喜來稀肉 (金巴利道)

營業中

休息中

呢排唔知點解成日都想食韓國菜，同朋友去左尖沙咀既喜來稀肉。基本上未坐低，每張枱都已經set好左前菜、配菜、醬汁，隨時都ready可以食。今次揀左3款肉：豬五花腩、豬護心肉，同牛五花。size岩岩好，輕輕鬆鬆就燒完可以食，一口一塊肉，覺得都不錯。點少得爐邊蛋，一邊係芝士，另一邊係泡菜味。另外order左紫菜飯團同海鮮煎餅。印象中呢餐好似total食左600左右，份量黎講都算幾大，我地2條友根本食唔哂，最後問店員拎食物盒打包走左唔少。呢點係幾欣賞的，因為好多燒肉店食唔哂都唔比打包⋯總括黎講都幾滿意，可以過下口癮。

對喜來稀肉真係情有獨鍾，鍾意佢嘅環境好似係韓國食燒肉一樣，環境寬敞，抽風系統亦都做得好好，而且店員服務態度一流佢嘅韓式前菜，例如泡菜，生菜，及邊爐蛋等都係可以refill，泡菜偏辣，喜歡辣嘅朋友就啱晒，如果好似我咁唔係好食得辣嘅可以將佢放喺生菜上面加燒肉一齊食，好正㗎而邊爐蛋我個人比較喜歡芝士口味食燒肉梗係要飲酒啦,除咗韓式燒酒,用鐵腕飲嘅米酒，仲有Draft Beer可以選擇次次黎都係食五花肉同喜來稀肉，今次就食護心肉同牛肉眼，呢兩款肉係冇醃過，只係面頭有少許黑椒作調味，本身肉質靚唔需要醃都已經好好味，完全冇根，肥瘦適中，牛肉味都好濃。經過今次愛上了護心肉，冇得去韓國，多啲嚟感受下韓國風情

喜來烯肉午餐黎冇夜晚咁多人，坐得好舒服。點左喜來烯肉（$138），石鍋拌飯（$80）同海鮮煎餅（$80）。喜來烯肉包到好似生日蛋糕🎂咁靚。肉質超juicy同埋肉好靚。2面各燒10秒到就食得啦😚 比其他燒肉店更出色嘅係佢地醃嘅酸菜夾埋泡菜同生菜一齊食好好味呢石鍋拌飯味道不過不失，可能小鍋不是店中皇牌吧。不過如果牛嘅份量多啲就好了。海鮮煎餅好大份，有好多蝦同香葱一齊食，好香口。再加秘製醬汁，好夾呢！

難得平日放假，黎夜晚平時排哂長龍嘅韓燒嘅喜來烯肉食個lunch先。午餐同晚餐餐牌一樣。2個人叫左大推嘅喜來烯肉($138)同石鍋拌飯（$85）。喜來烯肉上菜有驚喜，捲到好似朵朵咁。再加泡菜，酸菜同沙律菜🥗夾著一齊食，口感十足，少少辣加juicy. 係秋天食燒肉即刻覺得個人食到暖哂呢😊。另外個石鍋拌飯份量都好大，有流心蛋同有啲乾菇，牛肉同菜等等。燒肉邊仲有芝士蛋同泡菜蛋，同拌飯撈埋一齊食都好夾呢😋

每次嚟到都覺得自己好似去咗韓國咁，依家都唔知幾時先有得去旅行，真係要來刷下存在感呢度嘅環境寬闊舒服，雖然係燒肉店，但抽風系統做得好好，每一台都有獨立嘅抽風機，唔會污煙漳氣，食完成身油煙味而侍應大部份都係韓國人，亦都識廣東話，服務仲好好添燒烤爐旁邊嘅泡菜蛋，芝士蛋都可以refill ，個人喜歡泡菜口味而泡菜味道比較難唔太酸，啱晒我口味，都係可以refill架今日食咗牛護心肉同牛肉眼，兩款都牛味好重，而且唔銀，我個人比較喜歡護心肉既口感同味道再叫埋辣豆腐湯，好滿足呀

