喜來稀肉 (金巴利道)

營業中

休息中

食燒肉 緊係要去喜來稀肉因為我對佢地嘅牛牛好有信心今次同MY BOSS叫左套餐 壹頭牛 ($520)除左有佢地招牌喜來烤肉 仲有牛五花 牛頸牛肋骨肉 烤調味牛排骨 同埋韓牛心型漢堡❤️大部份的肉都好味 喜來烤肉以一朵花外型完全喼吸引我 不過我最愛就係牛五花雖然油膩 但係真係好香 用生菜泡菜加蒜 超正😋另外好欣賞佢嘅爐邊蛋 兩種口味 蛋味都頗濃👍🏻另外叫左個石鍋拌飯 ($85) 質素正常 無太特別😂-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

一直心思思想食好耐都冇食嘅韓燒，因為疫情關係，最近連位都唔洗book!直接就可以入去燒！店舖裏面好闊落，就算疫情期間食飯都完全唔驚餐牌好好多不同肉類選擇，款式非常多><因為我哋好肚餓所以入嚟就叫咗個飯團！飯團用紫菜包住，好有韓國風味而且食落好有咬口，飯粒都唔會太硬^_^之後我哋叫咗個護心肉肉質夠彈牙，仲好香牛味！用生菜包埋一齊食口感更好，記得要試我哋最後仲叫咗個大醬湯，湯味真係超濃郁(´∀｀)材料亦都好豐富超豐富，尤其是豆腐好入味，份量都夠晒2個人share架啦！下次都一定會繼續幫襯！

同朋友一齊食飯不外乎都係飲吓嘢傾吓計，通常都係傾多過食。所以今次就揀間烤肉店，邊笑邊食邊吹水。等位唔算耐，等咗大概35分鐘左右就可以入座。一入到去都唔會太大油煙，個抽風系統做得幾好。因為有時都會怕食完燒肉之後成身烤肉味。一頭牛套餐。樣樣有啲，一個拼盤可以試唔同部位。我自己鍾意食牛五花同牛肩肉，牛五花嘅肥肉會比較多，燒完之後好香牛既油香味。相反，牛肩肉嘅肥瘦會比較均勻，油香味減少令牛味會重啲。招牌烤肉。係一個薄身嘅牛肉，捲到成朵花咁放落碟上枱。薄片嘅牛肉，放上烤爐，每邊燒1分鐘，done。配上甜甜地嘅，入口軟滑有牛味。

最近疫情咁嚴重，食嘢都要搵間乾淨整潔既餐廳係呢方面做得唔錯！店員安排座位前會先幫客人量體溫，確保食客安全嫁餐廳的枱同枱之間空位好多，唔洗驚同其他陌生人坐得好近各種配菜同生菜都係免費添加，真係食前菜都食到飽！邊爐蛋仲可以不停refill，入面有埋芝士同泡菜，好夠味餐牌方面都好多選擇除咗唔同嘅肉類，仲有好多嘢飲我地首先叫咗喜來烤肉，肉質夠林，油脂分布好平均，燒到金黃色之後再放入口有好香油香味，入口即化！之後我地都叫左個五花肉睇落有d肥，但食落油脂味唔重，而且肉質夠嫩，燒耐左都唔會好乾好難咬牛舌有d薄身,但勝在份量夠多，可以慢慢燒整體食物水準都唔錯，而且餐廳座位又闊落，燒得耐都唔會好焗好辛苦，有機會一定會再去食

><本身個場夠大 set爐位置分佈平均唔會話密密麻麻 所以就算唔係限聚令嘅關係都坐得舒服同其他食客隔得幾開雖然限時一個半鐘 上菜幾快所以都夠時間去燒真雪花牛肉($208/150g)今晚食嘅兩款肉都唔屬於油脂豐腴最想要肉醇厚嘅味道嫌味道單調 可以用生菜包埋前菜一齊食護心肉($158/200g)韓燒主打護心肉 其一份量較為少燒到咁上下 可以用較剪再剪細d四邊焦香 內裏軟嫩仍juicy無比水冷麵($85)夏天食真係透心涼凍湯清甜有果香 不禁飲多幾啖冷麵好彈牙 煙煙韌韌 亦嗦湯汁配埋青瓜絲 醃蘿蔔一齊食 解膩開胃><><><><><><><><><><><喜來稀肉尖沙咀金巴利道79-81號金栢閣1樓連地下

