肉及烤調味牛排骨。另外仲有兩款飲品。所有肉類都好有肉味，有啲就算冇調味，另外你自己點返啲醬汁都相當唔錯。我哋另外加咗泡菜海鮮餅，泡菜海鮮餅好大份而且好足料，仲煎得好香脆，味道唔錯！

近排看韓劇Forest挺好看，看完韓劇，想起韓國菜，於是難能可貴約到十年沒見朋友去韓燒。來到餐廳，空間夠大，不怕傳染病毒啦，都好多人，尤其年輕人。牆上見到🐮🐮的解剖圖，主打食牛肉。望望餐牌都幾多選擇，除了套餐或散叫食物，都有燒餅，面類。叫了護心肉，喜來烤肉和海鮮泡菜餅三樣野，本身餐廳送埋蔬菜籃，好豐富。護心肉，系豬肉，護心肉唔肥，肉厚厚地，口感佳。護心肉系橫隔膜同肝之間的肉。喜來稀肉：由於冷藏溫度佳，我地燒完護心才燒。個presentation好有心思，牛肉捲成花形，花🌸下有醬料添。食食下，試用生菜包住食，感覺清新得多。好開心見到餐廳多食客，因為餐飲業面臨寒冬呢！香港加油！！

今日同朋友去左期待以久既燒肉店因為之前食過之後就念念不忘於是就約左朋友係平日放工去食去到鋪頭已經聞到好香既燒肉味餐廳都有八成滿佢個爐既特別之處係兩邊放左蛋醬, 一路燒既時候就可以整熟D蛋醬, 有芝士同泡菜兩款味, 個人比較鍾意芝士既濃郁香味仲有一坐底已經有小食, 有青瓜,芽菜同泡菜, 泡菜辣得黎超好味叫左幾款:牛舌: 勁抵食, 有一大盤, 應該有二十塊, 薄薄一片, 燒一陣就食得, 好好味喜來烤肉: 呢個上枱好靚, 好似朵花, 薄切沾左醬汁, 燒起上黎好入味泡菜海鮮薄餅: 熱辣辣既薄餅加上泡菜, 蛋味又濃, 值得一試柚子汽水: 可以食柚子粒, 解渴又好飲呢間燒肉, 食物質素好好, 店員又服務貼心, 會主動換燒烤鐵板, 可以再ENCORE

我對燒肉真係抗拒唔到，朋友一話見面要食燒肉，二話不說即刻應承兼提議去喜來稀肉食食過旺角店，質素好，所以今次試下尖沙咀店，果然無令我失望👅雖然疫情嚴重，但都無損大家出街食好嘢既行程，眼見餐廳都坐滿八成多人👏🏻我哋叫咗喜來烤肉，食過幾次，每次水準都keep到，牛肉味濃又鮮嫩，夾生菜食更係一流！牛舌勁正，每邊燒幾秒已經食得，同埋大大碟，兩個人食到好滿足，我哋叫埋兩個白食送黎食添！另外我哋仲試左泡菜海鮮餅，好足料，有蝦有蜆，熱辣辣上台！哈哈，差啲唔記得餐廳有啲前菜，泡菜蛋同芝士蛋任fill,總之一句到尾，好食無得彈

今晚同朋友黎咗尖沙咀韓國街🇰🇷食喜來稀肉，相信大家對呢間地頭嘅韓燒舖頭吾會陌生，事關舖頭新開張嗰時大排長龍，呢一晚亦吾例外，有好多人排隊，我同朋友就叫咗個壹頭牛($520)🐂韓燒2人餐，除咗烤肉、牛排骨同牛五花之外仲有醋飯🍙，2個人絕對夠食。佢嘅烤肉配埋燒汁同韓國醬料可謂絕配，不過佢嘅泡菜就偏辣，吾食得辣嘅朋友就奉勸吾好叫太多。另外，我哋仲叫咗個海鮮牛胸肉大醬湯米飯($80), 鮮甜入味，仲有少少蟹肉🦀喺入面，係一個吾錯嘅伴飯菜式，如果下次再黎會試埋佢嘅韓牛套餐！！😋

星期五晚同朋友去咗尖沙咀喜來稀肉食韓燒，叫咗個壹頭牛二人餐，有喜來烤肉、牛五花、牛頸、牛肋骨、牛排骨、醋飯，以晚市黎講$520吾算貴。牛肉口感煙韌，加埋佢嘅燒汁同韓式醬料，簡直食個番尋味。至於個韓式醋飯我都係第一次食，配埋紫菜一齊幾易入口。除咗個2人套餐，我哋仲叫咗個薯仔餅🥔（$90），幾有特色，個樣睇落似簿餐，食落去幾香口，可以話係一個幾特別嘅菜式。如果下次有機會，一定會同朋友食埋佢嘅壹頭豬🐖同韓牛拚盤！！😋

The staff are all very attentive looking after all you. Filling up the garlic and salad when you finishWe had the pork belly , pork jowl and beef . The meat was all very good quality and the taste was also reall good- nice and juicy beef. The presentation of the beef was nice different from just putting on a plate.. The added bonus of free egg - cheese egg and kimchi egg which can also be refilled was good.The ambience wasn’t so good with lots of dropped plates and noise from clearing tables.And

日日home office，真係屈到個人好悶，點都要揾日出去食飯見吓朋友。星期五嚟到尖沙咀喜來希肉，估唔到咁多人！又話經濟唔好生意差嘅？！好彩我哋一早訂咗位，叫做唔駛等。兩個人叫咗三款燒肉同一個海鮮大醬湯，燒肉分別係喜來烤肉，牛護心肉，同辣五花肉。喜來烤肉薄切，油脂均勻，調味料甜甜哋。牛護心肉嫩滑，油份不高，肉味較重，啱晒牛魔王嘅我！食得韓式烤肉，又點少得烤熟五花肉之後用爽脆生菜夾住嚟食丫！肥係肥d，但真係抗拒唔到囉！所有配菜、泡菜、同爐邊蛋都係可以無限次refill，真係唔覺唔覺食好多！我哋最後仲叫咗個海鮮大醬湯，有蟹有蜆，加埋濃濃嘅大醬湯，幾飽都食晒成碗飯！

近排韓劇甘hit 。心癢癢去咗尖沙咀韓國🇰🇷街食韓燒呢間韓燒質素相當高。三款前菜食完可以refill 。千祈唔好錯過爐邊嘅泡菜🥚+芝士🥚牙🤪見到menu有個二人set平平地。🤣唔洗諗order左。「壹頭🐷」有五個🐷嘅部位。岩曬❤️多多嘅為食妹👧🏻。個set仲包埋8粒紫菜飯+2drinks 。抵食都震。🐷皮又香又脆。一啖一口護心肉～厚薄均勻有口感。為食妹👧🏻大愛🤩食🐷又點少🉐️豬頸肉～店員主動refill 👏🏻👏🏻

喜來烤肉食過返尋味😋上個月食完今晚心思思又想再食！今次去咗尖沙咀店食😋前菜三款加埋生菜無限任你食😋其實我最鍾意食呢到既邊爐蛋😋😋😋特別係芝士味！每次都要店員幫我加多啲芝士😋無限任食真係好正！我地叫咗個兩人拼盤套餐壹頭豬有護心肉、五花肉、豬頸肉、韓式烤豬大腸、韓式烤豬皮。五花肉好淋好好味😋😋😋燒到咁上下就剪開佢方便入口hehe😋韓式烤豬大腸食落有少少甜味😋😋😋豬頸肉醋飯加埋紫菜😋😋😋