今晚去食喜來稀肉, 其實都食過好多次. 佢係尖沙咀都開左好多年, 但每日都好多人排隊, 你就知道佢質素有保證! 地方好寬敞, 絕對不覺得擠迫, 食物品質真係一流, 要花時間等位都係值得. 不過今次同朋友早左去, 所以唔使等.上層係食肆, 地面係等位地方, 所以等位時感覺都舒服. 抽風設備做得好好, 上到去唔會有強勁油煙侷促. 座位底裡面係物品存放空間, 袋同外套就唔會吸晒油煙味!當然唔少得韓食基本前菜, 泡菜, 沙律, 小食, 生菜等等. 鐵板左右係泡菜蛋同芝士蛋, 蛋漿調校得好好味, 唔會好硬或太乾.真雪花牛肉花紋好靚, 肥瘦平均, 肉質超級冧, 好有牛味, 兩邊燒1分鐘左右就食得, 值得推介!護心肉肉質都係好冧, 牛同豬都包生菜泡菜, 加埋韓式醬料, 一流! 海鮮拉麵韓國麵的麵質, 湯底好味, 辣辣地.服務好好, 有禮貌, 又不斷添加前菜, 泡菜生菜都不斷添加!

實在太耐無去旅行，唯有找一間些較傳統較地道的菜館，感受一下當地的氣氛。雖則喜來稀肉最出名當然是烤肉，一個人午飯吃烤肉太多了，就是吃石頭鍋飯午餐。單是餐前菜都經已有三碟，當然有泡菜、辣醬生菜及酸瓜非常開胃。石頭鍋飯賣相夠傳統，最正的地方就是將各種色彩繽紛的材料混合起來，再加上飯焦的香氣令食慾大增。西柚梳打就如用鮮西柚雪成冰打碎般，入口清新酸酸甜甜，再送上一罐梳打確保夠飲。如果吃烤肉時喝這個應該會更正。店內裝潢與韓國傳統餐館相像，打卡都幾可亂真！

秋風起，就想燒烤，今晚一於去韓燒頂住燒烤癮先。呢度既生菜、泡菜、前菜同邊爐蛋都係免費refill的，邊爐蛋仲有芝士味同泡菜味兩款。真雪花牛肉(150g) 雪花分佈均勻，肥瘦均稱，牛肉味香濃，燒完亦能鎮住肉汁，肉質非常軟熟。用生菜包住食仲別有一番風味。護心肉 (200g) 護心肉是位於豬橫隔膜與肝之間的肌肉肉筋，是非常稀少的部位，黎到當然要試下，賣相雖然似一般豬肉，不過食落好香，肉質較有彈性。甜米露 之前係韓國汗蒸幂時飲過，好清甜，解渴，不過呢度係罐裝，但係味道都好相似。

因疫情關係呢排都好少出外食飯今次約了朋友到尖沙咀行街順便食晚飯因為太耐無出街食可以放縱一下,食一餐韓燒吧!喜來稀肉可算是韓燒界的元祖帶起了韓燒的潮流喜來稀肉是我食完仍會再回頭光顧的韓燒店一來肉類新鮮,二來服務態度好一坐低職員已經好快手放上了前菜我特別喜歡吃這裡的泡菜,因為夠辣,配埋燒肉食更正由於今次只是2個人食,所以沒有點牛肉套餐,只是散點了2款肉第一款是招牌推薦的喜來烤肉,第二款是牛肋骨肉一上檯已經睇到肉是非常新鮮第一時間當然即刻食喜來稀肉喜來稀肉果然沒有令我失望,肉汁多之餘肉的質地好軟身配上生菜和泡菜一起吃,是一種享受而另外第二款肉是牛肋骨肉牛肋骨肉的肉質是比較實,所以咬上來是有彈性肉汁鮮甜,必點另外,我們還點了人參雞湯和石鍋拌飯一食人參雞湯感覺好似去了韓國一樣雞味香濃個湯好鮮甜,但略嫌人參味淡了少少如果個人參味再濃就完美了而石鍋拌飯的材料好多,口感亦好豐富,配著燒肉一起吃很不錯