—近排睇一起吃晚餐嗎? 見到d嘢食好正加上太耐冇食韓餐 於是去韓國街搵間嚟食前菜可以refill 唔洗就住就住食有泡菜 marinated pickles 醬料生菜又可以同燒肉包住一齊食 當作調味減低膩感望住爐邊烤蛋凝固 底下微脆 入口厚實綿密護心肉($158)最出名就係呢款 一隻豬只有好少嘅部位油份唔多 烤到表面焦香但好柔軟有肉汁本身個肉冇咩調味 反而食到嗰種肉鮮唔羶真雪花牛肉($208)望落d肉幾靚 冇血水整齊排列牛肉薄身好快熟 輕輕正反煎幾秒要嗒真d先食到肉味 但係肉質都軟腍冇渣水冷麵($85)食完燒肉要配返清爽水冷麵按喜好加黃芥辣同食醋解油膩又果腹——————————————————喜來稀肉尖沙咀金巴利道79-81號金栢閣1樓連地下

一直不明白為什麼這家烤肉店這麼HIT，這天朋友和我都好想去試試~！到了尖沙咀分店，放工時間超多人等位呢，好彩我們等了一會兒就被安排入座，行樓梯上到一樓見到裝修好有趣啊，好像在韓國街角食燒肉一樣，好正呢！餐牌選擇不算多，但是有分烤肉類和熱食類，店員先放下一個燒鍋，鍋頂有肥豬肉煎香鍋，鍋邊有三格，中間大大塊的拿來燒肉，一格放了些泡菜加蛋漿，另外一個放了芝士和蛋漿，這些配料佐菜都是可以任添的！！在我們燒肉時，蛋漿便會慢慢變熟，好像蒸蛋。泡菜好特別好味道，酸辣得好爽！！超開胃！！店員更會在一旁幫客人定時定候幫我們換烤鍋，好貼心啊~~我們點了2份肉，2個主食試試~！喜來烤肉薄薄一片片，捲成一朵花， 好靚呢~~未食已經好開胃啦！！哈哈，我和朋友見到都食指大動~牛肉肉質新鮮，味道一絕，烤牛肉配爽脆生菜一起吃更是美味中的美味，給了烤肉的味道錦上添花！！牛肉味好濃！調味醬油雞肉好嫩滑，好喜歡雞肉的醃醬料，甜甜的，肉好快就熱起來，把肉汁鎖住，燒久了也不會變焦~！！嫩豆腐湯裡面有滿滿的材料~有蜆、菇類、葱、辣椒、辣椒粉等材料，還有主角~豆腐！！湯頭見到红色就知道不惹小哈哈哈，鲜嫩的豆腐和辣味的湯简直是绝配啊

由於疫情嘅原因，真係冇得出去外國旅行，特別係我最鍾意去韓國呢度食嘢同埋睇寒星，於是今日就特登叫男朋友出嚟同我去食呢一間起燒肉，呢間燒肉真係非常之出名，原因係佢嘅好似有一間老牌少肉嘅質素咁差，全部都係新鮮靚牛，非常知足了！呢度嘅環境好舒服，好似去咗韓國燒肉店咁樣，真係好友韓國嘅feel呀！由於真係疫情嘅原因都唔算太過多人，不過之後食開嘅時候就發現越來越多人，多到發覺冷氣都唔係太過夠， 但感覺非常之熱鬧！首先我哋就叫咗有牛魔王之稱一碟護心臟牛，牛味非常之長，食落去煙煙銀銀，亦感覺到廚師選食材嘅嚴格忘記左一樣野就係佢哋嘅泡菜係可以無限添，我當然係最喜歡食泡菜嘅吃貨之人啦，所以我都前後叫咗十幾次侍應幫我refill之後飲咗一碗泡菜湯，豆腐味非常之好，可惜泡菜冇諗過真係咁辣嘅，我都係飲咗幾啖就俾咗我男朋友啦！之後再叫埋個牛卷，佢嘅肉質非常之多，吼落去非常之好味，加上路邊還有兩種蛋卷，識落非常之過癮！我哋兩口子食咗大概$200左右，真係非常之滿足呀！

