喜來稀肉 (金巴利道)

營業中

休息中

終於食到呢一間喜來稀肉，之前一直都想試好耐，但返工太忙到完全抽唔到時間黎尖沙咀。今日終於可以約埋朋友黎個韓式烤肉，雖然係樓上鋪，不過7:30到已經接近座無虛席，好彩我哋有book位，所以一上到去已經有位坐~我哋兩個人唔知食咩好，餐牌上肉類款式選擇都幾多，所以就嗌咗個二人套餐。本身就咁睇餐牌，都好擔心個套餐份量少食唔飽，但係等到個套餐上枱我哋就放心晒了。肉類擺碟排列得幾整齊，滿滿既肉山，最後我地係勁飽，食甜品做宵夜嘅行程最後都取消咗。套餐有多款唔同部位嘅牛肉，每一款個口感都有分別，但大部份肉味好香好濃，加埋醬汁好惹味。我就最鍾意呢個「玫瑰」牛肉，食落口感唔會太過厚實。套餐會送埋紫菜飯團，飯團好香麻油味，非常唔錯！個蛋都好香，入面有滿滿嘅芝士同泡菜😆份量十分多，價錢都好實惠。