尖沙咀燒肉推介👋🏼👋🏼冇得去旅行，唯有係尖沙咀俗稱韓國一條街食個晚餐回味一下😆😆係呢個有少許秋意嘅時節，食燒肉係一個唔錯嘅選擇呢間walk in有位即入，唔洗排隊等就最好不過啦一坐低枱面已經擺設好一啲小菜，有唔少得嘅辣泡菜，生菜，腌製青瓜，三款醬汁等等仲有兩種唔同口味嘅爐邊蛋，要襯嫩食，唔係嘅話燒到過熟，口感就似食緊雞蛋糕咁餐牌燒肉種類繁多，有套餐亦都有散叫可選，我地兩個人就選擇散叫三種肉試下先，分別叫左豬護心肉，五花肉，牛肋骨肉，每碟份量約一個拳頭大小，仲配搭埋泡菜煎餅同紫菜飯團肉呢，其實切得唔厚，只需燒到佢兩面金黃香脆就已經可以了，配搭小菜蘸一下醬汁再包住生菜一齊食，滋味無窮呢海鮮泡菜煎餅鮮味十足，煎至薄脆，賣相吸引紫菜飯團如果多番啲麻油就完美無瑕啦兩個人以上食物份量都足夠有餘，細食嘅人記得同幾個朋友一齊開心shares 🤗🤗

For Dinner we went to Seorae, in the Hotspot of Korean Barbeque on Kimberley road in TST. Among a sea of KBBQ resutrants, this one stands out. Themed as a pork farm, we arrived early at 6:30 before there was a line, however past that there was a wait so I would suggest to try get there early if you don't want to wait. We were given a generous portion of sides including red hot kimchi, some cucumbers and some other veggies. For our first meal we ordered the Kimchi seafood pancake. I've always bee

早幾日經過尖沙咀，見好耐冇食過燒肉，所以就約埋友人一齊去食返餐。 我哋book咗7:00上到去安排咗個幾闊落嘅位俾我哋，餐廳好細心疫情期間有提供紙巾、消毒紙巾、消毒易液，等客人可以自行用，呢一點係好細心。 之前都嚟食過幾次，記得佢哋啲肉都係好高質素，同出面食大量放題嗰啲完全兩個級別。今次我哋叫咗牛頸肉同埋喜來五花腩，牛頸肉食落去油脂咁十足，唔會韌，我哋特登叫多咗碗白飯送埋啲肉嚟食，滿足感爆分。 五花腩嘅肉質都唔錯，佢哋本身有調過味，肥瘦均勻，夾喺山菜入邊加一啲泡菜同辣醬，係好地道嘅韓式食法。 最後又點少得爐邊蛋，我哋添咗一次蛋，加咗芝士蛋，只係食雞蛋都食到好飽🤣再一次證明呢間啲肉係非常高質，貴精不貴多，食完又會心思思想再返嚟食😋

夜晚食飯終於解禁, 即刻約朋友去飲燒酒食韓燒. 知道星期日一定好多人, 預早book定位去到唔駛等, 上去即時有得坐低.前菜有泡菜同酸洋蔥青瓜, 泡菜ok但酸瓜味似喬頭個人覺得麻麻. 坐低首先柯打左兩支燒酒乾杯先, 再叫左五花肉, 牛頸肉, 牛舌慢慢燒, 牛舌特別推介又滑又好食五花肉都唔錯, 配生菜包唔油膩, 但如果厚啲就更好食, 牛頸肉就比較肉味, 脂肪比例平均, 燒落香滑唔多筋. 另外仲叫左紫菜包飯非常滿足, 但只係純粹紫菜包住舊飯, 如果有不同口味選擇就更好. 一路飲一路食坐足兩個半鐘到收鋪, 人均消費算比較貴但都覺得可以.

早兩個星期提前訂位來到喜來稀肉，準時到達不用等位，店員便把前菜及水拿過來，再加入爐邊蛋，都非常迅速呢！喜來烤肉 $138先來的是這個喜來烤肉，薄薄的一片片做成一朵花朵似的。這個不用燒太久，不然比較快變硬。調味牛排骨 $228這個是韓燒必點，味道也不錯。價錢稍貴但價錢都有算在爐邊蛋啊前菜等等，也非常合理。蛋拌生牛肉 $160蛋拌生牛肉看起來賣相也很好，等溫度稍微回暖就超好吃了！

喜歡吃烤肉的我覺得喜來稀肉算是非常正宗，畢竟我的韓國朋友都也很喜歡去呢。來過幾次覺得最好吃的是喜來烤肉（$138）及調味牛排骨（$228），真的每次都會點！喜來烤肉的調味很不錯，比較薄，不用燒太久。至於調味牛排骨則需要烤比較久，記得要鎖住肉汁！蛋拌生牛肉（$160）冰感比較重，烤肉烤一會兒再吃就剛剛好了！味道不會很濃郁，所以配上比較濃味的烤肉就剛好了。已經好幾個星期沒去過了，希望疫情快點過去，然後可以盡快跟朋友再度去聚餐呢！