今日嚟咗呢度食韓燒， 一入嚟 真係同韓國嘅燒肉餐廳一樣。 呢度都係韓國開過嚟， 所以又唔算特別平。嚟到佢都有好幾樣配菜 個泡菜最好食好辣好入味之後佢仲有比生菜包肉食起上嚟冇咁肥。我哋叫咗兩款牛， 兩款牛味好濃， 燒完出嚟好滑好好食。 呢款調味好簡單係鹽同胡椒粉為主， 但配埋泡菜同生菜食就啱啱好。另外叫咗兩款豬， 一款係喜來五花， 佢個醬汁少少甜食落好特別。 不過因為有醬嘅關係所以就會比較易燶。 不過唔緊要，問佢換過個網就可以另一款就係呢款豬扒 好大塊 但又唔會好嚡肥瘦均勻 超級夠飽！

好耐冇食喜來稀肉啦！對上一次食已經六年前，今日朋友帶我重回舊地。我朋友除咗係burger expert，佢仲係韓燒expert，佢試勻香港所有韓燒，兜兜轉轉仍然情歸喜來稀肉，今日佢帶我一齊探究喜來稀肉既迷人之處。雖然今日係週日，但銅鑼灣分店仍然爆滿，可見喜來稀肉受歡迎程度。- 牛護心肉朋友一坐低已經話牛護心肉係必食，肉味非常香濃，口感柔軟帶少少嚼勁。餐紙上既文字形容護心肉為稀少部位，朋友果然無介紹錯！- 喜來稀肉呢款肉以餐廳名而命名，令人更加期待。賣相非常別緻，一片片薄肉捲成一朵玫瑰花🌹，味道方面，肉質軟稔，肉靚所以無需特別調味已經好出色。- 真雪花牛肉作為三款肉最貴既一種，肉質有少少失望，肉味欠奉。至於賣相唔錯，雪花分佈均勻。爐邊烤蛋係喜來稀肉既一大特色，烤爐旁有三條烤爐坑，坑上分別有芝士雞蛋、泡菜雞蛋同烤蒜頭。當蛋表面成形，朋友建議立即將烤肉沾上蛋漿，去膩之外亦能嚐到幼滑既蛋漿。餐廳亦有提供生菜，生菜包住烤肉同樣可以減少油膩感。大家唔好睇小呢三款肉既份量，我同朋友最後食到好飽。牛護心肉完全俘虜左我同朋友嘅心，相反真雪花牛肉有少少失望🙍🏼‍♂️。

之前喺尖沙咀book咗呢一間燒肉，因為想食韓燒好耐啦。終於有機會食到，咁我哋8:00準時去到，都見到門口好多人排隊等。咁我哋上到去，職員首先同佢地探熱，等一等咁好快佢哋就安排咗我哋去入座。見到每張枱同枱嘅距離都好闊落，條通道亦都好足夠幾個人經過咁，坐都坐得安心啲。一坐低已經有蛋漿，前菜，水，餐具等等安排好擺晒係枱面。睇左餐牌，我哋決定有叫一個一頭牛套餐同埋一杯西柚梳打同芒果梳打。咁嘢飲好快上台，等牛肉上枱嗰陣時我哋食咗啲前菜。今次啲泡菜係辣左啲，但係食完都好開胃。另外都有兩個前菜，我哋都食晒，不過冇再添，都好大份，又好食嘅。好快嗰一頭牛就上枱，見到有唔同部位嘅牛肉擺咗係一個牛拼盤上邊，我覺得其實每一款牛都有佢嘅各自嘅質感同埋味道，我覺得總體來講都係好食嘅！佢仲有一個特別啲嘅肉餅，韓燒去煎肉餅之前呢，記得要落多啲油，如果唔係就可能會好易黐底，同埋泡菜等等都係無限任添嘅就真係抵食啦！我哋買單$600左右，兩個人，我覺得食物質素來講，同埋佢呢度嘅服務態度亦都算好好，所以總的來說，講算好唔錯嘅餐廳嚟！

今日約左一個朋友去番第一次聚會嘅地方聚下，時隔多年呢間燒肉店咩點變，舖頭依然好多人去等。我之前都有去過旺角分店，尖沙咀分店會比較光猛同闊落。我行黎呢間燒肉店時，見到其他燒肉店好逼，好似坐得好辛苦咁。餐枱整潔，提供清潔啫喱，好細心。前菜有泡菜，椰菜，酸瓜，全部都可以refill👍🏻我同朋友叫左一頭牛嘅set同2杯野飲（芒果soda 同 西柚soda) 一個set夠晒2個人食，啱啱好。Set入面有個最特別嘅牛肉餅，放上爐燒感覺好新鮮😂味道都好好，肉質鬆軟，推薦俾大家試下。2杯soda夠晒凍，解辣消暑一流👍🏻

最近同女友見譯成有所舒緩，就出嚟尖沙咀呢邊行吓街，我發現好多香港人都係一樣可能因為屈住喺屋企泰萊啦，而家疫情好轉，就個個出嚟陳下熱鬧試吓食下好嘢，咁我哋就行過嚟美麗華去到天文臺道，不然呢條街好多人搵嘢食，見到有好多人過嚟牌呢一間韓國燒肉，因住女友又話好想食，咁我就過咗嚟試吓呢一間燒肉，事關都好多人就去燒肉，呢間燒肉環境都唔錯一家韓國嘅本土燒肉店feel，我哋就叫咗一碟喜來稀肉，一碟護心肉，同埋一個泡菜湯，仲有幾碟牛。先講吓啲配菜，我覺得必須要讚嘅就係佢嘅泡菜，個泡菜好入味，而且酸辣調校得非常之好，另外生菜可以無限添加，嗰度嘅職員都非常樂意去服侍我，過我覺得呢度嘅冷氣就真係比較細啦，我覺得真係覺得好熱， 希望呢樣嘢可以改善下啦！然之後就可以講下啲肉啦，佢嘅肉非常之送花，完全同嗰啲任食燒肉店嘅質素真係差天空地，所以真係一分錢一分貨，我亦覺得佢哋嘅肉唔係呢啲求求期期整嘅，而且以新鮮高質量取勝，所以我哋都冇因為呢個價錢貴咗二覺得有啲肉赤！你兩口子咁樣食大概每人食咗$200左右就非常之滿足啦！

好耐冇食韓燒啦，朋友就提議黎呢間韓燒話係韓國食過好正喎，咁就信佢試一試啦🤣呢間喜來就係尖沙咀非常方便，係個種有抽油煙管既韓燒，設計得幾好燒完都完全唔會臭，岩晒怕油煙既朋友去食👍🏻呢度主要都係燒豬牛雞咁啦，前菜呀個啲就全部送既都非常豐富，爐邊有生蛋汁慢慢燒熟非常好食😆食下呢堆配菜都好happy好韓feel😋呢度既肉都真心高質，兩個人就叫左四款都好夠飽啦！喜來燒肉就真係超香，推薦😋不過幾款肉片就有啲蜜糖類既汁，食落係超正，但就幾痴爐架🤣建議最尾先燒，但店員都好好，隨時都可以搵佢哋換個爐面，服務唔錯👍🏻

喜來稀肉都算係比較早進入香港既正宗韓燒，朋友食過都贊不絕口雖然我鍾意食牛，但都一直未食過今日男友就帶左我去尖沙咀呢間啦入到去都聽到店員間主要用韓文溝通應該都有唔少係韓國黎既留學生咁真係唔洗擔心佢唔正宗！前菜分別有泡菜、辣生菜同醃青瓜泡菜辣度十足，生菜新鮮爽口，青瓜酸酸味味夠晒開胃最正係竟然三樣都可以無限任FILL！好似我咁鍾意食泡菜既朋友就岩晒啦店員會比舊牛脂我地用黎開鑊夠晒原汁原味隔離仲有Ｄ邊爐蛋，有芝士味同泡菜味Ｄ蛋係燒既過程會慢慢煮熟，不過煮得有點慢所以我建議係換途中鐵板之前開個大火燒一燒先咁由開始食到食完成餐，應該可以食到兩轉啦喜來烤肉外型都夠晒特別，但唔係華而不實架呢個係稍稍醃過既牛肉，而且入口好柔軟，必食真雪花牛肉睇下佢雪花分布幾平均就知正野，油脂香十足牛護心肉一隻牛只切到極少量既部份，可以話係食牛既極致呢個部位好有咬口，而且肉味香濃除左食食材原味之外大家仲可以點佢Ｄ燒肉醬增加層次又或者係包生菜令佢口感更清新所以真係食多多都唔會厭